DB LA ROCHELLE. COMPLOT CONTRE CHAULES IX. OLIVIER DE SOISSONS, BAILLI
DE PROVINS. CRÉATIONS D'OrFICES ET EXACTIONS. FAITS DIVERS.
L’an mil cinq cens soixante et treize, au commencement du moys de janvier, les neiges commencèrent à fondre et les gelées à cesser, qui fut cause de faire lever les fromens qui estoient en terre tous germez, et n’avoient peu lever à cause de l’hyver qui les print avant . la S’-Marlin, fort froict et aspre, ainsi que l’avons dict en l’an dernier passé. Ce desgel dura jusques au commencement du moys de febvrier, que la gelée et la neige recommencèrent sur la terre assez asprement, et arrestèrent encores l’accroissement des biens de la terre.
En ceste année, le jour de karesme-prenant fut le jour de la S- Blaise, qui est le lendemain de la feste de N. D. qu’on appelle la Chandeleur.
Le printemps, qui commence aux derniers jours de febvrier, fut par son cours assez malin et trop froict par neiges et gelées qui prinrent cours. Le moys de mars, pour la plus grande partie des jours, se passa en neiges, pluyes froides et gelée; le moys d’apvrit, en gelées blanches, qui causoient des liillées de gresle, grésil et nuées noyres accompagnées de pluyes froides, qui retardèrent l’accroissement des biens de la terre, qui ne purent fructifier, croistre et multiplier comme ilz eussent faict si la saison eust esté doulce et
amyable. Il feit une petite seicheresse aux festes de Pasques, qui dura 1573. quasi huict jours, et estoit ceste année la feste de Pasques le 22' jour de mars; avec ceste seicheresse, y avoit une chaleur médiocre, qui fit advancer les bourgeons des vignes et les appareiller pour sortir, et estoient au 1" jour d'apvril gros comme petites febves, presU à s’ouvrir et à démonstrer leurs feuilles. Mais, par une forte gelée blanche qu’il feit le 1" jour du moys d’apvril, qui se continua plus de dix jours par chascune nuict ou matinée, lesditz bourgeons furent resserrez ou bien entretenus en ung estât qu’ilz ne augmentoient aulcunement. Les gelées susdittes en gastèrent quelque peu, mais non guères.
Le peuple catholicque de France, voyant les biens de la terre, tant vignes, seigles que navettes, estre par juste justice de Dieu en hazard de périr par les gelées qu’il faisoit, se prosterna avec toute humilité devant Dieu, et fit soir et matin des processions pour implorer sa grâce. Il n’y avoit ville ne village qui ne feist son debvoir d’assister esdittes processions.
Les parroisses de Sto-Croix, de S'-Ayoul et les couvens des Cordeliers et jacobins de Provins tous ensemble, le jour de mons. S'-George, qui est le 2 3e jour du moys d’apvril, allèrent en procession aux églises t de la ville de Nogent-sur-Seine, en l’honneur de Dieu, de la vierge Marie et de mons.’S'-Laurens, patron de laditte ville, et, à leur retour dudit Nogent, repassèrent par la ville ou bourg de Chalaustre-la- Grande, en l'honneur de mons. S'-George, patron dudit Chalaustre, où ilz furent, tant en ung lieu qu’en l’aultre, bien honorablement et dévostement receuz par les prebstres et peuple desdittes villes, pour l’honneur de Dieu et des sainctes reheques et ossemens des sainetz qu’ilz de Provins pourtoient avec eux et, entre aultres, le chef de mons. S'-Ayoul.
Les prêtres des autres églises de Provins, Saint-Pierre, N.-D.-du-Val , etc. vont ensemble en procession à SaJnt-Quiriace. — Le 26 avril, on fait une procession avec le chef de saint Ayoul à N.-D.-du-Chàtel. Pendant le trajet, tombe une nuée d’eau froide , mêlée de gros flocons de neige qui fondaient en touchant la terre.
