SIEUR DE SOUBIZE

Le Sr de Soubize estoit de la maison de Parthenay descendue de celle de Lusignan, de l'ancienneté et illustration de laquelle je vous ay par cy devant donné des mémoires, principallement des Roys qui en sont sortis, dont il y a eu quatorze qui suivamment ont esté Roys de l'isle de Chypre, portans le nom de Lusignan, cinq ou six desquels ont été roys de Jérusalem et de Chypre ensemble, plusieurs ont esté ducs de Luxambourg, et aul-

très ont eu de grandes alliances, comme vous avez peu voir par les susdits mémoires *.

Ledit sieur de Soubize estoit nommé Jehan Larcevesque, combien que son nom fust de Partlienay. Mais ses prédécesseurs l'avoient délaissé depuis cinq ou six cens ans par la condampnation du pape, pour ce que défaillant le nom de la dite maison en un qui pour lors estoit arcevesque de Bourdeaux, qui venoit à la succession par la mort de deux de ses frères,

1 Voici le passage des mémoires auquel il est fait ici allusion : « De la race des Lusignan il y eut neuf Roys de Jérusalem dont le dernier fut Henry de Lusignan surlequel les Sarrasins occupèrent le reste du pays par le moyen des divisions qui estoient entre eux.

« Pour les Roys de Cypre il y en a eu dix-sept sortis d'eux, dont le dernier mourut l'an 1474, et les Vénitiens s'emparèrent du d. royaume par le moyen de Catherine Cornare sa mère qui estoit de leur ville. Ainsi il n'y a jamais eu au Royaume de Cypre autres Roys que de la maison de Lusignan.

« Tous les susdits Roys de Cypre portoient les armes de Lusignan avec le lion de Cypre dessus ; les armes des ducs de Luxembourg estoient toutes semblables. » (De la Généalogie de la maison de Lusignan, mémoire autographe de Fr. Viète avec des annotations de Catherine de Parthenay. Collection de M. Benjamin Fillon).

il luy fut permis (ayant esgard à l'antiquité de la maison) de se marier, à la charge que les fils qui descendroient de luy porteroient le nom de l'Arcevesque, et que le nom de Parthenay demeureroit aux filles 1. Le père dudit S1' de Soubize avoit nom Jehan Larcevesque comme lui, lequel espousa dame Michelle de Saubonne qui estoit à la Royne Anne •de laquelle elle estoit autant favorizée que jamais servante fut de maistresse , ce que la Royne luy continua toute sa vie, de sorte qu'elle se gouvernoit par son conseil en ses

1 « Hugues de Lusignan fut archevesque de Bordeaux. Guy et Simon (ses frères) s'en allèrent en Cypre où ils moururent sans enfans, tellement que Hugues demeurant seul obtint par la faveur du Roy Loys 8me dispense de se marier, et pource que la chose estoit difficille le Pappe ne l'accorda qu'avecques ceste condition qu'il imposa comme une peine, assavoir que de tous ses successeurs les masles porteroient le surnom de Archevesque et mettroient une mitre épiscopale sur leurs armes au lieu d'une couronne, et les filles porteroient le nom de son partage qui estoit Parthenay, ce qui a tousjours esté observé ; et ainsy ils perdirent le nom de Lusignan et en retinrent les armes. » Ces derniers mots ont été ajoutés de la main de Catherine de Parthenay. (Mémoire de Viète déjà cité.)

plus importantes affaires, la congnoissant de bon entendement, non seullernent en ce qui apartient au faict ordinaire des femmes , mais mesmes en affaires d'estat, en quoy elle ne cédoit à nulle femme ni à guères d'hommes de son temps.

Elle eut de son mary trois filles, l'aisnée desquelles fut mariée au Sr de Pons de Xaintonge qui est encores vivant. La seconde bien que recherchée de plusieurs grands et avantageux partis, ne se voulut jamais marier. La troisième espousa le sieur de Surgères. Après avoir eu les trois susdites filles, ladite dame de Soubize devint grosse de son quatrième enfant, et peu après son mary mourut, dont elle sceut la nouvelle le propre jour qu'elle avoyt senti bouger son enfant, et comme elle estoit en ceste affliction, elle dit qu'elle estoit grosse d'un fils , ce que la Royne et le Roy mesmes , ensemble tous ses arnys de la court taschoient à luy oster de la fantasie, craignant qu'elle ne se faschast si elle se trouvoit déceue. Mais elle dist tousjours qu'on ne craignist point cela pour ce quelle estoit asseurée, puisque Dieu luy avoit envoyé si grande affliction , qu'il lui

donneroit ceste consolation, et qu'elle avoit ceste foy que quand bien c'eust esté une fille, que Dieu l'eust transmeuée en un fils.

Au bout de son terme, qui fut l'an mil cinq cens treize, elle accoucha, suivant sa persuasion, d'un fils, qu'elle fit nommer Jehan du nom de son père, et qui fut le sieur de Soubize, duquel nous délibérons parler.

Quelque temps après la Royne vint à mourir ', laquelle à sa mort luy recommanda Madame Renée sa fille, qui depuis a esté duchesse de Ferrare, luy usant de ces mots : Madame de Soubize, je vous donne ma fille Renée, et n'entends point seulement que vous luy serviez de gouvernante, mais je la vous donne, et veux que vous luy soiez comme mère, remectant en elle l'amitié que vous m'avez portée.

Après la mort de la Royne, la dite dame mémorative des commandemens de sa maistresse, quelle aymoit encores morte, comme elle avoit faict vivante, demeura auprès de Madame Renée, qui n'avoit lors que quatre ou

1 Dans les premiers jours de janvier 1514. Voir La Saussaye, Histoire du château de Blois, 3e édition, in-12, p. 173.

- G — cinq ans, se formalisant en tont ce qm despendoit de son service, aultant que peut faire une personne bien affectionnée à l'endroit de celle qu'elle affectionne. Cela fit qu'elle ne demeura guères qu'elle ne fust mal voulue, car (comme c'est chose ordinaire aux changerons de règnes) Madame la régente qui avoit lors la principale authorité 1 , commença à entreprendre contre Madame Renée et contre tous ceulx qui avoyent esté aymez de la feue Roy ne, tellement qu'elle voulust luy faire perdre son rang, et faire aller devant elle sa fille qui espousa en premières nopces le duc d' Alençon, et depuis le Roy Heniy de Navarre ; à quoy et plusieurs aultres choses qu'on faisoit contre elle, la dame de Soubize s'opposoit fort et ferme , de sorte que Madame la régente et ceulx de sa faction ne cessèrent jamais qu'ils ne l'eussent chassée de la court 2.

4 Louise de Savoie, mère de François Ier, ne fut régente que dix ans plus tard, après le désastre de Pavie. Mais elle exerça de tout temps sur son fils une influence souvent funeste aux intérêts de l'État.

2 Madame de Soubise sut se retirer avec dignité, comme le témoignent les lignes suivantes d'une lettre au roi, datée d'Amboise, 2 juillet 1515 : « Je désire

Elle donc s'en vint en sa maison dn Parc 1 , prenant peine à bien faire instruire ses enfants, et fit estudier son fils aux lettres (chose fort rare de ce temps là) de sorte qu'il estoit tenu pour un des plus scavans hommes de sa robe qui fust en France. Ses trois filles, lesquelles elle ne pensoit point faire estudier, s'y adonnèrent tellement, tant pour l'amour de leur frère avec lequel elle se mirent à apprendre, que pour une certaine inclination qu'ils y avoient tous, qu'elles se rendirent des plus doctes femmes de leur temps, principallement l'aisnée 2, laquelle estoit tenue non seulement pour la plus docte de France, mais mesmes de chrestienté, aux langues grecque et latine, et aultres sciences humaines ; et qui plus est à estimer, dès ce temps la dite dame de Soubize avoit congnoissance de la vraye

plus demourer en vostre bonne grâce en ma maison que d'estre ici à vostre desplaisir. » Bibliothèque de Nantes. Copie communiquée par M. Prevel.

1 Le Parc-Soubise, commune de Mouchamp (Vendée). Ce n'est plus aujourd'hui qu'une ruine.

2 Anne de Parthenay, dont le célèbre critique ferrarais Lilio Gregorio Giraldi a fait le plus bel éloge •Luis le second livre de son Histoires des Poètes.

religion et y instruisit ses enfants dès leur petitesse.

Ainsy la dite dame demeura à sa maison jusques à ce que le mariage de Madame Renée fut accordé avec le duc de Ferrare ' ; car lors il se trouva de certaines affaires qu'elle seule entendoit, et à quoy on ne pouvoit donner ordre sans sçavoir quelques particularitez dont la Royne sa maistresse ne s'estoit fiée qu'en elle. Partant on fut contrainct de la mander, joinct que Madame Renée, qui assez mal volontiers consentoit à ce mariage, dit qu'elle ne partirait point de France qu'on ne lui rendist madame de Soubize, ce que pour la contenter on luy accorda.

Ainsy elle revint à la court, au grand contentement d'une infinité d'amys qu'elle y avoit, et s'en alla avec madame Renée à Ferrare, menant avec elle sa fille aisnée que le Sr de Pons désiroit espouser, et pour cest effect l'alla trouver à Ferrare où les nopces furent célébrées 2.

1 Le mariage de Renée avec Hercule d'Esté, fils aînée d'Alphonse Ier, duc de Ferrare, fut célébré à Paris le 30 juin 1528. Les deux époux ne partirent pour l'Italie que le mois de septembre suivant.

' En janvier 1534.

