LES GATE TE Z
DE
Fault que je boute cy par escript ce qui advint l'an passé (1535), en l'Ambassade de Rome, de Messire Cardinal Jean Du Bellay de Langez, Françoys Rabelais estant son medicin ordinaire et secrétaire. Ledict Rabelais, issu de la ville de Chinon en Tourraine, moyne d'abord, puys apostat séculier, puys moyne encores jusques à ce qu'il se rendist à la Faculté de Montpellier docteur perite et disert en toutes sciences et artz, depuis alpha jusqu'à oméga, a mis en lumière avec bruit et los le prime livre de la Vie admirable de Gargantua filz de Grandgousier, auquel se trouve satyre bien poignante et obscure des choses récentes, tant
138 LES GAYETEZ DE
divines que royales 2 mais ce n'est dorçt il s'agit pour le présent. Mondict Rabelais, que j'ay veu aulcunes foys à Paris et aussy en la ville de Lyon, au temps qu'il establissoit ung bel almanach, n'est pas, comme disent les languards, caffards et aultres mauvaises graines, ung gros truand vivant parmy l'ordure diogenique et crasse monacale, non plus ung muguet ne sentant que basme et benjoin ; mais ung franc, gay, riant bonhommet, bien mangeant, et davantage bien beuvant, jamais yvre et jamais à jeun, voyre aux Quatre-Temps et Vigiles. Beaucoup de follies, follastreries, gaudisseries, hardiesses et apophthegmes du susdict ont couru par le monde, lesquelles sont partie fausse et partie vraye; car tel est l'us et coustume de nous autres curieux amateurs de ce qui passe le vulgaire, de grossir la vérité et l'habiller de mensonges d'agréable estoffe : voilà comme trop de licences et vilainies furent prestées à maistre Françoys. Ainsy ne pourrai-je certifier que je ne fauldray point, publiant les beaulx et merveilleux mystères que m'escript-on nouvellement de Caméra Rornœ: c'est la chancellerie de nostre tres-Sainct-Pere le Pape Paul, troyziesme du nom, qui puisse vendre des pardons et relicques, cohabiter avec sa pro-
pre sœur et planter de jolys enfans jusqu'à l'advenement de l'Antéchrist. Amen !
Lorsque Rabelais pareut en face de nostre veneré Dieu en terre (ainsi dit-on le Pape), il se signala par dix mille gentillesses dont la moindre eust faict rire un mort de troys jours. Son seigneur le Cardinal qui là estoit, quoyque tout bas goustant vouluntiers ces mocqueries et audaces, par politique refrenna tout hault la langue drue et piquante comme hérisson de son amé secrétaire. Ains ledict Paul troyziesme, de naturel dehait et raillard, n'ayant garde de rancuner si gentilles paroles, le pria au contraire de lascher la bonde à son gualland esperit ; tellement que maistre Françoys, dessus la licence qui luy fut baillée, entra en ses gayetez et desgoisa mieulx que papegeai touchant le Pape présent, la saincte Ecclise romaine, le Sacré Collège, le Roy de France nostre sire, voyre contre Dieu en son paradys. C'estoit par toute l'assemblée une musicque d'esclatante hilarité, et nul ne se peust tenir de rire à ventre déboutonné, si que les huyssiers et appariteurs rioient aussi en écho : mesmement le très - austère Cardinal Salviati, lequel, sa vie durant, avoit redoubté comme peste toute cachinnations et drosleries profanes, oyant les excellens discours du frater Rabe-
140 LES GAYETEZ DE
lais, se laissa choir à bas de sa selle en pamoyson de rire, et se rouloit, le pauvre digne homme, en baudoinant parmy le tappys de la salle, tant que sa barbe chenue essuyoit la poussière, et que dedans ses chausses se conchia villainement , comme Ta depuys conté sa fine mousche de chambrière.
Or que disoit, que faisoit ce divin pantagrueliste pour esmouvoir ceste fureur de rire ? De mesme vous le rapporteray cy après, non sans rire de mémoire.
