François de Lorraine, comte de Lambesc, fut tuéàPavie

Août-sept. 1522] DEUXIÈME LIVRE. 247

Vy en Artois* qui vient tomber en l'Escau près du Bouchin. Le lendemain, l'armée françoise voyant n'avoir les forces pour assaillir ny Valenciennes ny Douay, après avoir couru toute la plaine d'Artois jusques aux portes d'Arras, se retira à Encre, auquel lieu chacun se sépara où il estoit ordonné.

Durant ce temps, les Anglois faisoient leur descente à Callaiz, et parce que leurs vivres et bagages n'estoient encores arrivez, ils se logèrent en la terre d'Oye-; dequoy monseigneur de Vendosme adverty, depescha messeigneurs le comte de S. Pol et le comte de Guise, avec quatre cens hommes d'armes, pour aller en la fosse Boulonnoise^, et empescher l'ennemy de courir le pais, car lors estoit Ardres ruinée et abandonnée. Mais avant leur partement, sçachant comme le capitaine qui avoit la charge pour le Roy du chasteau de Contes*, situé entre Montrent et Hedin, avoit perdu ledit chasteau, ledit seigneur de Vendosme y alla en personne, où, après avoir faict batterie, monsieur de Lorges l'emporta d'assault, et furent tous ceux de dedans taillez en pièces, hors-mis le capitaine. Après cela partirent lesdits comte de S. Pol et de Guise, et se logèrent un jour à Deure^, autre jour à Salmer au bos^, autre jour à Bourdes^ et