Tome I, page 290, ligne

Extrait d'une lettre écrite par un sujet du duc de Bourgogne sur les guerres entre ce duc et le roy de France.

Des nouvelles de monseigneur le duc. Mondict seigneur le duc a esté loigié par aucuns temps à demie lieue près de Dieppe, qui est une très forte ville et imprenable* sans y mettre le siège par mer ne par terre, laquelle chose pour Tannée présente n'a peu estre faicte : et pour ce mondict seigneur s'est dès là tiré ou pays de Gaulx, ouquel il a fait abatre et desmolir pluseurs places et forteresses, et entre autres les chasteaulx de Longueville et de Chalemenin, qui estoient deux villes, place» fortes et bien assises, et a fait mettre en cendre tout le plat pays dudict Caulx jusqu'aux portes de la ville de Rouan, où il a fait son loigis par l'espace de quatre jours entiers , au grant regret de la pluspart des compaignons , qui doubloient fort que mondict seigneur deust passer la rivière de Seine et tirer en Bretaigne; qui leur a esté chose griefve, car ile>jà, par

l'espace de six ou sept jours, on n'avoit peu recouvrer pain en l'ost, parce que ceux de Dieppe et d'Arqués, voisins l'ung de l'autre , tenoient le passaige clox. Et à son retour d'illec a prins son chemin par ung autre quartier, et est venu vers le Neuf Chastel, où il y avoit chasteau et bonne petite ville bien maisonnée, lequel chastel il a fait desmolir et fait mettre le feu dedens la ville et en tous les villaiges qui ont esté trouvés jus-, ques à près d'icy : a aussi remis et redduit à son obéissance, à sondict retour, la place de Picquigny. Et de présent a conclud de faire icy revues et payemens a ses gens pour ung mois , et employer cesle riere saison à nettoyer les frontières de ses pays des places qui les peut nuyre et grever, qui sont les places du connestable, comme je entends, assavoir, Han, Beaulrevoy, Guyse, Bouhan et autres; et veult mondict seigneur faire la guerre audict connestable, et sur ses terres et places, pour savoir quelx termes il tiendra; car pluseurs sont d'oppinion que se mondict seigneur povoit gaignier, par force ou par moyen, icelluy connestable, que le Roy se trouvera fort esbaliy. Pendant que nous avons esté aux champs, pluseurs seigneurs, nobles hommes et autres sont mors par maladies et blessures receues aux escaremuches ou autrement , comme le seigneur de Saint Pré, le sieur de Bonyeme et autres dont à présent je ne suis racors des noms ; et semblablement, es garnisons, le souverain baillyde Flandres, le chastcllain de Larglez, messire Thierry de Allevin, le seigneur de Crequi et autres : Dieu leur fasse mercy. Et les garnisons d'Amyens cl de Saint Quentin ont fait

plusieurs maulx es pays de par deçà, assavoir devoir brûlez pluseurs gros villaiges et jusques ès fourbourgs de Hesdin, et emmenez pluseurs prisonniers, assavoir gens de plat pays : inais, quelque part qu'il/ se sont trouvez en présence de gens de guerre , ilz ont eu tousjours du pire, et ont esté reboutez et rebarrez, et perduz plus largement de leurs gens que n'avons fait. Par ce moyen, les garnisons des ennemis se sont avancées venir devant la ville de Montdidier, bien ou nombre de sept ou huit mille combatans, et de fait assaillirent ladicte ville par trois diverses fois en ung jour; et tellement que par ung bout ilz estoient entiez en la ville, mais, à l'aide de Dieu, ilz furent tellement et si rudement reboutez dehors qu'il en y demeura de mors de trois à quatre cens sur la place , sans les bleciez et navrez; et de ceulx de dedans, if n'en y eut pas de dix ung que tous ne fussent navrez , et des mors environ sept ou huit. Et dit l'on que les femmes de la ville s'y poin tèrent moult vaillamment, et entre les autres y en y eut une qui fit la barbe U pluseurs François. Ledict assault dura bien sept heures, et se partirent en cest estât : depuis y sont revenus et n'y ont riens fait. Maistie Nyeolas Bousseaul est en Brelaigne , par lequel moudict seigneur a esté adverty que le duc est puissant, et a encoires vouloir de non faire quelque traitié ou tresves avec le Roy, sinon par le sceu et du congié de moudict seigneur, combien qu'il ait esté requis de la partie lu Boy, encoires jusque* à ores. Le Boy et ses gens de guerre avoient fait peu de dommaiges es paysdudict due, bien j avoient fait de

grandes inhumanitez ès personnes de povres créatures, comme femmes et ewTans. Le roy d'Engleterre a envoyé audict duc deux mille archiers et avec eulx le sieur de Duras , lequel roy d'Engleterre a de présent sur mer dix sept navires de guerre , à tout trois mille combatans , lesquelx descendront à Hulz , et y tiendront garnison, pource que ilz y pourroient mieulx faire la guerre que ailleurs. Le seigneur de Gruteuse est en Angleterre pour asseurer les alliances d'entre le Roy et mondict seigneur, touchant les offres qui luy ont esté faites de la part d'icelluy seigneur, qui sont telles que de le servir comme ses povres subgects à la recouvrance de sa querelle. Aucuns veuillent dire que le Roy a député homme notable qui est en chemin pour venir devers mondict seigneur pour avoir tresves; mais, à la vérité, je n'en scay riens que par oyr dire d'aucuns telz quelx personnaiges. Escript lez Falvy, à trois lieues de Peronne, le xxvnie jour de septembre, Tan lxxii.

S'ensuivent les places prinses et rendues sur et parles François, et tenans party contraire à monseigneur le duc de Bourgogne, aux et par les Bourguignons et autres tenans le party de mondict seigneur le duc, et par son armée de Bourgogne, depuis le derrenier jour de septembre jusques au ix* jour d'octobre mil imc

Le bourg et chaslel de Rouvre sur Haube ,

Grancey, Haunoy, Villers Monnoycr, Montigny,

[ 1472] Poutieres,

Ravieres ,

Mussy l'Evesque, bonne Ancy le Franc , bonne

ville, Molesmes,

Baigneul , Gyé sur Seine , Gurgey la ville, Jussey, Gigny,

Crusby le chastel ,

ville, Ancy le Servant , Argenteul , Rougemont, Roichefort, Passy,

Saint Martin , Tonnerre, bonne ville, Thoiré.

Et le treiziesme jour dudict mois d'octobre fust prins Lez in nés , et depuis encores Monstier Arramé et autres places, et ung peu paravant avoit este prins Montsaugeon et Unsey, et furent arrasez

1 1 km i et, III, ii5. Noos avons, en quelques endroits, corrigé le texte de Lenglet d'après un manuscrit de la Bibl. Roy., coté 8448*. fol. 15g.