1573. La nuict eusuyvaut, et tout aussitost quw-le peuple fut retiré en sa maison, on apperccut le courroux de Dieu, pour les péchez commis contre sa majesté; il gela si fort et blanc, que les vignes furent partout entièrement gelées et gastées, lesquelles avoient prins une aussi belle et grosse charge de raisins gros et beaux, qu'elles avoient faict il y avoit plus de dix ans. Et fault croire que, sans la fortune, les vignerons n’eussent eu des tonneaux assez pour loger les vins qu’on eust recueilly. Les navettes et les seigles ne furent beaucoup endommagez de laditte gelée, qui fut cause que le peuple chrestien en remercia Dieu plus dévostement et patiemment.
Ijt peuple de Provins continue scs prières et scs processions. Le 27, le clergé va en procession au couvent des Jacobins, où le sermon est fait par M* Carré, docteur en théologie et chanoine doctoral des églises de Provins. — Le 1" mai, les gens de Chalautre-la-Grande se rendent en procession aux églises de Saint- Ayoul et des Jacobins de Provins.
Dès les premiers jours du moys d’apvril, la cherté excessive des grains commença à prendre cours dedans la ville de Provins, par le moyen du transport quotidien des bledz que les marchans et habi- : tans des villes et villages des bailliages de Bray-sur-Seine, Marolles,
Montercau-fault-Yonno , Sens, Auxerre, Montargis et aultres lieux faisoient de laditte ville de Provins1. Et fut le blé froment, en moings de six jours, haulsé de 10 s. t. sur le boisseau, mesure de Provins, et monta de t3 et i4 s. t. à a4, a 5 et 3o s. t. De quoy s'apperceurent tout soudain pauvres et riches dudit Provins. Les riches n’en
1 Discours sur les causes de l'extrémc cherté qui est aujourd'hui? en France, et sur les moyens d'y remédier. (Archives cuneuses de Chisl. de France, t. VI, p. 4a3.) La cherté, selon l'auteur, vient du développement exccssifdu luxe , de l’abondance de l’or et de l'argent , et des monopoles des marchands et artisans qui sc coalisent pour hausser les prix. 11 propose des gre*
nier» publics de réserve , qu'on ouvrirait lorsque le blé serait trop cher. Le prix lixé dans le grenier public serait obligatoire pour tous les autres vendeurs. Une partie de cet écrit est empruntée au Discourt, de Jean Bodin , en response aux paradoxes de Males f roi t touchant V extrême enchérissement de toutes choses. i56q
eurent incontinent plus à vendre à ce prix de i5 s., sous l’espérance 1573. qu'ilz le vendaient ce qu’ilz vouldroicnl, avant que la moisson feust venue. Les pauvres gens de la ville n’en purent plus trouver à acheter pour leur argent au prix commung, et se trouvèrent fort altonnez, quand, au lieu de donner 1 4 et 1 3 s. du boisseau, ceux qui leur vouloient vendre leur en faisoient payer a 5 et 3o. Les pauvres gens en se complaignans s’informèrent d'où provenoil cestc si soudaine excessive charlé du grain en moins de six jours qui augincntoit d’un jour à l’aultre, et à la fin trouvèrent que c’estoit à cause du transport que les personnes des pays susdits en faisoient journellement à grandes trouppes, les aulcuns pour leur provision, les aultres pour le revendre ès lieux qu'ilz sçavoient qu’il se vcndoit davantage.
