Os

4. Louis Le Jeune, qualifié seigneur de Contay depuis la mort de son père, Guillaume, en 1467.

bellan de monseigneur de Bourgoingne. Son cheval estoit couvert de drap d'or noir, et son escu de mesmes. Il avoit après luy ung paige seullement, monté sur ung cheval couvert d'un riche drap d'or cramoisy. Et prestement se présenta à l'encontre de luy ledit messire Philippe de Poictiers sur ung cheval couvert de drap d'or, à une croix de Sainct André de damas blanc, et bordé de mesmes ; et advint que lesditz chevaliers ne coururent guieres l'ung contre l'aultre ; car ledit seigneur de Contay blessa, d'une attainte, ledit de Poictiers, tellement qu'il le convint desarmer. Et, enensuyvant l'ordonnance du pas, fut l'orloge couchié, afin que le sablon ne courust à perte; et ne sçavoit on comment faire, car le jour s'en alloit, et ledit de Contay n'avoit point achevé son temps, et ne povoit estre ung aultre armé pour la garde du pas, qu'il ne fust bien tard. Si fut advisé par les juges que le marquis de Ferrare, qui estoit à l'entrée de la lice et avoit son tour de courir après ledit de Contay, fourniroit, comme garde du pas, le demourant des courses audit de Contay, par tel convenant que, les courses achevées, ledit de Contay fourniroit audit marquis, comme garde du pas, l'emprinse dudit marquis ; et ainsi fut faict.

« Ledit marquis de Ferrare entra dedans les lices, à douze chevaulx de parure , c'est à sçavoir six couvers de riches couvertures et six harnachez de harnois d'orfavrerie. Ses paiges et ses serviteurs, qui chevaulchoient esdits chevaulx, estoient habillez de palletotz d'orfavrerie ; dont le cheval sur quoy il estoit, estoit couvert de drap d'or bleu, chargé de grandes lettres à sa devise, brodé d'orfavrerie blanche et dorée. La

seconde estoit de velours vert, à grant brodure de flour de glay, et par dessus la housse grosses campannes d'argent eslevées. La tierce estoit de velours violet, chargée de roses d'argent, et à icelles roses pendoient gros anneaulx d'huis d'argent, eslevez et dorez et blancs. La quatriesme estoit de velours noir à pommes de feu en brodure, à grans estincelles, et semé de pommes d'argent eslevées. La cinquiesme estoit de drap damas jaulne, broudée d'estincelles d'orfavrerie d'argent doré, et de grans croissans, et de raiz de soleil estincellant. La sixiesme, de velours noir, toute chargée de gros rechauffouers d'argent, gectans flambe; et les aultres six chevaulx estoient enharnachez comme dit est. Il avoit devant luy quatre nobles hommes vestuz de satin bleu, broudé à lettres d'or de sa devise. Il fit son tour parmy les rens ; et fut telle son adventure, que son cheval ne voulut aller ne joindre à la lice, combien que par plusieurs fois il se mist en son devoir ; et par ce convint que les deux chevalliers se deppartissent sans faire riens, pour celle emprinse, qui à ramentevoir face.

« Le derrenier qui se présenta pour celluy jour fut ung chevallier angloix, nommé messire Claude Waure. Son cheval estoit couvert d'ung riche drap d'or vert, et son escu de mesmes, et courut à l' encontre dudit seigneur de Gontay ; mais son adventure fut telle, qu'il ne rompit qu'une lance qu'il ne fust desarmé ; et ne se fit autre chose à la jouste pour celluy jour ; ainsi se partit on des rens, et vint on au bancquet, qui fut tel que cy après ensuyt.

« Celluy dimanche fut le bancquet moult bien fourny de grans platz et de grans suytes ; mais sur les tables

n'y eust aucung entremetz ; et quant on fut assis, sur le hourt où se monstroient les travaulx de Hercules, fut la courtine retirée ; et pour le neufiesme travail de Hercules, fut veu Hercules armé d'une peau de lyon, à tout son targon et sa massue. Ledit Hercules chasseoit devant soy plusieurs beufz, et les emmena jusques devant une montaigne , où lesdits beufz tindrent manière de pasturer ; et Hercules fît semblant de soy endormir. Et tantost après partit hors de la montaigne le grant larron nommé Cacus, à tout grans cordes ; et luy voyant que Hercules dormoit, tira tous lesdits beufz, l'ung après l'aultre, dedans sa caverne ; et tantost après ledit Hercules se reveilla, et regarda autour de luy, et ne veit nulz de ses beufz ; car le larron ne luy avoit laissé que ung petit veau seulement ; et ne sçavoit quel chemin lesdits beufz avoient tiré, pour ce que le fort larron Cacus par sa grant force les avoit trainez en sa caverne à recullon. Si chassea Hercules le veau au long de la montaigne, qui tenoit manière de braire; et Hercules monstroit semblant d'avoir ouy respondre lesditz beufz en la montaigne; si monta Hercules amont, et arraicha une grosse pierre pour regarder dedans la caverne ; et illec veit Cacus et ses beufz. Si gecta audit Cacus de grosses pierres, et Cacus luy gectoit feu et flamme au visaige ; mais en fin Cacus fut contrainct saillir hors de sa caverne à tout une grant hache, et Hercules luy courut sus moult fièrement, et fut la bataille moult grande d'entre eux deux ; mais en la fin fut Cacus abbatu et occis par Hercules ; et à tant fut la courtine retirée, et le rollet mis dehors, disant :

Hercules endormy, Gacus, le fort larron,

Ses beufs luy desroba, traînant à recullon. Mais, quelque fort qu'il fust, l'occit le champion. Si fît de luy justice sans mercy ne ranson. Empereurs, Roys et ducs, princes en gênerai, Faictes comme Hercules, le très especial ; Soyez pro rapts en justice, et à chascun égal. Destruisez les tyrans, dont il ne vient que mal ; Et vous souvienne bien de ce vers principal : Justice fait aimer et doubter le vassal.

« Assez tost après sonnèrent les trompettes, et fut la courtine retirée ; et là furent veus plusieurs païsans, les ungs couppans bois, les aultres labourans la terre ; et tout à cop survint sur eulx ung sanglier merveilleusement grant. Lesdits païsans s'enfuyrent ; mais le sanglier en porta ung à terre, et le deffoulla merveilleusement ; et les fuyans rencontrèrent Hercules armé de toutes armes, à tout son targon, et ung grant espieu sur son col ; et tindrent manière de monstrer à Hercules ledit sanglier. Hercules alla celle part, et le sanglier prestement luy courut sus de merveilleuse force ; dont il advint que à celluy aborder ledit sanglier porta jus le targon de Hercules, et Hercules se deffendoit de son espieu, et fut moult longue la bataille ; mais en fin l'occist Hercules, et fut la courtine retirée, et mis le rollet dehors1, contenant :

Hercules le très preux, qui de son temps n'eust per, Trouva en Arcadie ung merveilleux sanglier ; Les hommes destruisoit, chascun faisoit trembler. Mais le vaillant l'occist, pour le peuple saulver. Faites comme Hercules, princes de haut paraige. Se vous sçavez faulz uz en vostre baronnaige,