GUERRE DES IBELINS CONTRE LES IMPÉRIAUX EN TERRE SAINTE ET EN CHYPRE

I (97). Ici comencë l'estoire et le droit conte de

LA guerre qui FU ENTRE l'eMPEREOR FeDERIG ET MESSIRE JOHAN DE YbELIN, SEIGNOR DE BaRUTH.

Et par quey Ton peusse meaus entendre cornent mut et comensa et fu celé guerre, et cornent avint que partie des Chiprois se tint vers l'empereor et la plus grant partie vers le seignor de Baruth, Phelipe de Nevaire, quy fu a tous les fais et les conseils, et qui mainte fois a esté amés des bons pour le voir dire et haïs des malvais, vous en dira la vérité, aucy come en touchant les homes et les grans fais.

II (98). Il avint, ensi come Nostre Seignor le consenty, que le bon roy Hugue de Chipre, quy fu moût vaillant, ala a Tortouse en pèlerinage, et puis vint a Triple, et ileucamalady et trépassa de cest siècle, en Tan de .m. ii*^. et XVIII, a dis jors de jenvier, et fu enterré a l'ospital de Saint Johan. La royne Aalis, sa feme, demoura moult jeune, et avoit trois enfans de luy, un fys et deus filles. Le fys n'avoit que nuef "^ mois et avoit nom Henry, qui fu, après son père, roy de Chipre et fu apelé le roy Henry Gras. La dite reyne Aalis estoit nièce de monseignor Johan, seignor de Baruth, et de messire Phelippe d'Ybelin, son frère.

III. Tous les homes liges dou roy firent homage corne de baill a la dite reyne, et tous les homes liges prièrent et requistrent a messire Phelippe de Ybelin que il fust baill de Chipre por gouverner la terre et tenir la court et coumander sus les homes. Le roy Hugue meïsme Tavoit avant prié et comandé a la mort. Monseignor Phelippe ressut le baillage, si ot moult de travail et noise, et la reyne otles rentes, que moût largement les despendy. Messire Phelippe d' Ybelin gouverna moult bien la terre et en pais, et moult i fist de bien et de hennor et de loyauté et de largesse ; et monseignor de Baruth estoit tout le plus en Surie, et a tous les besoins metoit grant conseil et grant aye au fait de Chipre.

IV (iio)". Si tost come le juene Henry, fis dou devant dit roy Hugue de Chipre, fu un poy grandet, ses oncles et ses autres homes le couronnèrent a moult très grant feste. L'arcevesque Estorgue de Nicossie en fist ce qu'a Tiglyze en afferoit a faire a son corounement. L'emperere Federic se corroussa moult de ces deus choses, quant il le sot, s'est a saver dou baillage et dou corounement, por ce que le roy Henry devoit estre son home. Il disoit que le baillage estoit suens et que il devoit, par les us d'Alemaigne, tenir le baillage de Chipre tant que le dit roy eûst quinze^ ans d'aage. Et aucune fois manda l'empereor a la reyne Alis de Chipre qu'ele li laissast tenir le baillage de grâce % tant com il liplairoit ; mais dou corounement se parcoroussa il trop, et disoit que le roy Henry ne devoit recevoir coroune que de luy. Et toutes voies mandoit il moût amiables letres tous jors as deus frères, monseignor de Baruth et le bail sire Phelippe; tout adés les apeloit oncles en ses letres, por ce que i Festoient a la reyne Yzabeau de Surie, quy estoit sa feme.

V(iii). En celuy tens, avoit aucuns juenes homes en Chipre. L'un ot nom messire Aymery Barlais, l'autre sire Amauride Bethsan; cil duyestoient cousin d'un lignage. Le

tiers ot nom sire Gauvain, le quart sire Guillaume de Rivet; cil duy estoient d'un lignage. Le quint ot nom sire Hue de Gibeleth ; celuy fu d'autre lignage, et apartenoit as enfans de monseignor de Baruth par lor mère. Ceaus cinc s'acorderent et jurèrent encontre le lignage de Ybelin. Et siavoient esté moût bien d'eaus, et avoient ressu moût de biens et d'amors d'eaus, especiaument de monseignor de Baruth, plus que de nul home; mais folie et orgueil, quy souvent muet de richesce et de repos, et que il y a moult de gens quy ne puent souffrir l'aise, les mena a ce que il firent et que il dirent, et toutes voies y ot achaisons. Et si les oirés ci après maintenant.

VI (112). Ilavint que monseignor de Baruth fist ses deus fils aihnés chevaliers en Chipre. L'un fu messire Balian, quy puis fu conestable de Chipre et seignor de Baruth ; l'autre fu messire Bauduyn, quy fu ceneschal de Chipre. A celé chevalerie fu la plus grant feste et la plus longue qui fust onques desa mer que l'on sache. Moût i ot douné et despendu, et bouhordé, et contrefait les aventures de Bretaigne et de la Table ronde, et moult de manières de jeus.

VII (113). Un jour, après la chevalerie, juoient a un jeu que l'on apellebarbadaye. Syavint que un chevalier touscan, quy avoit nom Toringuel ^ et estoit de la maihnee de messire Phelippe, le baill, fery messire Heimery Barlais, si come l'on fiert a seluy jeu. Le dit sire Heimery se coroussa et dist que il Tavoit felonessement féru et trop fort ; a tant s'en parti dou jeu. L'endemain il gaita le chevalier entre luy et sa force, et le laidirent malement, si que cil fu mahaignyé et en péril de mort. Messire Phelippe, le baill, s'en aïramout, et ly vost corre sus. Tous ceaus desa jure se tindrent a messire Heymery, mais riens ne montoit contre le pooir de messire Phelippe, le baill. Monseignor de Barut, son frère, se mist entre deus et les tint a force, et manda son fys, mes-

PHILIPPE lyE NOVARE

sire Balian, quy condeusist messire Heimery Barlais la ou il vosyst aler.

VIII (114). Après ce ne demora gaires que messire Heimery Barlais se party de Chipre et ala a Triple, et la fu tout îver. Monseignor de Barut passa de Chipre a Baruth, et manda querre sire Heimery Barlais, au Pascour, et le mena en Chipre devant son frère si soudeinement que il ne sot mot, et dist a son frère que il voloit en toutes manières et en toutes guises que il pardonast a sire Heimery, et se il nel faisoit, ja mais a luy ne parleroit ni ne le verroit, et que il feroit autel fin come sire Heimery. Le baill dolent fist la volenté de son frère, et le chevalier mahanié forspassa, quy ne vost faire pais. Sire Heimery s'avoit moult d'avenant, si fu ariere tout sire, et moût ot grant compaignie et grant amour a messire Balian. En cel an, un poi après, avint que la reyne Alis de Chipre se corroussa a ses oncles et a ses autres homes, et sans lor gré et lor otroy s'en ala a Triple et espousaBemont, fys dou prince d'Antioche. Tous ceaus de Chipre, et sire Heimery Barlais meïsme, crièrent aune vois que se le prince lust baill en Chipre et que il eùst pooir, que ce seroit la mort et la destrucion de leur petit seignor.