Lesditz de Provins, impacientez sur ce soudain changement, s’en allèrent queiques-ungs après lesditz marchans, qui n'estoient que pauvres simples gens qui en enmenoienl les aulcuns trois septiers en quelques charrettes, les aultres douze boisseaux sur leurs bestes, les aultres quatre sur leur col, les ungs plus, les aultres moings, et les ayant attainetz emmy les champs, non loing de la porte de S‘-Jehan , se jettèrent à eux, les battirent et leur ostèrent leurs grains, qu’ilz raportèrent en leurs maisons. De quoy irritez, lesditz marchans estrangers retournèrent à Provins se plaindre aux marchans qui leur avoient vendu, pour les adresser en justice et en avoir leur raison. Le prévosl de la ville priât cognoissance de ce fait et volut informer contre les habitans de Provins qui avoient ce faict, par adjournemens, deffaux à ban et emprisonnement de leurs personnes. Incontinent s'assemblèrent les pauvres artisans de toute la ville ou grande partie d’iccux , qui sans armes se présentèrent en pleine rue pour deffendre ceux qui avoient prins le grain aux marchans susdits, et firent une clameur devant le juge prévost, en le requérant de laisser en paix et sûreté les personnes contre lesquelles il faisoit poursuitte, si bien s’en vouloit trouver et les riches de la ville, et qu'en faulte de ce, seraient conlrainctz de faire sédition et de se jetter à main armée contre luy et les riches pour avoir du grain à prix plus honestc que de 3o s. le boisseau.
1573. De ceste clameur populaire eurent peur le prévost et les riches de la ville, lesquelz appaisèrent ceste turbe mutinée eq leqir promettant du grain pour leur argent à moins de prix qu'ilz ne disoient, et ne firent plus aucune poursuitte du blé oslé et oultrage fait aux forains et cstrangcrs, mais le plus doulccmcnt qu’il fut possible se contentèrent de faire rendre le grain ausdilz marchans estrangers, en leur disant qu’ilz se saulvassent avec leur grain le plus vistement qu’ilz pourraient.
Après ceste émotion populaire, s'assemblèrent le prévost, les procureur, eschevins et riches marchans de Provins, pour mettre ordre et pollice À leur ville et quant et quant faire taxe au grain , alün que les gens de la ville ne marchandassent plus, et qu’ilz sceussent combien ilz payeraient du boisseau; et fut par eux gouverneurs le bichet taxé à ao $. t. quelque deux ou trois jours avant la procession cidessus dicte.
Pour laquelle taxe faire sçavoir publiquement au peuple, s’adressèrent audit docteur Carré les gouverneurs dudit Provins, qui luy baillèrent charge de le dire à son sermon et d’cxorter le peuple 4 se contenir sans s’esmovoir et faire sédition en aulcune manière que ce feust, tant sur les habitans dudit Provins que sur ceux des pays estranges qui y viendraient acbepter et lever des grains, sous peine d’estre punis corporellement; ce que volontiers entreprint de faire et dire ledit prescheur, qui avoit le grain de deux années de ses prébendes en grenier à vendre , et qui , comme les marchans mécanicques, l’eust bien volu vendre un escu le boisseau.
Estant ledit prescheur à faire son sermon , n’oblya la charge qu'on luy avoit baillée, et, pour mieux s’en acquitter, amplifia la besongne et dist qu'en la ville de Provins y avoit ung tas de fainéantz qui vouloient vivre à bon marché aux despens des marchants, voulant avoir le bled à leur gré et sans rien faire; et allégua le hasard et les dangers où se mettoient journellement les marchans riches, qui , par leur travail, avoient amassé et amassoient des biens, et comment ils estaient dignes de louange et les fainéantz de vitupère. Et, passant oultre,
• nomma deux estatz desquelz il forma plaincte, ou pour le moings 1573 d’aucunes personnes qui estoient desditz estatz : les premiers furent d’ung tas de gros gueux et marauls qu’il dist n’avoir cure de besongner en quelque saison que ce feust, et qui ne faisoient que jouer ès rues destournées et sur les rempart* des murailles de la ville la journée entière, en blasphémant le nom de Dieu; que tels estoient indignes de manger du pain, et que c’estoit mal faict aux gens de justice de laisser ime telle racaille de gens, et qu'ilz les debvoient faire pendre ou du moins les envoyer ès gallères sur la mer pour le service du roy. • Et telz sont ung tas de cocquins cardeux , lesquelz , durant le bon temps , ne veulent besongner que une ou deux journées pour le plus en la sepmaine, pour vivre le reste à jouer et faire grand chère. Les seconds, ce dist-il, sont ung tas de cocquins vignerons et manouvriers de tous estatz , lesquelz par tout l’hyver ont moru de faim et en ceste saison veullcnt gangner par chascun jour des 1 o, 1 1 ou i 3 s., qui n’en méritent pas la moytié; ausquelz, si vous leur en offrez moings, ilz, en se mocquant de vous, vous diront honte et villanie, et ayment mieux se tenir à repos et aller jouer que de besongner et gangner priz honeste, pour en tout temps avoir leur vie. Et toute telle racaille et bélistraillcs veullcnt qu’on leur baille le blé à leur mot et menacent qu'en faulte de ce faire ilz s’eslèveront contre les riches et marchans.
