Tome I, page 199, note I

Lettres d'abolition données par Louis XI en faveur îles seigneurs Poucet de Rivière et Pierre Durfé.

Loys, par la grâce de Dieu, roy de France, savoir faisons à tous , presens et advenir, nous avoir receue humble supplicacion dePoncetde Rivière, chevalier, et Pierre Durfé, escuier, seigneur dudict lieu, contenant que durant les derraities divisions et differens qui ont eu cours en nostre royaume, lesdictssupplians, mal conseillez et advertiz, ont adhéré avec aucuns, lors noz adversaires, rebelles et desobeissans , et tenu partyà nous contraire, en eulx déclarant à 1 encontre de nous, faisant guerre ouverte à nous et à noz subgectz, et commeetant crime de felonnie et leze magesté envers nous ; pour double desquelx cas, et doubtans rigueur de justice, ilz n'oseroient retourner ne seurement demourer et converser en nostre royaume , se noz grâce et miséricorde, etc. Pourquoy nous, ces choses considérées, qui voulions miséricorde prelîerer à rigueur de justice, ausdicts Poncet de Rivicre et Pierre Durfé, supplians, avons de grâce especial, plaine puissance et auetorité royal, aboly, quicte, remis et

pardonné, abolissons, quictons, remectons et pardonnons tous les cas, crimes, mallefices et deliz que Jesdictz supplians et chacun d'eulx ont faiz, commis et perpétrez à rencontre de nous, nostre auctorité et magesté royal , et la chose publique de nostre royaume, en quelque manière qu'ilz soient avenus et tout ainsi que s'ilz estoient expressément declairez et devisez en cesdictes présentes, et sans ce qu'il soit besoing en faire autre declaracion , et de nostre plus ample et plus habondant grâce les avons restitué et restituons à leurs bons famés et renommées , et à tous leurs biens meubles estans en nature de chose et autres héritages et bien quelconques; et, quant à ce, imposons silence perpétuel à nostre procureur présent et avenir, et à tous autres. Si, donnons en mandement, parcesmesmes présentes, à noz amez et feaulx conseillers les gens tenans et qui tiendront nostre court de parlement, prevost de Paris, bailliz de Vermendois, Lyon, Chartres, Montargis et Berry, seneschaulx de Poictou, de Lymosin, Beaucaire et Thoulouse, et â tous, etc. Donné à Angers, ou mois d'aoust, l'an de grâce mil iiiic lxx, et de nostre règne le dixiesme. Parle Roy, messieurs les ducs de Guyenne et de Bourbon , le marquis du Pont, le sire de Craon, le vicomte de la Belliere, maistrc Pierre Doriolle, gênerai , et autres presens. DrCerisay. f 'Lsa. Contenter. Rolant'.

1 Arciiiv. i»i Hov , Section historique, rutjisl. cote ix"vvi, fol. iijtj.