LES CATHOLIQUES REPRENNENT BOZOULS

et lur dist qu'ils neentreroient poinct et se defendroient bien jusques au dernier sospir de leur vie. De sorte que aïant faicte ceste responce, les Papistes fasoient lurs approches tosjors avec le canon, telement qu'ils donnèrent quelques coups de canon; mais seus du fort soi deffendoient valhamment de une faisson mervelheuse, car jamais ne lachoïent coup d'arquebouse qu'ils ne ficent coup, o murtre o blessure ; telement que l’on les en aportoit à charetées à Roudes, tout blessés et plusieurs en morut per les chemins. L’avesque de Montauban i fust tué !, un porte enseigne et quelques capitaines et aussi un artilheur. Dont, part iceus, un grant nombre i en moreüt. Or, pendent, les forces de la Religon se assembloient per aler au secours de ceus de Bertholène, de plusieurs cartiers. Dont, ne se peürent assembler que quelques six vins chivaus et 2 cents cincante arcabousiers. Mais voïant l'ennemi en si grant nombre, ils ne se ausèrent mectre dessus, de sorte que chescun s’en retorna en son cartier. Or, les Papistes voïant qu’ils n'estoient pas empechés, ils porsuirent leur faction, tellement qu'ils firent berche. De faict, la berche estent faicte, ils s’efforsoient de entrer, de sorte que seuls du fort les reposoient fort et se défendoient valhemment, vous assurant que ne feüssent entrés, si ne feüst ce traistre Brosane que avoict perlamenté avec les Papistes ; tellement que pendent qu'ils défendoient la berche, ce traistre sortit per la porte, de sorte qu'ils entrèrent et misrent [tout] al trenchant de l’espée, exepté trois dommaiseles et huict hommes et * quelques petits enfants. De faict, 1ls les emenèrent prisonniers, femes et tout, à Roudés. Dont, i misrent le feu et le rasarent ladite maison o chasteau. Et fust faict ladite chose le 2 de juin 1569.

4914.— Les Catholiques occupent Bozouls. Le capilaine Du Ram à Sévérac et à Millau. — Sachés que après que Bertolène fust prins et ruiné, les Papistes prindrent chemin

1. L'évéque de Montauban était Jacques Desprez. Il fut tuë en 1589 (25 janvier). L'auteur commet ici une erreur qu'il est impossible d'expliquer.

droit à Bosouls, que le cappitaine Du Ram tenoit per la Religon et estoibt dedens. De faict, ledit Du Ram quita ledit Bosouls, sens que lui feüst donné coup d'artilherie, mais fist composition avec son ennemi et quita ledict fort que estoibt inprenable, avec ses soldats, lesquels sortirent à bagues sauves, chescun portant ses armes, sens contrediction de aulcun. Dont, fust à presummé qu'il n'avoict faict sela sens intelligence avec les Papistes, car le bruict estoit qu'il en avoicl receüe corruption, comme est à presummer, car il n'estoibt pas fort réformé, joinct que estoibt un petit gentilhomme.

Dont, estant sorti de là, s'en vint à Sévérac. De faict, la porte lui fust défendue ; et de là, ledit Du Ram s’en vint droict à Milhau ; aussi de faict, l'entrée de la ville lui fust défendue, per raison que si légèrement il avoict quité ledict fort sens conbatre, voiant que c'est un lieu si fort et inprenable. Dont, per ceste cause, l’on se tenoit per sur qu'il avoit intelligence avec ces mesmes adversaires. Dont, lui fust fort reproché, tellement qu'il s’en ala tout honteus,en colère. Mais sa défence fust qu’il dist estre impossible subsister plus de un gorn, veù que l'aue lui estoibt falie. Dont, el bout d’un peu de temps, ledit Du Ram revint en ceste ville avec mécives de la part des Princes et biscontes, 1 estant avec lui le maistre du camp, adrécentes aus messieurs consuls de Milhau. Dont, l'on le laissa entrer avec défience de Jui : dont il demeura quelque dix jorns ; après, s'en ala avec une compaignie de soldats de la ville que les Princes avoient demandés, de sorte qu'il print sela à queur et despuis, porta quelque malicie contre ladite ville.

492. — De Saliès occupe Compeyre et en fait relever les remparts (juin). —* Le 17 de juin, les Papistes se remparèrent du fort de Compierre, lequel avoict este ruinés, les muralhes, per les abitans de Milhau 1. Dont, sela fust faict per mossur de Saliès, causant une haine que mossur de Saliès portoit à la ville de Millau, d'autant que Milhau lui