IX (115). Après ne demora gaires que le devant dit sire Phelippe de Yblyn laissa le baillage, maugré tous ceaus dou païs ; et la reyne Alis, quy estoit a Triple, manda que messire Heimery Barlais fust baill tant qu'elle peûst venir en Chipre. Messire Heimery l'otroya maintenant, sans ce que il eûst otroy de nul home de Chipre, ains le tindrent a grant despit, et s'asemblerent a la court, et dist messire Phelippe d'Ybelin que il tenoit a grant orgueil et a grant superbe ce que sire Heymeri s'estoit offert et avoit otroié d'estre cheveteyne sur luy et sur les autres bonnes gens de Chipre, et que il n'estoit mie home que il deûst ce faire, et que c'estoit bien encontre ce que il meïsme avoit dit, quant la reyne

Alis espouza le prince. Sire Anceau de Bries se leva et dist que de tant corne messire Heymery Barlais en avoit fait et dit, avoit il fait que desloyal, et se il fust en my la place, plus l'en direit et le provereit.

X. Celuy messire Anceau de Bries fu fis d'un cousin germain de monseignor de Baruth et de son frère ; si estoit juenes hom et fort et durs, membrus et ossus, vigourous et pénibles, et entreprenans et faiseour, amy et enemy cortois, et large de quanque il pooit tenir, blans et blondes et vayrs et camus, a une chiere grefaignie, semblant au leupart. Les deus frères l'avoient moût cher, et il le descervoit bien, et saches que de ceste guerre fu il le plus prisié a dreit après les deus frères et leur enfans, et le bon jeune seignor de Cezaire qui estoit lor nevou. Si corne sire Heimery Barlais ot oï ce retraire que l'on avoit dit de luy en mal, il s'en party de Chipre et ala a Triple, et enprist que la atendroit la venue de l'empereor, que moût estoit criée de jour en jour ; et son entendement estoit que, par ra5'e de l'empereor, il porroit sousmetre le lignage de ceaus d'Ybelin.

XI (117)^. Il avint, grant tens aveit, que messire Gauvayn ot contens a un chevalier quy avoit nom messire Guillaume de la Tour. Le dit Guillaume fut naffré de nuit entre luy et un suen cousin ; et disoit l'on que ce avoit fait sire Gauvain et son lignage. Le chevalier gary de ses plaies et vint a la court devant le baill, et apela sire Gauvain de traïson, et il se defendy, et furent lor gages donnés et receûs, et la bataille fu férue, et pais en fu faite au champ. La pais fu grevouse et vilaine a sire Gauvain [et ot a mal que celuy chevalier l'eûst apelé ^], et li sembla que il ne l'osast avoir apelé, se il n'eûst le maintenement de ceaus de Ybelin ; et sans tout ce n'estoit il mie si cler d'eaus come il avoit esté devant, et aucune achaison i avoit ; tout avant, por la grant lëauté que il savoit en eaus, osa il bien entrer en champ et se y combatre.

lO PHILIPPE DE NOVARE

XII. Au partir dou champ dist que il n'avoit mie seû les covenances de la pais tant corn il fu au champ, et que il ne tendroit ja ce que soulignage avoit covenancié. Tantost s'en ala au Temple, et de la a Acre, et d'Acre outre mer a Tempereor, et servy l'empereor un tens ; et savoit moult d'oizeaus, et si fu moût honoré a celé court. L'empereor estoit sur son venir, car Tigiyze le destreignoit de tenir le covenant de pascer en Surie que lor avoit fait. Il vint au port ; les galees furent arivees, et le passage tout apresté ; l'empereor respita sa venue jusque a l'autre passage, si com li plot, et manda partie de ses gens desa mer et de ses galees ; et sire Gauvain revint lors desa mer en Chipre^.

XIII (122) «. En celé chaude novelle que l'on crioit que l'empereor venoit maintenant, ains que l'on seûst que il avoit respité son passage, sire Heimery Barlais, quy estoit a Triple, se porpensa que il venroit en Chipre a la court, et s'alëautereit de ce que sire Anceau de Bries avoit dit de luy ; et pensa que dedens les quarante jors que il avroit de respit au fait de la bataille après les gages donnés, seroit venu l'empereor, et son fait prendroit bien. Le dit sire Heimery s'en vint tant tost en Chipre et fu en la court, et desmenty sire Anceau de ce qu'il avoit dit de luy, et s'en offri a défendre, et tendy son gage. Leroy ressut les gages ; le jour de la bataille fu donné et ordené par esgart de court a eaus deus. Et dedens celé quaraintaine les galees de l'empereor vindrent, si com vous avés oï ^, et sot l'on que il ne devoit mie venir. Lors le patriarche Gerolt de Jérusalem et moult d'autres gens se travaillèrent de faire pais de celé bataille, mais ne pot estre faite, car sire Anceau ne vost otroyer en nulle guise.

XIV. La bataille fu férue. Sire Heimery ot le piour, car il avint, a la première jouste, que sire Anceau brisa sa lance, et sire Heymery, quy moult estoit vesiés, espareigna la soue, quy avoit un des meillors fers dou monde, et laprist

par my le niileuc et fery en dardant trois cos en la visière dou heaume de sire Anceau, et tous jors feroit la visière, et le poygnoit en la chiere. Au tiers cop, sire Anceau lansa la main a toute Tespee que il tenoit, dont il avoit féru grans cos dessus le heaume de sire Heymeri, et prist la lance dever le fer a tout ce que il tenoit l'espee, et il avoit moût forte main, si aracha la lance par force del poyn de sire Heymeri ; et sire Anceau fu fort, et tira si durement que sire Heimery perdy la lance que il avoit pris dou travers. Sire Anceau tira tant qu'il l'abaty ; et il fu pesantement armés, si fery grant cop a terre et fu moût blecié ; toutevoies se leva si come il pot, et foy vers la lice tout droit a l'encontre dou leuou estoit monseignor de Baruth par dehors la lice.

XV. Il avoit moult bien afaitié son cheval, si qu'il corroit après luy par tout, et il meïsme coroit, et son cheval après luy ; il traist l'espee et se mist entre là lyce et le cheval '^ . Sire Anceau redressa moult hastivement son heaume, et prist sa lance en dardant si come sire Heimery lassoit et travailloit luy meïsme ; et dou monter estoit neent, car il estoit pesantement armés, et petit chevalier, et le cheval estoit grant et haut et fier. Adonc sembla a monseignor de Barut et a tous ceaus quy la estoient que sire Heymeri ne pooit durer. Et sire Anceau le hastoit moult, et s'on ne ly eûst desloé, il fust descendu a pié, car il le cuidoit legierement ocirre. Monseignor de Baruth entra au champ, entre luy et le seignor de Cezaire, quy estoit conestable de Chipre, et ne vostrent plus soufrir ; si firent tenir as chevaliers sire Anceau a force par le frein et firent tenir le cheval de sire Heymery, qu'yl avoit ja si lassié quy ne pooit plus. Il parlèrent de pais.

XVI. A celuy jour, messire Phelippe de Ybelin, qui estoit frère de monseignor de Baruth, gisoit malade dou mau de la mort. Son frère, le seignor de Baruth, li fist savoir

l'estat des deus champions, et il, quy ja sentoit la mort, vost en toutes guises que pais fust ; et tant manda, pryant et conjurant, a sire Anceau, ovec la force que monseignor de Baruth ly fist, que la pais fu faite ; et sachiés que la pais fu vileine a sire Heimery,car il y ot raenson motie et autres covenances griés et fors; mais toutes voies il en sauva sa vie. Sire Heymeri s'en party dou champ entre luy et sire Gauvain et les autres des cinc, s'est a saver sire Amaury de Bethsan, et sire Guillaume de Rivet, et sire Hue de Gibelet ; si mandèrent moult plaignant a l'empereor dou lignage de Ybelin, disant moult de maus et de mensonges sur eaus.