Il les fault pendre. Car j’ai entendu qu’ilz ont jà faict une émeute, et, à ce que l’on dict, sont encores tous prestz d’en faire une aultre , pour se jetter et ruer sur les maisons et corps des marchans qui ont du bled à vendre , affin de rompre leurs garniers et de ravir leurs bledz.
Hz ni aultres n'ont occasion de ce faire, ni se plaindre de la charté des grains, d’aultant que par justice on y a faict taxe à prix honeste, qui est de ao s. t. le boisseau, mesure de Provins, et en fera-on une si bonne réserve à ce prix , que personne de la ville n’en aura disette. Partant, #que telle racaille, qui menace de s’eslever, advise bien à ce qu’ilz ont à faire; car je les assure qu’on ne les espargnera pas, et de nia part je suis d’avis qu'on les pende. S’ilz s’eslèvcnt, il les fault pendre. »
1573. Voilà les propres termes que tint ledit prcschcur en son sermon, • qui scandalisèrent les auditeurs, voire mesmes ceux qui l’avoient prié d’exorter le peuple à avoir patience sur la charte, pour l’empescher de s’eslever et de faire sédition.
Ces parolies dudit prescheur, assez mal dittes à la vérité et plus mal recueillies par le peuple, scandalisèrent les pauvres gens, lesquelz, au lieu de prier Dieu qu’il leur donnast patience, le conjuroient et mauldissoicnt tout hault, et se mutinèrent tellement en leur courage, que, s’ilz l'eussent tenu hors de l’église, l’eussent massacré et cruellement mis à mort. C’est une grande imprudence à tout homme qui redouble l'affliction de l’affligé. Le pauvre peuple estoit anxié de la perte des biens de la terre qui estoient péris par la gelée, et au lieu de le consoler sur cette perte, comme aussi sur la charté des vivres, en l'exortant d’avoir ferme espérance en la providence de Dieu, qui nourrist tout de rien, comme de rien il a bien sceu faire tout, le menacer si hardiment estoit luy donner une occasion de désespoir; telles parolies par luy dittes Grent oublier toutes les bonnes et sainctes cxortations qu'il avoit faictes.
Tout le reste de la journée et toute la sepmaine, ne cessa le simple populaire de souhaiter mal, maudire et conjurer ce prédicateur de cœur et courage, estant la plupart en ceste volonté de le tuer et massacrer par les rues la première#fois qu’il y serait trouvé; et pour le rendre plus odieux par tout et devant toutes gens, publioient à haulte voix que le caffart, riche et engressé du bien des pauvres, avoit dict en son sermon- qu’il falloit pendre tous les pauvres, pour ce qu'ilz n’avoient du blé à manger, et qu'ilz se plaignoient de la charté. Il populaire arguoit encores ledit prédicateur, et disoit qu’il avoit mal dict quand il disoit que le bichet de blé taxé par justice à la somme de 20s. estoit à prix honeste, et qu’on n’avoit occasion de s'en plaindre; qu’il n’estoit vray et avoit menty , et que ce n’estoit prix honeste.de payer 20 s. parce que le pauvre peuple se trouvoit jà fort intéressé et aharrassé, depuis l’an 1 067 jusqu'au jour de la taxe, d’acheter le boisseau la somme de 7, 8, 10, 1 1, 1 2, i3 et i4 s. t. ce qui estoit une grande
charte à comparaison des années communes depuis l’an 1 5/to et 1573. *
dès au précédent juscpies en laditte année 1567, que le bichet de blé ne valloit que 5, 6 et 7 s. excepté aucunes années stérilles.
