LVIII. En celé bataille firent merveilles d'armes les

Philippe de Novare. 3

enfans de monseigiiorde Barulh, et sur tous i fist merveilles messire Balian. Les cinc bausavoientestably vint et cinc chevaliers, les plus vigourous que il eussent de lor maignee, quy dévoient entendre a ocirre [monseignor de Baruth^]. Monseignor de Baruth fery par mi la bouche un d'eaus, car il n'avoit pas heaume a visière, et de celuy cop le rua mort a terre ; en celé j ouste meïsme chey [le cheval ^] monseignor de Baruth en une fosse. Les cinc baus portoient grans mitres d'orpeau pour conoissance sur lor heaumes, et toutes voies furent il vencus et desconfis, si com Deu plot ; et tout cinc eschaperent. Tout premier s'en fuy sire Hue de Giblet, qui faisoit. Tarière garde.

LIX. Quant la desconfiture et la fuie ot ja duré une pièce et la poudrière fu esclarsie, et sire Balian d'Ybelin avoit ja chascié moût avant, monseignor de Baruth se trova soûl au champ, ovec luy ne sai quans archiers a pié. [Contre luy «] au champ se troverent des enemis jusque a quinze chevaliers, les meillors, qui estoient passé outre au jouster; et quant la poudrière chey, il le conurent, et il eaus ; et quant le sire de Baruth vit qu'il estoit si soûl, si descendy et entra par une petite porte en une court, ou il y avoit un petit moustier, et les sergens o luy ; si se defendy au meaus qu'il pot, il et les sergens. Et il feroient de la lance ceaus qui venoient au mur dehors pour depecier et pour entrer laens.

LX. Si com Deu plot, messire Anceau de Bries i survint sur un chevau grant et fort, et covert de fer et de groces covertures par dessus ; sise mehla a tous eaus, et tant fist d'armes que tout brisa, la lance et l'espee, et neïs son couteau brisa il, et ressut tant de cos que il ne se pot mais aider des mains. Si bouta ses deus bras dedens les deus renés, et quant ceaus venoyent au mur pour abatre, il feroit des espérons, et les arestoit del mur abatre ; et tant fist que

monseignor de Baruth fu son coural amy toute sa vie. Si con Deu vot, messire Balian, son fils, qui moût avoit grant suite de chevaliers, quant il vit que son père n'estoit en la place, si retorna au champ ; et si tost con ses enemis le virent etconurent ses enseignes, il se desconfirent et fuirent vers la ville de Nicossie ; et messire Balian, qui venoit devant tous les autres, les encontra moût asprement, et abaty le confanon si durement que il meïsme vola a terre : luy et le cheval cheyrent andui ; la ot plusors pris et mors, et plusors eschaperent por la chaoite de messire Balyan.

LXI. Sire Heimery Barlais et sire Amaury de Bethsan et sire Hue de Giblet s'enchastelerent au Deudamors, et sire Gauvain et les soues gens alerent a la Candare^.Phelippe de Nevaire, qui estoit issus de l'Ospital Saint Johan, et les soues gens o luy, lor firent moût de damages en la bataille, a ceaus meïsmes qui furent en la ville. Les cinc baus devant dis avoient mandé, ains que la bataille comensast, le juene roy Henry ; par force le mistrent au chasteau de Deudamors ; la le tindrent et le gardèrent come en prison. Geste bataille devant dite fu a un samady a quatorze j ors dou meis de juingnet, devant Nicossie, Tan de .u.u^. et xxix^.

LXIl (146). L'endemain de la bataille furent les chasteaus assis. Monseignor de Baruth asseja Gherines, et ses enfans, messire Balian [et messire Bauduïns^] et messire Hue, assegerent le chasteau de Deudamors. Messire Anceau de Bries asseja la Gandare, et sire Gauvain estoit dedens entré. Monseignor de Baruth, qui avoit assegé Gherines, fina as Longuebars quy tenoyent le dit chasteau en tel manière que, se il n'avoyent secors dedens un terme moty, que il ly rendroyent le chasteau, et il lor paieroit quanque l'on lor devoit de sos, de viel et de nouveau, et les conduyroit hors de Ghipre, eaus et lor choses, sains et saus. Phelippe de Neveire traita celé pais, et resut le chasteau au terme pour

3é PHILIPPE DE NOVARE

son seignor, et conduist les Longuebars hors de Chipre, LXIII (147). Adoiic Phelippe de Nevaire fist une chanson qui dit ensi, et fu mandée a Acre au counestable :

I A tout le mont vueil en chantant retraire Le grant orgueil et la grant estotie

Que onques fust vehue ne oïe,

De nos cinc baus, qui a droit sont contraire • 4

Car, sans esgart de court et sans clamor,

Desaisirent lor pers et lor seignor

De lor drois fiés; puis lor vostrent défendre

Le revenir en Chipre et le descendre. 8

II Quant desaisi furent, sans riens mesfaire, Cil qui erent pèlerin en Surie,

Par mer vindrent d'Accre en la Castrie.

La pristrent port, qui qu'en deiist desplaire. 12

Puis mandèrent au roy par grant dousour

Qu'il venoient a luy, par grant amour,

Prest et garni de droit faire et de prendre;

Mais les cinc baus ne deignerent entendre. 16

III Cher lor cousta l'orgueil, ne tarda gaire. Le samedi, au plein de Nicossie,

La conquistrent, a Tespee forbie.

Nos gens honour, lor fiés et lor repaire ; 2a

Vencu furent li félon traïtor.

Vers les chasteaus s'en fuirent plusour ;

Meins en vit l'on desordener et prendre. 24

Celuy qui dut l'ariere garde faire Ot de fuïr prime la seignorie.

Tantost con vit l'avant garde envaye,

Fouir prist tant com deu moreau pot traire. 28

Parens, amis, autre terre et honour

I perdy tout, le musart, en un jour.

Fols et malvais c'est trové tout ensemble :

Bien se deûst de honte moine rendre. 32

V Cel jor vit l'on abaisser et desfaire

Lor grant orgueil et lor haute folie : Cil s'en fuît a la chiere froncie.

Et meint autre desleal deputaire. 3^

Enchastelé se sont au Deudamor ; Laens tienent en prison lor seignor.

Jugement c'il ont decervy bien pendre ? Si court l'ontpris, et autre fois fait prendre. 40

Yi Les traïtors que l'on devroit detraire

Font entendant as fos, par tricherie.

Que mon seignor fait moût grant félonie,

Quant assiège le roy pour luy mal faire. 44

Lous enragié sont devenu pastour.

