GG

charge le porte, car il vaut mieulx perdre ce nombre que le tout, vous voulant bien déclarer, Monsieur Viret, pour ce que je sçay que vous estes homme de bien , que nous sommes à quinze jours près de la fin de nos vivres, tellement que si faulte de cela je perds ceste ville, j'en seray blasmé, et dira on que je ne sçay pas mon mestier. A quoy le ministre luy respondit : Je sçay, Monsieur, que selon le droict de la guerre vous le devez faire ; mais cette guerre n'est pas comme les aultres, car le moindre pauvre qui soit icy y a intérest, puisque nous combattons pour la liberté de nos consciences, et partant je vous supplie, au nom de Dieu, de ne le point faire, et ay une ferme foy qu'il vous secourra par quelque autre moien.

Quand le Sr de Soubize vit cest homme de bien parler ainsy, il luy dist : Encores que s'il advient du mal en ce faisant, je face tort à ma réputation, et qu'on die que je n'auray pas faict debvoir de cappitaine, si est-ce que soubz vostre parole, je le feray, ayant asseurance que Dieu bénira ce que je fay. Et ainsy ne fut mis personne hors Lion; et lors il envoya à

Dombes, dont il luy fut envoyé deux mille charges de bled, comme est porté par les mémoires l, qui fut l'occasion de la hayne que luy porta Monsr de Montpensier 2.

Je ne veulx aussy obmettre la résolution qu'il avoit prise, si d'aventure il voyoit la ville preste à estre prise, de ne se rendre jamais, mais de sortir avec ceulx qui l'eussent voulu suivre, et de mourir en combattant, pour ne tomber vif entre les mains de ses ennemys, laquelle résolution il avoit déclarée à ceulx en qui il se fioit le plus. Au reste combien que par les mémoires il soit amplement récité la façon dont

1 D'après le Discours des choses advenues à Lion, mentionné plus haut, p. 64, Soubise ne tira pas moins de 3 à 4000 chars de blé du pays de Dombes ; mais il y fallut assiéger plusieurs places où le duc de Nemours avait mis garnison. Celle de Trévoux, ayant refusé de capituler, périt sous les ruines du château miné par les assiégeants. (Fol. 137.)

2 Louis de Bourbon, duc de Montpensier, prince de la Eoche-sur-Yon, et souverain de Dombes, un des chefs les plus impitoyables du parti catholique, qu'il déshonora par ses cruautés. Sa maxime favorite était qu'on ne doit point garder la foi aux hérétiques. Sa fille Charlotte de Bourbon, évadée du cloître de Jouarre, alla épouser Guillaume d'Orange. (Voir mes Nouveaux Récits du XVIe siècle.)

il s'y porta, si diray-je encores qu'au lieu de s'y endetter et mectre en arrière comme il fit, il y eust peu gagner cent mille escus , s'il eust tant soit peu voulu quicter de son debvoir. Car tant s'en fault que personne se fust pîainct de luy, qu'il eust fait plaisir à beaucoup, d'autant que les marchands luy venoient offrir à joinctes mains le tiers de leurs marchandises pour avoir congé de faire sortir le reste, ce qu'il ne voulut jamais accorder, disant que s'il eust peu, sans faire tort au général, les laisser sortir, il n'en eust voulu rien prendre ; mais quand on luy eust offert cent fois plus de gaing, il ne l'eust pas accepté, pour ce que c'estoit leur dernier recours de s'aider à une nécessité desdites marchandises.

J'adjousteray encores que depuis, quand on le mectoit en propos de ce qui s'estoit passé à Lion, et que quelqu'un en désiroit sçavoir des particularités, il recongnoissoit que Dieu luy avoit fait une grande grâce en ce qu'il luy avoit faict paroistre en tout ce faict là que tout ce qui estoit advenu de bien n'avoit point esté par sa diligence, mais par une spéciale grâce qu'il luy avoit faicte, pour ce que com-

bien qu'il n'eust rien obmis de ce qu'il pensoit estre du debvoir d'un cappitaine, soit à avoir espions, ou aultres choses qui dépendent du faict de la guerre, si est ce que Dieu n'avoit jamais permis qu'il receut les advertissements qu'il avoit eus, par ses espions, mais les y avoit envoyez par aultre voie , en sorte que toutesfois il avoit tousjours esté adverty des desseins de ses ennemys assez à temps pour y prou voir '. Je ne sçay aussy s'il est porté par les mémoires que ledit Sr de Soubize garda Lion trois mois après la paix publiée par tout