XVII (123). En celuy meïsme an de .m.if. et xxvii, messire Phelippe d'Ybelin, le bon preudome, quy estoit frère de monseignor de Baruth, morut en Chipre de celé maladie qu'il avoit. Moût en fyst l'on grant duel, et moult fu grant damage a tous ses amis et a tout le païs ; moult fu pleint, et moût le dut bien estre.

• XVIII (126)^. En l'an de .M.ii<^. et xxix, l'emperere Federic passa la mer pour venir en Surie, par le coumandement dou pape Greguoyre ; et ariva premièrement en l'isle de Chipre, en la cité de Lymesson ^ ; et mena o luy setante entre gualees et tarydes et autre navie. Mais grant partie de son ost et de sa mahnee, et son mareschau, et ses chevaus estoient devant arivé a Acre. Messire Heymeri et messire Gauvain et grant partie de lor amis et de lor suite entrèrent en vasseaus armés, et alerent contre l'empereor jusquès as parties de maryne ; et si tost com il le virent, il acuserent monseignor de Baruth quy ne l'avet deservy vers eaus, et porchaserent le pis qu'il porent a luy et a ses heirs et a tout son lignage, et firent entendant a l'empereor, selonc ce que l'on retraist, se il prenoit Chipre, que de Chipre poroit fornir Surie de quanque bezoin seroit en son hostel, et outre tout ce en poroit avoir et tenir mil chevaliers.

XIX. L'emperere lor fist grant feste et grant proumesse, et dist que il les creroit moût, et il en furent moult liés, et ariverent o luy en Chipre ; toutevoies l'empereres manda moût cortoises letres a monseignor de Baruth, qui estoit a Nicossie, preant et requérant, come a son cher oncle, que il venist a luy parler et ly amenast le jeune roy et ses trois anfans et tous ses amis. Et ly manda un autre mot, quy tu prophétie par la grâce de Nostre Seignor, car il ly manda que il et ses amis et ses anfans seroient riches et honorés de sa venue, et si furent il, la Deu mercy, mais ce ne fu mie par son gré. Le message de l'empereor fu moût honoré a Nicossie, et moût en fist l'on grant feste de sa venue.

XX. Monseignor de Baruth assembla ses amis et lor requist conseil por le jeune roy Henry et por luy meïsme- Tous, a une vois, crièrent que il ne ses enfans ne se meïssent au poier de l'empereor, ne menassent le roy lor seignor ; car les maies euvres de Tempereor estoient trop aparans, et mainte fois avoit dit bêles paroles et mandées que les fais estoient oribles et pezans ; par coy il ly looyent que il s'esoingnast en aucune manière, disant que il et tous ses amis et tout le poier de Chipre s'apareilloyent hastivement et le siveroient en Surie au servise Deu, et le serviroient en Surie come seignor ; « et tout ensy l'avoit empris dou faire monseignor Phelipe, vostre frère, quant il viveit ». Ce luy eûst esté bon conseil, car en Surie estoit le Temple et l'Ospitau, et autres bones gens quy vosicent et bien et pais, et Tempereor ne peûst mie si faire son gré dou tout.

XXI. Monseignor de Barut respondy a cest conseill, et dist que loyalment et amiablement conseilloyent, mais il voloit meaus estre pris ou mort et soufrir ce que Deu en avoit porveù, que consentir que l'on peûst dire que par luy ne par son lignage, ne par les gens desa mer, fust remés ne destornés le servize Deu, ne le conquest dou reyaume de

Jérusalem et de Chipre ; car il ne voloit pas mesfaire a Nostre Seignor, ne que Ton peûst dire par le siècle : « L'empereor de Rome ala outre mer a grant esfors, et eûst tout conquis, mais le sire de Baruth et les autres desloyaus d'outre mer aiment plus les Sarrasins que les Crestiens,et por ce se révélèrent a l'empereor, et ne vostrent que la Terre Sainte fust recovree. »

XXII (127). Pour ces choses devant dites s'en ala le seignor de Baruth a l'empereor, et ses enfans et tous ses amis, et tout le pooir de Chipre, des chevaliers et des sergens, et menèrent le petit seignor le roy Henry a l'empereor, et se mistrent del tout a sa manaie ; et il les resut a moult grant feste et a moût grant semblant de joie, et sembloit que lor enemy fussent desjuglé. L'empereor lor requist tantost un don, et ce fu qu'il ostassent la noire robe que il avoyent encore vestue pour la mort de sire Phelippe d'Ybelin, lor frère, et dist que plus grant bien lor devoit estre la joie de sa venue que le duel de lor amy, lor frère, qui estoit trespassé, ja fust ce que il estoit moult preudome et vaillant. Il otroyerent moût volentiers son comandement, et le mercierent moult volentiers et offrirent entérinement lor cors et lor cuers et lor avoirs a son comandement, et l'empereor les en mercya moult liement, et dist que il les guerredoneroit largement et richement.

XXIII. Maintenant manda rooes d'escarlate a ceaus qui vestoient noir, et autres juaus, et lor pria de bouche que il manjassent tous l'endemain o luy. Il fistrent lor robes hastivement, et l'endemain matin vindrent tous vestus d'escarlate devant l'empereor. Et en celé meïsme nuit devant, il fist ovrir celeement une porte au mur d'une chambre qui feroit en un jardin ; ce fu en un beau maner ou il estoit herbergié, que monseignor Phelippe avoit fait a Lymesson. Par cele fauce posternne fist entrer l'empereour de nuit priveement

trois mil homes armés ou plus, entre sergens et arbalestriers et gent de marine, tant que près toute la garnison de sa navie y fu laens, et furent mis par les estables et par les chambres, les portes closes sur eaus, tant que il fu hore de manger ; les tables furent mises, et Taiguc donnée.

XXIV. L'empereor fist aseïr delés luy le seignor de Baruth et le vieill seignor de Cezaire, qui estoit conestable de Chipre ; a une autre longue table fist asseïr le roy de Chipre au premier chef et le roy de Salonique, et puis le marquis Lance et autres barons d'Alemaigne et dou règne ; et comanda que tous les chevaliers chiprois fucent en tele manière asis que monseignor de Baruth et les autres que il peûssent luy veïr et oïr, quant il parlereit ; et dévissa que les deus fis dou seignor de Baruth servicent devant luy, l'un de la coupe et l'autre de l'escuële, et le juene seignor de Cezaire et messire Anceau de Brie tranchereent devant luy, et que il fucient tous quatre en cors et seins par dessus lor secors, car il disoit que tels estoit l'usage et le dreit de l'empire . Et il le servirent moût volentiers et noblement, et moût y ot de mes et diverces viandes.

XXV. Au derein mes issirent les gens armés de la ou il estoient repost, et porpristrent le palais et les chambres et toute la grant court, et la mestre porte et toutes les autres.

