Tous deux fils de Jean, ber d'Auxy
l'ung des fils de Talbot, le filz messire Jehan Auvart1, tous trois Angloix ; Charles de Haplaincourt, Piètre Metenay, Pierre de Salins, Jehan le Tourneur, Frederik le Palatin, Anthoine d'Usy et Anthoine d'Oiselet, tous richement eouversou harnachez, les ungs de soye, les aultres de brodure ou d'orfavrerie. Hz estaient armez et emplumez comme en tel cas appertient, et portant chascun d'eulx une espée rabatue en sa main ; lesquelles espées furent présentées aux juges, pour sçavoir se elles estaient rabatues et coppéesen pointe, comme il appertenoit.
« Après la presantacion du conte de Joingny et de ses compaignons sus nommez, fut la porte de l'Arbre d'or ouverte, à grans sons de trompettes et clairons ; et de là saillirent les princes, chevalliers et nobles hommes qui avoient jousté à l'encontre du chevalier à l'Arbre d'or, et couru à icelluy pas, et dont les noms sont enregistrez cy dessus, en la forme de leur venue. Lesquelx princes, chevalliers et nobles hommes accompaignoient le chevallier à l'Arbre d'or, et, en lieu de luy, celluy qu'il avoit commis en sa place. Et furent tous leurs chevaulx couvers à la parure dudit chevallier, et semblable de luy ; qui estoient toutes couvertes de velours violet brodées à l'Arbre d'or. Et, par ceste dernière couverte du chevallier à l'Arbre d'or, trouverez en son pas avoir desployé vingt cinq couvertes et parures, dont celle dernière fut de moindre pris.
« Ainsy partirent les dessusditz de la porte à l'Arbre d'or, et se mirent en bataille au long de la lice, selon
1. Thomas, fils unique de Jean Howard, quatrième du nom, duc de Norfolk.
qu'ilz venoient. Et le dernier qui entra fut monseigneur de Bourgoingne, habillé comme les aultres; et après qu'il eut veu la l'orme de sa bataille, il reprint son renc et sa place. Et furent leurs espées envoyées présenter, comme les aultres, aux juges, qui après les leur renvoyèrent, et à chascun une lance garnie comme il appertenoit. Et quant ilz eurent tous leurs lances sur les cuisses, il est à croyre que la place estoit richement parée de cinquante personnaiges telz, et ainsy armez et montez qu'ilz estoient ; et incontinant que la trompette eust sonné, couchèrent leurs lances d'une part et d'auître. Et à celle rencontre eut mainte attainte de lances et maintes rompues, et plusieurs chevaulx portez par terre ; et de telz y eust affolez et blessez pour à tousjours.
« Après la course des lances passée, ilz mirent la main aux espées, et commença le tournoy d'une part et d'auître ; lequel tournoy fut féru et bastu si longuement et par telle vertu et ! vigueur, qu'on ne les pouvoit deppartir; et convint que mondit seigneur de Bourgoingne, qui icelluy jour avoit tournoyé et jousté, et qui, à la vérité, s'estoit grandement porté à toutes les deux fois , se desarmas t de la teste , pour estre congneu; et vint l'espée au poing pour deppartir la meslée qui recommençoit puis de l'ung des bouts, puis de l'aultre; et à les deppartir n'épargna ne cousin, ne Angloix, ne Bourguignon, qu'il ne les fist par maistrise deppartir. Et, ledit tournoy rompu, se mirent en bataille les ungs devant les aultres, et par requeste combatirent par plusieurs fois ung à ung, deux à deux
