Renaud de Rouveroy

moult vaillant et saige chevalier, eust grant pitié de veoir le peuple de sa nacion en ce dangier ; car il congnoissoit bien que les gens d'armes les defferoient. Si print ung asseuré couraige, et dist aux Liégeois : « Mes « amys, ne vous bougez ; mais attendez que j'aye parlé « au conte de Charrolois ; et peult estre que je trouveray « le moven que vous ne vous combatrez point ligie- « rement. » Et sur ce se partit ledit messire Regnault, et dit à monseigneur le conte : « Monseigneur, ce povre « peuple ne vous demande riens ; ils entendent d'avoir « traictié avecques vous, et vous prient que les veuil- « lez tenir paisibles. » Et le conte, qui moult estoit fier, lui respondit qu'il ne sçavoit nulle cause de leur venue en ce lieu, si non pour luy pourter dommaige, et qu'il n'avoit pas intencion de les laisser partir sans bataille. Messire Regnault print congié et s'en retourna devers les Liégeois, et leur dit qu'il avoit bien parlé au conte à l'advantaige des Liégeois, et luy avoit remonstré qu'ilz ne luy demandoient riens, mais ilz se deffendroient s'il estoit besoing. Et ainsi parloit saigement messire Regnault de Rouveray ; et par ses alées et venues practiqua tellement, que le jour faillit ; et convint chascun soy retirer de part et d'aultre, sans bataille, pour ce jour; et se logea chascun qui mieulx mieulx, comme il est coustume loger devant ses ennemis ; furent grans feuz faiz d'une part et d'aultre; mais la rivière du Haubsvain estoit entre deux, qui garda la vie ce jour à maint Liégeois ; et quant le jour fut venu, et que le conte et son armée perceurent que les Liégeois s'estoient retirez, le conte fit chascun tirer aux champs à la poursuite desdits Liégeois ; mais pour celle fois il ne peust attaindrc leur puissance; car ilz s'estoient jà

retirez es bonnes villes. Touteffois il marcha avant, et espouvanta tellement iceulx Liégeois, qu'iîz furent contrainctz de luy venir cryer mercy, voyre eulx mesmes abatirent les murailles et les portes de leur ville1. Et ainsi se deppartit celle armée; et s'en retourna le conte de Charrolois et le bastard de Bourgoingne, devers le duc, leur père, qui les recueillit à grant joye2.