1 La défense de Lyon assiégé par Tavannes et le duc de Nemours est la grande page de l'histoire de Soubise. Il faut la lire dans le Discours mentionné plus haut, ou dans le récit de Th. de Bèze qui en est la reproduction presque littérale. Sa vigilance ne fut jamais en défaut. Il sut écarter des auxiliaires dangereux, introduire dans la ville une garnison sûre, pourvoir aux approvisionnements, contenir Tavannes et Nemours, en infligeant au second de rudes échecs qui le réduisirent à l'impuissance. Lorsque la paix eut été signée à Amboise (19 mars 1563), il se montra noblement soucieux du maintien de la liberté des cultes, et ne remit la ville qu'en bonnes mains. Sa correspondance avec la reinemère témoigne de la loyauté de ses sentiments, et montre sous un beau jour, l'indépendance huguenote unie à la fidélité monarchique.

le reste de la France, parce que Monsieur le Prince lui avoit mandé secrettement qu'il le fist. Il remonstra cependant de si bonnes et vives raisons à leurs Majestés, que jamais on ne luy en sceut donner le moindre blasme du monde.

Sur la fin des troubles *, Monsr de Guise fut tué, de la façon que chascun sçait, par Merey, aultrement dit Pautrot; dont tous ceux de la maison de Guise prirent occasion de descouvrir davantage la haine qu'ils portoient au Sr de Soubize, pour ce qu'ils rirent charger par ledit Merey, par une infinité de torments qu'ils luy firent endurer à la gène, ceulx qu'ils hay oient le plus, d'estre coulpables de la mort dudit sieur de Guise ; et encores adjoustèrent ils à sa déposition plus qu'il n'avoit dict, comme ceulx qui le sçavent à la vérité le confessent, luy faisants accroire qu'il avoit dict : De Besze m'a presché de le faire, m'asseurant qu'après cela j'irois tout droit en Paradis. L'Admirai m'en a donné la charge, et Soubize m'avoit envoyé vers luy pour cest effect, luy mandant que j'estois propre pour faire un

1 Le 18 février I5G3, sous les murs d'Orléans.

tel coup '. Et combien que Merey n'eust jamais dict cela, et que seulement, durant le tourment de la gène, il eust nommé par force ceulx qu'on avoit voulu, toutesfois incontinent qu'il fust hors du torment il protesta que ce qu'il avoit dict avoit esté par la violence du mal, et maintint jusques à la mort qu'autre chose ne l'avoit incité à faire ce qu'il avoit faict que le désir de délivrer sa patrie d'un tel tyran, joinct l'indignité dont avoit usé le Sr de Guise sur le corps d'un de qui il estoit parent, qui estoit le Sr de la Renaudie, et aussy pour un autre sien proche parent qui, au mesme lieu d'Amboise, fut mis prisonnier, lequel le S1 de Guise rît tuer dans les cachots. Depuis lequel temps il avoit tous-

1 Le noble caractère de l'amiral l'élevoit au-dessus de tout soupçon. Il crut cependant devoir répondre par une déclaration publique aux calomnieuses imputations dont il était l'objet. C'est la pièce qu'on peut lire dans les Mémoires de Condé, t. IV, p. 312-338, et dans YHist. eccl. de Bèze, t. II, p. 291 et suivantes. Elle est datée de Caen, 12 mars 1563, et signée : Châtillon, La Eocbefoucault, Th. de Bèze. Enfermé dans Lyon, Soubise ne put y joindre sa signature; mais il existe de lui une brève protestation d'une date ultérieure. C'est la dernière pièce de l'Appendice.

jours esté en résolution d'en venger luy et sa patrie.