Elle y mena aussy sa plus jeune fille, qui depuis estre revenue en France, fut mariée au Sr de Surgères, laissant sa seconde fille à la court. Elle demeura à Ferrare neuf ou dix ans, et fut autant aymée et honorée que jamais dame françoise qui y fust , mesme du duc Alphonse qu'on tenoit pour le plus grand personnage d'Italie, lequel disoit n'avoir jamais parlé à une si sage et habille femme, et ne venoyt foys à la chambre de Madame de Ferrare, qui estoit tous les jours, qu'il ne l'entretint deux et trois heures, disant qu'il ne parloit jamais à elle qu'il n'y apprist quelque chose \

Pour revenir an Sr de Soubize, il fréquenta fort en sa jeunesse le pays d'Italie, tant à l'occasion de sa mère et de ses sœurs , qui , comme j'ay dit, y demeurèrent longtemps, que pour une infinité de vertus et honnestetez qui s'y peuvent apprendre, qui a faict que depuis il y a faict plusieurs voyages, et tonte sa vie a aymé ce pays là sur tous anltres.

1 Mme de Soubise quitta Ferrare le 20 mars 153G, après un séjour de moins de huit ans. Voir l'épître de Clément Marot dans ses Œuvres > édition de La Haye, t. I. p. 538.

ïoutesfois il fut contrainct de s'en absenter pour une telle occasion. Il n'avoit pas plus de dix sept ou dix huict ans qu'il devint amoureux d'une dame de laquelle un marquis dudit pays l'estoit aussy, tellement qu'à toutes triomphes, mascarades, tournois ou aultres combats, ils faisoient tousjours à l'envy l'un de l'aultre, de quoy le marquis se faschant, soit qu'il vist qu'il fust plus favorisé de sa dame que luy on aultrement, un jour d'un tournois qu'on rompoit des lances, luy vint demander s'il vouloit faire à bon escient, à quoy le Sr de Soubize ne fit refus, et estans tous deux sortis des lices, rompans leur bois l'un contre l'antre tous armez qu'ils estoient, celuy du Sr de Soubise perça le marquis de part en part, qui soudain tomba mort; qui fit que ledit sieur, tout à cheval qu'il estoit, partit incontinent et retourna en France, car le marquis estoit de grande maison et ses parents en firent de grandes poursnittes \

Au retour de là il demeura à la court où il

1 On ne trouve nulle mention de ce fait dans les anciens auteurs ferrarais. Est-ce une raison suffisante de le mettre en doute ?

fut fort bien voulu et favorizé des plus grands , et surtout de Monsieur d'Orléans de qui il estoit des plus favoris l. Monsieur le Dauphin et son frère, qui fut depuis le Roy Henry, l'aimèrent et recerchèrent aussy fort, désirans chascun de l'attirer à soy. Mais il ne se voulut jamais départir de Monsieur d'Orléans à qui il s'estoit du tout donné. Toutesfois comme celuy qui n'estoit pas né pour vivre en repos et sans traverses, il fut contrainct s'absenter de la court à l'occasion d'un nommé Vanlay, de la cause de la desfaveur duquel on se pourroit enquérir s'il y avoit quelques uns de ce temps là vivants. Seulement je sçay que ledit Vanlay estoit aussy fort favorit de Monsieur d'Orléans et grand amy du Sr de Soubize , et que le Eoy Francoys eut une telle cholère contre luy, au grant regret de Monsieur d'Orléans, que ledit sieur de Soubize, pour estre de ses amys, fut contraint de se retirer de la court, et demeura caché en maisons de ses amys, et quelquesfois venoit voir la dame de Soubize sa mère, de nuict senllement, en sa maison du

1 Charles , troisième fils de François Ier; il mourut en 1545.

Parc où elle estoit retournée d'Italie. A la fin néantmoins, il fut rappelle à la court, et mesmes par après fut employé pour le mariage de Monsieur d'Orléans, auquel l'Empereur vouloit donner sa niepce, et le Roy désiroit qu'il pust avoir sa fille avecques la duché de Milan ; et pour cest effet envoie le Sr de Soubize en Italie pour ceste négociation, laquelle il avoit heureusement acheminée au grand contentement du Roy. Mais Monsieur d'Orléans sur ces entrefaictes vint à mourir.

Entre aultres choses louables qui estoient en luy, il avoit le naturel merveilleusement bon, et ayma tousjours et honnora fort la dame de Soubize, laquelle, comme elle estoit au lict de la mort, l'envoya quérir; car combien qu'elle n'enst qu'une fiebvre lente dont ceulx qui estoient près d'elles ne faisoient cas, elle leur dit que la fiebvre qu'elle avoit n'estoit estimée dangereuse, mais telle qu'elle estoit elle la meneroit au tombeau ; partant fit faire sur l'heure trois dépesches : l'une pour mander son fils, l'aultre pour envoyer quérir un médecin, seullement disoit-elle, pour la soulager pendant qu'il plairoit à Dieu qu'elle

fust eu ce monde, auquel elle voyoit toutefois bien qu'elle ne pouvoit faire longue demeure. La troisiesme dépesche qu'elle fît, fut pour avoir un médecin de l'âme, et pourtant manda Jehan de l'Espine, qui est aujourd'huy un des plus excellents ministres que nous ayons , et qui deslors ( combien qu'il fust encores de l'ordre des Augustins), preschoit la vérité, comme ont fait depuis plusieurs grands personnages qui n'eussent osé enseigner, sinon au travers de la fenêtre de drap (?) ; et combien que du temps de la dite dame telles gens fussent bien rares, si est-ce qu'elle en a tousjours eu et les a fait prescher en ses terres ; tellement que depuis ce temps la parolle de Dieu a tousjours continué d'y estre enseignée purement par des moynes qui (comme dit est), avoient congnoissance de la religion, et jusques à ce que, par les édits du roy, les ministres ont pu y presclier à descouvert. Quand donc le dit de l'Espine fut venu, elle voulut faire la cène avec ceulx de sa maison , et comme il luy fit demander avant que faire le presche si elle vouloit qu'il chantast la messe, elle n'y fit point de response, et comme une de ses

femmes qui pensoit qu'elle ne l'eust point ouy le luy redemandast encore, elle luy dit en cholère : Non, non, c'est trop longtemps dissimuler ce que nous avons dans le cœur. Ainsy, le presche fait, elle communiqua à la cène soubz les deux espèces, comme nous faisons anjourd'huy, laquelle cognoissancepeu de gens avoient lors, car elle mourut dès l'an 1549.

Quand le S1' de Soubise , qui soudain avoit pris la poste, fut venu, elle luy voulut commencer à déclarer les dernières choses qu'elle s'estoit jusques alors réservée à luy dire. Mais cognoissant qu'il pleuroit, elle se courrouça contre luy luy disant : Ostez-vous d'icy, vous estes indigne de vous trouver en tels actes. Le lendemain il la revint trouver, s'estant le plus qu'il avoit pu résolu de se commander, ce qu'il fit avec telle peine que depuis il a advoué qu'il avoit cuydé crever. Elle alors luy dict sa dernière volonté et luy fit plusieurs remonstrances, parlant à luy de sa mort aussi paisiblement et résolument que si elle lui eust dict à dieu pour faire un petit voyage pour s'aller recréer. Pour la fin elle lui dist : Je vous ai dict beaucoup de choses que peut-estre

vous ne goustez pas à présent comme vous ferez quelque jour. Mais quand je seray esvanouye de devant vos yeux, il vous souviendra mieux de tout ce que je vous ay dit, et l'expérience le vous fera trouver véritable. Et de fait, toute sa vie il a tellement estimé ce qu'il avait ouy d'elle, qu'il l'a observé autant et plus soigneusement depuis sa mort que durant qu'elle estoit vivante. Il porta un merveilleux regret de son décès, et d'abondant eut tout à un coup l'ennuy de la perte de Madame de Pons, sa sœur, qui estoit morte à Paris d'un cancer, cinq jours avant sa mère, tellement qu'elles ne sceurent point la mort l'une de l'autre l.

Pour le regard de la profession que fit le dit Sr de Soubize des armes, dès qu'il commença à les pouvoir porter, il suivit les guerres, ce qu'il a continué toute sa vie. La première où il se trouva fut celle durant laquelle

1 Anne de Pons avait quitté Ferrare avec son mari, victime d'une disgrâce de cour, en 1545. Ce dernier lui survécut longtemps, et épousa, en secondes noces, Marie de Montchenu, que Théodore de Bèze appelle a l'une des plus diffamées demoiselles de France ».

les François eurent du pire à une rencontre où Monsr de Sanssac fut pris comme ils vouloient avi tailler Terouane '. Cela fut longtemps avant la mort de la dame de Soubize et devant tout ce qui a esté dit cy dessus de la desfaveur du Sr de Soubize, car il estoit encores en sa première jeunesse. Se trouvant donc à la susdicte rencontre, il fut pris prisonnier, et pour sauver sa rançon et sortir avec moins de difficulté , il ne voulut pas déclarer qui il estoit et fît accroire qu'il se nommait Ambleville, qui fut le premier nom qui lui vint en la bouche et lequel il cognoissoit si peu que tout soudain il l'oublia et fut plus de deux heures sans s'en pouvoir ressouvenir, durant lequel temps personne ne le luy redemanda. Partant il ne fut point découvert. Néantmoins ceux qui le tenoient avoient tousjours oppinion qu'il estoit autre qu'il ne se feignoit, ne luy trouvant pas l'apparence d'un homme de petite qualité , combien qu'il changeast sa grâce accoustumée le plus qu'il pouvoit, et luy demandoient fort comment il avoit

1 Ceci se rapporte à la campagne contre les impériaux que termina la trêve de Nice (1538).

un harnoys et des armes tant dorées et une casaque si riche; à quoy il respondoit que c'estoit un présent que luy avoit fait un escuyer du roy peu de jours auparavant le mettant hors de page. Ainsy avec telles desfaites il les abusoit le mieux qu'il pouvoit. Toutesfois ils persistoient tousjours en ce soupçon que c'estoit quelque jeune homme de bonne part, veu son port et sa façon, de sorte que cela luy retarda beaucoup sa délivrance, et fut un an prisonnier au chasteau de Tlsle en Flandre, où il fut au commencement assez maltraité; toutesfois par après, par le moyen de la femme de celuy qui le tenoit et de sa fille, qui en estoit fort amoureuse, à cause que lors il estoit fort beau, il reçut d'elles plusieurs courtoisies et eut meilleur traitement, et enfin, n'ayaut pu estre descouvert, en sortit pour mille escus. Bientost après, cette mesme dame et sa fille vindrent à la court, avec la royne de Hongrie 1, où elles le recogneurent et furent bien estonnées voyans quel il estoit, qui ne fut pas sans passer le temps de la tromperie qu'il leur avoit donnée.