Il prédicateur ne fut plus tost hors de la chaire, que aucuns de ses amp, qui avoient du blé à vendre, et quelques religieux de son couvent luy dirent qu’il avoit mal faict, que le peuple murmuroit fort contre luy, et mesmement que plusieurs riches en faisoient mal leur prouffit. Lequel advertisseinent print en maulvaise part, disant qu’il avoit bien dict, et demoura en ccste oppinion jusques ad ce que ses parens l’allèrent advertir du maulvais voloir que le peuple luy portoit. Au dimanche ensuyvant, pour faire son sermon, l’accompagnèrent ses frères, parens et amys, jusques au nombre d’une douzaine; ce que voyant, plusieurs personnes, qui l’attendoient en divers lieux et carrefours des rues, ne luy firent aultre mal que de l’injurier et luy bailler la huée ; qui fut cause de luy donner cognoissance de sa faulte , pour laquelle radresser, dist en son sermon, la larme à l’œil, qu’il ne pensoit avoir dict ce qu’on luy attribuoit des pauvres, ains des fainéants , et que ce qu’il en avoit dict avoit esté par la charge qui luy en avoit esté donnée par les gouverneurs de la ville. Mais le peuple ne le volut escouter en ses excuses, et mal content s’en alla quand il commença à en parler. Oncques depuis ne fut en bonne réputation envers le peuple, ni envers plusieurs autres, qui ne cessèrent de le mauldire et conjurer et de le hupper quand il cheminoit par les rues* ni envers les jacobins de son couvent, ausquelz on refusa en plusieurs maisons i'aulmosne , etleurbailloit-on en payement qu’ilz n’avoientque faire de mendier, puisque le bled estoit à prix honestc, selon le dire du caffard de leur maison. Desquels reproches et scandalle se marit en soy ledit Carré, qui au moys de juillet ensuyvant devint malade, et trois jours avanPla feste de la Magdelène rendit son esprit à Dieu.
La prédication finie, fut la messe chantée, après laquelle se retirèrent toutes les églises et parroisses en leurs maisons, ung chascun assez mary de la perte des biens, les aultres des parolles du prescheur, et tardoit à ung chascun qu’il eust pris un peu de réfcc-
1573. tion pour s’en aller aux champs veoir les grains et les vignes. Après qu’on eust veu que les seigles et navettes n’avoient poinct ou peu de mal, et qu’il n'y avoit que les vignes et noyers qui fussent perdus, le peuple reprint courage et loua Dieu de la perte et de leur conservation du reste, et s’en retourna en sa maison quelque peu plus joyeux que devant.
Il fault que je dise icy ce qu’il me semble de l’assemblée des processions susdit tes, généra lies et particulières; lesquelles, comme il me semble, en ce que j’en ai veu, se faisoient plus par orgueil, curiosité et honneur mondain que par saincte dévotion, et singulièrement de la part de plusieurs ecclésiasticques plus que de la part du simple peuple, et sembloit que lesdittes processions se fissent audit Provins par envye d’une église sur l’aultre.
La jalousie des églises les unes envers les autres faisait naître à la fois cespro- • cessions et les troublait. Chaque église travaillait à ne se point laisser primer par les autres. Des débats s'élevaient sur les lieux où l'on se rendrait, sur les ornements qu'on porterait, sur les rangs qu'on aurait. Les prêtres cheminaient sans dévotion, sans révérence, en riant, en causant de choses illicites; les bourgeois et les riches parlaient de leurs affaires , du prix des grains, etc. La colèVe de Dieu a dû être plutôt entretenue que dissipée par de telles dispositions. Il serait bon que chaque église allât à part en procession , et que le clergé y portât les vêtements les plus simples; en général, les habits somptueux devraient être réservés pour les cérémonies de réjouissance, pour les remerdments à Dieu.