Il estoient bien ''armés au palais ou l'empereor estoit,

et en ot assés devant luy qui tuit tenoient les mains as armes,, les uns as poumeaus des espees, les autres as couteaus. Les Chiprois s'en aparceurent bien, mais il ne sonnèrent mot, ains s'esforcerent de faire biau semblant. L'empereor torna sa chère devers le seignor de Baruth et li dist en haut : « Messire Johan, je vous requier deus choses; faites les amiablement et pour bien, si ferés que sage. » Et il respondy: « Sire, dites vostre plaisir, et je en feray volentiers ce que je entenderay que soit raison, ou que preudes homes en esgarderont. »

XXVI. « L'une des deus choses, dist l'emperere, si est que vous me rendes la cité de Baruth, car vous ne l'avés ni tenés raisonablement. L'autre chose si est que vous me rendes tout ce que le baillage de Chipre a rendu et que la regale a valu et rendu puis la mort au roy Hugue, ce est la rente de dis ans, car ce est mon dreit, selon l'usage d'Alemaigne. » Le seignor de Baruth respondy : « Sire, je cuit que vous jués et gabés o mey; et bien pout estre aucunes maies gens ont ce loé a requere, quy me hayent, et por ce vous en est souvenu ; mais, se Deu plaist, vous estes tels et si bon seignor et sage que vous conoissés que nous vous poons tant servir, etvolentiers le ferons, que vous ne les en croirés ja. » L'empereor mist la main sur sa teste et dist : ce Par cest chef que mainte fois a coroune portée, jeferay mon gré des deus choses que j'ay demandé, ou vous estes pris. »

XXVIL Adonc se leva le seignor de Baruth et dist moût hautement, a moût beau semblant : « Je ay et tien Baruth come mon droit fié ; et madame la reyne Yzabeau, qui fu ma suer de par ma mère et fille dou roy Amaury et droit heyr dou reyaume de Jérusalem, et son seignor le roy Amaury ensemblement o ly me donnèrent Baruth en change de la conestablie, quant la crestienté l'ot recovree, toute abatue, ettele que le Temple et l'Ospital et tous les barons de Surie la refusèrent, et l'ay fermée et maintenue des amones de la crestianlé et de mon travail!, et tous jors y ay mis et consumé quanque j'ais de rente en Chipre et aillors ; et se vous entendes que je la tiens a tort, je vous en forniray raison et droit en la court dou reyaume de Jérusalem. Et de ce que vous me requerés les rentes dou baillage de Chipre et dou régal, je n'en eu onques nule, et mon frère n'en fu baill que de la noise et dou travaill et de gouverner le royaume ; mais la reyne Aalis, ma nièce, ot les rentes et en fist son gré, come celé quy avoit droit au bail-

lage selonc nostre usage ; et se vous de ce me requerés droit, je vous en forniray raison par les us et par la court dou royaume de Chipre ; et soies certains que pour doute de mort ou de prizon je ne feray plus, se jugement de boune court et de loyale ne le me faisoit faire. »

XXVIII. L'emperere se corroussa moût et jura et menassa, et en la fin dist : « Je ay bien oï et entendu delà la mer, grant tens a, que vos paroles sont moût belles et polies, et que vous estes moult sages et moût soutils de paroles, mais je vous mostrerai bien que vostre sens et vostre soutilece et vos paroles ne vaudront riens contre ma force. » Le seignor de Baruth respondy en telle manière que tous ceaus quy la estoient se merveillerent, et tous ses amis en doutèrent trop.

XXIX. Le respons fu tel : « Sire, vous avés piessa oï parler de mes paroles polies, et je ray bien oy parler souvent et lonc tens de vos euvres ; et quant je mui a venir sa, tout mon conseil me dist, a une vois, ce meïsnie que vous me faites orres et pis, et je ne vos croire nuluy ; et ce ne fu mie por ce que je bien ne doutace, mais j'oissy a droit essient, et auprès vous vueill encores plus volentiers recevoir prison ou mort que consentir que Ton peûst dire ne noter de mal, ne soufrir que la besoigne de Nostre Seignor et le conquest de la Terre Sainte et le vostre servise fust mis arierepar mey ne par mon lignage, ne par ceaus de la terre ou je fuis, ne que novelles alassent par la crestienté et deïst Ton : « Ne « savés ? L'emperere de Rome ala outre mer, et eûst tout « conquis, se ne fussent ceaus d'Ybelin, les deslëaus d'outre « mer, qui plus aiment les Sarazins que les Crestiens ; et se « révélèrent et ne vostrent sivre l'empereor, et por ce est tout « perdu. » Tout ce meïsme, si com je vous ai retrait, dis je a mon conseil, quant je party au venir a vous de Nicossie, et vins tous apencés de soufrir quanque peùst avenir, propre-

Pbilippe de Novare. 2

l8 PHILIPPE DE NOVARE

ment por amor de Nostre Seignor Jhesu Crist, quy souffry pascion et mort pour nous, qui nous en délivrera se a luv plaist ; et se il veaut et deigne soufrir que nous recevons mort ou prison, je l'en mercie ; et a luy me tien dou tout. » A tant se taist, et s'asist. 1

XXX (128). L'emperere fu moût corouscié, et chanja souvent coulour, et les gens regardèrent moult le seignor j de Baruth, et moût y ot de paroles et de menaces ; et gens | de religion et autres bones p^ens s'entremistrent de concorder les, mais onques ne postrent remuer le seignor de Baruth de ce qu'il avoit dit que il feroit. L'emperere faisoit de moût estranges requestes et perillouses. En la fin, fu concordé a ce que le seignor de Baruth avoit devant offert, et neent plus i ot de force que tant que il ly dounast, a l'empereor, vint vavassors des plus aparans de Chipre, qui le plegereent sur leur cors et lor avoyrs et estages que le seignor de Baruth le siveroit et iroit en la court dou reyaume de Jérusalem, et la ly forniroit droit ; et ensi tost con il vendroit en la court, les ostages dévoient estre quites et délivres.

XXXI. L'emperere li demanda deus fis suens, messire Balian et l'autre, messire Bauduyn, et quanque il disoit ; ne valut riens ; par force covint qu'il les eùst. Et lors dist l'emperere au seignor de Baruth : « Je say bien que Balian est tout vostre cuer, et tant con j'avray luy, j'avray vous. » L'emperere le manda querre, et il vint droit a luy, et le père les livra, chascun d'eaus par le poin destre, a l'empereor et dist : « Je les vous baill et livre en Deu foy et en la vostre, par tel covenant que, ensi tost con je venderay en la court dou reyaume de Jérusalem apareillié de fournir dreit, il seront quites et délivres, et ensy que vous les tenrés et garderés ennoreement, ne que vous ne lor ferés ni soufrirés a faire mau ne vylenie ne outrage. » — « Et je ensi les receis en Deu foy et en la moie, dist l'empereor, et par moy seront il riches

et honorés, se Dcu plaisl. » A tant s'en party Temperere, et les fist mètre en traversains grans et desmesurés ; et avoient une cruis de fer a quoy il estoient atachié, si que il ne pooyent ploier ni bras ni jambes, et de nuit metoit les autres o^ens en fers ovec eaus.

