Deux mots omis dans les éditions précédentes
et trois à trois. Mais toutesfois mondit seigneur tousjours les deppartoit. Et ainsi fut ce pas achevé, tant de la jouste comme du tournoy. Et à tant reconduirent mondit seigneur en son hostel, qui chevaucha le derrenier d'eulx tous ; et alors le suyvit sa parure, qui fut telle qu'il avoit dix paiges après luy, ses dix chevaulx cou vers de velours cramoisy, tous pareilz, et ung cheval que on menoit en main, tout de mesmes, et toutes les couvertures chargées de campannes d'or, à moult grant nombre. Le cheval que chevauchoit le varlet qui menoit le destrier en main, estoit couvert de velours et de brodure d'aultre sorte. Les paiges estoient vestuz de velours cramoisy, chascun ayant une grande escharpe d'or au col ; et, à la vérité, celle pompe fut moult grant et riche, car il y avoit es campannes et es escharpes huit cens mars d'or. Et ainsi avoit eu mondit seigneur, pour icelluy jour, tant à la jouste comme au tournoy, vingt cinq couvertes. Et en Testât dessusdit s'en alla en son hostel, et se retrahist chascun pour revenir au soupper, qui fut tel qu'il s'ensuyt.
« Gelluy mesme jour de lundy fut le derrenier banquet d'icelle feste, lequel fut en croissant et en multipliant de plus en plus, tant de metz que de suytes. Sur les tables avoit trente plactz, lesquelx plactz furent faictz à manière de jardins, dont le pied desditz jardins estoit faict de bresil massonné d'argent, et lahaye du jardin estoit toute d'or. Au millieu d'icelle closture avoit ung grant arbre d'or, et à l'encontre d'icelluy arbre estoit la viande. Les arbres furent de divers fruictz, de diverses fuilles et de diverses flours. L'ung fut ung oranger, l'aultre ung pommier, et par conse-
quent de toutes aultres sortes ; dont les fruictz et fuilles et flours furent si proprement f'aictz, qu'ilz sembloient proprement arbres et propres fruictz, et les faisoit très beau veoir. Autour de chascun arbre avoit ung rollet, où estoit escript le nom d'une abbaye ; et ainsi furent monstrées trante abbayes, subgectes de monseigneur de Bourgoingne, dont l'une fut Glugny, et l'aultre Cisteaux, chascune mère et chief de leur ordre en chrestienté.
« Item, parmy la table et autour d'iceulx arbres, avoit plusieurs personnaiges, tant hommes que femmes, tous1 estoffés d'or, d'azur et de soye, qui tenoient diverses contenances. Les ungs tenoient manière de gecter bastons contre les arbres, et les aultres avoient de grandes perches pour abatre des fruictz. Aucunes femmes tenoient leurs chappeaux pour recueillir les fruictz, et aultres tendoient les mains par bonne contenance.
« Item, avoit pareillement parmy les tables aultres personnaiges d'hommes et de femmes, richement estoffés, dont il y avoit les aucungs, deux à deux, portans une civière; aultres portans crestins2 et panniers sur leurs testes ; aultres portans panniers en leurs mains ; aultres portans la hotte ; aultres portans panniers à merciers en leur col. Et furent iceulx panniers et portaiges chargez d'espiccs , d'oranges et aultres fruictz ; et d'iceulx personnaiges estoient les tables très richement parées.
« Item, et sur lesdictes tables avoit trante pastez,