L'oncle le roy fust garde sans mesprendre,

Con ne tray del chastel pour revendre. 48

VII Va, serventoys, va con quareau peut traire ;

Si me portes noveles en Surie Au counestable qui ne nous heit mie ; Si li diras qu'a droit vait nostre afaire, $2

La mercy Deu, le nostre creatour,

Si rist autant quant vit Lengaire prendre :

Mant vous sa lengue et le nés faire fendre. 56

LXIV (148). Le seignor de Baruth ala. au siège dou

chasteau de Deudamors, et herberga a la fontaine dou Dragon, et ses enfans estoient amont devant le chasteau. Le chasteau si est en moût fier leuc et en moût fieresmontaignes ; et moût y covient de gent quy bien le veaut asseger, car de moût d'autres leus en peut Ton issir que par la porte, et il y avoit dedens moût de garnison de gens a cheval et a pié. Tout le plus de ceaus qui estoient eschapé de la bataille s'en fuirent laens ; si ot moût fait d'armes devant le bourc, et a la porte mainte foys. Toutevoies orent il de moût grant mesaise laens de fain, tant qu'il mangèrent lor chevaus, et por ce s'aseûrerent ceaus dehors, et aloient les chevaliers par la terre, et venoient quant il voloient. Dont il avint que le seignor de Baruth fu aie a la Candare veïr un grant trabuc que sire Anceau de Brie faisoit faire. Ses trois fils dessus noumés estoient espandus par le païs «, si que au siège estoient demoré trop poy de chevaliers. Ceaus dedens s'en aparsurent et firent une issue si esforseement que il desconfirent ceaus dou siège et gaaignerent la herberge des chevaliers et les viandes ; et se ce ne fust, il n'eussent mie tant duré come il durèrent.

LXV (149). Messire Balian estoit a Nicossie a moût poy de chevaliers, car il estoit y ver ; si estoyent les chevaliers en leur terres, ou il oyseloyent et se desduyoient. Messire Balian vint au cri et recovra la herberge, et fery des espérons jusque a la porte dou bore, et brisa sa lance au fer de la porte dou bore ; et a si très poi de gent forni celé besoigne que merveille fu, et en toute la guerre ne fu il a si grant meschef come il fu a celuy jour. Moût y ot fait d'armes d'une part et d'autre. Son père le seignor de Baruth, quy estoit aie veïr un trabuc que Ton faisoit devant la Candare, vint au cri, et ses frères de la ou il estoient, et toutes les gens dou païs vindrent hastivement. Adonc fu establi que messire Balian y seroitun mois, et cent chevaliers o luy, et

grant planté de gens a pié, et l'autre mois i seroit messire Bauduyn, son frère, a cent chevaliers auci, quy moût estoit sages et vigourous ; et le tiers mois y seroit messire Hues, quy estoit des plus beaus chevaliers et des plus fors et des plus ayenans dou monde ; et ensi com ly uns des frères y estoit, l'autre s'en aloit la ou il voloit, et chascun i revenoit a son mois.

LXVI. Près d'un an dura le siège ensi, et tous jors y ot fait d'armes. Phelippe de Nevaire fu un jor naffré devant la porte dou bore, et ot plusors playes perillouses de lances et de careaus etde'pieres. Il fu féru un jour en dardans d'une lance qui li fausa le bras tout outre, o toute la manche dou hauberc et la char, tant que sur le costé brisa la lance ; le troson demora o tout le fer au bras. Ceaus dou chasteau crièrent : « Mort est vostre chanteor, tué est ! » Et le tenoient ja si hennemi par le frein « ; mais son seignor le secorut, et le délivra moût vigourousement. Le soir après fist il deus coubles de chansons, et se fist porter devant le chasteau, a la roche, et les chanta en haut et dist. Adonc sorent il bien, cil dou chasteau, que il n'estoit mie mors.

LXVII (150). C'est la rime que sire Phelippe de Nevaire fist, quant il fu nafré devant le chasteau de Deudamors, au siège :

I Nafré sui je, mais encor ne puis taire De dan Renart et de sa compaignie, Qui pour luy est afamee et honie,

Dedens Maucreus, ou il maint et repaire. 4

Mais, se Renart a de son cors paour,

Que ont mesfait li autre vavassour

Et ly sergent ? por quel se laissent vendre ?

Corne bricons leur fait aucuns atendre. 8

II Car Renart sait plus de traïson faire

Que Guenelon, dont France fu traïe.

A son eus a la tainere farsie.

La seus est mis pour maistrier la terre. 12

Et de la pais les chufle chascun jor.

Bien est bonis qui sert tel traïtor :

Pour luy servir les fait Ton sa hors pendre,

Et il les fait la dedens les saus prendre. 16

LXVIII (151). Ceaus dou chasteau de Deudamourorent si grant famine que le jor de Pasques firent il grant feste d'un maigre ahnon que il gaaignerent. De cel ahnon fait mension Phelippe de Nevaire en la branche de Renart, et dist que il beneïrent l'aneau as grans oreilles et le mangèrent a Pasques, si com vous le trouvères. Messire Anceau, quy estoit au siège de la Candare, tint si près le chasteau que merveilles seroit a croire ce que il fist ; et le trabuc quy la fu abaty près que tous les murs ; mais la roche estoit si fort que l'on ne pooit monter ; et ceaus dedens estoient a si grant mesaise et meschef come ceaus quy estoyent desgarnis de robe et d'armes, et avoyent tout geté entre voyes, quant il partirent de la bataille ; et la bataille fu a quinze groces liues loins dou chasteau.

LXIX. Une nuit avint que Phelippe de Nevaire ala oveques messire Anceau au gait ; si entroï paroles de ceaus qui estoient en une petite tour depecie qui estoit demoreeau dit chasteau, et sans tout ce savoit il leur covine ; tantost fist il une chanson qui dit ensy :

I • L'autrier gaitay une nuit jusque au jour,

Bien près des murs, tout soûl, sans autres gens ;

S'oï pleindre la sus en une tour

Les Candariers, qui sont mas et dolens. 4

Bacet dist l'un a l'autre conpaignon :

« Aylas ! fait il, seignors, las ! que feron ?

Traï nous a Renart, que Deu maudie.

Et la fauce chartre de la Castrie,

Que saens vint ains Taube. » 9

II Lors respondy uns autres : « Grant doulor Et grant peine soufFrom, et grans tormens : La nuit veiller, matin estre au labour,

Poy a manger, et povres vestimens ; 13

A la periere esteut que nous tirons ; Tous les ennuis et tous les maus avons. Se longuement devons avoir tel vie, Je pry la mort qu'anuit tous nous ocie,

Avant que veigne l'aube. » ^ 18

III Après distuns : « En lermes et en plour Seront pour nous et amis et parens ; Tous y morrons, car leur trabucheour

Nous fait nos fours trabucher si dedens, 22

Murs et petreaus et creneaus et maisons. S'on nous assaut, coment nous défendrons ? Car nostre gent est d'armes desgarnie.