XXXII (129). Si tost com le seignor de Baruth fu party de laens, ses enemis vindrent a Tempereor, et li distrent : « Sire, que avés vous fait ? Le seignor de Baruth s'en ira ja et garnyra les chasteaus encontre vous et révélera toute la terre, ja pour ses enfans ne laira ; et le plus de gens l'aiment tant que chascun le sivra. Mais faites bien : mandés le querre tantost, et mandés li amiables lettres, que il porra bien tant faire que vous li rendes ses enfans. Si tost con il vendra, prenés le : Oti^y a le vilain, si a la proie. Ensi pores estre seignor de Chipre, et non autrement. » L'emperere, qui moult faisoit maus volentiers par sei sans enortement, le manda querre. Le seignor de Baruth fu moût bien garry par tel quy bien en fust a croire et quy avoit esté au conseil; et il estoient herbergié hors de la ville a tentes, luy et ses amys, et tous avoient lor chevaus et lor armes ; et l'emperere n'avoit nul cheval en la ville, mais dedens la ville estoit la force soue, pour la grant pietallie que il avoit.

XXXIII. Le seignor de Baruth ot conseil, et dist que il s'en voloit aler garnir les chasteaus et garder la terre as drois heirs dou roy Hugue, que qu'il avenist dou roy, que l'emperere avoit tenu del tout et pris. Adonques le jeune seignor de Cezaire, qui estoit nevou dou seignor de Baruth, et messire Anceau de Brie, ces deus qui moût estoient preus et vigourous, li distrent : « Sire, ne faites, mais aies a l'em^ pereour, et menés nous ovec vous, et chascun de nous avéra un couteau en sa chauce priveement ; si tost come nous serons devant luy, nous l'ocirons, et nos gens seront sur lor chevaus devant la porte, tous armés. Ja puis que l'empe-

ireor sera mort, nul ne se movera, et si rescourons nos cousins. » Le seignor de Baruth se corroussa trop et les menassa a ferir et a tuer, se il en parloient ja mais, et dist que ensi seroient bonis a tous jors mais, et toute crestianté crieroit : « Li traïtour d'outre mer ont ocis lor seignor l'empereor. » « Et puis qu'il seroit mors, et nous vis et sains, nostre droit seroit tort, et la vérité n'en poroit estre crehue. Il est mon seignor; que que il face, nous garderons nos fois et nos henors. »

XXXIV (130). A tant s'en party le seignor de Baruth, si tost come il fu anuitié. Le cry fu grant a la herberge au despartir. L'empereor oï le cry, si ot moût de paour, et s'en party dou manoir ou il estoit, et se mist en la tour de l'Ospitau, quy estoit forte et plus près de sa navie ; et laens mist ses bostages en prison. Le seignor de Barut s'en ala droit de Limesson a Nicossie, et la tint entre luy et ceaus qui le vostrent sivre. Il fist moult richement garnyr un cbasteau quy a nom Deudamor, et la envoya les femes et les enfans d'eaus et de lor amis. Il et toutes ses gens d'armes demorerent en la ville de Nicossie. L'empereor manda en Surie et fist venir en Cbipre son ost et ses cbevaus, et moult de sodoiers. Et le vieill prince d'Antiocbe et le seignor de Gibletb et le seignor de Saete et moult d'autres gens vindrent a l'empereor a Lymesson, et tant con il i fu, messire Aymeri Barlais et sa rote estoient berbergiés par dessus la maison ou estoient les ostages en prison. L'endisoit que il faisoyent moût grant vileinies sur eaus, teles qu'eles venoient jusques a eaus.

XXXV (131). Quant l'emperere Federic fu bien esforcé, il cbevaucba droit a Nicossie, et le seignor de Barutb trova bien lor en son conseil que il se porroit bien combatre a luy, mais le preudome dist que ce ne feroit ja, se Deu plaist, \ ni a son seignor ne se combateroit, ni a lui ne voloit combatre tant con il le peust eschiver ; et sa coustume fu tous

jors tele que il metoit le droit envers luy volentiers, et enprenoit la besoigne a envis, et puis que il comensoit, il parfaisoit. Et Nostre Seignor ly douna plus de grâce, de sens et de valour et d'ennor, et plus li niostra s'amour qu'a nul home de son tens ne de sa richesse. Il guerpi Nicossie a Tempereor, et s'en alaau Deudamor, que il avoit garni, et l'empereor n'osa aler après luy ; si demora lonc tens a Nicossie o moût grant gent.

XXXVI (132). L'iver aprocha, et l'emperere avoit oï novelles de son païs que le pape Grégoire et le roy de Jérusalem Johan le guerreoyent en Puille ; si en douta moût, et se hastoit moût d'aler en Surie por faire aucunes trives as Sarrazins et retorner en son païs. Por ce avint que il fîst tenir paroles de pais au seignor de Baruth hastivement, et tant fu la parole tenue par gens de religion et par autres que ii s'acorderent. La fin fu tele que l'emperere et tous 'ses barons jurèrent au seignor de Baruth que il li rendroit maintenant ses deus enfans, sains et saus de vie et de menbre, et que il li tenroit pais, et de rien ne li amermeroit luy ne les suens, se par esgart des deus cors ne le feïssent, ne mau guerredon ne lor rendroit pour chose qui eûst esté, et que il feroit recevoir les chasteaus et le royaume au roy Henry meïsme ; et, si enfant con le roy estoit, que il y metroit de ses homes liges qui garderoient les fortereces et le royaume jusques a l'aage le roy.

XXXVII. Le seignor de Baruth et les suens jurèrent que il rendroient le chasteau de Deudamor au comandement dou devant dit roy de Chipre, et que il venroyent o l'empereor et le serviroient tant corn il seroit en Surie, a lor coust meïsme, et que il ne rendroient mau guerredon a luy ni a la soue partie de chose qui eûst esté. Et l'empereor lor requist moût que il li coneùssent que le baillage estoit suen ; et ii li respondirent que il ne le feroyent, por tant poroient

perdre les testes, car dou baillage estoient il homes de la reyne Aalis ; mais, sans faille, il jureroient fëauté a l'empereor, por ce que il estoit chef seignor de lor seignor le roy Henry ; et ce meïsme jureroyent il par tel covenance, se il se contenist au prevelige des covenans qui furent entre le père de l'empereor et le roy Henry, que les homes le roy deûssent faire la fëauté et que il soyent tenus dou sairement ; et se n'est au previlyge, que il en soyent quites. De celé pais tenir fu plege le Temple et rOspitau, et tous les barons et les riches homes de l'une part et de l'autre. Le chasteau de Deudamors et toutes les autres fortereces de Chipre rendy Ton au roy, et il par le comandement et par la doute de l'empereor les livra a ceaus de ses homes qui estoient de la partie de l'empereor.

XXXVIII (133). L'emperere Federic et sa gent alerent tantost a Famagouste pour passer. La vint sanavie de Lymesson, et la rendy il au seignor de Baruth ses deus enfans, qui moût avoient enduré prison en terre et sur mer as galees, et estoyent tel atorné qu'il estoit grant pitié dou veïr. Toutes voies ressut il messire Balian de sa maisnie, et ly offry et li donna assés ; et celuy, qui estoit plus vaillant bachelier et vigourous et larges et avenant et plaisant a toutes gens sur tous ceaus desa mer, le servy volentiers et amiablement, tant que l'emperere s'en loet moult ; et l'autre fis de monseignor de Baruth, qui estoit valet et avoit nom Johan, retint il puis que il furent en Surie, et dist que il ly donreit Foges, qui est en Puille; et por ce fu il apelés Johan de Foges.