1 Lïnfante Marie, sœur de Charles-Quint, et gouvernante des Pays-Bas.

Depuis il a tousjours continué à se trouver à toutes les guerres de son temps, esquelles il a fait tel debvoir qu'il a acquis la réputation d'un des plus sages et experts cappitaines de France, ce que voyant ses ennemys ont, tant qu'ils ont peu, tasché de le reculer et d'ernpescher qu'il n'obtint des charges honorables pour luy oster le moyen de monstrer sa valleur; mais luy a tousjours tellement combattu contre le malheur, qu'il a tiré honneur de ce qu'ils faisoient, luy pensant pourchasser blasme, car tant plus ils taschoient de luy donner les charges hazardeuses, tant plus ( Dieu luy faisant la grâce de les exécuter heureusement ) il en rapportoit de louange.

Or estoient ses ennemys tous ceulx de la maison de Guise, lesquels le hayoient d'autant plus fort qu'ils avoient tant qu'ils avoient peu tasché de l'attirer à eux et de luy faire quicter le party de ceux de Montmorency, ce qu'il n'avoit jamais voulu faire, tant pour la meschanceté qu'il congnoissoit notoirement en ceulx de Guise, lesquels il croyoit dès lors devoir estre un jour la ruine du Royaulme , que pour l'amitié qu'il portoit aux autres, et par-

ticulièrement à Messieurs de Chastillon, desquels il fut tousjours inthimé amy, tellement que tous trois le tenoient comme pour leur quatriesme frère, nommément Monsieur l'Admirai, qui a dit beaucoup de foys que luy estant mort, il ne luy estoit plus resté un tel amy, et que l 'amitié qui estoit entre eux ri estoit point seulement cFamys mais de frères.

Ainsy donc ceulx de Guise voyant qu'ils ne l'avoyent sceu attirer à eux, l'en hayrent plus fort, et le craignoient d'autant plus qu'ils congnoissoient sa valeur, tellement que (comme dit est) ils taschèrent tousjours de luy faire donner les charges où il y avoit moins d'honneur et plus de hasard. Mesmes Monsieur le cardinal de Chastillon, à l'heure que Monsieur le Connétable estoit prisonnier 1, voyant combien ceulx de Guise recherchoient le sieur de Soubize , et comme le refus qu'il faisoit de prendre leur party l'empeschoit d'estre advancé, luy conseilla de ne les refuser pas , comme il faisoit , luy remonstrant le moyen qu'ils auroient de l'advancer et le peu

'• Après la bataille de Saint-Quentin (1557-1558).

qu'en avoient pour lors ceulx de Montmorency, auxquels il pourroit d'advantage servir en se dissimulant, et suivant pour quelque temps le party des dits de Guise ; à quoy le sieur de Soubize, respondit : Comment, Monsieur, me vouldriez vous bien conseiller cela? Je le vous dis , respondit le dit sieur Cardinal , voyant le peu de moien que nous avons pour ceste heure de faire pour vous, et qu'estant advancé par eulx, comme vous ne tarderiez guères, vous auriez plus de moien de faire service à Monsr le connestable. Je ne sçaurais avoir le cœur, respondit le sieur de Soubize , de ru'obliger à gens que je congnois notoirement meschants, ni seulement de feindre de n'aymer point mes amis ; chose qu'il a souvent dicte à la Royne et à Madame de Montpensier, quand elles luy conseilloient de ne rejeter pas tant la faveur qu'ils monstroient luy vouloir porter avant que leur haine fust si descouverte en son endroit, et disoit tousjours que son naturel estoit si esloigné de cela qu'il luy seroit impossible de s'obliger à personne qu'il n'aimoit ni n'estimoit.

Un de ses plus grands amis aussy fut le

maréchal Strozzy ', qui semblablement estoit fort contraire à la faction de ceulx de Guise, de sorte que luy et le dit sieur de Soubize estans au siège de Calais , de la prise duquel ils furent tous deux par leur labeur et diligence la principale cause, comme ils logeassent tousjours ensemble et couchassent en mesme chambre, passants une grande partie des nuits à discourir tous deux, le maréchal Strozzy luy disoit souvent : Sommes-nous pas bien misérables de nous hazarder tous les jours et prendre tant de peine , pour aggrandir et faire cueillir l'honneur de nostre labeur à celui qui nous voudroit avoir ruynez, et qui sera un jour cause de la ruyne de la France ? disant cela du S' de Guise qui commandoit au dit siège. Il est vray, respondit le S1 de Soubize, mais puisque nostre honneur, nostre debvoir, et le service de nostre Roy le nous commande, il le fault faire.

1 Pierre Strozzi, d'une ancienne famille de Florence alliée aux Médicis, servit avec éclat sous François Ier et Henri II, fut nommé maréchal de France en 1554, et périt glorieusement au siège de Thionville. le 20 juin 1558.

Il estoit aussy dans Metz quand il fut assiégé1, où combien qu'il n'eust point de charge, comme aussy il n'eust pas recerché d'en avoir, veu que le Sr de Guise y commandoit, toutesfois il estoit tellement aymé et respecté de toute la jeunesse qui y estoit, entr'autres du duc Horace2, du S! Dampierre, desquels il estoit intimé amy, et d'une infinité de brave noblesse de ce temps là, qu'ils n'eussent pas voullu faire la moindre sortie sans son advis, luy déférans tout ainsy qu'ils eussent fait à leur chef. Mesme le Sr de Guise qui ne faisoit en son endroit que ce qu'il ne pouvoit honnestement laisser à faire , ne failloit jamais, si d'aventure il ne s'estoit peu trouver au Conseil, de luy descouvrir tout ce qui s'y estoit passé, et s'il estoit d'autre opinion que ce qui s'y estoit résolu, il changeoit la plupart du temps pour se gouverner selon la sienne.

1 D'octobre 1552 à janvier 1553. Au mois de septembre précédent, Soubise avait été envoyé ;ï Nancy pour sonder le comte de Vandemont et lui offrir les moyens de défendre cette ville contre les impériaux. Voir son rapport au roi. (Fonds français, vol. 20577, fol. 170.)

2 Horace Farnèse, duc de Castro, qui avait épousé Diane, tille naturelle de Henri II.

Au retour de Metz, il espousa dame Anthoinette d'Aubeterre l, qui estoit une des filles de la Royne mère du Roy, laquelle il ayruoit longtemps auparavant, et avant que penser à l'espouser, luy avoit donné congnoissance de la vraye religion , comme celle qu'il aimoit lors comme sa sœur, et avec laquelle il a depuis vescu jusques à sa mort en la plus grande et parfaicte amitié qui peult estre entre mary et femme. Incontinent l'avoir espouzée, elle eut un fils qui ne vesquit que cinq semaines, et bientost après une fille 2.

Après qu'il eust espousé la dicte dame, il partit pour aller aux guerres de Picardie , le voyage que Hesdin et Terouanne furent pris ", et y fut tout cest esté là. L'été suivant il retourna au camp , encores en Picardie , qui fut lorsque Dinain fut pris, là où il cuyda perdre la vie; car estant allé à l'assaut avec Monsieur de Cbastillon, qui estoit lors colonel des gens

1 Le mariage eut lieu le 9 mai 1553. Soubise était alors âgé de quarante ans.

2 Catherine de Parthenay.

3 Grâce à l'incurie de la cour, Terouanne succomba le 20 juin 1553, après une résistance héroïque, et fut

ment détruit. Le château d'Hesdin eut même sort.

de pied , comme aiusy fut que la bresche fust si droicte qu'après la ville prinse , les François voulans essayer d'y monter avec l'escarpin, ne le pouvoient sans glisser et tomber, le dit Sr de Soubize estant environ au milieu du chemin , fut attainct d'un coup de pierre sur la teste qui le fit tomber le visage en bas , de sorte que ne se pouvant relever, tant pour le faix des armes que pour la difficulté du lieu, il avoit tant perdu l'haleine qu'il estoit prêt à estouffer, sans ung gentilhomme qu'il ne congnoissoit point , et que depuis il n'a sceu veoir ny sçavoir qui il estoit, qui le voyant en cet estât, luy vint à grand haste couper les courroyes qui tenoient son habillement de teste, et le luy osta, de sorte qu'il acheva de monter sur la bresche , la teste nue , dout il revint toutesfois sans estre blessé; et eut toute sa vie extrême regret de n'avoir sceu congnoistre le gentilhomme qui luy avoit faict ce bon office, duquel il s'enquist le plus qu'il put. Ce fut en ce lieu où fut tué un gentilhomme nommé monsieur de la Roue, fort estimé, qui estoit aussy allé à l'assaut avec ledit Sv de Soubize. Au retour de là il revint à la Court là où

ses enneniys , suyvant leur coustume qui estoit de luy moyenner tousjours quelque charge ruineuse, firent qu'il fust depesclié vers le Duc de Parme ', lequel on tenoit pour estre du tout résolu de qiùcter le party du Roy, par le moien de sa femme qiù estoit bastarde de l'Empereur; et estoient déjà les choses en tel estât qu'on n'espéroit point qu'il y eust moien de l'en empescher ny de rien négocier avecques luy pour le service du Roy , qui fut cause ( comme dit est) que ceulx de Guise trouvèrent ceste charge propre pour le Sr de Soubize, lequel à ceste occasion supplia fort le Roy de l'en vouloir exempter, luy remonstrant qu'il ne luy pouvoit faire en cest endroit aucun service. Mais le Roy persista tousjours à ce qu'il y allast et luy dit enfin : Je sçay bien qu'il n'y a point d'apparence d'en venir à bout, et quand vous ne le ferez pas, je ne vous en donneray aucun blasme, car ce ne sera que ce que j'attens; mais bien sçay-je que si homme le peult faire,

1 Octave Farnèse, fils de ce Pierre Louis qui fut a.>sa^siné à Plaisance en 1547, et petit -fils du pape Paul III. Par son mariage avec Marguerite d'Autriche, il était devenu gendre de Charles-Quint.

ce sera vous, et si d'aventure vous en veniez à bout, vous me feriez un fort singulier service. Partant je désire qne vous l'entrepreniez, sçachant que s'il se peut faire, vous le ferez, et s'il ne se peut faire, c'est à quoy je suis tout résolu.

