Longwy, caat. de l'arr. de Briey (Meurcbe^l-MofteUe

lU MÉMOIRES DE MARTIN DU BELLAY. [Sept. 1543

venu, monsieur Tamiral d'Annebault, lequel avoit la charge de Tarmée soubs roonteigneur d'Orléans et avoit esté toute la nuict aux treochées, leit saluer la place de cinq ou six volées de canon, mais, après, ceux de dedans demandèrent à parlementer et à quatre des principaux fut baillé saufconduict pour venir vers mondit seigneur d'Orléans ; enfin, plusieurs choses débattues d'une part et d'autre, fut accordée aux gens de guerre de leur en aller avec les armes et bagues sauves; quant aux citadins, ceux qui voudroient demeurer, faisans serment de fidélité, jouiroient de tous leurs biens meubles et immmeubles, les autres pourroient aller seurement où bon leur sembleroit. Environ deux heures après midy, les Impériaux sortirent de la ville, à sçavoir trois mille cin(| cens hommes de pied et quatre cens chevaux en fort bon equippage, prenans le chemin de BastongneS au comté de Signy ; audit Luxembourg fut mis le seigneur de Longueval en possession du gouvernement et entra dedans sa compagnie de gens d'armes et le seigneur de Fresnay, avec deux mille lansquenets, pour pourveoir à ce qu'elle ne fust saccagée; les habitans demeurèrent la pluspart avec leurs biens et franchises, horsmis les presidens et conseillers du Parlement, qui se retirèrent en la compagnie desdicts gens de guerre impériaux.

Cela faict, monseigneur le duc d'Orléans assembla tous les capitaines en son logis, pour consulter de ce qui estoit à faire, considéré que tout le duché de Luxembourg estoit en Tobeissance du Roy, hors mis