Li mur ne nous garentiront or mie :

Puions nous ent ains l'aube ! 27

IV « Abatu est le molin et le four ; D'atendre plus ne seroit pas grans sens. Traï nous ont les baus de Deudamor.

Et ont menti vers nous leur sairemens. 31

Toly nous ont le roy en traïson, Et covenant fu que nous l'avrion.

Puis nous firent conbatre a Nicossie, Pour eaus sauver et nous tolir la vie.

Ja ne voient il l'aube ! 36

v « Trop nous tarde le secors de Pascor ;

Fait est de nous, si com je cuit et pens. Mal veïmes onques l'empereor ;

Merci crier nous covendra par tens.

— • Voire, distil, se nous la trovions ; 40

Mais je cuit bien que nous y faudrions ;

Por ce vaut meaus le fuyr en Turquie.

Mais cil dehors gailent par establie

Toute nuit jusqu'à l'aube. » 45

VI Quant Gauvain vit sa gent en tel error,

Moût li chanja son cuer et son porpens. En souspirant leur a dit : « Beau seignor, Ne puis trover un message saens 49

Quy ose aler la ou nous vodrions.

Encor est tel en Chipre ou en Surie Cui pèsera, se nous perdons la vie. »

Et a tant parut l'aube. 54 VII Quant eu oï leur pleinte et leur clamour, Si me revins au gait de nos sergens.

Et la contai a joie et a baudour, Qu'en la Candare avoit duel et contens. $8 Si me pria uns de nos conpaignons h

Et je fis tel, la pleinte fu oye.

Quant elle fu parfaite et aconplye,

Par tout esclarsi l'aube. 63

LXX(i52). En celuy siège avint que le jeune seignor de Cezaire, fils de seluy quy avoit esté ocis a la bataille des cinc baus devant Nicossie, il establi et heberja ses gens vers une roche aguë qui est moût près dou chasteau, et faisoit traire laens de jour et de nuit«. Il avoit un moût soutil aubalestier, quy moût bien conoissoit messire Gauvain quant il aloit par le chasteau. Tant legaita qu'il le fery et Tocist d'un careau ; et son cousin, messire Guillaume de Rivet, estoit

aie en Hermenie pour secours, et la moruth. Adonc fu cheveteine de la Candare Phelippe Chenart, quy estoit frère de sire Gauvain de par sa mère, et estoit juenes hom vistes et pénibles. Ceaus dedens celèrent la mort de sire Gauvain, et Fabalestrier dist bien qu'il Tavoit féru.

LXXI. Ceaus dou chasteau [ne porent plus durer, et firent pais, a la quele se consenti voulentiers monseignor de Baruth por avoir le roy, qu'il se doutoit qu'il ne fust trais dou chasteau une nuit«] par aucun leuc et mené en Puille. La fin fu tele que ceaus dedens livrèrent le roy, quy estoit son nevou,et ses suers, et les chasteaus au seignor de Baruth, et jurèrent que ja mais encontre luy ni encontre ses enfans n'encontre ceaus de sa partie ne seroient ; et il et ses enfans pour toute lor partie lor jurèrent ^^ qu'il lor tendroient bonne pais ; et fu ordené que le lignage de sire Gauvayn devoit issir hors de Chipre, por ce que on disoit qu'il avoit ocis le conestable, mais il dévoient avoir lor fiés^, et l'on les devoit conduyre sains et sans hors de la terre. Celé pais traita un vaillant frère de l'Ospital, qui avoit nom frère Guillaume de Tineres, et estoit moût privé de monseignor de Baruth. Et quant le roy issi dou chasteau, moût y ot grant feste et grant joye faite et grans dons. Messire Anceau et Phelippe de Nevaire et le chevalier quy fu laidy, quy avoit nom Toringuel, ne vostrent estre présent a la pais, ne onques puis ne parlèrent a leur enemis dessus noumés, mais il se mistrent en pais pour faire le gré de leur seignor.

LXXII. Et durant que l'on traitoit la pais, l'on manda querre Phelippe, et il estoit a Lymesson a une nave, ou il devoit aler message outre mer au pape et au roy de France et au roy d'Engleterre et as cinc roys d'Espaigne, pour conter et retraire et faire plainte des grans maus et otrages que l'empereor Federic et les gens en sa suite avoyent fait en ■ Chipre et en Surie«. Si tost corne la pais fu faite, Phelippe

en vost faire chanson a rime, mais le seignor de Baruth ne le vost soufrir ; a quelque peine soufri qu'en feïst une branche de Renart, en quei il nouma bestes plusors. Et afigura le seignor de Barut a Yzengrin, et ses enfans a ses louveaus, et sire Anceau de Bries a Tours, et soy meïsme a Chantecler le coc, et sire Toringuel a Tinbert le chat : toutes ces bestes sont de la partie d'Yzengrin au romans de Renart. Et sire Heimery afigura il a Renart, et sire Aumaurya Grinbert le taisson, et sire Hue au singe ; et autre fois les avoit il ensi apelés, si com vous avés oï ; et celés bestes sont de la partie de Renart au roumans meïsmes. La branche dit ensy :

LXXIII (153). C'est la rime de Renart, come Yzengrin le desconfist.

Tant a esté Renart en guerre

Qu'arce et destruite en est la terre ;

Moût fu diverce s'aventure,

A toute fois et aspre et dure. 4

Moût fu Renart près de sa fin,

Quant desconfit l'ot Yzengrin

Et assegé dedens Maucreus,

Un chasteau qu'ot puis a son eus. 8

N'i ot que manger ne que boivre ;

Trop malement se dut desçoivre.

Se ne fust Noble en la bargaigne.

Mort fust Renart et sa compaigne. 12

Mais Deu, qui tous les biens parfait,

A volu otroyer et fait

Tant que Renart a sa pais faite.

Mais ne fu mie bien parfaite 16

La pais, ains fu un poi trop linge.

Renart et Grimbert et le singe

I sont sans plus de celé part;

Ne sont que troy, o tout Renart ; 20

Et toutes les soues ayes

Sont a la pais vilment faillies.

Celuy peut on de traïsson

Apeler par droite raison ; 24

Mais Renart n'ot onc q'une fois;

Celé menty plus de cent fois.

Et les trois que j'ay recordé

Ne sont pas a tous acordé, 28

Car il n'ont pais qu'a Yzengrin

Et o ses louveaus autrecy ;

Et si vous dy que les louveaus

N'orent pas bien tous leur aveaus, 32

Quant il lor covint faire pais.

