FRAGMENT D'UNE AUTOBIOGRAPHIE

I (82). Ce fu en l'an de ryncarnasion de Nostre Seignor Jehsu Crist m. ce. xxiii, avoit au rëaume de Jérusalem une haute damoisele quy avoit nom Yzabiau, la quele estoit fille dou roy Johan de Breine, et quy estoit dreit heir et dame dou royaume de Jérusalem de par sa mère la raïne Marie, quy fu fille dou roy Heimery, roy de Jérusalem.

II (83). Geste haute damoizelle que je vos dis, quy estoit dreit heir dou royaume de Jérusalem, si avoit une seur quy estoit mariée au roy de Chipre,quy avoit nom Hugue de Lezegniau, la quele l'on la nomoit la rayne Alis.

III (84). En cel tens avoit desa mer en Surie un haut home, quy avoit nom messire Johan de Yblin, et estoit seignor de Baruth, le quel avoit au rëaume de Chipre moult grans rentes de cazaus et d'autres choses. Cestu seignor de Baruth si fu vaillant et moult hardy et entreprenant et large et cortois et de bel acuell a toute gent, et por ce il estoit moult amé et moult renomé partout, et par my tout se il estoit sage et cônoissant et preudome et lëau enver Dieu.

IV (85). Le seignor de Baruth si avoit un frère quy ce nomet Phelippe de Yblin, quy avoit aussi assés de rentes et fiés, et quy fu meïmes vaillant et entreprenant. Ses deus

Philippe de Kovare 1

seignors estoient oncles de l'avant dite damoisele, rayne de Jérusalem, et de sa suer la raïne Aalis de Chipre.

V(8é). Or avint en cel an que Fedric, que l'on dizoit l'enfant de Poulie, estoit fait enperour par pape Onoire, le quel enperour regnoit a cel tens a grant poier et a grant renomee. Et avint chose que a cel tens estoit aie le roy Johan de Breine a la court de Rome, au pape, qui avoit nom Onoire ; dont il porchassa que le dit pape otroya le mariage de la dite damoyselle Yzabiau, rayne de Jérusalem, sa fille, au dit enperor Federic, si con je vous ay dit^.

VI (87). Dedens ce, le dit enperor avoit mandé mesages au roy Johan et as barons dou royaume de Jérusalem pour espouzer la dite damoisele, de la quele il en avoit oy parler ; mais les mesages de l'empereor pacerent en Surie, et enceaus jors passa le roy Johan a court de Rome, que les uns ne sorent novelles des autres ;et porchassa le roy Johan la despensasion dou pape pour le dit mariage, con vous avés oy"^.

VII (88). Le maryage fu otroé et parfait d'une part et d'autre, si que l'empereor fist aparailler et armer vint gallees a aler en Surie por amener la dite damoisele rayne de Jérusalem ; et ordena l'emperor un predome et sage, l'evesque de Pacte, au quel vesque l'emperor dona son anel, dou quel anel le dit evesque devoit espouzer la dite damoisele pour l'empereor. Et ensy fu la chose afermee par sainte iglize et ordena l'empereor chevaliers des siens et valès pour aler sur les dites guallees, pour acompaigner la dite dame a son revenir, et manda l'emperour biaus prezens de biaus juaus a la dite dame et a ses oncles et as autres siens parens, et se partirent les guallies et ariverent en la cité d'Acre.

VIII. Et avint choze que en siaus jours le noble baron, seignor de Baruth, se trova a Acre, quy resut l'evesque de Pacte et les autres chevaliers de l'empereour moult henoreement, con sil quy estoit moult cortois seignor, et l'avoit

usé et savoit bien taire ; et les herberga, et fist servir bien et largement ; et s'asemblerent tous les barons quy a Acre se troverent, et resurent les letres dou pape et de Tempereor et dou roy Johan, et les entendirent dilyguanment et a grant reverense et a grant joie dou dit mariage.

IX (89). Le seignor de Baruth et son frère quy vint de Chipre, et tous les autres barons et chevaliers de la Surie et de Chipre, et les comunes et borgès et autres s'aparaillerent de tayller robes envessees et autres choses quy fust aferable a faire feste de si haut mariage con sestu et de si haut encoronement ; et menèrent la dite damoisselle a Sur, et iquy fu elle mariée et encorounee par l'arsevesque de Sur, Simon. Et dura la feste quinze jours en behorder et en danses et en semonces, et de changer envissures et doner robes et d'autres festes de plussors manières.

X (90). Quant les festes furent parfaites en la cité de Sur a moût grant henour, si com il couvenoit de faire pour si haut mariage com est de si haute persone de Tempereor et de si haute rayne com est la rayne de Jérusalem, le seignor de Baruth, son oncle, et son frère monseignor Phelippe de Ybelin, et les autres parens, sy ordenerent aucunes persones a mander avec la rayne jusques a Tempereor, et si ordenerent le quel y ala : l'arsevesque de Sur, Simon, et messire Balian, seignor de Sayete, couzin germain de la dite rayne, et autres chevaliers et valès et dames et damoiseles ; et l'acompaignierent jusques a l'empereor Federic, mais le seignor de Baruth, son oncle, et aucuns des autres barons l'acompagnerent jusques en Chipre.

XI (91). Et quant vint a uit jours de jugnet, l'an de m. ce. et xxiiii, la dite rayne se recully sur les vint guallies devant dites, que l'empereor ly avoit mandées. Au recullir la rayne Aallis, sa seur, rayne de Chipre, et les autres dames l'acompaîgnerent en la maryne a lermes plourant, con seles quy

penseeiit bien que ja mais ne la cuideent veïr, si com il ne firent. Et au partir que la dite dame fist, ele regarda la terre, et dist : c( A Dieu vos comans, douce Surie, que ja mais plus ne vous verray! » Et elle profetiza, car ensy fu.