Les contrebourgeons des vignes ne furent gelez entièrement, d’aultant que, au jour de la gelée, ils n’estoient encore* sortis. Ilz produisirent quelque peu de raisin , dont on recueillit en la vendange environ ung quart de commune année de vin, et qui ne furent meurs ni guère® bons, d’aultant qu'ilz sortirent trop tard, et si eurent maulvais temps à meurir au moys de septembre, à cause des gelées lynches qu’il feit dès la moytié dudit moys. Et fut le vin bien cher en ce pays et par la France.
Revenons maintenant à la charté du grain et â la famine qui en advint à Provins et quasi universellement par le royaume. Première-
ment, après que les gens de justice et les gouverneurs de la ville de 1573. Provins eurent mis taxe au bled à 20 s. le boisseau, avec deffense de le vendre davantage sous peine d’amende et de confiscation du grain, allèrent par les maisons visiter les greniers, pour veoir combien ung chascun a voit de grain pour sa provision et à vendre, et après qu’ilz eurent estimé combien il y en avoit en toute la ville, regardèrent combien il en povoit falloir pour nourrir les habitans qui n'en avoient poinct pour jusques à la moisson prochaine, comme aussi pour la fourniture des boulangers. Ce faict, firent une réserve sur cbascun de ceux où ilz avoient trouvé du bled, sur ung demymuid, sur ung aultre deux, sur ung auitre dix septiers, sur ung aultre huict et neuf septiers , et ainsi sur chascun , et commandèrent à chascun de garder le bled à quoy il estoit taxé , et de ne le vendre jusques on luy envoyast des billets pour ce faire, et de ne le vendre à personne plus de ao s. t. Pour ceste réserve en fournirent le moings les plus riches et qui avoient le plus de bled en leurs greniers, ains chargea-on le plus sur le commung. Car en tçutes choses faveur faict aveugler le droict.
Combien que justice eust ordonné qu'on ne vendist à quelque personne que ce feust le boisseau de bled plus de ao s. si est-ce que les plus riches n'en firent rien, ains le vendirent aux forains et estrangers de leur ville ce qu’ils volurent, et dirent que c’e§toit assez pour eux de fournir aux habitans de la ville le grain qu’on avoit prias de réserve sur eux i 20 s. t. le bichet.
Les gens de justice et les gouverneurs de la ville, à la clameur du commung populaire, ordonnèrent gardes aux portes par dizaines comme en temps de guerre, pour empescher le transport des grains hors de laditte ville; ordonnance et faict qui travailla moult toutes gens de village et partie de ceux de la ville. On laissoit entrer les gens des villages et forains en laditte ville facilement pour achepter des grains et du pain, et se resjouissoient les marchans de leur vendre leur grain ce qu’ilx vouloient, aulcuns jusques à 5o s. le bichet, avant cfue la moisson fust venue. Mais quand il falloit resortir avec le grain,
1573. il y avoit bien à tenir; les pauvres gens des villages trouvoient bien à qui parier ausdiltes portes, auxquelles on les arrestoit, et ne vouloil < les laisser sortir s’ilz ne laissoient là leur grain. Et cependant messieurs les usuriers qui leur avoient vendu ne se travailloient de les faire sortir avec la marchandise qu’il* leur avoient si chèrement vendue.
Une aultre chose y avoit bien plus pernicieuse qui estoit telle, que plusieurs aultres personnes dudit Provins, qui se disoient estre des pauvres, prenoient par force le grain à ces pauvres gens des villages et estrangers, et ne leur en bailloient que la somme de ao s. t. combien que quclquesfois il leur en avoit cousté a 5 et 3o, sans qu'il y eust aultre réformation de justice.