Renart n'ameront il ja mais ;

Car dan Renart, quant il fu miege,

Et il les ot fait prendre au piège, 36

Les conpissa en la louviere ;

Pèsera leur, s'il nel compère.

Drois est s'il s'en pleignent et claiment,

Et Deu les hee, se il l'aiment ! 40

Moût est encor a grant contens.

N'a mie pais a toutes gens.

Messire l'ours, Timbert le chat,

Dient qu'il ly donront un fîat ; 44

Et sire Chantecler le coc.

Qui de l'eschiquier est un roc,

Ly passe en chantant par le siège ;

Souvent retrait au loup le piège 48

Et en chansons et en fableaus,

Con Ton pissa sur les louveaus.

Le coq refaite l'esperon.

Et dit qu'il n'a si haut baron $2

En la court, s'ill oze envaïr

Renart, qu'o luy Tira ferir.

Atant es vous Renart a court,

Et si veut bien qu'on l'i hennort. $6

Moût s'acoste près d'Yzengrin ;

Par poi ne se fait son couzin ;

Les louveaus racointe un a un,

Ses bras jeté au col de chascun ; 60

Moût fait laens Renart sa noise.

Encontre cuer rit et envoise,

Et dit bien souvent en son conte

Et de s'ennor et de sa honte : 64

Moût parole de la bataille ;

Par my les fent, par my les taille.

Quant l'ours le voit, si le rechigne,

Et dans Timbert le chat l'en guigne, 68

Si demande quel le fera.

Fait Chantecler:« Or y parra,

Se dans Renart nous tient pour chievre ! »

Renart l'entent, prent le la fièvre ; 72

Moût doute l'ours, car de bien haut Le fist jadis prendre un mau saut.

S'il le doute, n'est pas merveille ; A Grimbert, son cousin, conseille, 76

Et dit qu'il a grant mal au cuer :

« Aylas ! fait-il, couzin, je muer ! » Le pous li bat, change coulour ; Angoussous mal a en paour. 80

Renart s'en vait en sa maison ; O luy vait Grinbert le taison.

Et le singe dans Cointereaus, Et dans Renardins li mezeaus, 84

Et Percehaye et Malebranche,

Et dame Hermeline la franche,

I sont corus corne desvés :

« Sire, dites que vous avés. » 88

— « Aies, dist il, tost pour le prestre !

Bien poés tuit veïr mon estre. »

Q.uant l'ont oï celé frapaille, Si ont cuidé de voir, sans faille, 92

Qu'il soit de mort en grant paour, Et c'om perdoit moût bon seignor.

Mais tout ce est engin et art.

Or a mestier que on se gart, 96

Qu'a envis pert l'on la coustume Que l'on tient tant que le toup plume.

Renart, le trechiere plumés, De trecherie acoustumés, 100

C'est porpencés par lecherie D'une moût fiere trecherie.

Qu'en semblant de confession Pardonra et querra pardon 104

A toute gent en pril de mort A meins de honte et atrui tort, Neïs a l'ours quy le foula.

Envers qui il se rechata, 108

A Chantecler et a Tinbert, Qui son malquierent en apert.

Bien sait que s'a yaus ne s'apaise.

Il n'ert a seûr ni a aise, 112

Mais moût dezire leuc et tens Qu'il puist recomencer par tens ; Volentiers atisast le feu.

S'il en eûst et hore et leu. 116

Toutefois le prestre demande, Et le cors Nostre Seignor mande.

Es VOUS venir le Sauveour ; Et dans Renart, le trecheour, 120

Se fait de deus pars soustenir, Et dist qu'il vost tout regehir :

ce Sire, en vostre sainte présence, De qui tous biens vient et comence, 124

Vueil regehir que Yzengrin N'amai ni n'ameray en fin ; Et quant je fis antanla jure, S'au desus venist m'aventure, 128

Ja n'en eusse autres mersis Que j'os de ses autres amis.

Je hais moût ses louveaus et dout, Si fai je leur lignage tout, 132

Et je leur mostrai bien antan ; Mais ne me los pas de cest an.

Houny suy et cheu en mal puis; Si m'en repens, quant meausnepuis. 13^

Or est Yzengrin mon seignor, Ensemble en ai duel et paour.

Nobles est fors de seignorie :

Ci endroit faut ma trecherie. 14»

Ses louveaus regimbent o luy ; Si semble c'onques nels conuy :

Je ne lor puis or plus mesfaire ; Pour Deu le lais, quant nel puis faire ; 144

: Bon jeu par ai je d'une rien,

Car lor pais me tendront il bien,

Et se j'avoye leuc ne aise,

O eaus m'ardroye en la forriaise. 14^

Trop ai forfait a moût de gent,

Encor en ay moût bon talent.

Mais Deu me pùet tout pardoner,

Qui sait mon cuer et mon penser. 152

Par Deu, sire l'ours m'abaty,

Et de mes reins tout me houny.

Se je fis faire a Tinbert lait,

Il si m'avoit moût bien mesfait. 156

Pour Deu, Chantecler mandés querre.

Car moût chevauche par ma terre ;

Je me vueil acorder o luy,

Et si m'a il moût fait d'ennuy. 160

Je leur pardoin, or me pardoignent,

Par ces deuxmayns qui yci joignent.

S'avant n'avoye autre pooir.

Ne leur puis mais guerre movoir ; 164

Mais si je les pooye avoir.

De cuer lor feroye assavoir. »

Au coc mandent de grant randon Qu'il veigne courant au pardon. 168

Le quocrespont : « Par Deu li dites Que, se il muert, qu'il en soit quites; Mais je sai que sa maladie Est traïson et félonie. 172

Se messire Yzengrin est sage.

Il maintendra vers luy l'usage Que tient le fauconier grifon :

S'il nel fait paistre par raison, 176

Il devenra encor hautein; Fasse le venir au reclain.

Moût me poise qu'est eschapés De la ou il fu atrapés. 180

A Pasques fist faire mei'veilles.

Quant il l'aignel as grans oreilles Oza beneïr ne manger.

N'i avoit lors point de danger ; 184

Philippe de Noi'are. 4

Mais quy or ne se gardera,

Encore nous engignera. »

Li message n'i pot plus prendre ;

A Renart vint sans plus atendre, i88

Et li conta outreement

Le respons et le mandement.

Lors dist Renart au chapelain :

c< Je morray anuit ou demain.

Se de cest mal pooye estordre,

Maintenant entreroie en ordre.

A tous pardoin et pardonray.

Quant je de ci me leveray. 196

Por Deu, sire, car m'asoillés,

Car j'ay fait tant d'autres pechiés.

Se je peûsse cent ans vivre,

Ne seroye je pas délivre. » 200

Le prestre Tasot maintenant ; Meis ce fu par tel covenant.