Primo, son bonnet doctoral en teste, il ne salua le Pape ni pas un des assistans qui s'indignèrent d'abord de cette façon malhonneste; mais luy, tendant vers un angelot de pierre sculptée qui servoit de pupistre en ung coing retiré pour poser les heures du Pape, feit deux beaulx et honorables saluts en grand'reverence, puys baisa la statue tres-respectueusement sur le front, et, fichant le genouil en terre, gringotta l'oraison qui s'ensuyt :
«. Monsieur le Pape, s'il plaisoit à vostre infaillible saincteté d'avoir la teste moins dure un petit, possible seroit que Celle qui est appelée hérésie, ne sçay pourquoy ny comment, s'accoinstast en bonne estrenne avecq la religion papale, id est catholicque, apostolicque et romaine. Mais point: le Sei-
gneur Christ a pronuncé saigement ceste prophétie : Tu es pierre ! es Petrus et super petram œdificàbo ecclesiam meam. 0 l'elegant latin de la vulgate ! 0 la sainte equivocque translatée en la langue des payens ydolastres ! se recria-t-il interpelant les Cardinaulx esbahys comme fondeurs de cloches :
Cicero ni Quintilianus, doctes rhéteurs, n'escrivoient point de ce style. H n'est que d'estre bon Christian pour latiniser en haulte gamme par décoction de PEsprit- Sainct ! Partant, il appert que la foy seule nous saulve, et non le fouet duquel on use trop bellement envers les vendeurs de psalmes en francoys. y>
A ce coup, Messire Du Bellay ordonna que son medicin fust mis dehors, pour veoir si d'adventure il avoit deschaussé sa raison à la porte ; mais le Pape à ce s'opposa, et joyeux compaignon qu'il estoit, bailla à maistre Francoys indulgence pleiniere et copieuse absolution pour parler à son aise et sans reserve, car il s'enquit à son voisin quel fust ce brave et hardi parleur.
Adonc, M. l'Ambassadeur vint à baiser, en pieuse cérémonie, la pantoufle immaculée du Sainct-Père ; et ung chascun, confict en silence, contemploit ceste anticque coustume, abhorrée des hérétiques. Soubdaine-
LE8 OAYETEZ DE
ment fut entendue une voix aigre comme cornemuse arcadique disant : « Hé ! petit page, viste apporte une aiguière pleine d'eau benoiste par devant le maistre aultel, avecq linge blanc et net, affin d'en laver et essuyer le derrière de Monseigneur le Pape. x> Telle impiété sembla à tous les oyans trop roide et trop pesante : aussy s'entreregardoit-on sans mot sonner ni broncher des aureilles.
C'est pourquoy conclud Rabelais : <r Assurément, si mon révéré seigneur Du Bellay s'en va baisant les pieds au Pape, que baiserai-je plus humblement, moy son indigne serviteur, d On en rit encore à Rome et longtemps rira.
Le Pape, hoschant la teste en temoignaige de son contentement, somma ce gay diseur de venir au plus près de son throsne, et s'informa de ce qui mieulx luy seroit duysant et convenient, avec promesse papale de complaire à ses désirs. « A si hault sire que vous estes, déclara le philosophe pyrrhonien, rien n'est trop ardu, ni trop profund. Or je vous supplie, mains joinctes et prières melliflues au bec, de demonstrer bien clairement et géométriquement à moy chetif, que Dieu est, que Jésus est son véritable filz de chair, que vous estes faict Pape à son ymage, et que moy qui vous interroge ne suys qu'une
machine toute de boue, et que mort rendra boue, sans plus. Si vous pouvez, de vostre infaillibilité canonnique, m'expliquer ces mystères horrifiques et si estranges, que d'y songer mon esprit est tout affollé, et que ma teste s'en fend, je vous intitule fameux abstracteur de quintessence supereternelle, et, pour prix, je vous faiz oblation du Grand- Œuvre qui est au pays des chimères. » A ce, le Pape saigement et paternellement respondist de bouche en oreille : «Mon tres-cher fils, si moy-mesmc savois ces belles choses que nul ne sçait, serois-je Pape?
