Creuse

et par une goutte d'eaue venant du ciel, souvent tumbée sur le fer en une place, celle goutte concave le fer et le perce en telle manière que la goutte d'eaue se monstre plus forte que le fer qui la reçoit. Pour quoy je vuilz dire que le nom n'est pas souffisant à si haulte personne, mais me concludz que je le nommeray Maximilian Gueur d'acier, et treuve que l'acier est plus noble chose que l'or, l'argent, le plomb ne le fer, pour ce que de l'acier, comme du plus noble métal, l'on fait les armures et les harnois, dont les plus grans du monde se parent et asseurent leurs corps contre la guerre et autrement ; et de l'acier se font les espées, les dagues et autres glaives, dont les vaillances se font d'ennemis sur ennemis. Puisque doncques je treuve cest acier plus noble que aultre matière dont on puisse forger ne mectre en œuvre, je demeure qu'il aura nom Maximilian Cueur d'acier. Quantes paroles semées hayneusement contre luy par ce noble Roy endurées et ouyes ! ce que couraigeusement et de grant vertu il a porté et soubstenu, sans se démettre, ployer ne amenrir, non plus que l'acier dont je fay comparaison ! Quantz heurtz ' de guerre ! Quantes batailles et rencontres il a soubstenus et portés en sa personne, et mesmement venant de ses subjectz! jusques à estre prisonnier et détenu en prison fermée par ceulx de Bruges, et en sa présence murdrir, gehenner et decappiter ses loyaulx officiers et aultres, et les plus grans de sa maison livrez es mains de ses ennemys ! Et ne ouyt autres nouvelles, fors qu'il/. seroient decappitez, et nommeement messire Jehan