XXXIX (134). L'emperere o toute sa navie mut de Famagouste un soir a l'anuitier. Celé nuit meïsme le guerpi le viel prince d'Antioche, et s'en fuy en une galee, et ariva a un suen chastel quy a nom Nefin. La rendy grâces a Deu que il estoit eschapé de l'empereor, car il estoit venus en Chipre après que le seignor de Baruth ot faite sa pais, et

Tempereor avoit requis au prince que il comandast a tous ses homes liges d'Antioche et de Triple que il feïssent fëauté auci corne avoient fait ceaus de Chipre. Le prince se tint a mort et dezerité ; si contrefist le malade et le muet, et crioit trop durement : « A ! a ! a ! » ; et tant se tint ensi que il s'en party, ensi con vous avés oï ; mais si tost corne il fu a Nefin, il fu gary.

XL (135). En Tan de m. lis et xxix'^, Temperere vint en Surie o toute sa navie, et le roy et tous ses Chiprois o luy. Le seignor de Baruth ala a Baruth, et il y fu moût volentiers veû, car nul seignor ne fu onques plus tendrement amé de ses homes. Il ne demora que un jor, et maintenant suit Tempereor, et Tatainst a Sur. L'emperere fu moût beau receû en Surie, et tous li firent homage. [Il se parti de Sur et ala en la cité d'Acre et fu receû onoreement. Sa navie quy estoit de setante galees et naves se mist au port d'Acre, et il se * herbergia au chasteau. Lors fist assembler les homes liges et requist a eaus que il li feïssent homage^'] come a bail, por ce que il avoit un fis petit, que l'on apela le roy Conrad, qui estoit droit heir dou reyaume de Jérusalem de par sa mère, qui estoit morte. L'emperere et ses gens et toutes les gens de Surie murent d'Acre por aler a Japhe ; et maintenant tint paroles de trives au Quemel, qui estoit adonc soldan de Babiloyne et de Domas, et tenoit Jérusalem et toute la terre ; et lors fu rendue Jérusalem et Nazereau et Lydde a l'empereor.

XLI (136). En celui meïsme an^, entre ces faites, l'empereor manda le conte Estiene de Botron en Chipre, et autres Longuebars assés, et fist saisir toutes les fortereces et toute la regale a son eus, et dist que il estoit bail, et que c'estoit son droit. Les Chiprois se doutèrent moult, et lor femes et lor enfans ; si se mistrent en les religions a receit, la ou il porent. Partie s'en fuirent hors de Chipre ; nomeement

messire Johan d'Ybelin, quy puis fu conte de Japhe, et qui au jour estoit enfant, et sa suer, et autres gentils gens, s'en fuirent au cuer d'yver, et orent si mau tens qu'a poi qu'il ne noyèrent, et si con Deu plot, il ariverent a Tortouse. L'emperere tint Chipre ; les Chiprois quy estoient la en Tost furent moût a mal aise, et, se le seignor de Baruth le vosist consentir, il eussent emblé et fortrait le juene roy Henry et s'en fussent party de l'empereour.

XLII (137). L'empereor fu maintenant mau de toute la gent d'Acre ; espesciaument dou Temple fu trop mau ; et au jor avoit moût vaillans frères au Temple, frère Piere de Montagu, quy moût estoit vaillant et noble, [et moût vaillant et sage^J estoit aucy le maistre des Alemans; et ceaus de vau la terre n'estoient mie bien de l'empereour. L'empereor fist moût de lais semblans, et avoit tous jors galees armées, rimes a fernel, en l'iver meïsmes. Et moût de gens disoyent que il voloit prendre le seignor de Baruth et ses enfans, et sire Anceau de Bries, et autres de ses amis, et le maistre dou Temple et autres gens, et les voloit mander en Puille; et autre fois disoit l'on que il les voloit faire ocirre a un conseil ou il les avoit mandés et semons ; et il s'en aparsurent, et il y alerent si esforceement que il ne l'osa faire. Toutes voyes fist il sa trive as Sarasins tel con il vostrent, et ala en Jérusalem, puis vint a Acre. Le seignor de Baruth ne le guerpi onques, et si ly avoit l'on loé moult souvent que il s'en partist, mais il n'en vost [riens faire ^].

XLIII (138). A Accre assembla l'empereor sa gent, et y fist venir tout le peuple de la ville, et il y avoit moût [de Pisans, qui estoient mout^] bien de luy. 11 lor sarmona et dist ce que il vost ; et en son sarmon se compleinst moût dou Temple. [Et il mist le siège a la maison dou Temple; et la maison dou Temple^] se trova moût desgarnie, car le couvent estoit tout dehors ; mais tantost joindrent, que par mer

que par terre, tant de gens. Ne sai quans jors dura le siège, mais vileinement s'en party ^ L'empereor apareilla son passage priveement, et le premier jor de may, en son l'aube, sans faire assavoir a nuluy, il se recuilli en une galee devant la boucherie. Dont il avint que les bouchers et les vieilles de celé rue, quy moût sont enuiouses, le convoyèrent, et Tarocherent de tripes et de froissures moût vileinement.

XLIV. Le seignor de Baruth et messire Eude de Monbeliart Foirent dire ; si corurent la, si chascerent et laidirent ceaus et celés quy Tavoyent aroché, et a luy crièrent de terre la ou il estoit en la galee, que il le comandoyent a Deu. Et Tempereor lor respondy moût bas, ne sai bien ou mau, et lor dist que il laissoit en son leu baill le seignor de Saete et messire Garnier TAleman. Et Tempereor avoit moût bien garny le chasteau de Sur ; si le livra au seignor de Saete et comanda, et faisoit semblant que il se fioit moût en luy ; mais le roy Henry de Chipre en mena il o luy.

XLV (139). Ensi party d'Accre Tempereor, heïs et maudys et vileynis, et ariva en Chipre a Lymesson, et la mist il le devant dit roy Henry, et ly donna a feme une soue cousine, fille dou marquis de Monferar. La fina il a les cinc baus que vous avés oï nomer, qui estoient de la soue partie, et lor vendy le baillage de Chipre et la terre por dis mille mars, jusque a Taage dou dit roy de Chipre ; et lor fist jurer que il ne soufriroient que le seignor de Baruth et les suens entrassent en Chipre, et comanda que il les deseritassent. Et eaus Totroyerent volentiers a l'empereor ; et lor bailla sodoyers alemans et flamens et longuebars, a lor deniers meïsme, et il quistrent et porchascerent a Acre et par tout sodoyers ; et aucuns homes le roy, en achaison de ce que il avoyent le roy Henry o eaus, et pour talant de retorner a lor hostel, se tindrent a eaus et furent a lor comandement ; mais les chasteaus ne lor furent mie lyvrés jusque a tant que il eussent

l'argent paie. L'empereor Federic s'en ala outre mer et laissa en son leu gens por recevoir l'argent et livrer lor les chasteaus.

