Tome II, page Î04 , note

Commission donnée par Louis XI à Philippe de Commynes , pour recevoir de Jean-Galéas-Marie Sforcc , duc de Milan , les foi et hommage pour Gène» et Savonne.

Loys, par la grâce de Dieu, roy de France, à tous ceux qui ces présentes lettres verront, salut. Comme depuis naguieres les duchés , terres et seigneuries de Gennes et de Savonne soient advenues et escheules es mains de nostre très cher et très amé nepveu Jehan Galeaze Marie Sforce, à présent duc de Milan, par le trespas de feu nostre cousin Galeaz Slorce, son pere, pour raison desquelles et de leurs appartenances, pour ce qu'elles sont tenues et mouvantes de nous à cause de nostre couronne, nostredict nepveu, ou nostre très chère et très amee seur et cousine Bonne de Savoye, duchesse de Milan, sa mere, comme ayant le bail, gouvernement et administration de luy , nous soit tenue de faire les foy et hommage lige en tel cas acoustumés, pour lesquels nous faire en personne ne luy seroit bonnement possible de soy transporter par devers nous, tant pour la grant distance des pays el lieux et les dangers qui en faisan! si loingtains voyages m. '2\

se peuvent survenir, que pour plusieurs autres grans inconveniens que s'en pourroient ensuivre au prendre d'elle et de nostredict nepveu; avisé que ces choses elle nous a par plusieurs fois remonstré, et, à ceste cause, pour recevoir ledict hommage d'elle, ou nom que dessus, nous soit besoin de commettre, ordonner, establir et députer aucuns grans et notables personnages de bonne et grande authori té a nous agréables, seurs et stables, scavoir faisons que nous, ce que dit est considéré, desirans préserver et garder nost redicte seur des peines, travaux et inconveniens dessusdicts, confian s à plein des grans sens, vaillance, loyauté, bonne diligence et grande expérience en toutes grandes matières de nostre améetfeal conseiller et chambellan Philippes de Commines, chevalier, seigneur d'Argenton, nostre seneschal de Poitou, iceluy, pour ces causes et autres a ce nous mou vans, avons commis, ordonné et député, commettons, ordonnons et députons, par ces présentes, pour soy transporter par devers nostredicte seur et cousine la duchesse de Milan et soudict fils , et luy avons donné et donnons , par ces dictes présentes, plein pouvoir, authorité, commission et mandement especial de prendre et recevoir, pour et en nostre nom, d'icelle nostre seur et cousine, comme avant le bail, gouvernement et administration de nostredict nepveu et cousin, son Glz, lesdicts foy et hommage lige qu'elle nous est tenue de faire pour raison desdicts duchés, terres et seigneuries de Gennes et de Savonne, leursdicles appartenances et dépendances, et de ladicte réception luy octroyer, bailler

et délivrer ses lettres en forme deue : lesquelles foy et hommage, et pareillement lesdictes lettres, nous voulons estre de telle valeur et effect qu elles seroient et pourroient estre se noslredicte seur et cousine a voit fait ou faisoit de sa personne et en nos mains lesdictes lettres par nous octroyées, et les avons, dès maintenant comme pour lors, authorisees et authorisons de nostre certaine science, grâce spéciale, plaine puissance et authorité royalle par cesdictes présentes, le duplicata ou vidimus desquelles lettres par luy ainsy octroyées, et aussy de ces présentes , il sera tenu de rapporter ou envoyer en la chambre des comptes à Paris pour la conservation de nosdicts droicts. En tesmoing de ce nous avons signé ces présentes, et icelles fait sceller de nostre scel. Donne etarresté le xnrjour de juillet, Tan de graceM.cccc. lxxviii, et de nostre règne le dix septiesme. Signé Loys, par le Roy : le sieur du Lude , gouverneur du Dauphiné, et autres présents. M. Courtin

1 Biil. hoy., Ms., papiers de Fontelte.

MÉMOIRES DE COMMVNES.

(1 3 juillet 1478.)