Suivant doncques la volonté du Roy, le Sr de Soubize partit, selon le dessein de ses ennemys, à quoy avoit aussy aidé le maréchal de Sainct- André , lequel avoit en son esprit d'acquérir Aubeterre, qui est une des belles terres de France, comme celle qui a vallu telle année plus de cent mille francs , de laquelle il espéroit s'accommoder par le moien de la dame d'Aubeterre, tante de sa femme et belle-mère de la dame de Soubize, et de se servir de l'envie qu'avoient messieurs d'Aubeterre, frères de la dite dame de Soubize, de se retirer à Genève, à cause de la religion dont ils estoient desjà déclarez ', pour avoir

1 Voir, dans le recueil des Lettres françaises de Calvin, 1. 1, p. 387, la curieuse lettre adressée, en 1553, à Du Bouchard, vicomte d'Aubeterre, «. pour envoier à son père lequel estoit contraire à la parolle de Dieu ». Brantôme vit un d'Aubeterre faiseur de boutons à Genève, où tout réfugié était tenu d'avoir un métier.

leur terre à non prix, si d'aventure le S' d'Aubeterre leur père, qui estoit encores en vie, venoit à mourir. Et pour ce qu'il ne craignoit que personne luy pust tant nuire en cest endroit que le dit Sr de Soubize , il désiroit l'esloigner cependant qu'il feroit ce trafic ; ce qui luy réussit, comme il avoit proposé; car neuf mois après le partement du dit sieur, le Sr d'Aubeterre, son beau-père, mourut, qui fit penser qu'on lui avoit advancé ses jours, de façon que pendant son absence le dit maréchal négocia ce faict, en sorte qu'il s'en est ensuivy de grandes ruynes en leur maison.

Quant au Sr de Soubize il alla à Parme, où il fut huit ou neuf mois ', durant lesquels il mania tellement le Duc de Parme qu'il de-

1 II y arriva vers la fin de décembre 1554. A cette mission de Soubisc se rapportent diverses lettres au roi et au connétable de Montmorency, conservées à la Bibliothèque nationale, et que Ton reproduit à l'Appendice. Ces lettres prouvent à la fois l'extrême diligence de Soubise, et l'impossibilité où il fut d'agir militairement, faute de moyens. Son but n'en fut pas moins atteint : Parme ne tomba pas au pouvoir des Espagnols, et le duc se vit condamné à une neutralité absolne.

meura en l'amitié du Roy contre l'attente de tous et au grand contentement de Sa Maté, de quoy ses ennemys estans merveilleusement estonnez et marris, et voyans qu'il estoit venu à bout de cest affaire, contre leur espérance, luy en procurèrent incontinent un autre dont ils pensoient qu'il deust encores moins sortir à son honneur, qui fut de le faire envoyer de là lieutenant pour le Roy à Montalcin , et de le faire succéder à la charge du maréchal Strozzy, lorsque le dit maréchal fut contraint de s'en revenir pour les grandes pertes qu'il y avait faites par faulte de secours et non de valeur1. Mais les mesmes ennemys du Sr de Soubize luy estoient fort peu favorables, tellement qu'à faulte d'avoir esté assisté il avoit

1 Les efforts réunis de Strozzi et de Montluc ne purent sauver Sienne, qui capitula, le 21 avril 1555. Les exilés siennois se retirèrent alors à Montalcino, et soutinrent encore la lutte plus d'un an contre Cûme Ier, duc de Toscane. Toujours chargé des missions ingrates, Soubise fut appelé à diriger la résistance quand tout espoir de succès était perdu. Montluc, désigné pour le remplacer en 1556, lui rendit ce témoignage : « J'ay trouvé M. de Soubise, lequel m'a fort bien et deuemcnt informé de tout, et auxquelles (affaires) il a donné si bon ordre, que quand je ne ferois sinon ensuivre ce

perdu une bataille *. L'ennemy avoit gaigné le Port Hercole, et autres places, de sorte qu'il fut contrainct de s'en revenir, ce que voyants ceulx de G-uise, trouvèrent encore la charge de luy succéder digne du Sr de Soubize, faisant estât asseuré qu'il n'en pourroit retourner sans perdre ou l'honneur ou la vie, ou tous les deux ensemble, ce que toutesfois il ne fît. Ains y alla et en revint avec tel honneur que ses ennemys mesmes estoient contraincts de confesser qu'il ne se pouvoit mieux faire, ce que le maréchal Strozzypublioit partout, disant mesmes : Il semble que je face contre moy en ce que je dis. Mais celuy qui sçauroit bien comme j'ay esté mal secouru, advoueroit qu'il n'y a point eu de ma faute en ce qui a esté perdu pendant

qu'il a faict, j'aurois opinion qu'il n'en adviendroit point d'inconvénient, vous asseurant, Monseigneur, qu'il s'est si bien porté que le magistrat est demeuré aussi satisfaict et content de luy que de ministre que le roy et vous y eussiez sceu envoyer. » (Commentaires et Lettres, t. IV, p. 60.) Cet éloge d'un grand homme de guerre peut consoler Soubise des critiques de M. de Euble, le moderne éditeur de Montluc.

1 Celle de Lucignano (2 août 1554) qui permit au marquis 'le Marignan d'investir Sienne.

que je commandois en Italie. Tant y a que pour le peu de secours qu'on m'a donné , les affaires estoient en tel estât que si on n'y eust envoyé Monsieur de Soubize, quand j'en suis party, tout estoit achevé de ruiner, et ne luy peut-on oster que l'honneur n'en appartienne à luy seul.

Quant à ce qu'il y fit, pendant qu'il y commanda, et aux villes qu'il y reprit, vous en avez des mémoires et instructions bien amples \ Seulement vous diray-je que quand le Roy fit la paix par laquelle il rendoit tout ce qu'il tenoit au dit pays 2, il avoit un tel mal au cœur de veoir qu'il falloit rendre ce qu'avec tant de peines il avoit acquis et gardé, que cella lui estoit presques insupportable, ne se pouvant à toute heure garder de plaindre ces pouvres gens qu'il sçavoit estre bons François qu'on remettoit entre les mains de leurs ennemys.

1 Ces Mémoires relatifs aux affaires de Toscane ne sont sans doute que les lettres mentionnées dans la note de la page 27.

2 Le traité de Cateau-Cambrcsis, signé le 3 avril 1559, par lequel le roi s'engageait à évacuer toutes les places du Piémont et de la Toscane.

Comme il retournoit de là , il trouva Monsieur de Guise à Lion qui menoit une armée delà les monts ', par le commandement du roy, lequel luyfit une infinité de bonnes chères, et mesme luy dit qu'il le prieroit volontiers d'aller avec luy, n'estoit qu'il avoit desjà donné les principales charges, tellement qu'il n'en avoit plus à donner de digne de luy; à quoy le Srde Soubize lui respondit, l'ayant remercié, qu'aussy bien falloit-il qu'il allast rendre compte de sa charge au Roy, ce qu'il fit, et estant arrivé à la cour, dist entr'autres choses à M. le Connétable qu'il avoit esté bien estonné, voyant qu'on envoyoit ceste armée en Italie et que c'est que le Roy pensoit faire ; car oultre la rupture de la tresve qui ne pouvoit apporter que mal (ne s'estant jamais bien ensuivy d'un violement de foy) on voyoit que ceulx de Guise ne tendoient qu'à leur particulier, et que cela mectroit la France en telle nécessité que ce seroit la ruyne du royaume, comme l'efFect ensuivit. Car le peu de moyen à quoy les frais de ceste guerre réduisirent le

1 Pour l'impolitique expédition de Naples, qui suivit ta rupture de la trêve de Vaucelles (31 juillet 1556).

Roy fut cause de la prise de Saint-Quentin, et de la perte de la bataille et de la prise du dit Sr Connétable, qui sembloit sentir des lors le mal qu'il lui en adviendroit, car il respondit au Sr de Soubize que cella s'estoit fait contre sa volonté, et qu'il l'avoit bien remonstré au Roy, mais que Madame de Valentinois l'avait emporté sur luy, estant bien ayse de la trouver de mesme advis que luy, et le pria de le remonstrer encores au Roy et luy dire les mesmes choses qu'il luy avoient dictes, à quoi le S1' de Soubize luy respondit : Comment, Monsieur, quelle vertu pourroient avoir mes paroles après les vostres?Non,luy dit Monsieur le Connétable : Je vous prie, faites-rnoy ce plaisir de le dire encores au Roy. Ce nonobstant l'advis du dit Sr Connestable ne fut point suivy, comme l'on sçait.

Pour le regard de la charge que le dit Sr de Soubize avoit eu en Italie, le Roy en fut si content et le recogneut y avoir si bien faict qu'il délibéroit luy faire beaucoup d'honneur et d'avancement. Mais luy qui estoit tousjours combattu de l'envie de ses malveillans, le fut encores lors de Madame de Valentinois qui

empescha la bonne volonté du Roy, hayant le dit Sr de Soubize tant à cause de la religion dont (bien qu'il n'en eust encores faict profession), chascun de tout temps sçavoit qu'il estoit, que pour ce qu'elle estoit encores bien avecques ceulx de Guise, ce qu'elle ne fut pas tousjours.