S'il eschape, qu'il veigne a luy :

« Oïl, fait il, et a autruy, 204

A quy il devra moût peser, Iray je maintenant parler. »

Le prestre ly donna celuy Quy ne devroit entrer a luy ; 208

Et il le prent en sa maie houre.

Jehsu s'en part, Renart demore, Plein de barat et de mal art.

Diables ot en luy grant part ; 212

Moût ot de luy mal en sa peau.

Desleal traïtour et feau Est et sera tant com il vive, Jusque parte l'arme cheitive. 216

LXXIV (154). Après la pais, le bon seignor de Baruth et ses enfans firent gians biens et grans honors et grant révérence a leur enemis '^, et leur donnèrent chevaus, robes et armes, et autres presens ; et s'aconpaignerent a ceaus ^, et se vestoyent d'une robe, et s'envoisoyent ensemble, et ne tenoyent rien au cuer qui eûst esté. Mais leur enemis gardèrent et retindrent leur foies volentés, et bien le mostrerent si tost com il porent. Phelippe de Nevaire avoit bien deviné et devisé en la branche de Renart ce que il firent après. Messire Heymeri Barlais estoit moût baut et s'esforsoit moult de faire compaignie et feste au seignor de Baruth et a ses enfans, et Tapeloit son seignor et son père, et messire Balian Tapeloit frère ; et moût parloit souvent de la bataille quy avoit esté et dou siège, tant que Ton tenoit a mal, car moult recorder sa honte est malvaistié et malice.

LXXV (155). Un jour fu la court pleniere, et messire Heimery Barlais et toute sa route y furent. Au derein de tous entrèrent a la court ensemble messire Anceau de Brie, Phelippe de Nevaire etToringuel. Messire Heimery les esgarda moût et vit que il conseilleent ensemble « ; si douta moult, et dist qu'il estoit si malade que il moroit. A tant s'en party de la court, luy et les suens, en sen hostel ; tantost se fist confesser et comenier, et dist qu'il pardouneit a toutes gens et qu'il voleit crier mercis as trois dedesus només, car il les doutoit moult, por ce que il ne furent présent a la pais, ni ne jurèrent. Il manda gens de religions, qui les prièrent qu'il venissent a luy ; et il ne vostrent aler, mais il ly respondirent que se il moreit, qu'il en fust quite ; et ce fu avant que la dite branche fust faite ; et por ce en fait Phelippe mencion en la branche.

LXXVI (156). Messire Heymeri et sa partie mandèrent a l'empereour, si com il fu dit, ce que avenu estoit, et grans excusations de la pais qui fu faite, et ly mandèrent que il

estoyent en leur fiés, et avoyent grant partie de la terre, et se il mandast un petit d'esfors, encores en vendroyent il bien a chef de ceaus quy estoyent ses enemis et d'eaus meïsmes ; et plusours feis mandèrent, ce dit l'on, et en la fin troverent ce qu'il queroyent.

LXXVII (158)^. En l'an de .m. 11^ .xxxi, quant l'empereor Federic otfait pais a l'yglize et recovré tout quanque il avoit perdu en Puille?', il avint que le devant ditemperere Federic, quy moût hayoit Chipre et Surie, manda en Chipre et en Surie grant ost de ses barons de Puille et de Cezile, et tous ceaus qu'il hayoit plus et des quels il se doutoit^; et disoit l'on que il furent bien sis cens chevaliers et cent vallès a chevaus covers et set cens homes a pié, et bien trois mille homes de marine armés, o moût grant navie et belle, denaves et de salandres et trente etdeusgalees. Decel ost fu cheveteine sire Richard Filanger, mareschal de l'empire^. Monseignor de Baruth, qui estoit a Acre^, quant il sot la venue de ces gens, par les gens d'une nave de l'Ospital des Alemans qui vint a Acre, il retint tantost quanque il pot de gens, et mena o luy grant partie de sa garnison, dont il se dut repentyr après.

LXXVIII. Il vint en Chipre, et tantost furent semons toutes les gens a armes, si alerent a Lymesson ; et messire Balian, son fils, et sa eschele, y vint tout premiers; et en l'oure qu'il vindrent, l'estoire des Longuebars ariva en Chipre, au Gavata, qui est près de Limesson. Le juene roy Henry de Chipre et monseignor de Barut estoyent entre voyes; et quant il oïrent les novelles, il se hasterent tant que il ot moût de chevaus recreùs. Toutes voyes vindrent il bien a tens, et quant il furent ensemble, si ot moût bêle gent a cheval et a pié, et firent une moût bêle mostre, et se troverent tous armés, entre amis et enemis, entor cinc cens chevaliers ; et moût y ot de valès a cheval et de tricoples.

LXXIX. Les Longuebars les doutèrent et n'osèrent descendre encore ;et le rivage fu bien défendu, que cil ne porent avoir terre ne de Taigue. Il envoyèrent message en terre, et moût y ot de paroles dites d'une part et d'autre. Monseignor de Baruth metoit tous jors le droit vers luy, et parloit si humblement que ses amis en estoyent courrousciés. Les Longuebars et sire Heimery Barlais parloyent moût souvent ensemble, et de nuit, et bien fu seù ; et en peùst estre repris, se l'on vosist ; mais le preudome ne le vost soufrir, et disoit que aucy bien pooit il parler de bien come de mal, et se il voloit mal faire, que il soufriroit tant que il seroit aparant, et que il seroit parjur, et que il avroit' brisé la pais ; car se il comensoit en L'uvre por chose quy estoit en dit, l'on poroit dire que il seroit parjur, car trop a grant conparison en dit et fait. Onques en autre nel pot l'on mètre ; et si ly dist l'on verayement que l'on le devoit ocirre en sa tente, de nuit, en son lit. Le seignor de Baruth se douta, si ala gezir dedens une maison, et se fist gaiter.

LXXX (159). Les Longuebars conurent que il ne poroyent descendre sauvement ; si gaiterent un bon tens et murent de nuit, et alerent droit a Barut de nuit, et pristrent la ville sursaut. L'evesque lorrendy, come prestre paourous«. Il assegerent le chasteau ^ et le tindrent moût près, et le troverent desgarny de gent, car le seignor de Barut, qui de ce ne se prenoit garde, en avoit tout le plus de la garnison portée en Chipre, et ce meïsme avoyent les Longuebars bien seû, quant il furent en Chipre ; et de la orent il conseil d'aler a Baruth. Le chasteau estoit bien garny de viandes et de vins et d'armeûres, mais poy i avoit de gens. Les Longuebars avoyent planté de gens de marine et d'engineors, et de marein et fer et plomb, et de ce que mestier lor estoit as engins faire ; si en firent de grans et de petis, et combatirent fortement le chasteau des engins.

