Dix » imprimé par erreur dans les éditions précédentes
en manière de gorgerins de fil d'or, brochiez autour de leur col. Il avoit unze ou douze hommes de pied, à journades de mesmes ; et fit son tour parmi les rens, mené par le géant, comme il estoit de coustume.
« A l'encontre de luy se présenta messire Philippe de Poictiers, garde du pas. Son cheval estoit couvert de velours bleu, chargé de grosses campannes, moictié dorées et moictié blanches, et sur la crouppe de son cheval une grosse pomme d'argent dorée. Et d'icelle emprinse gaigna ledit messire Philippe de Grevecueur la verge d'or, car il rompit neuf lances, et ledit de Poictiers n'en rompit que six.
« Après se présenta messire Jehan d'Oudeville, ung chevallier angloix, frère de la Royne d'Angleterre et de monseigneur d'Escalles. Il avoit devant luy, pour l'accompaigner, dix nobles hommes vestuz de journades, mesparties d'une part de satin figuré, comme cramoisy, et d'aultre part d'ung satin figuré, assez sur estrange couleur. Son cheval estoit couvert de drap d'or blanc, à une bordure de drap d'or cramoisy. Il avoit après luy quatre chevaulx de parure, dont le premier estoit couvert de drap d'or, mesparty de cramoisy et de bleu ; le second, de drap d'or noir, et le tiers, de drap d'or cramoisy ; et faisoit mener ung destrier en main par ung gentilhomme vestu de velours noir, monté sur ung cheval couvert de velours violet, chargé de poires d'argent blanches et dorées; et le cheval que ledit gentilhomme menoit en main estoit le cheval dessusdit, couvert de drap d'or noir. Ses paiges estoient vestuz de mantelines, comme ses serviteurs.
« A l'encontre de luy se présenta ledit messire Philippe de Poictiers, sur ung cheval couvert de martres zobelines, à une bordure d'armines, de la longueur de
la beste. Hz coururent l'ung contre l'aultre moult vivement, et gaigna ledit de Poictiers la verge d'or, pour ce qu'il rompit sept lances, et ledit messire Jehan d'Oudeville n'en rompit que cinq.
« Le derrenier qui se présenta pour celluy jour fut le seigneur de Ternant, lequel entra dedans les lices surung cheval couvert d'ung riche drap d'orcramoisy, semé de grosses campannes d'argent. Il estoit accompaigné de cinq nobles hommes vestuz de journades de satin violet. Et tantost se présenta à l'encontre de luy ledit messire Philippe de Poictiers, sur ung cheval couvert de drap d'argent ; et quant ledit seigneur de Ternant eust couru trois courses à l'encontre dudit de Poictiers, il tint manière que la couverte de son cheval le destourboit de courir. Si fit son cheval desharnacher, et demoura le destrier harnaché de drap d'or cramoisy, semé de campannes d'argent, de mesmes la housseure ; et en cest estât acheva son emprinse, et gaigna la verge d'or, car il rompit plus de lances que ledit de Poictiers. Et ainsi se passa celluy jour de samedy, sans aultre chose faire qui à ramentevoir face, pour ce qu'il estoit jour maigre, comme le jour précèdent, et n'y fit on nulle assemblée celluy soir.
« Le dimanche, huictiesme jour d'icelle feste, fut le disner par les chambres et par les salles grant et plantureux, et tousjours de plus en plus ; et après le disner on alla sur les rens pour veoir le pas et la jouste, qui se continua en grans pompes; dont le premier qui se présenta pour icelluy jour fut un escuyer de noble maison, nommé Pierre de Bourbon, seigneur de Carenci, cousin germain du conte de Vendosme1. Il
1. Jean de Bourbon, petit-fils, comme le seigneur de Garency,
envoya présenter son blason qui estoit armoyé des armes de Bourbon, à petite differance, car il en porte1 le nom et les armes ; et tantost se présenta ledit seigneur de Carenci sur ung cheval couvert de velours cramoisy, bordé de drap d'or noir; son escu estoit de mesmes, et avoit dedans deux 00 en brodure de fin or ; dont l'un estoit un 0 d'une lettre, et l'aultre l'os d'un cheval, qui est2 sa devise. Il avoit trois chevaulx de parure après luy, dont le premier estoit couvert de drap d'or noir; le second, de velours bleu ; et avoit le cheval ung riche chanfrain de brodure, et ung plumas de mesmes ; et estoit ladicte couverture chargée de campannes d'argent faictes à la façon des deux 00 3 de son escu. Le tiers estoit couvert de drap d'or violet ; et dessus iceulx estoient ses paiges, vestuz de mantelines de satin figuré bleu, et pourpoints de velours noir ; et estoit accompaigné de quatre nobles hommes vestuz de mantelines de satin violet, brodé devant et derrière à sa devise dessusdicte.
« A l'encontre de luy se présenta ledit de Poictiers sur ung cheval couvert de drap d'or bleu, bordé et santonné de velours cramoisy ; et gaigna ledit de Poictiers la verge d'or, car il rompit sept lances, et ledit seigneur de Carenci n'en rompit pas tant.
« Le second qui se présenta pour icelluy jour fut le seigneur de Gontay 4, ung chevallier de Picardie, cham-
de Jean de Bourbon, comte de la Marche, et de Catherine, héritière de Vendôme.