Peu après fut faict le voyage de Calais , de la prise duquel, comme j 'ay dit cy-dessus, ceulx qui sçavent comment les choses passèrent, donnoient le principal honneur à luy et au maréchal Strozzy. Par après 1 fut le voyage de St-Quentin , auquel il estoit maréchal de camp, et à la bataille qui y fut perdue. Il y fut pris et recouru trois ou quatre fois , selon que les François avoient du meilleur ou du pire. Enfin toutesfois il se sauva, et au partir de là comme tous les chefs cappitaines fussent fort espou vantez, la plus commune opinion estoit que le Roy Philippe viendroit assiéger Paris , et comme le Roy tenant Conseil dans le chasteau du Louvre, demandast l'advis de ceulx

1 II y a ici une légère confusion : la bataille de Saint-Quentin, 10 août 1557, précéda de cinq mois la prise de Calais (3 janvier 1558).

qui estoient assemblez, il y avoit presse à se taire, de sorte que le Sr de Tavannes , bien que depuis il ayt esté grand cappitaine, et que dès lors il fust en réputation, ne fit aultre responce au Roy que de se prendre à rire contre luy , ce que les autres trouvoyent fort estrange, voyants qu'il n'estoit lors l'heure de plaisanter. Là dessus le cardinal de Lorraine, qui estoit tout debout derrière la chaire du Roy, pensant bien que celuy qui parleroit le premier n'auroit pas l'advantage et se pourroit trouver estonné, dist malicieusement au Sr de Soubize, afin de faire tomber ceste honte sur luy, que le Roy vouloit qu'il dist son advis ; sur quoy le Sr de Soubize qui, entre autres dons de nature, avoit cestuy là, que plus on le vouloit estonner, plus il avoit de hardiesse, et que il sembloit estre plus en son naturel auprès du Roy et des princes qu'auprès de ses inférieurs, suivant le commandement du Roy, dist son opinion, la conclusion de laquelle fut que l'ennemy ne viendroit point à Paris ; à quoy le cardinal de Lorraine tout renfroigné luy respondit : Et qui l'en empeschera? Personne, dit le S' de Soubize, car le Roy n'a

pas ses forces assemblées ; mais on l'empescheroit bien de s'en retourner, car le Roy entre cy et là pourra faire amas de ses gens, de sorte que si le Duc de Savoie et le Duc d'Albe viennent, et qu'ils prennent Paris (comme je ne doubte point qu'il ne leur soit aisé) ils ne le sçauroient garder, ny retirer leurs soldats d'une telle ville, et le Roy les pourroit ruiner par le moien des forces qu'il pourra assembler entre cy et là, tellement que s'ils sont cappitaines, ils ne le feront point, considéré que ce seroit leur ruine. Et que feront-ils donc?respondit le cardinal de Lorraine. Ils prendront quattre ou cinq bicoques, dit le Sr de Soubize, comme An (Ham), Catelay, et les autres, que de faict ils prirent, lesquelles il nomma, et puis se retireront sans rien hasarder, se contentans de la belle victoire qu'ils ont eue, comme l'effect s'ensuivit tout tel; de sorte qu'il sembloit à l'ouïr parler qu'il eust esté au conseil de l'ennemy, et qu'il eust entendu d'eux-mesmes leurs desseins; et là-dessus donna advis de se gouverner, supposant les choses comme a esté dict, lequel advis fut trouvé fort bon du Roy, et de tous ceulx du

conseil qui l'approuvèrent tellement qu'il fut suivi. Et au partir de là la Royne demandant au cardinal de Lorraine ce qui avoit esté advisé, il luy respondit qu'il falloit confesser que l'honneur du conseil de ce jour estoit deu au Sr de Soubize, et que pour parler à la vérité, il n'y avoit un seul de tous ceulx qui estoient au conseil qui du tout eust rien dit qui vaille que luy et le S1 d'Urfé, qui estoit un gentilhomme de Bourgoigne, gouverneur du Roy Daulphin, à quoy Madame de Montpensier qui estoit présente, respondit : Je suis bien aise, Monsieur, de quoy vous voulez advouer la valeur d'un tel homme, parlant du dit Sr de Soubize. Ha, ce dist le cardinal, quand il est question du service du Roy, je ne veulx point mentir.

Peu après fat l'entreprise d'Amboise, laquelle le Sr de la Renaudie qui estoit de ses plus grands amis , luy avoit déclarée à Paris dès le mois de septembre, dont elle fut exécutée le mois de febvrier d'après '. Sur le point que l'exécution s'en devoit faire, il estoit à la Court là où on murmuroit fort qu'il devoit y

1 Ce fut le 16 mare 1560 qu'eut lieu la malheureuse tentative de La Renaudie sur le château d'Amboise.

avoir quelque esmeute, et ceux de Guise en estoient fort en alarme. Mais on n'en pouvoit rien sçavoir de certain, car luy et les aultres qui la sçavoient la tenoient secrette, tellement que la Royne un jour allant à Chenonceau, luy disoit : C'est grand cas ; nous avons tant d'advertissemens. On dit qu'il y a tant de gens armez, et ne sçait-on à quelle occasion. A quoy le Sr de Soubize luy respondit seulement tout froidement : C'est quelque armée en l'air de quoy on vous parle, Madame. Il n'y a personne de ceulx dont on murmure qui voulust attenter à Vos Matés, comme de faict c'estoit bien loing de leur intention.

Peu de jours après il estoit délibéré de partir de la Court, et mesme un soir ayant prins congé du Roy et delà Royne, comme il prenoit congé de Monsieur de Guise, le dit Sr de Guise commença à se vouloir excuser du soupçon qu'il avoit eu qu'on voulut faire quelque entreprise, luy disant que de faict il avoit eu des advertissements d'aucuns qu'on disoit vouloir entreprendre quelque chose contre le service du Roy et contre ceulx de sa maison ; mais qu'il voyoit bien qu'il n'en estoit rien ,

et que mesme il avoit honte d'en avoir creu ce qu'il en avoit creu, à quoy le Sr de Soubize luy respondit seulement en général : Monsieur, un grand cappitaine ne peult estre blasmé de ne mespriser point les advertissements, et vault mieulx faillir en croyant trop qu'en laissant à croire, de laquelle response le Sr de Guise monstra estre bien aize.

Le lendemain le dit sieur estant prest à monter à cheval pour partir, fut mandé par le dit sieur de Guise, lequel lui dist que le soir auparavant il pensoit que le murmure qu'on faisoit de ceste entreprise fust vain, mais que la nuit il avoit esté pris des prisonniers qui avoient advoué desjà beaucoup de choses, et qu'il y en avoit un qui estoit de la ville de Soubize, qui estoit l'occasion pourquoy il l'avoit mandé, luy disant là-dessus qu'il ne falloit pas qu'il s'en allast, mais qu'il demeurast près du Roy, estant besoing qu'il le fist ainsy pour le service de Sa Maté; ce qu'oyant le Sr de Soubize ne fit semblant de rien, estant toutesfois bien marry du mauvais succès de l'entreprise, et cogneut bien qu'il seroit contraint de demeurer, comme il fit. Au sortir du logis du

Sr de Guise, il trouva Monsieur le cardinal de Chastillon qui alloit aussi prendre congé du Roy pour partir le mesme jour, à qui il conta ce qu'il avoit sceu du Sr de Guise, et luy dist qu'il n'avoit que faire d'aller prendre congé, pour ce qu'il seroit retenu aussi bien que luy, à quoy le dit Sr Cardinal luy dist qu'il estoit résolu de s'en aller, et que quelque presse qu'on luy fist au contraire, il ne demeureroit pas. Toutesfois il fut retenu aussi bien que le Sr de Soubize.

Là-dessus on commença à descouvrir davantage de l'entreprise, et fut le Sr de Soubize (qui estoit fort soupçonné d'en estre consentant), grandement pressé d'enseigner le Sr de la Renaudie, pour ce qu'on sçavoit qu'il estoit de ses grands amys, et pourtant croyoit-on qu'il sçavoit bien où il estoit; à quoy il fit tousjours responce qu'il ne le sçavoit point. Toutesfois on ne laissoit de l'en presser fort jusques à ce qu'enfin il dit à la Royue : Madame , ne me faictes point ce commandement, car je ne sçay où il est; mais quand je le sçaurois, j'aimerois mieux estre mort que de le dire. — Mais pourquoy , luy dist la Royne ; vous

ne devez rien craindre pour luy, car s'il n'a rien fait contre le Roy, il ne sera point puny ; à quoy le Sr de Soubize luy respondit : Je sçay bien qu'on trouvera qu'il a faict contre le Roy, puisqu'il a fait contre ceulx de Guise, car aujourd'huy en France c'est estre criminel de lèse majesté d'avoir faict contre eulx, d'aultant qu'en effect ce sont eulx qui sont Rois ; de sorte que jamais on ne sceut tirer autre chose de sa bouche. Ses amys neantmoins estoient marris de quoy il parloit si librement. Et mesmes Monsieur l'Admirai luy disoit qu'il se debvoit contenter de ne faire point ce dont on le requeroit, sans parler si ouvertement ; et qu'il n'avoit que faire de se rendre plus odieux, veu qu'il l'estoit desjà assez à ceulx de Guise. Mais le Sr de Soubize, lui dist qu'il ne vouloit pas seulement qu'on pensast qu'il fust si lasche que de trahir son amy quand il le pourroit faire, de quoy Madame de Montpensier luy dist qu'elle luy sçavoit bon gré, et que c'estoit fait en homme franc et tel qu'il estoit. Toutesfois on le pressoit tousjours de plus fort d'enseigner le dict la Renaudie, qui fit qu'enfin il respondit à la Royne : Madame,

Monsieur de Guise est cappitaine, et sçait en quoy gist l'honneur d'un gentilhomme, et davantage est celuy qui se sent le plus intéressé en ceste entreprise et qui est plus ennemy de ceulx qui l'ont faicte. S'il veult prendre sur son honneur que je puis avecques le mien faire ce qu'on me demande, je m'offre d'aller quérir Monsr de la Renaudie, et de faire ce qui sera en moy pour le vous rendre entre les mains. Ce que Monsr de Guise ne voulut pas prendre sur son honneur.