XLVI (140). Phelippe de Nevaire estoit adonc en Chipre por une soue besoigne privée. Les cinc baus priveement le mandèrent querre de nuit, et li prièrent et requistrent a moût beau semblant que il traitast pais entr'eaus et le seignor de Baruth, et distrent que la fin que il avoient fait a l'empereor n'estoit que por délivrer de ses mains le roy et la terre, et si tost come il avroientles chasteaus, que il feroyent quanque le seignor de Baruth vodra. Et Phelippe de Nevaire, qui conoissoit son seignor a sage et pitous, otroya as cinc baus que il se travailleroit volentiers, par si que tous cinc ly jurereent sur sains évangiles, se la pais ne pooit estre, que il conduyroient luy et sa maisnee et toute la soue chose, saine et sauve, a Baruth ou a Acre. Phelippe de Nevaire se travaila moût de la pais, et trova a son seignor ce que il vost.

XLVII. Les cinc baus taillèrent et roberent les povres gens de Chipre tant que il payèrent l'argent et orent les chasteaus. Adonc se troverent tant de gent et cuiderent estre moût fort ; mais pechié et folie les mena a ce que il s'enorgueillerent et cuiderent la terre tenir et défendre, et vencre monseignor de Baruth et les suens, et toutes voyes tenoient parole de pais a Phelippe pryveement. Maintenant firent assembler tous les gens dou païs a la court dou roy. Un d'eaus meïsme ala querre Phelippe, et si li mist le bras au col, et li proya que il venist ches le roy, car il voloyent conseiller a luy priveement. Il y ala volentiers, car il se tenoit moût a ceùr por le sairement qu'il ly avoyent fait.

XLVIII. Quant Phelippe de Nevaire entra en la court le roy, il vit que les portes estoyent moût durement gardées de gens armés de la maisnee as cinc baus, qui gardoient les

portes moût fièrement, que nul issist. Phelippe douta, et ne hst nul semblant. Quant tous furent assemblés, un des cinc baus se leva, qui estoit moût bien parlant et avoit nom messire Guillaume de Rivet, et dist moût, o bêles paroles. Entre les autres, dist que le seignor deBaruth avoit folement perdu le roy et la terre, et il avoyent sagement recovré l'un et l'autre, et avoyent acheté le baillage, et por ce requeroyent a tous les gens de laens que il juracent d'eaus sauver et garder et tenir a bail jusque a l'aage le roy ; et dist que il avoient bien decervy au roy. Et le roy estoit a lor poer, et moût estoit doutis ; et parla le roy moût bais, et regarda moût vers Phelippe.

XLIX. Si tost con ce fu fait, Tevangile fu aportee en la place, et messire Heimery Barlais dist a Phelippe de Nevaire : « Tout premier aies avant, si jurés, car nous volons outreement que vous soies le premier. » Phelippe se leva et dist : « Sire, parlés a moy a une part, vous et vos quatre compaignons. » Et il respondirent et crièrent tous cinc : « Si m'aït Des, ne ferons, car trop avriens a faire, se nous voliens conseiller a tous ceaus qui jureront, et ensi neseroit ja mais fait ; mais jurés, et nous vous ferons plus de bien que n'ont fait ceaus qu'avés tant servy ; et le quel que vous volés de nous tous vous donra fié a vous et a vos heirs, et paierons toutes vos dettes. »

L. Phelippe respondy : « Je sui moût liés que, en audience de tant de gens, m'offres a faire tant de bien et vous me faites tant d'ennor qu'ansi me proisiés, et je vous en mercy moût ; mais je ne pues faire ce que vous me querés, car je sui home de la reyne Aalis del baillage, et se je otroyasse et jurasse vous a tenir abaills, donc mentiroy je ma foi. » Et il crièrent maintenant : « Por ce ne laissés vous mie, mais por ce que vous ne volés estre contre le seignor de Baruth. » Et Phelippe dist que « encontre le seignor de

Baruth ne seroie je ja mais, se Deu plaist, car j'ains plus luy et ses enfans que nule gent dou monde. » Adonques dist messire Hue de Gibeleth : « Avés oy qu'il a dist ? Je los que Ton le pende. » Phelippe li respondy que il ne se tenoitpas a la parole de messire Hue, et que son père messire Betran avoit mainte fois parlé plus sagement. Lors s'escrierent tuit. L'un dist : « Prenés le ! » L'autre dist : « Muire adès ! ^ »

LI. Phelippe s'aïra et fu auci come désespéré de sa vie, et s'agenoila devant le roy, et retraist en audience le covenant et le sairement que les cinc baus li avoyent fait, et tendy son gage et offry a prover tout ensi con la court esgardereit de son cors encontre le cors d un d'eaus cinc qu'ensi estoit. Moût de leur maisnee, chevaliers, tendirent leur gages contre Phelippe, et il les refusa tous par raison de parole, et tout adès se paroffry contre un d'eaus cinc ; et disoit que il estoit bien lor pareil, et que ce provereit il bien par bons garens de son païs qui estoient en Chipre et en Surie ; et chascun d'eaus le desment}^, mais nul d'eaus ne tendy son gage. A tant l'aresterent et le firent garder en un canton dou palais a chevaliers qui tenoient les espees nues es mains. Les gens se merveillerent moût de ce que Phelippe osa dire et faire. Il firent aporter un grant traversain, et comanderent que il fust mis dedens et amené au chasteau de Deudamors. Au palais le gardèrent jusques a grant pièce de nuit, et toutes les autres gens jurèrent [as baus'»].

LU. Les cinc baus orent conseil a une part, et distrent : (( Cest home a requis esgart de court, et se nous sur ce le prenons, il sera lait ; mais requérons luy que il doint pièges de mil mars d'argent que il venra demain a la court, en tel point come il est ores ; et disons li que se il jure, il sera mené par esgart ; et quant il sera party de saens, faisons le ocirre come enemi mortel en celé nuit. » Ensi come il orent

porparlé, il li requistrent les pièges. Phelippe de Nevaire respondy que il n'avoit nul plege, et c'ome lige ne devoit douner nul plege, car sa foy et son fié le plegeit, et il ly distrent que il ly troveroyent bien pièges, quepareaus meïsmes s'oufryrent a luy piéger ; [et luy, les merciant, les prioit que il le servissent quant il en auroit de besoing ^].

LUI (141). A tant s'en party d'eaus Phelippe de Nevaire, et s'en ala a l'Ospitau tout dreit, et porchassa tant en celé nuit meïsme que il ot bien cent et cinquante homes d'armes, et trova laens les femes et les enfans de ceaus quy estoient en Surie ovec le seignor de Baruth ; et se Phelippe ne fust entré, les cinc baus y fussent entrés l'endemain, et l'eussent pris. En celé nuit meïsme fu assailli et pris l'ostel ou Phelippe estoit devant herbergié,et troverent son lit tout fliit, et l'esprevier dessus le lit fu passé de plusors lances et de dars. Et il y avoit deus suens homes qui gardoient l'ostel ; l'un fu ocis et decopé, et l'autre nafré malement.

LIV (142). L'endemain saisirent les cinc baus tous les fiés de monseignor de Baruth et de ses amis. Phelippe fist faire une cisterne dedens la tour de l'Opitau, et fist faire assés de bescut, et moût garny et horda bien l'Ospital ; et quant les cinc baus sorent que Phelippe fu laens, si l'assegerent, et firent moût durement garder de jour et de nuit qu'il n'en issist. Phelippe de Nevaire vost faire assaver cest fait tout premièrement a monseignor Balian d'Ybelin, son conpere, et puys qu'il ot comencié a escrire les letres, li prist il talant de faire les en rime. Et por ce que sire Heimery Barlais estoit plus malvais que tous les autres, il le vorra contrefaire a Renart, et por ce que, au romans de Renart, Grimbert, le taisson, est son cousin germain, il apela messire Amaury de Betsan Grinbert, et por ce que sire Hue de Gibîet avoit la bouche torte, et il faisoit semblant que il feïsttous jors la moe, Phelippe l'apela singe.