Tant plus une denrée est chère, d’autant plus y commet-on de l'abus. Les meschans chrcsticns qui avoient du bled et leur âme à vendre, quand ilz veirent le boisseau estre taxé à ao s. t., meslèrent parmy leur froment du seigle, de l’orge et de l’avène, et vendoient le bichet de tout cela ao s., aultres a5, 3o, 35 et 4o s. t. le boisseau ou bichet; car au bailliage de Provins, c’est tout ung, le boisseau ou le bichet.
Les gens des villes et villages qui avoient grain hors de Provins, le vendirent ce qu'il* volurenl aux gens tant de leurs villages qu’estrangers, et ai bien sceu à la vérité que certains personnages de divers villages et j>arroisscs vendirent le bichet de seigle, mesure dudit Provins, 5o S. t. à l'extrémité, quelque peu avant la moisson.
Plusieurs gens des villages avoient, pour la fureur des guerres, mené leurs grains en des greniers qu'il* avoient loué à Provins; ne leur estoit permis qu’avec grande difficulté d’en remener molu ou à mouldre pour la forniture de leurs maisons. Ce que voyant, ceux qui avoient des parens et amys dedans la ville y cuysoient leur farine et la convertissoient en pain qu’on leur laissoit emporter quelque peu plus facillement.
Après que les pauvres gens de la ville et villages d’alentour ne purent plus trouver -argent pour payer un bichet de grain à ao s. t. ilz se restringnirent à achepter du pain ès maisons des boulengers;
Jesquelz, remplis d’avarice, ne leur en vouloient bailler au prix de la 1573. taxe du grain, cyii estoit de a 4 den. le paig , pource qu'à la desrobée *
ilz trouvoient à le vendre aux forains et estraogers ce qu’ilz vouloient, comme 3 s. 6 den. et 4 a- Parquoy fallut que les gouverneurs de la ^ille donnassent ordre ausditz boulangers, à chacun desquelz fut par chascun jour distribuée certaine quantité du bled de la réserve à ao s. le bichet, dont ilz furent contrai netz de livrer le pain ès mains des commissaires qui furent à cest effect députez gens de la ville, pour le distribuer au peuple pour leur argent. La distribution s’en faisoit deux fois le jour dedans l’hostel de la ville de Provins, où une multitude de personnes se trouvoient pour en avoir. Pierre Mouton, sergent de la ville, fut ordinairement commissaire à la distribution du pain, avec aultres personnes qui ne vouloient s’y emploier qu’à leur tour, pour ung jour la sepmaine, estans dolens du mal qu’on faisoit à ces pauvres, avant qu’ils eussent le pain qu’on leur donnoit.
Mais ledit Mouton, qui estoit aussi pitoiable que ung pirate de mer ou espieur de chemins, n’en avoit aucune pitié, ains avec bastons frappoit dessus les pauvres gens comme sur des chiens qui ont mangé la cuysine et viande d’un banequet qu’on auroit préparé pour une compagnie, et oultre ce les faisoit entrer et sortir par les fenestres du bas dudit bostel de la ville, de la haulteur qu’on veojt qu'elles sont, qui est de 4 pieds pour le moins, sans y respecter aucune personne, feussent vielz gens, femmes grosses ou pauvres malades. Les aulcuns desquelz tomboient desdittes fenestres à bas dedans la foulle , sur le corps desquelz marchoienl le reste du peuple, qui à grand presse s’entretuoient pour s’aprocher dudit pain, tant ilz avoient peur qu’il ne failiist avant qu’ils en eussent; et, ainsi qu’en fut le commung bruict, en y eut deux personnes d’estoufTez et mortz tout roide en ung jour; et si pour ce n’en estoit plus pitoiable ledit Mouton, qui en ceste charge y fit pour soy ung grand prouffit. Il n’est homme plus cruel et moins piteux que ung gueux refaict. Du depuis, plusieurs personnes aymèrent mieux mourir de faim que de plus entreprendre de saulter par les fenestres dudit hostel de la ville.