Il est vray que, dès avant l'exécution de l'entreprise , il avoit adverti le Sr de la Renaudie de ne le croire point, quoy qu'il luy peust mander, ny quoy qu'il vist escript de sa main, pourceque peut-estre on le pourroit contraindre par force d'escripre quelque chose contre sa volonté. Nonobstant tout ce que dessus, le Sr de la Renaudie fut tué de la façon que chacun sçait, dont le dit S1' de Soubize porta un merveilleux regret, et fut pris un des gens dudit Sr de la Renaudie nommé La Bigne, qui estoit chargé de mémoires et instructions '.

1 Sur les interrogatoires de La Bigne, voir le président de La Place : Commentaires de V Estât de la religion

Quand le dit La Bigne fut mené devant le Roy, le Sr de Soubize estoit présent qui craignit bien lors estre descouvert, car il sçavoit que le dit sieur de la Renaudie se fioit du tout en cest homme là, auquel pour ceste raison on fit voir plusieurs fois le Sr de Soubize, faisant cacher le dit La Bigne derrière la tapisserie, quand il estoit en une salle ou en une chambre, pour veoir s'il le nommeroit point. Mais jamais il n'advoua qu'il fust de l'entreprise, à cause que ledit la Renaudie aimoit tant le Sr de Soubize que de peur de le mettre en peine, il n'avoit jamais confessé à personne luy avoir déclaré la dicte entreprise. Mais au contraire, afin que tous peussent témoigner qu'il ne la sçavoit point, quand quelqu'un de ses amys lui conseilloit de s'en descouvrir à luy, il luy respondoit qu'il n'avoit garde de ce faire

et république, p. 43, et Régnier de La Planche : Histoire de l'Estat de France sous le règne de François II, p. 187. Le premier article du mémoire en chiffre trouvé sur La Bigne était ainsi conçu : « Protestation faite par le chef et tous ceux du conseil de n'attenter aucune chose contre la majesté des Rois ni contre les Princes de son sang ni Testât du Royaume, à quoy s'accordoient tous les autres articles, etc.... »

pour ce qu'il le sçavoit trop serviteur de la Royne.

Or, comme a esté dict, le Sr de Soubize, combien qu'il eust de tout temps eu cognoissance de la religion, ne s'en estoit encores point déclaré, ce que toutesfois il désiroit fort pouvoir faire. Mais jusques là le commandement de la Royne, les promesses des grands, l'asseurance d'un reculement certain, et telles considérations, l'avoyent tousjours retenu, tellement que la dame de Soubize, sa femme, qui n'avoit eu congnoissance de la vraye religion que par son moien, fut la première à s'en déclarer, et y avoit desja longtemps à l'heure de l'entreprise d'Amboise que tout ouvertement elle n'alloit plus à la messe, et faisoit prescher chez elle, où luy semblablement assistoit lorsqu'il estoit en sa maison, mais toutesfois secrètement, et quand il estoit à la Court, oyoit quelquefois la messe, combien que ce fust le moings qu'il pouvoit. Enfin après avoir longtemps attendu, et ayant remords de celer si longtemps ce que Dieu luy avoit faict congnoistre, il se résolut, quand le petit Roy François fut mort, de se

déclarer, qui fut à l'heure que Monsieur l'Admirai se déclara aussy.

Il est vray que peut estre, comme il a confessé depuis, ne l'eust-il pas si tost faict sans les grandes traverses et défaveurs qu'il avoit receues , lesquelles il recognoissoit pour des plus grandes grâces qu'il eust receues de Dieu , à cause qu'il s'estoit servi de ce moien pour luy retirer son affection de la Court, à laquelle naturellement il estoit trop enclin, s'il y eust receu autant d'occasion de s'y plaire , comme il y avoit, parle moien de ses ennemis, receu de peine et d'occasion de s'en esloigner, tellement qu'il usoit souvent du dire de Themistocles : J'estais perdu si je n'eusse esté perdu! Doncques il gardoit encores en son cœur la congnoissance qu'il avoit de la vraye religion à l'heure de la mort du petit Roy François, peu auparavant laquelle il avoit esté mandé pour aller à la Court, ce qu'il craignoit de faire, voyant que Monsieur le Prince estoit prisonnier, et le Roy de Navarre n'estoit guères mieulx, tellement qu'il y avoit de quoy se craindre. Il est vray que la Royne lui manda qu'il y pouvoit seurement venir,

ce que luy escrivit aussy Madame de Montpensier dont il faisoit encore plus d'estat, estant certain qu'elle ne luy eust pas voulu faire ceste asseurance, si elle eust pensé qu'il y eust eu dangier \ Toutesfois il n'estoit pas sans doubte qu'elle ne se trompast, et les apparences qui ont esté depuis le monstroient. Ce nonobstant, quelque hasard qui luy pust advenir, il se résolut d'obéir au commandement qui luy estoit faict, et partit de Soubize où il estoit lors pour aller à la Court; mais estant vers Chastellerault, il sçut la nouvelle de la mort du Roy 2, qui fit qu'il acheva son voyage plus seurement.

Ayant demeuré quelque temps à la Court , comme il fust prest d'en partir, il dit à la Royne : Madame, j'ay jusques icy pour vous obéir vescu autrement que je ne pense devoir faire selon Dieu. Mais ma conscience m'ayant remordu il y a longtemps, et adverty de ne persister plus en cette façon de vivre, je vous sup-

* Jacqueline de Longwy, duchesse de Montpensier, inclinait en secret vers la croyance réformée. Elle mourut le 8 août 1561.

2 5 décembre 1560.

plie très-humblement ne trouver estrange si je suis résolu de la changer et de vivre d'une autre manière que je n'ay accoustnmé, et partant un de ces jours qu'on vous viendra dire : Soubize est un luthérien descouvert, Soubize faict prescher, Soubize trouble le repos de vostre Royaulme (car mes ennemis ne se contenteront pas de dire seulement ce qui est), ne vous en estonnez point, et croyez seulement ce que je vous dis que je feray, qui sera de vivre en liberté de ma conscience sous l'obéissance de Vos Matés; à quoy la Roy ne lui respondit qu'il se donnast bien garde de faire cela pour ce qu'elle l'aymoit, et désiroit faire pour luy ce qu'elle ne pourroit plus, si on sçavoit une fois qu'il fust déclaré huguenot; tellement qu'elle le pressa le plus qu'elle peust de n'en rien faire. Mais il luy dit : Madame, j'ay si longtemps attendu sur telles espérances, voyant que d'au! très qui ne valoient pas mieulx que moy estoient davantage advancez, que j'en ay offensé Dieu jusques icy, dont je me repens fort, et suis résolu de n'y continuer plus, sçachant bien que si vous voulez, que vous ferez bien pour moy sans cela. S'il ne vous plaist

je ne vous en importuneray point, et me contenteray de vivre paisiblement , selon Dieu et ma conscience.

Là dessus elle le pressa encores plus fort de ne se déclarer point, luy faisant les plus belles promesses du monde. Mais il la reffusa tousjours et luy dict enfin : Madame, si j'avois deux âmes, encores j'en hazarderois une pour vostre service; mais n'en ayant qu'une je vous supplie très-humblement vous contenter que je l'ay trop hazardée jusques icy. — Eh bien doncq, dit enfin la Royne. Toutesfois elle luy fit encore toutes les offres qu'elle peut pour l'en empescher, luy disant qu'il ne pouvoit faillir à avoir des plus grandes charges du Royaume, et qu'il n'y en avoit point auxquelles il ne peust espérer; que cependant il demandast ce qu'il vouldroit ; à quoy il fît response qu'il ne vouloit rien que sa bonne grâce et la liberté de sa conscience. Toutesfois elle luy fit encores dire le mesme par Madame de Montpensier, et voyant qu'il ne vouloit rien demander, luy fit offrir d'estre gouverneur du Roy Charles , ce qu'il dit qu'il ne sçauroit accepter, à cause qu'il n'estoit point propre avec

les enfants, et qu'il ne sçavoit comme il falloit parler à eulx ; en somme que son naturel ne s'y sçauroit accommoder. Elle luy fit (par après) offrir d'estre cappitaine des gardes en la place deceluy qui mourut lors à Orléans, ce qu'aussy il refusa, disant qu'il ne sçauroit faire l'office d'un bourreau pour aller prendre prisonnier celui que le Roy luy commanderoit.

De tous ces refus, Madame de Montpensier, qui eust désiré son advancement, estoit marrie, et luy dist : C'est grand cas, vous ne voulez rien accepter. La Roy ne ne demande qu'à faire pour vous. Si vous vouliez un peu temporiser , il n'y a estât en ce royaulme à quoy vous ne puissiez parvenir. Vous ne pouvez que vous ne soiez grand. Une mareschaussée de France ne vous sçauroit faillir; mais en attendant, acceptez quelque chose. Advisez vous-même à ce qu'on vous peut donner pour ceste heure, et ne faictes que demander; à quoy il respoudit tousjours qu'il ne vouloit rien. Mais vous estes un estrange homme, luy dist Madame de Montpensier. Je crois qu'il vous fauldroit à la fin offrir la Couronne, car ny pour le présent ny pour l'advenir, on ne vous peult rien faire re-

cepvoir. A quoy il luy respondit : J'ay tousjours employé et désiré jusques à la fin employer ma vie pour le service de cest estât. J'ai mesme hazardé mon âme sur les belles promesses qu'on m'a faictes, dont je croy que Dieu m'a puny, car pour cela je n'ay pas laissé d'en voir une infinité qui peut estre ne m'esgaloient point en valeur, plus advancez que moy. Je ne laisseray pas d'exposer tousjours ma vie pour le service de Leurs Majestez, mais de mon âme je ne la veux plus en façon que soit hasarder, m'estant par la grâce de Dieu résolu de n'estimer plus toutes les grandeurs que j'ay autrefois désirées au prix de la liberté de ma conscience. Enfin laRoyne sçachant sa résolution, luy dit, comme il prenoit congé d'elle, qu'elle le prioit sur tous les services qu'il luy désiroit faire, de faire une chose qu'elle luy diroit; à quoy il luy respondit qu'elle ne luy fist que commander pourvu qu'il n'y allast de sa conscience. Elle luy dit qu'elle le prioit de faire que ses subjects ne s'assemblassent pour le presche que de nuict. Il luy fit response : Madame, je vous promets que pour vous monstrer combien je vous veux rendre d'obéys-

sance, je le leur diray une fois ou deux pour le plus. Mais s'ils n'y veulent obéir, je ne les y contraindray pas. — Eh bien donc, dit la Royne, en haussant les espaules, faites comme vous l'entendez.