LXXXI. Et il avoyent ovec eaus un desleal, quy avoit nom Denises, et avoit esté seneschal dou seignor de Baruth, et tout maistre dou chasteaut^;et savoit toute la covine de la gant. Celuy enseignoit a geter des engins la ou il faisoient greignor damage ; en la fin ot il tel guerredon que il fu pendu par la goule come un traître. Le siège aprocha moult le chasteau, car il avoit poy de defendeors ; le focé dou chasteau fu pris, quy est un des beaus dou monde, et au fons dou fossé firent une rue coverte tout en tour de gros marain, et minèrent le chasteau en plusors leus ; et par dehors le chasteau, en une place que l'on apeloit le Chaufor, firent les Longuebars un chasteau de pieres et de fust sur luy, qui surmontoitet descouvroittoutle chasteau, et faisoit tropgrant damage a ceaus dedens. Ce meïsme lor fu mandé de Chipre, conseillant que il deûssent faire ensy, car les deslëaus quy mandèrent avoyent ce seû que le seignor de Baruth se doutoit moût de celé haute place.

LXXXII (i6o). Les novelles vindrent en Chipre que en cel point estoit le chasteau de Baruth assegié, et l'iver estoit ja entré moult fort^. Le seignor de Baruth vint en la court devant le juene roy Henry, son seignor et son nevou ^. La court estoit si pleniere que tous i estoyent, amis et enemis. Il se leva en estant, et il avoit une coustume, que il cruisoit ses jambes^ quant il demoroit en estant ; il le fist ensi com il sot bien, et parla moult haut et a trait, et dist: « Sire, je ne reprochai onques le mien servise et de tout mon lignage a vostre père ni a vous ; mais or le m'esteut faire, si contreferay Guillaume d'Aurenje, ja soit ce que je ne le vaille, quant il ot mestier de secorre ses nevous a Candie : il reprocha a son seignor le roy Loys tout le servise que il li avoit fait.

LXXXIIl. « Et je pues bien dire, et assés en ai garentie, que par mey et par mon lignage fu vostre père seignor et tint terre ; et se nous ne fussiens, il eûst esté deserité ou mort.

Et quant Deu fist son comandement de luy, vous n'aviés que nuef mois d'aage, et nous vous avons norry et gardé, vous et vostre terre, Deu mercy, jusques au jour de huy ; et se nous n'eûssiens mis grant conroy, le duc d'Osteriche vous eûst dezerité « ; etdeus fois avés esté en auci malvais point ou en piour^' ; et se nous vosiciens guerpir vous et le royaume de Chipre et celuy de Surie, de legier nous eûst soufert Temperere a tenir Baruth en pais ^.

LXXXIV. « Or est ensi avenu que les Longuebars ont prise ma ville et assegé mon chasteau si près que il est en péril de perdre «, et nous et toutes lesbones gens suriens dezerité ; dont je vous pri, pour Deu et pour vostre henour et por nos grans servises, et por ce que nous soumes d'un sanc et d'une naïté norris, et estes ensemble o nous, et pry ausy a tous les autres quy saens sont, come mes frères et mes chers amis, que vous venés en persone, a tout vostre pooir, o moy, secorre mon chasteau. » A tant se taist le seignor de Baruth, et s'agenoilla devant le roy et devant les autres, et fist semblant de baiser les pies dou roy. Le roy sailly en pies, et tous les autres s'agenoillerent, et distrent le roy et tous les autres que il s'acorderoyent volentiers et meteroyent lor cors et lor avoyrs a bandon. Le seignor de Baruth les en mercia moût. Adonc se leva, il et tous les autres, en pies, car il estoient encoresa genoils.

LXXXV (i6i). Come le seignor de Baruth et les Chiprois o luy vindrent de Nicossie a Famagouste, pour passer en surie '*.

Le viage fu enpris moût vigourousement, et ce fu entor les festes de Noël. Tost vindrent au port de Famagouste. Le tens estoit si mal et si peme que a peines porent passer par le plain de Famagouste, et moût i ot choses perdues entrevoies. Lonc tens demorerent au port pourlemau tens, et en la fin murent au chef dou troublât et au tour de la lune.

et ne laissa Ton en Chipre nul cheveteyne. Les gens en parlèrent moût. Phelippe de Nevaire le fist assaver au seignor de Baruth que Ton en parleit, et il respondi et dist: « Se je ne meuve adès, je sai bien que le chasteau sera perdu et tout le pais après; et se Deu me doint grâce de passer avant, tout sera rescous, et sera honour g*rant ; et se Nostre Seignor consent que je muire, puet ce estre entre voies : je ains meaus morir ains que je sache la perte que après. Ne ja, se Deu pleist, ne sera perdue la terre mon seignor en mon tens, ne la moie.

LXXXVI. « Et de ce que l'on me blâme que je ne lais cheveteine en Chypre, je vous diray pour quei. Je porrai tel laisser quy porroit tout gaaigner la ou nousalons, et mainte fois est avenu que par un preudome est tout gaaigné et pour soufraite d'un preudome est tout perdu, et nous alons en tel manière et en tel leu ou tout sera sur le tablier. Et se nous vencons, Chipre n'a mestier de cheveteine ; et se nous perdons, nous serons tuil quite, et le cheveteine qui seroit en Chipre ne feroit que languir un poi de tens, et après periroit, car je ne sai en crestianté ou il trovast receit; et por ce ne vueil que nus de mon lignage qui ait surnom d'Ybelin demore. Se nous vencons, avra chascun sa part en l'ennor et au profit, et se nous perdons, si morrons tuit ensemble, de par Deu, en nostre dreit héritage, la ou tout le plus de mes parens ont esté nés et mors. »

LXXXVII. Phelippe de Nevaire entendy bien et volentiers ceste raison ; de luy s'en parti et retraist tout ce atout le plus de gens quy la hors l'atendoient ; et chascun dist et cria: « Bien dist le preudome! Alons de par Deu! » Les enemis dessus noumés, qui estoyent ovec eaus en coverture de pais et d'amour, goupillèrent moût de demorer, et se cuidoyent enchasteler a la Castrie, qui est dou Temple. Souvent fu retreit au seignor de Baruth, et ly loet l'on que l'on

les feïst prendre, et il ne le vost onques faire, et tous jors disoit que il atendroit tant que lor mesfait seroit coneû et aparant, et Nostre Seignor aiderait au dreit.

LXXXVIII(l62). COME LES ChIPROIS PASSERENT LA MER

sains et saus, et ariverent au puy dou conestable de Triple.

