Flèches
avoit deux marronniers, dont l'ung tenoit le gouvernail, et l'aultre tiroit à deux avirons ; et estoit chargié ce navire de deux bornes ou coulonnes en manière de marbre de moult grande grandeur et grosseur ; et au millieu dudit navire estoit Hercules, vestu d'une robe longue de drap d'or, ses cheveulx blancz, et longue barbe ; et avoit une couronne d'or en sa teste, et monstra à ses marronniers le pays où il voulloit aller ; et quant il fut ung peu avant il fit arrester son navire, et print une de ses coulompnes sur son col, par apparance de grant faix et de grant pesanteur, et la planta dedans la mer, et puis fît tirer plus avant son naviere, et replanta par pareille façon l'aultre coulonne ; et, en graciant Dieu de son œuvre, fut la courtine retirée. Et furent par ces trois jours monstrez les douze travaux de Hercules, comme dit est ; et pour ce douziesme et dernier travail fut remis le roullet dehors, qui disoit ainsi :
Hercules en son temps, où tant de renom a, Entre ses grans prouesses douze fois travailla -, Dont le derrenier fut, que les bornes planta En la grant mer d'Espaigne, dont sa gloire monta. Or, vous tous qui lisez ceste signifflance, Mectez borne à vos faiz ; si remonstrez prudence. Faictes comme Hercules à vostre desirance ; Abornez voz désirs en mondainne espérance. Car le jour est prescript, et fault que l'on y panse, Que passer ne povons pour or ne pour chevance.
« Et pour celluy jour n'y eust autre chose qui à ramentevoir face , fors que les tables furent ostées et après commencèrent les dances.
« Le lundy neufiesme jour de ceste feste, fut le'disner richement et solempnellement faict comme devant ;
et tantost après l'on se tira sur les rens pour veoir elosre le pas tant de la jouste que du tournoy ; et combien que monseigneur le bastard de Bourgoingne, entrepreneur en ceste partie et garde de l'Arbre d'or, eust esté blessé, comme dit est dessus, et tellement que lors, ne grant temps après, il ne se pouvoit soubstenir sur sa jambe, toutesfois il se fit apporter en une littiere couverte de drap d'or cramoisy; et les chevaulx qui portoient la littiere estoient enharnachés de mesmes à gros boulions d'argent dorez. Il estoit dedans sa littiere, vestu d'une moult riche robe d'orfavrerie. Ses archiers marchoient autour de sa littiere, ses chevalliers et gentilzhommes autour de luy ; et certes il entra dedans sa lice, selon le cas, si pompeusement et par si bel ordre, qu'il ne sembloit pas seullement1 ung bastard de Bourgoingne, mais héritier d'une des plus grans seigneuries du monde. En ceste ordonnance se fit admener jusques à ung hourt qu'il avoit faict faire à ce propos au bout de la lice ; sur lequel hourt fut sa littiere posée, et fut soudainement close et baillée, tellement qu'il fut hors de danger de toute presse de chevaulx.
« Tantost après arriva le roy d'armes de la Thoison d'or, accompaigné de deux chevalliers de l'ordre ; c'est à sçavoir de monseigneur de Crequi et monseigneur de la Gruthuse. Ledit Thoison d'or avoit sa cotte d'armes vestue, et portoit en sa main dextre le blason des armes de monseigneur le duc de Bourggoingne, lequel blason fut actaiché à l'Arbre d'or, au dessus de tous les aultres.
1. Mot omis dans les éditions précédentes qui y ont substitué « estre. »
« Ne demoura guieres après que monseigneur le duc arriva sur les rens. Il avoit devant luy tant de trompettes, de heraulx, tant de chevalliers1 et nobles hommes de grant maison, tous vestuz de palletotz d'orfavrerie, harnachié chascun à sa plaisance très richement. Il estoit armé de toutes armes, le heaulme en la teste, l'escu au col, lequel escu estoit tout couvert de florins de Rin branlans, et seoyt sur ung cheval couvert de velours cramoisy, broudé d'orfavrerie, à manière de fusilz. Il avoit après luy neuf paiges, sur neuf chevaulx couvers, le premier, de velours cendré, la couverte toute batue de grans fuillaiges d'or eslevez, moult riche. La seconde fut de drap d'or noir ; la tierce, de drap d'or cramoisy ; la quatriesme, de drap d'or violet; la cinquiesme, toute couverte d'orfavrerie d'or moult riche; la sixiesme, d'ung drap d'or vermeil, toute chargée de fusilz d'or, avecques cailloux et estincelles de feu eslevez, moult riche. La septiesme fut d'orfavrerie blanche ; la huitiesme fut d'orfavrerie dorée ; et la neufiesme d'orfavrerie meslée, blanche et dorée. Après iceux neuf paiges venoit ung pallefrenier, monté sur ung cheval couvert de velours brodé des lettres de mondit seigneur ; et menoit ung cheval en main, chargé d'orfavrerie d'or branlant, moult riche. Les paiges et le varlet avoient pourpointz de velours noir, et dessus mantelines de velours, toutes couvertes d'orfavrerie à fusilz, et avoient sur leurs testes carmignoles de velours bleu, avecques plumes de austruches blanches. En tel estât fit mondit seigneur de Bourgoingne son tour en la lice, en la conduite du géant et
i. « Force trompettes et heraux, et grand nombre de chevaliers. »
du nain ; et quant il eust prins son renc, les trompettes qui estoient sur la porte du chevallier à l'Arbre d'or commencèrent à sonner, et tantost saillit hors de ladicte porte un grant pavillon de drap damas blanc et violet ; et, à ce que j'entendis, ainsi que le chevallier à l'Arbre d'or avoit ouvert son pas par ung pavillon jaulne, ainsi pareillement vouloit qu'il fust cloz par ung aultre pavillon. Après cestuy pavillon marchoient les paiges de mondit seigneur le bastard, vestuz d'orfavrerie, sur chevaulx cou vers de plusieurs riches houssures, comme quoy il avoit couru en icelluy pas ; et après plusieurs gentilzhommes couvers de mesmes ; et, à la vérité, il avoit beau couvrir chevaulx ; car à celle heure il avoit desployé vingt quatre, que couvertures, que harnois d'orfavrerie et de campannes. Et quant le pavillon eust faict son tour autour des lices, on ouvrit le pavillon ; et là fut veu monseigneur Adolf de Gleves, seigneur de Ravestain, qui pour celle fois garda le pas contre monseigneur de Bourgoingne. A son cheval estoit1 la vingt quatriesme couverte d'orfavrerie, à grans lettres, à la devise de monseigneur le bastard, entrepreneur. Il avoit l'escu vert, tel qu'il avoit esté porté à la garde du pas ; et quant ilz eurent les lances sur les cuisses, le nain laissa courre le sablon, et sonna sa trompe ; et à presant commencèrent les chevalliers à courre ; et, pour abréger, celle demye heure fut durement bien courue et attainte par lesditz deux princes, et y eust plusieurs dures attaintes et lances rompues, qui ne sont point mises en compte, pour ce que l'on garda tousjours le droit de la mesure telle qu'elle devoit