Sur cela il prit congé d'elle et revint en sa maison, là où soudain après elle luy fit envoyer l'ordre de Saint Michel qui lors n'estoit pas à si vil prix qu'elle a esté depuis \ Mais pour ce que la dépesche en estoit dressée à M. de Burie, qui ne la luy vouloit donner qu'à la messe , il renvoya la despesche à la Royne, disant qu'il remercioit très-humblement le Roy, mais qu'il ne vouloit point de son ordre puisqu'il ne la pou voit recevoir qu'à la messe, ce que sçachant la Royne fit faire une autre despesche adressant à Monsieur de La Rochefoucaut, pour la luy donner ainsy qu'il voudroit. Quand il l'eût acceptée dudit sieur de La Rochefoucaut, il alla à Fontainebleau où estoit lors le Roy pour l'en remercier, là où pendant qu'il estoit vindreut les nouvelles du massacre de Vassy , qui avoit esté faict par

1 On a sa lettre de rcmercîmcnts à la Reine , du Parc , 1 4 janvier 1562. (Fonds français, vol. 3186 fol. '21.)

Monsieur de Guise, le l01 jour de mars ' ; qui fit que la Royne manda à Monsieur le Prince de Condé qu'il se rendist à Paris aussitost que ceulx de Guise, et qu'il prist les armes, comme il fit , avec lequel tous les principaux de la religion se rendirent incontinent.

Mais le sieur de Soubize fut le dernier de tous qui partit de la court, pour ce qu'il esperoit tousjours de gaigner la Royne pour aller à Orléans , et de faict quelquefois il luy sembloit qu'elle estoit toute résolue, mais après elle changeoit d'advis. Toutesfois il persistoit tousjours, à quoy luy aydoit le Chancelier de l'Hospital, de sorte que tous les jours, ils parloient deux ou trois heures à elle dans son cabinet , et la pensoient quelquefois avoir toute gaignée, et qu'elle estoit preste à y aller; puis tout soudain une frayeur luy prenoit tellement qu'elle en estoit découragée. Néantmoins tant plus le sieur de Soubize voyoit que le tems estoit court, et plus il s'esvertuoit, de sorte que le jour avant que ceulx de Guise deussent arriver, après luy avoir remonstré tout ce qu'il peut (à quoy elle lui accordoit tout hormis

1 1er mars 1562.

l'effect qu'il sembloit qu'elle refusoit seulement par crainte), il pressa encores Monsieur le Chancelier de luy en parler, et le fit retourner vers elle cinq ou six fois ce jour-là, combien que le Chancelier luy dict qu'il n'y espéroit plus rien, qu'elle n'avoit point de résolution , qu'il la congnoissoit bien. Si fais-je bien moy, disoit le sieur de Soubize; mais, je vous prie, essayons encores ce coup; tellement que comme j'ay dit, ils retournèrent ce jour-là cinq ou six fois vers elle ; et pour cet effect tarda à Fontainebleau jusques au soir après soupper, dont ceulx de Guise dévoient arriver le lendemain.

Quand il vit qu'il ne gaignoit plus rien à l'endroict de la Royne, et que ceulx de Guise estoient si près, il se résolut de partir le soir et vint prendre congé d'elle. Mais elle le pria lors de demeurer près d'elle, à cause que si elle se vouloit déclarer ( comme elle luy donnoit espérance de le faire selon que ses affaires succéderoient) elle n'avoit personne en qui elle se fiast; pourtant elle désiroit qu'il demourast afin de luy servir en ce faict pour ce qu'elle ne s'en pouvoit fier qu'à luy. A quoy

il luy respondit : Madame, je ne sçay comment vous pouvez espérer d'avoir moien de vous déclarer si vous ne le faites entre cy et demain que ceulx de G-uise arriveront; car si vous attendez leur venue , vous vous devez asseurer que le Roy et vous serez prisonniers , de sorte que pour estre en ceste court, je ne vous ferois nul service, car seulement je n'aurois pas moien de parler à vous , et ne ferois que me inectre en danger, pource que le Roy et vous n'ayant plus de pouvoir, et sachant comme je vous suis serviteur, dès le lendemain on me feroit tuer, non que je plaignisse ma vie pourvu que je la despendisse pour vostre service; mais ce seroit inutilement, perdant le moyen de vous en faire ailleurs. Ce que voyant la Royne le pria de ne prendre donc point encores les armes, mais de s'en aller chez luy pour luy tenir des trouppes de Poictou et de Xainctonge prestes, et les luy amener quand elle lui manderoit en avoir besoing. A quoy il luy fit response que lorsqu'elle en auroit affaire , que le luy faisant sçavoir, il les manderoit tousjours bien, et qu'il luy respondoit de les luy mener toutesfois et quantes qu'elle voudroit,

sans qu'il fust besoing que pour cet effect il fust sur les lieux ; que cependant il ne demeurèrent point inutille, mais s'en iroit joindre avec ceulx qu'il sçavoit estre délibérez d'employer leur vie pour son service et pour la délivrer de la captivité où le Roy et elle alloient entrer. Et bien donc, luy dist la Royne.

Sur cela il prit congé d'elle, et comme il estoit prest à partir, le Seigneur Strozzi ' le vint trouver à son logis pour le prier, de toute l'affection qu'il peut, de le mener avecques luy; à quoy il luy respondit qu'il pensoit que la Royne luy donneroit aisément ce congé, ce que le Seigneur Strozzi ne vouloit point qu'il luy allast demander, craignant d'en estre refuzé. Toutesfois le sieur de Soubize ne faisant point de difficulté que la Royne ne le luy accordast, la retourna trouver, comme elle soupoit, pour la suplier de luy permettre d'emmener le dit Seigneur Strozzi, ce que la Royne le pria très-instamment de ne point faire, luy disant que si cestuy-là y alloit, il ne luy seroit pas possible de persuader à ceulx de

1 Philippe Strozzi, fils de Pierre Strozzi, dont il est, question plue haut, p. 21.

Guise que ce ne fust par son consentement, et qu'elle ne fust de la partie, quand mesnie il n'en seroit rien. Je suis donc bien marry, Madame, dist le Sr de Soubize, de le vous avoir demandé, et si j'eusse pensé, je l'eusse mené sans vous en rien dire; ce qu'il n'osa lors faire , dont le Sr Strozzi eut grand regret , et luy semblablement , et a dict depuis qu'il s'en estoit repenty mille fois. Là dessus il partit, et alla trouver Monsieur le Prince à Meaux, où s'estoient rendus Monsieur l'Admirai et les principaulx de la Religion, lesquels tous ensemble firent la Cène le jour de Pasques, et partirent l'après disnée pour aller à Orléans, et passèrent tout du long des murailles de Paris, dont les Parisiens eurent grand peur.

Estans à Angerville où ils avoient couché, le maréchal de Cossé, qui lors estoit nommé le Sr de Gî-onnort l, y arriva pour faire, à ce qu'il disoit, quelques ouvertures, afin de parvenir à pacifier les choses, et admusa Monsieur le

1 Artus de Cossé, frère du maréchal de Brissac, obtint lui-même le bâton en 15G7, et fut un des chefs modérés du parti catholique.

Prince une partie de la matinée audit lieu soubz ceste couleur; ce que voyant le Sr de Soubize, et cognoissant qu'il taschoit plustost à tirer le propos en longueur qu'à venir au point, se doubta que ce n'estoit que pour les amuser, afin qu'on se saisist d'Orléans premier qu'ils y peussent estre arrivez. Et de faict Monsrd'Estrée * avoit esté dépesché pour cet effect. Mais il trouva que les autres avoient esté plus dilligens que luy. Doncques le Sr de Soubize se doubtant de cela, ne cessa de presser Monsieur l'Admirai jusques à ce qu'il luy eust faict rompre ce parlement, ce qu'estant faict, ils montèrent à cheval et coururent la poste, combien qu'ils fussent dix huict cens chevaulx, jusques à une lieue près d'Orléans, là où ils eurent advertissement de Monsieur d'Andelot qu'il y estoit desjà entré, et partant ils se mirent à aller au pas afin d'y entrer en meilleur ordre.

Après cela on ne laissa de continuer la né-

1 Ancien page de la reine Anne de Bretagne et grand-maître de l'artillerie, Jean d'Estrées combattit les reformés tout en professant leurs doctrines, et mourut octogénaire après la Saint-Barthélémy.

gociation de la paix, et leur faisoit proposer la Royne de quicter le Royaume, puisqu'ils estoient résolus de suivre ceste religion, et qu'on leur donneroit un an de terme pour vendre leur bien ; et mesmes à la première fois qu'elle parla à Monsr le Prince, elle avoit tant faict par ses artifices qu'elle avoit tiré deluy quelques promesses, ce que sçachant le Sr de Soubize, et considérant la playe que cela apporteroit au Royaulme, et le danger en quoy ilslaisseroient tant de milliers de pouvres personnes qui n'auroient pas le moien de faire le mesme, fut toute la nuict sans dormir, pensant aux moien s qu'il y auroit d'empescher que ceste résolution ne sortist à effect.

Le lendemain il se leva fort matin pour essayer d'animer ceulx qu'il pourroit pour eslire la voye des armes , et le premier qu'il rencontra fut Monsieur d'Àndelot à qui il dist : Et bien, Monsieur, qu'estes-vous résolu de faire ? De ma part, respond le Sr d'Andelot, je suis résolu de combattre quand je n'aurois que mes trouppes. — 0 que je suis aise, luy dist le Srde Soubize, en l'embrassant, de vous veoir en ceste résolution. Je vivray et mourray avec-

ques vous, et vous prie quand il n'y auroit que nous deux , que nous persistions en ceste volonté. Là dessus tous deux allèrent remonstrer à tous les autres le tort qu'ils feroient à tant de milliers d'âmes qui s'attend oient à eulx, et le mal qui pourroit provenir si on suivoit la proposition de la Royne, tellement que Monsr le Prince et tous les aultres se résolurent de ne le point faire.