La nuit murent tous ensemble, amis et enemis ^, et orent moût mau tens et grant pluyage, ensi con Deu plot. Le tens les geta au Puy dou Conestable de Triple^, sains et saus, et pristrent port. De la s'en fuyrent les enemis dessus noumés et lor suite, furent bien quatre vins chevaliers, et alerent de l'autre part a Baruth o les Longuebars. Moût amerma Tost, moût en furent esbaï ; mainte gent en orent grant doute. Monseignor de Baruten fist grant feste, et moût en fu liés par semblant, et dist que ores estoit il a segur, et que sa gent yert délivre et neteee des traïtors ; et dist qu'il les amoit meaus encontrer en la bataile et trover les devant luy que derieres, car tant com il le siveient, atendoit il adès que il le ferissent par les espaules, et puis qu'il estoyent foy mentie a lor seignor, et qu'il l'avoient guerpi en champ, et parjur vers lui et vers les suens, il n'estoientpas gens qu'y les deûst douter; et de ce fait se tenoit il amendé, et l'autre partie moût enpiree.

LXXXIX. Maintenant le seignor de Baruth et ses gens murent par terre, et lor navie par mer. Le premier jour vindrent par mi le Boutron ; la resurent il moût grant damage de lor navie, car le port est malvais, et le mau tens enforsa ; près que tous les vaisseaus brisèrent, et le remanant ala en perdecion. Toutes voies les gens murent de la, et chevauchoient par pluie et par mau tens et par grans flumaires parfondes et desrivees, et par le pas Paien, et par le pas dou Chien^ quy est moût perillous a pascer ; et tant firent, que par force que par sens, que vindrent au flum de Baruth*. Ceaus dou chasteau de Baruth firent merveillouse joie et

grant luminaire quant ils les virent. Grant mestier avoient de secors, car le chasteau estoitsi miné que il cheoit par pièces, et les engins et le chasteau dou Chaufor les guerreoyent moût ^.

XC (163). Les novelles espandirent par toute Surie que le seignor de Baruth estoit venus secorre son chastel ; et si tost com son nevou, le juene seignor de Cezaire, Toy dire, qui en cel termine se trova en Acre, il proumist fiés et douna moût richement, et assembla tant de gent come il pot, et vigourousement vint aider son oncle et ses cousins. Le patriarche de Jérusalem, les deus maistres dou Temple et de rOspital, le seignor deSaete,le counestable dou royaume, vindrent mètre pais. Au passer devant Sur y ot besoigne dou seignor de Cezaire et de la garnison delà ville, car le seignor de Saete avoit ja rendu Sur as Longuebars par le comandement de l'empereor. Le seignor de Cezaire les enchâssa jusques dedens la porte de la cité ^. Moût fu volentiers veû en Tost, et moult fu profitable sa venue. Les cinc seignors dessus noumés parlèrent de pais, mais ne pot estre. Le mau tens dura moût longuement ; si avint grant charestie en Tost de viandes et d'orge, si que près tous les chevaus ne manjoyent que foilles de calemeles. Poy i avoit tentes, car toutes estoient perdues en la navie qui perdi devant le Boutron. Les Longuebars estoyent a aise, car il avoyent viandes a planté, et bonnes maisons et bien aisies en la ville.

XCI (164). Un jour, bien matin, issirent les Longuebars de la ville de Barut, et vindrent, as escheles faites, jusque sur le flum que trop estoit grant lors ; s'il ne fust si grans, il ne fussent ja venus; toute jour y furent en tele manière, tant que la nuit les chassa. Le tens abounassa puis, et le flum apetissa. Maintenant l'ost dou roy Henry et dou seignor de Baruth passa et vint devant la ville de Baruth, as escheles faites, et ferirent des espérons jusques au fossé. Une povre

issue firent ceaus dedens, mais vigourousement les rebouta l'on dedens la ville '^ Ceaus dedens se tindrent en la ville assegé, et partirent les defences de la ville : ceaus enemis qui estoyent parti dou roy et de monseignor de Baruth, et estoyent aie de l'autre part, c'est devers les Longuebars, furent estably a un canton de la ville, ou avoit une grant tour; et pour eaus fu elle puis apelee la tour des Traîtres souvent, selon la traïson de ce que il avoient guerpy lor seignor en champ.

XCII. Les Longuebars foisoient garder moût estroytement, par terre et par mer, que l'on n'entrast au chasteau, et avoient arengié lor galees et liées a une grant chaene de fer et bien ormegees tout entour le chasteau en la mer, et n'avoyent laissié que une petite voie par ou il entroyent et issoient. Le seignor de Baruth mandoit chascune nuit a noe ce que il pooit mander de gens d'armes au chasteau. Tels y avoit qui plonjoyent desous les galees et venoyent tous nus ; laens au chasteau trovoyent robes et armeûres et viandes a planté, car laens n'avoyent soufraite que de gens a armes et cheveteines. Ceaus qui passoyenta noe n'estoyent pas tels qu'il peûssent defFendre le chasteau ; si porchassa le seignor de Baruth tant qu'il ot une nuit un vaisseau, et mist dedens un suen fis, que l'on apele sire Johan de Foges, pour l'achaison que vous avés autre fois oï. Celui fu puis seignor de Arsuf et conestable dou royaume de Jérusalem et bail plusors feis, et sot et valut assés. Ovec celui Johan de Foges ot au vaisseau cent homes armés, entre chevaliers et sergens et valès, qui tous furent de la maihnee et de la noreture dou lignage d'Ybelin.

XCIII. Messire Balian, l'ainsné des frères, se corroussa moût et tensa a son père, por ce que il ne l'i laissoit entrer, et disoit que il estoit heir, et greignor raison estoit que il alast que autre. Messire Bauduïn et tous les autres se parof-

6o PHILIPPE DE NOVARE

frirent moult, et moût se corrousserent de ce que il ne voloit que il y entracent ; et lors respondy il que greignor besoing avoit il dehors que dedens, car il atendoyent la bataille de jour en jour; et ensi les apaysa. Et les autres vavassors de l'ost, si tost come il sorent, y acorurent qui meaus a meaus, et tant y en entra que a poi le vaisseau ne noia. Tous ceaus as quels le seignor de Barut otroyoit Talée le mersierent moût, les privés et les estranges ; et si estoil grant le péril de passer les galees et d'entrer au chasteau et de poyer le défendre. Et parut la et aillors que nus hom fu onques tant amé de sa gent, car le vaisseau estoit si chargié de gent que Taigue estoit jusque au bort. Et quand il vint a l'entrée de la voie estroite par ou les Longuebars aloyent a lor galees, ceaus des galees s'en aparsurent; le cris fu moût hidous, et moût y ot lancié et trait.

