A Santhia, le 9 septembre

bras la charge de ladite armée, commença en toute diligence de pourveoir aux affaires du duché de Milan, et mesmes à fortifier les passages du Tesin, en intention de nous empescher le passage. L'Empereur, pareillement, et le roy d'Angleterre avoient faict ligue ensemble, que si l'armée du Roy passoit les monts, celle du roy d'Angleterre devoit passer en Picardie, de laquelle auroit la charge le duc de Norfolc. Semblablement, le comte de Bure dresseroit autre armée de lansquenets avec la force des Bas Pais, et se devoit venir joindre avec l'armée angloise. Alors se demenoit contre le Roy autre praticque de grande importance, que je declareray ainsi que je l'enten.

Occasion du partement de monsieur Charles de Bourbon. — Vous avez ouy par cy devant comme l'an 1 5^1 , que ledit sieur Roy, avec son armée, alla devant Valanciennes ; il avoit baillé son avant-garde à mener au duc d'Alançon et au mareschal de Ghastillon : parquoy monsieur de Bourbon, auquel appartenoit la conduitte de laditte avant-garde, parce qu'il estoit connestable de France, eut plus de malcontentement qu'il n'en feit de démonstration. Au retour duquel voyage, et peu de temps après, mourut madame Suzanne de Bourbon \ fille du feu duc Pierre de Bourbon et de madame Anne de France, fille du roy Louis XI et sœur du roy Charles huictiesme, laquelle Suzanne avoit espousé ledit connestable Charles de Bourbon, comte de Montpensier. Or, après le decez du

1. Suzanne de Bourbon mourut le 23 avril 1521, par conséquent avant la campagne du Nord, contrairement à ce qu'affirme Martin du Bellay.