Or la vérité de tout ce faict estoit telle : Merey estoit un jeune gentilhomme d'Angoumois, de la terre d'Aubeterre, qui avoit esté nourry page du feu Sr d'Aubeterre, père de la dame de Soubize, et depuis suivoit le baron d'Aubeterre, qui, à l'heure que les premiers troubles commencèrent, l'avoit laissé chez la dite dame de Soubize sa sœur, laquelle entendant la prise des armes , envoya au Sr de Soubize son mary, qui estoit à Orléans, ses grands chevaulx qu'elle donna à conduire au dit Merey, sçachant qu'il estoit fort brave soldat, et qui s'en acquicteroit fidèlement, comme il fist, et y alla avec le Sr de Saint-Martin de la Coudre quiconduisoit les trouppes de Xainctonge. Or le dit Merey se vantoit ordinairement qu'il tueroit Monsieur de Guise, et le disoit en général à tous ceux à qui il parloit, comme il avoit tousjours faict depuis l'entreprise d'Amboise, de quoy on faisoit aussi peu d'estat comme s'il se fust vanté d'obtenir l'Empire, à cause que c'estoit un jeune homme qui, quand il fit le coup,

n'eut sceu avoir que vingt et deux ou vingt et trois ans, et qui oultre cela estoit un grand causeur, faisant estât ordinairement de plaisanter, de sorte qu'on prenoit tout ce qu'il disoit comme d'un fol. Toutesfois le Sr de Soubize l'aimoit, pour ce qu'il luy estoit recommandé de la dame de Soubize sa femme, en la maison de qui il avoit esté nourry, et pour ce qu'il le congnoissoit pour un aussi résolu et advantureux soldat qui fust en France, dont il luy avoit veu faire plusieurs preuves partout où il s'estoit trouvé, mesmes dès le commencement des troubles à Orléans, et depuis à Lion où il fit deux ou trois actes fort remarquables; et faisoit estât d'aller donner ordinairement l'alarme dans le camp de Monsr de Nemours, et aultres tels traicts; mesme, tout le long du voyage que le dit Sr de Soubize alla d'Orléans à Lion, s'il y avoit quelque cheval encloué pour lequel il fallust rentrer en une ville, ou quelque autre commission ruyneuse, il la couroit à force, estant homme qui n'avoit nulle appréhension.

Mesme au Port d'Ygoin, dont a esté cy dessus parlé , s'estant defferré un cheval tout

à plat, il demanda incontinent la charge de demeurer là pour le faire referrer; et là dessus arriva le bailly d'Authun, lequel se doubtant qu'il fust de cette trouppe, l'enquist fort pour essayer de tirer de luy ce qu'il pourroit. Mais Merey luidist qu'il s'estoit trouvé là par hazard, et qu'il avoit bien eu de la peine à se deffaire d'eux, ce qu'il avoit faict au passage de l'eau à grand difficulté, dont il estoit fort aise, pour ce que c'estoient des diables; comme avec tous ces langaiges il luy vouloit bien faire entendre que c'estoient de braves hommes, à ce qu'il songeast premier que de les attaquer; et enfin l'estourdist tant de paroles qu'il ne sceut jamais rien apprendre de luy.

Quelquefois à Lion il se mesloit au milieu des ennemys leur criant tousjours : Voylà le bras qui tuera Monsr de Guise, dont ils rioient pour ce qu'en parlementant ils causoient et folastroient ordinairement avec luy comme avec un fol. Mesmes durant un parlement que le Sr de Soubize faisoit avec Monsr de Nemours, dans un parc près de Lion, comme il estoit parmi les trouppes du dit Sr de Ne-

mours où tout le monde le congnoissoit , il vit passer un cerf et leur dist : Voulez-vous que je vous montre comment je feray à M. de Guise ; et en disant cela luy tire une harquebusade par la teste, et le tue, car il estoit fort juste harquebusier. Aultant en avoit il dict tirant un jour au blanc avecques un certain Lambert qui estoit au Roy, et un million d'autres fois. Soudain après que le Sr de Soubize fut à Lion, voulant advertir la dame de Soubize sa femme de son arrivée en bonne santé, et désirant qu'elle l'y allast trouver, ne trouva personne plus propre (à cause que le chemin estoit fort hazardeux), d'envoyer vers elle que le dit Merey, auquel il demanda s'il vouldroit entreprendre ce voyage dont il fut incontinent prest ne demandant pas mieulx que telles charges. Quand il fut venu vers la dite dame, et qu'elle le voulut renvoyer, elle luy dist qu'elle vouloit escripre au Sr de Soubize, son mary, une lettre, qu'elle ne vouloit toutesfois qu'il portast sans l'avoir veue, pour voir s'il [ne] craindroit point de ce faire, lui remonstrant qu'il y alloit, si elle estoit trouvée, de la vie du dist Merey et d'elle.

