CI

Ibis plas honnorable mémoire qu'ils ont voulu faire du gratieux traictement qu*ils ont tousjours receu de la main des François.

. Le 12 juillet, il receut lettres au nom du roy, mais non du roy, par lesquelles Sa Majesté luy mandoit , et fort expressément , de iaire cesser de tous costés les démolitions : à quoy il respondit que si le maistre Goconat fost arrivé au temps qu'on luy avoit mandé , que les choses ne seroient pas si advancées qu'elles estoient desjà ; qu on se devoit souvenir que , dès le 18 du passé , Sa Majesté luy avoit mandé, coup sur coup, de s'en haster le plustost qu il pourroit : si donc Sa Majesté avoit deslors en son ame la mesme volonté qu'elle luy declaroit maintenant, il ne feloit espargner le voyage d'un courrier exprès pour la luy déclarer.

Par ceste mesme depesche Sa Majesté , qui avoit oublié les remonstrances que le marescbal luy avoit faictes sur le faict du comte de Beines, luy mandoit qu'il fist raser sa place. Luy» au lieu de ce faire , manda à Sa Majesté qu'il ne croiroit jamais qu'un prince si bon et si juste voulust faire ce tort à un gentilhomme qui avoit volontairement mis sa personne et ses biens entre les mains de Sa Majesté , et lors qu'elle en avoit extrêmement besoin , que d'abattre sa place , qu'il avoit luy mesme fortifiée à ses despens , pour le réduire tout à faict à la discrétion de celuy contre lequel il avoit porté les armes pour le service de Sa Majesté , au lieu de l'bonnorer et recompenser comme il meritoit; qu'en ceste considération il avoit persuadé le comte de faire escbange de sa place avec quelques autres que M. de Savoye luy pourroit bailler da costé de la Bresse , proche du Lyonnois ; que non seulement il s'y estoit résolu, mais qu'il Tavoit prié de s'en rendre médiateur , sous la faveur et appuy de Sa Majesté. Il fut depuis ainsi exécuté, au contentement de M. de Savoye et à l'advantage du comte.

Ceste depesche du roy portoit aussi qu'elle envoyoit Cordes vers le mareschal , tant pour Taider au faict des restitutions comme pour luy dire et descouvrir plusieurs choses dont elle l'avoit chargé ; surquoy il remonstra à Sa Majesté que le secours et l'aide qu'il desiroit n'estoient pas ceux qu'il jpourroit tirer