Sur cela ils parlementèrent encores avec la Royne, qui fut lorsqu'on tenoit qu'il se feroit une paix près Beaugency, et allèrent trouver la Royne en une grange, qui avoit mal à un pied, et portoit un baston. Là entrèrent encores mon dit Sr le Prince et Messieurs l'Admirai, d'Andelot, de la Rochefoucaut et de Soubize, et s'il y en avoit quelque autre, c'estoit fort peu. Et voyant la Royne qu'on ne vouloit pas suivre sa première proposition, elle estoit fort en cholère , et parla deux grandes heures à eux, sans seulement se desmasquer, combien qu'il fussent assis, voulant tousjours sommer Monsr le Prince de la promesse qu'elle prétendoit qu'il luy avoit faicte; à quoy je ne puis pas bien dire la response

qu'il luy fit, soit qu'il s'excusast de ne le pouvoir faire sans ceulx de son party , ou autrement. Cela pourrez vous mieux sçavoir que moy. Enfin quand elle vit qu'elle ne le pouvoit faire consentir à ce qu'elle vouloit, elle se leva et frappa plusieurs fois par terre de son baston , disant : Ha ! mon cousin , vous m'affolez, vous me ruinez. A quoy le Sr de Soubize voyant que ledit Sr Prince ny les autres ne luy respondoient rien, lui dist : Comment, Madame, est-ce cela que vous nous disiez maintenant que vous estes si libre, et que nous avons tort de dire que vous soiez captive ? Si vous avez toute puissance, comme vous dictes, qui est-ce qui vous peult afioller? Sur quoy elle demeura estonnée. Enfin ce parlement estant finy, ils retournèrent à Orléans , là où le dit sieur de Soubize fut malade d'une fiebvre continue dont il cuyda mourir. Toustesfois il en guérit.

Bientost après sa guérison, Monsr le Prince et les autres seigneurs qui luy assistoient, advisèrent comme ils se départiroient pour garder leurs places, et fut parlé d'envoyer le Sr de Soubize à Rouan. Toustesfois voyans que Lion

estoit de plus grande conséquence, tant pour estre une des principales villes de France, que pour le passage des estrangers, estant près de la frontière, la charge luy en fut commise *. Or n'estoitpas le voyage peu hasardeux à cause que tout le pays qu'il luy falloit passer depuis Orléans jusques-là estoit tenu par les catholiques ; et pourtant quand il fut à la première couchée, au partir d'Orléans, jusques où beaucoup de noblesse avoit suivi sans sçavoir quel chemin il estoit délibéré de tenir, il les appella tous au soir et leur dist : Je croy que pas un de vous ne sçait le lieu où je vais , et pour ce que je serois marry qu'à mon occasion vous entreprinssiez de venir en lieu dont après vous eussiez regret, et que vous vous

1 Exaspérés par les massacres de Vassy et de Sens , et soutenus par divers capitaines de l'armée de Condé, les protestants de Lyon, alors fort nombreux, s'emparèrent de la ville, le 30 avril 1562, et ils en demeurèrent les] maîtres jusqu'au mois de juillet de l'année suivante. Voir, sur ce sujet, les anciens historiens de Lyon, Claude de Rubis, Gabriel de Sacconay, ainsi que de Thou (1. xxxi), Bèze (Histoire ecclésiastique, t. III, 1. xi), et une fort remarquable lettre de Calvin ( Lettres françaises , t. II, p. 4G5.)

plaignissiez que je vous aurois menez à la boucherie, je vous veux bien déclarer que je vay à Lion, afin que si aucun de vous trouve le voyage trop fascheux, vous vous en puissiez retourner premier que d'estre embarquez plus avant, ce que vous pourrez faire, feignans estre venus jusques icy pour me conduire; priant, au nom de Dieu, ceux qui auront tant soit peu de doubte d'entreprendre le voyage, ou pour quelque incommodité de leur personne, ou par faulte de moiens ou autrement, de me vouloir faire ce plaisir de ne passer point oultre. Quant à ceulx qui voudront venir, je courray mesme fortune qu'eulx, et n'auront mal que je n'en aye ma part. Mais premier que de le faire je les prie d'y bien adviser, afin qu'au partir de là aucun ne die que s'il eust sceu où j'allois , ils n'y fussent venus ; vous priant tous de ne vous contraindre point à me suivre, pensants me faire plus de plaisir, car, au contraire, n'ayant pas force suffisante pour y aller à la descouverte , et estant contrainct de me celer, je passeray plus aisément avecques peu qu'avec grand nombre. Et encore prieray-je ce qui viendra de renvoyer leurs varlets, afin que

ce que nous serons soient tous gens prests à combattre.

Là dessus il y en eut plusieurs qui, combien qu'ils eussent désiré le suivre, considérans leur incommodité, les uns pour estre mal montez, les aultres pour quelque autre raison, le luy dirent franchement et prirent congé de luy; et demeurèrent avecques luy seulement quarante chevaulx, tous gens résolus, et le moindre desquels valloit bien son homme.

En ceste façon il prit son chemin, faisants semblant d'estre tous compaignons, et disoient en la pluspart des lieux où ils passoient, qu'ils alloient trouver Monsr de Tavannes qui estoit en ce pais-là \ Toutesfois comme il est malaysé de se feindre, il ne passoit en parroisse que ce ne fust les tocsins sonnant sur luy, et mesme, un jour de dimanche, passant par ung grand village ou une petite ville, le peuple sortit de la grand-Messe, et mit des charrettes au travers des rues pour l'empescher de passer. Mesme bien souvent il estoit contrainct de

1 II commandait alors en Bourgogne, où il se signala par le massacre et le pillage de Mâcon. (Août 1562.)

faire repaistre les chevaulx dehors, les tenants par la bride pour n'entrer aux hostelleries ; et pour se reculer des grands chemins, il passoit la nuict par ces montagnes de Vivarez où ordinairement ils oyoient les torrents bien bas au dessoubs de leurs pieds, car ils alloient nuict et jour, et passoient par des précipices que leurs guides leur disoient le lendemain que s'il eust esté jour, ils n'y eussent ozé aller à pied.

Comme ils passoient par la Bourgongne, le bailly d'Authun les suivit trois jours, avec six vingt chevaulx, jusques au port d'Ygoin où ils avoient passé la rivière, ce que voyant le bailly s'enquist àl'hostesse où ils avoient logé, qui ils estoient, à quoy elle leur dict qu'elle ne sçavoit, mais que pour le moins elle croyoit que c'estoient de braves gens et tous maistres, qui avoient mine de ne se laisser pas battre. Partant elle le prioit, pour ce qu'il se resolvoit de les suivre, de ne s'y jouer pas, craignant qu'il n'eust du pire. Ce nonobstant le bailly s'arresta longtemps sur le bord de la rivière, regardant leur contenance; mais tant qu'ils les peurent voir, le S1' de Soubize ne se

voulut retirer qu'au pas. Enfin jamais le bailly ne les oza attacquer, et s'en retourna sans rien faire. Quand le Sr de Soubize fut hors de sa veue, il commença à aller au grand trot jusques à ce qu'ils eussent gaigné la repeue , et continuant son chemin, se rendit à Lion, sans avoir faict perte, durant son voyage, que d'un de ses chevaux qui mourut entrant dans Lion \

Quant à ce qu'il fit au dit Lion , et tout ce qui y advint pendant qu'il y commanda, vous en avez des Instructions 2. Seulement je mettray icy une chose que je croy n'estre pas

1 Soubise arriva le 19 juillet 1562, avec les pleins pouvoirs du prince de Condé , datés d'Orléans , 25 mai 1562, pour conserver cette place sous l'autorité du roi « et einpescher que les ennemys aspirant à la tyrannie ne puissent s'en emparer y>.

s C'est le Discours des choses advenues en la ville de Lion pendant que Monsieur de Soubise y a commandé, conservé dans les Mélanges de Mézeray. (Fonds français, vol. 20783, fol. 113-157.) Je dois l'indication de ce très-important document au comte Hector de la Ferrière , le savant éditeur des lettres de Catherine de Médicis. C'est un mémoire apologétique, avec pièces officielles à l'appui, se terminant par ces mots qui en révèlent l'intention : « Toutes les lettres ci-dessus sont expressément mises pour monstrer les causes qui ont

portée par les dits mémoires, c'est ce que se voyant assiégé et qu'il n'avoit plus vivres que pour quinze jours, il se résolut de mectre hors les personnes inutiles, comme les femmes, les enfants et les pauvres, qui estoient en nombre de sept mille, ce qui estant près à estre effectué, Monsieur Viret, ministre *, vint à luy pour luy remonstrer la pitié que ce seroit de mettre un si grand nombre de pauvres gens à la boucherie; à quoy le Sr de Soubize luy respondit : Je le sçay bien , et ay tel regret d'estre contrainct à ce faire que le cœur m'en saigne; mais le debvoir de ma

meu le Sr de Soubize à demeurer si longuement à rendre Lion , qui fut au commencement de juillet 1563 , d'aultant qu'on l'a voulu calompnier qu'il ne voulust pas obeyr à l'édict de pacification. »

Ce mémoire a passé presque textuellement dans le livre xr de YHistoire ecclésiastique de Bèze. Je me borne à en extraire les fort belles lettres, encore inédites, de Soubise à Catherine de Médicis, qui figurent à l'Appendice.

1 Le célèbre ministre de Lausanne, Pierre Viret, appelé à Lyon où il prêcha l'Evangile avec les plus grands succès. Il se dirigea ensuite vers Orange, Nîmes, Montpellier, Orthez, où il mourut en 1571. Voir à l'Appendice la lettre de Soubise aux supérieurs de Genève. du 19 novembre 1502.