LV (143). Geste est la letre rimee que sire Phelippe de Nevaire, qui estoit enclos a l'Ospital Saint Johan a Nicossie, manda a messire Balian d'Ybelyn, quy estoit a Acre :

Salus plus de cent mille, beau sire et beau compère, Vous mande ly hermite qui or est noveau frère. Ce ne fust la crois blanche, tant y eûst matière Qu'il ne chantast ouan houres ni messe entierre. 4

Compère, vostre terre contrefait or Espaigne, Car il y a cinc baus tous en une conpaigne. Moût amour me mostrerent por jurer lor enseigne; Mais je le contredis ; si orent tel engaigne, 8

Que sans esgart de court et sans autre bargaigne Me quémandèrent prendre et mètre en la longaigne ; Durement contrefirent celé nuit Alemaigne : Les portes garder firent, n'i ot nul qui se faigne. 12

Celuy les establi, a la chiere grifaine, Quy de son cors meïsme mesura lachampaigne.

Je ne vy celé nuit nule si fiere beste, Come celuy quy traist en mi le champ sa teste. 16

Se Dieu plaist, en sa vie avra il tel tempeste. Car a tous les grans sains fait on chascun an feste.

Ency fui aresté en la court celé nuit ; Beau parler ne requerre esgart n'orent nul fruit; 20

Et si lor dy je tant qu'il m'esgarderent [tuit. En traversain me mistrent '^] li traïtour recuit, Puis me vostrent ocirre en traïson de nuit; Mais je fui bien garny par tel, a qui qu'ennuit, 24

Quy me douna conseil bon et leal, ce cuit.

Maintenant afublai la chape saint Johan; Mais j'ai fiance en Deu que j'en istray ouan.

Ce savoîe de voir venu soit Balian, 28

Et Anceau le camus, je criasse autre ban.

Celuy qu'entre la lice se mist et le chevau M'a par force enbatu et mis a l'Ospitau. Deu ! s'eussent laissié tuer le deslëau, 32

Ja nefust avenu en Chipre ytantde mau.

S'on eûst covenu a Anceau le camus, Quant dou chevau a terre fist le grant flatimus, De la messe fust dite le benedicamus ; 36

Tout le mont eiist dit : « Deu grâces dicamus. »

Le benedicamus fust dit de sa chanson

Balian, n'obliés les fers ne la prison.

Volentiers le celace, mais par tout le sait Ton. 40

Se l'on vous aresta, n'i avés nule honte. Car celui qui vous prist a pris et roy et conte. Mais ce me fait crever que chascun dit et conte due celuy le fist faire qui de gens est la honte ; 44

Et il se mostre bien qu'il a de vous grant doute.

Balian, ne souffres qu'a vostre tens aveigne Que racheté dou champ au dessus de vous veigne. De monseignor Phelippe de Naple vous souveigne 48 Et de vostre bon oncle ; puis bien vous en coveigne.

Par Deu ! ly dui Phelippe de Naple et d'Ybelin, Et l'oncle vostre père, monseignor Bauduyn, N'orent onc pour nul fait les ches bas ni enclin; 52 Et se vous recréés pour cinc cheitis farrin, Celuy Deu qui destruit et confondy Cayin Vous destruie et confond, se ne venés a fin.

Por Deu, vos amors d'Acre metés a une part, 56

Et vous et danTaissel, qui cuide estre leupart.

Pour un chetif goupil, quy cheï dou liart

Qui par desa s'avance, neïs li Longuebart... ^

Se vous amés les femes que il ont enlor part, 60

Car les levés don siège et Grimbert et Renart,

Qui devant l'Ospital ont mis lor estendart.

Toute nuit font gaiter o lances et o dart

Ceaus qui tienent la terre et nous faillent d'esgart. 64

Les daines sont dedens et un tout soûl Lombart.

Cornent le soufrés vous, recréant et couart ?

De l'endemain de pasque, se Damedeu me gart,

Me souvient quant jes voi; trestout le cuer m'en art, 68

Que chascun se fait rey, mais qu'il se truit soi quart ;

C'est le jeu des enfans, se Dé plaist, que qui tart :

En un soûl jour sont roy, l'endemain font lor art.

Ne puis muer ne rie quant les voi au baillage : 72 Hue a la torte bouche, qui renée parage, Guillaume de Rivet, qui tant cuide estre sage, Quy de son malsarmon trestous les assouage. Et Renart, qui sait bien com l'on deste desgage; 'j^ Amaury et Gauvain ne sont pas d'un lignage. Bien les conoissés tous, n'i a nul si sauvage. Sed'eaus je chante ou rime, ce n'est pas grant otrage : Je suy li rocignol, puis qu'il m'ont mis en cage. 80

L'on ne me doit blasmer s'il n'i a boune rime, Ne les vers ordenés, car ceste en est la prime. S'en la cage sui gaires, je fineray ma rime : 84

L'autre yert équivoque au meins ou leonnime.

LVI (144). Ceste rime fut receûe a Acre a moût grant joie, et tous crièrent : « Or tost a la rescouse des dames et

dou Lombart ! » Moût tost s'apareillerent et orent moût belle gent et belle navie, et le seignor de Baruth fist toutes les livraisons de la navie et des sergens, et as chevaliers presta et donna tant que il orent ce que besoing fu ; la mer passèrent, et ariverent alaCastrie. Les cinc baus mistrent grant defence au port prendre ; toutevoies fu pris a force. Les cinc baus se retraystrent et revindrent a Nicossie, ou il faisoient garder le roy. Le seignor de Baruth et les suens mandèrent moult douces paroles au roy, et as cinc baus meïsme, disant que il venoyent dou servize Deu, et que il voloyent venir a lor hostel et en lor fiés, et estoient apareillé au droit faire et dou droit prendre ; et les cinc baus ne deignerent onques respondre.

LVII (145). Le seignor de Baruth et les suens chevauchèrent sagement et sereement, et vindrent devant Nicossie. Les cinc baus issirent de la ville et firent issir le menu peuple de la ville a force, et orent tous les tricoples de la terre, et des sodoyers, qui furent trop plus que ceaus de monseignor de Baruth. Gens de religions se mistrent entre deus pour faire pais, mais ne pot estre^.Les cheveteines des escheles se regardèrent et conurent de l'une part et de l'autre ; chascun se mist endroit seluy que il plus hayoit, et lors assemblèrent. La bataille fu la plus maie et la plus peme que onques fust desa la mer ; moût y ot chevaliers abatus et chevaus, et gent morte. La bataille fu en un double gareth, et y ventoit un fort ponent. La poudre fu si grant que l'on n'i veoit goûte. En celle bataille fu ocis [,par messire Gauvain, le viel seignor de Cezaire', qui estoit conestable de Chipre et parastre de monseignor de Baruth; et fu ocis^^] messire Giraut de Montagu, quifu nevou des deus maistres dou Temple et de rOspitau et de l'arcevesque de Chipre Estorgue, car son chevau li gist grant pièce sur le cors.