Demande à moi ce que homme ou Pape peust donner.» — «Ouy dea, dist Rabelais en soubriant, faictes de vostre auctorité que j'espouse Madame vostre fille, moyennant ung honneste et profictable conjungo vos; ensuyte, j'ay fiance, si m'aide Dieu, de devenir par elle pere cornard d'un petit Pape qui succédera à son ayeul par hérédité ; car moy, ne bois point assez pour estre Pape parfaict. » — «Mon filz, répliqua pertinemment Paul troyziesme, le bon Dieu, qu'il fault en ses desseins adorer, ne m'a encores octroyé qu'un filz, et Madame ma fille est à naistre. » — «Dites-luy de se haster, finit Rabelais en se monstrant les cornes, car moult il me tarde de la rendre plus hereticque qu'un fa-
144 LE8 GAYETEZ DE
got, plus fringuante que la Papesse Jeanne, et plus fertile que dix mille génisses. Pour la dot, treuvez - moy une vraye relicque de sainct, s'il en est, et nous hallerons à la nopce où nostre mere l'Ecclise entrera en dance. »
Messire Du Bellay, s'ennuyant de ne pas participer aux devis de son medicin avec le Pape, ne se tint plus longtemps d'aller bouter le nez en leur entretien ; possible se guementoit-il d'avoir seul baisé la pantoufle, chose honteuse pour ung congnoissant la vanité insolente de ces superstitions. « Comment, mon tres-venerable Pere, feit-il d'un air patelin, ne voulez-vous point que maistre François vous la baise ? y> Ce disant, cuydoit parler de la pantoufle. Ains Rabelais continuant son propos de la fille à naistre du Pape : <r Ouy dea, je n'y faudray mie, Monseigneur; toutesfoys j'attendray qu'elle soit née, sinon pucelle. » — oc Voilà belle rentrée de piques noires, Monsieur l'equivocqueur ! reprit nostre Cardinal, le museau plus rubicund que son chapeau, non de vergoigne d'ouyr si aigre equivocque, mais du despit d'estre mocqué par son secrétaire.
Baisez, s'il vous plaist, comme bon chrestien que vous n'estes pas, la plus saincte pantoufle qui soit en ce monde terrien, a —
«Ainsy faictes, dict le bon Monsieur le Pape; l'endroit du baiser de Monsieur l'Ambassadeur est encores quasy chauldc et moite. » — « Enda, respondit Rabelais qui se gaussoit, est-ce pas Monsieur sainct Crepin qui ouvra ces tant bonnes, tant divines, tant puissantes, tant magnifiques pantoufles, que chascun baise et rebaise à tout venant, fust-il duc ou Roy? Je prétends en achepter de semblables, pour ce qu'avecques icelles, onc n'auroy à guérir goutte, cors et varices aux jambes ; chaussé de la sorte, on n'a garde de mourir par les pieds.» — «Sans plus arraisonner, interrompit Messire Du Bellay, baisez. » — Quelle ? demanda iterativement Rabelais, brune ou noire, blonde ou rousse ?» — «Pantoufle, objecta le Cardinal.» — «0 la mauvaise viande que cuir tanné de veau ou mouton ! s'escria l'aultre ; ce m'est grand'penitence, Monsieur du Pape, que d'accoler ccste-cy en pire estrenne. »
Sur ce, il feit le semblant de soy baisser à deux genouilz pour le faict de l'accolade ; mais ce n'estoit que feinte, car au temps que le Sancte-Pate?*, avecq agréable sourire, tendoit la patte à l'encontre du baiser, le faulx compaignon happa la jambe papale soubdainement et la soubzleva en l'air par surprise, si que le Pape cheut à l'envers,
