Et ainsi ledict Arbre d'or mena

de par les dames et de par les juges, pour avoir le plus rompu de lances à ce noble pas. Et ainsi fut le pris présenté, et le pas achevé, quant à la jouste.

« Incontinant après les manouvriers à ce ordonnez abattirent la toille et la loge des juges, et firent la place la plus unye que on peust faire. Et tantost furent envoyez les vingt cinq blasons des chevalliers et nobles hommes qui dévoient fournir le tournoy à l'encontre du chevallier à l'Arbre d'or et ses compaignons ; et furent mis et actaichez à l'Arbre d'or semblablement, comme les aultres.

« Toutes choses achevées, arrivèrent lesdits vingt cinq nobles hommes, dontmessire Charles de Chalon, conte de Joingny, cousin germain de monseigneur le prince d'Oranges, estoit le chief. Il avoit son cheval richement couvert de velours et brodures, à sa devise ; après luy ung paige chevauchant ung cheval couvert de velours mesparty de bleu et de violet, tout chargié de grosses campannes blanches et dorées ; et après luy venoient les aultres, c'est à sçavoir messire Philippe de Commines, dom Petre, messire Jaques d'Emeries1, monseigneur de Monsures2, messire Anthoine de Trappesonde, messire Hugues de Torcy, monseigneur de Lens3, Dru de Humieres, Robinet de Manneville, Hervé Garlot, Gerosme de Cambray, Anthoine, bastard d'Auxy, George, bastard d'Auxi4, Jehan Haufort,