Or l'occasion de ceste lettre estoit qu'elle avoit eu advertissement qu'on la vouloit prendre elle et sa fille, et les mener devant Lion, menaçant le sieur de Soubize de les tuer toutes deux s'il ne rendoit la ville, ce qu'elle ne mandoit au dit sieur son mary comme chose certaine de peur de l'affliger; mais seulement le supplioit au nom de Dieu, si d'avanture cela advenoit, de n'estre esmeu de nulle affection naturelle, mais de préférer la gloire de Dieu et son debvoir à la vie d'elle et de sa fille, d'aultant qu'elle eust beaucoup mieux aimé mourir de mille morts ( si faire se pouvoit ) que si cela eust esté cause de luy rien faire faire contre l'honneur de Dieu, le sien et le service de son Roy, adjoustant que ce qu'elle luy en mandoit n'estoit pour doubte qu'elle eust de sa résolution, mais pour luy rendre tesmoignage de la sienne.

Or estoit en effet sa délibération , si elle en venoit là, de faire tout ce qu'elle pourroit pour obtenir de ceulx qui la prendroient de parler au dit Srde Soubize, dans la ville, leur promettant de n'obmettre rien de tout ce qu'elle penseroit pouvoir servir pour le persuader à son debvoir.

voulant qu'ils prissent de là espérance qu'elle le vouloit solliciter à se rendre, et qu'ils se trompassent, prenants son debvoir aultrement qu'elle ne l'entendoit. Mais si à la fin elle n'eust peu obtenir d'eux de parler à luy qu'en leur présence, elle estoit résolue de luy faire haut et clair la mesme requeste qu'elle luy faisoit par ses lettres, luy renionstrant qu'il recoureroit bien d'aultres femmes et d'aultres enfants, mais non ce qu'il perdroit, faisant ce à quoy on le vouloit inciter; ce qu'elle déclaira à quelques uns de ses plus familiers amys, leur disant qu'elle s'asseuroit, moyennant l'aide de Dieu, de persévérer en ceste résolution jusques à la fin, quelque danger où elle se peult veoir.

Pour revenir à ce que dessus, ayant monstre la susdite lettre à Merey, il luy dist qu'elle ne s'en donnast aucune peine, et qu'il luy promettoit, sur sa vie et sur son honneur de la porter, ou qu'il mourroit en la peine. Et de faict la porta au dit S1 de Soubize qui a dit maintefois depuis à la dite dame sa femme que c'estoit un des plus grands plaisirs qu'il avoit jamais receus de la veoir en ceste résolution , et soudain après avoir receu sa lettre ,

l'envoya à Mons1 Viret, et depuis à Genève à Monsr Calvin.

Sur la fin des troubles le S' de Soubize ne pouvant sçavoir certaines nouvelles, comme le tout avoit passé à la bataille de Dreux ', et le chemin estant fort hasardeux, il envoya le dit Merey qui, comme j'ay dit, estoit propre à telles commissions, vers Monsr l'Admirai pour en estre amplement adverty , luy mandant qu'il se pouvoit fier au dit porteur pour luy mander par luy ce qu'il vouldroit, pensant bien que le dit Sr Admirai, voyant la contenance de l'homme, ne l'eust pas sans cela adverty par luy de chose d'importance. Le dit Sr Admirai qui ne cognoissoit point Merey, dist au partir de là : Si Monsieur de Soubize ne m'asseuroit de ceste homme icy, je ne soaurois qu'en penser, car je trouve qu'il parle beaucoup. Peu après voulant envoyer un espion au camp , il y envoya cestuy-là, et dit : Je ne m'y fierois pas, ne le cognoissant non plus que je fais, si un aultre que Monsr de Soubize me l'avoit adressé. Mais

1 Livrée le 19 décembre 1562, avec des alternatives diverses, et sur laquelle les bruits les plus contradictoires avaient couru à Lyon.