XCIV. Par le plaisier de Deu, il passèrent et eschaperent des galees et ariverent a la roche dessous le chasteau. Seaus dou chasteau ne savoient rien de lor venue : il lancèrent et traistrent tant que moult souffrirent ; en la fin les conurent et les recuillirent a grant joie et grant luminaire. Mais au cri qui fu au passer des galees, le seignor de Baruth s'estendy a terre, en cruis, vers orient, et cria mercy a Nostre Seignor ; et quant il vy le luminaire au chasteau et les entreseignes de l'entrée, humblement rendy grâces a Deu, et tous ceaus de l'ost aucy. Et puis que le fis dou seignor de Baruth et tant de bonnes gens furent entré dedens le chasteau, moult se défendirent vigourousement, et minèrent a l'encontre des mineors, et ocistrent les mineors dehors et dedens la mine, et recovrirent les foscés a force, et ardirent la rue coverte que les Longuebars avoîent faite au focé ; puis firent ceaus dou chasteau maintes belles issues^ et gaïgnerent assés sur ceaus dehors, et ardirent plusors engins.

XCV (165). Adoncvitbienet conutle seignor de Baruth

que son chasteau estoit en bon point de defence, mais lever le siège et vencre ses enemis, quy estoient pour un dis, ne pooit il mie par la gent que il avoit o luy la ; mais la planté d'eaus ne doutoit il mie, car moult volentiers se conbatist, mais ilestoyent dedens la ville, qui estoit bien fermée de bons murs, et avoyent le poyer de la mer. Si pensa a son cuer qu'il yroit en Accre et porchasseroit grant pietallie et grant navie, dont il n'avoit point, et mandereit son fis, sire Balian, a Triple ; et le juene roy Henry et luy ly donnèrent plein poier de finer et parfaire le mariage de la suer le roy au fis dou prince, et douner li grant fié en Chipre en mariage, par ensi que le prince lor aidast de chevaliers et de navie et de gens d'armes ; la parole dou mariage estoit ja comencee grant tens avoit. Ensi come il le pensa, ensi le fist ; mais toutes voyes le fist il assaver a ceaus dou chasteau, que il ne s'esmayassent pas, car s'alee estoit por tost revenir a lor délivrance ; et il respondirent que seùrement alassent en nom de Deu, car il se defenderoyent bien, a Taye de Nostre Seignor et a la soue, et eaus si firent.

XCVI (i6é). Quant que monseignor de Baruth s'en partist dou siège, mut messire Balian, son fis, por aler a Triple. O luy ala sire Guillaume Vesconte, quy estoit sages hom, dou privé conseil de monseignor de Barut, et avoit comencié la parole de cest mariage, et si estoit né de Triple. Phelippe de Nevaire y ala, quy de luy ne se parteit, et plusors autres. Moult passèrent de maus passages, et par grans fiums, et par devant Gyblet, qui estoit de l'autre partie, et les mostres se faisoient toute nuit par my la montaigne. Toutes voies, si com Deu plot, passèrent et vindrent a Triple, et herbergerent dehors en une maison dou Temple qui a nom Moncoqu. Le prince et ses enfans l'ennorerent moût au commencement ; et traitoit on chascun jor les paroles et les covenances dou mariage, et de l'aye que le seignor de Baruth demandeit.

XCVII (167). Sur ce avint que Ton sot a Triple que l'ost de Chipre estoit party de Baruth ; si ot mainte gent qui Guidèrent que tout fust perdu. Les paroles dou mariage refroydirent moût, et toutes voyes se tenoyent. Un jour ala messire Balian et sa compaignie chevauchant vers Monpelerin pour trover ceaus quy menoyent les paroles dou mariage. Au revenir, la porte de Montquocu lor fu close a rencontre, et distrent ceaus de la maison que pour luy il ne voloyent estre mau de la gent de l'empereor. Messire Balian manda querre herberge a la maison de l'Ospitau et a ceaus de Beauleu aucy, qui sont moines de Cisteaus, et a ceaus qui tenoyent Montpelerin, qui est de Tevesque de Bethléem. Chascun li respondy corne le Temple avoit fait. Un chevalier estoit a Triple au jour, quy estoit a Triple vicaire de l'evesque de Triple ; celuy les herberja en une boverie dou dit evesque, de Tyglize, que Ton apelle l'aire de l'evesque, et si est devant la porte de Triple. Messire Balian fist desorder et netoyer et garnir celé maison au meaus que il pot dedens.

XCVIII. Si avint que le cheveteine des Longuebars, qui bien savoit que messire Balian estoit devant Triple, fist faire unes letres fauces de par l'empereor, et furent faites a Sur en parchemin sarazinès, boulees d'une boule de l'empereor que il avoit. En ces letres se contenoit, après moût grans salus, que il prioit le prince et ses enfans, coume ses chers cousins et ses fëaus homes, que il ne recetassent ses enemis, ne que il ne lor donnassent ni force ni aye. Le prince et ses enfans mandèrent ces letres a Phelippe de Nevaire, et une autre remenbrance escrite, en quel il avoit plusors paroles, et disoient ensi : « Bounes gens, ne tenés a mau ! » En la fin de la remenbrance estoit escrit que il prioyent Phelippe que il mostrast ces letres a messire Balian et a sa gent, et les excusast. Et devant estoit avenu que le

MÉMOIRES, II, XCVir-C 63

prince avoit dounc fie au dit Phelippe, et de son avoir meïsme ly avoit il douné, que il le faisoit volentiers a tous. Phelippe Tamoit, et s'en loet moult, mais le fié ne vost il onque retenir ne decervir ; et de cestuy mandement li sot mau gré, et toutes voyes il list les letres a son seignor, et li conta tout le fait, et puis fist, sans le seû de son seignor, une simple rime, et la manda au prince :

Malvaises gens, failly de cuer.

Je ne pues soufrir a nul fuer Que l'on ne die que vous estes...

XCIX (168). En l'aire de l'evesque de Triple, messire Balian et sa compaignie orent moût d'angoisses et de doulors et de despis ; et ne pooit partir, car la voie li estoit défendue et par mer et par terre et bien gardée, dont il avint que il manda au soldan de Doumas que il ly dounast conduit et aye, si que il peùst passer par la paenime et aler a Acre. Le soldan ly otroia moult volentiers, mais choses avindrent après por quoi il ne fu besoing. Sire Betram Porcelet, qui estoit parastre de sire Heimery, et sa compaignie, et les homes de sire Hue de Gibleth, qui estoient en la terre de Triple, torneent moût souvent entor la herberge, et mostroyent au doit par ou il monteroyent, car il atendoient de jour en jour galees des Longuebars; et bien cuidoient prendre et ocirre messire Balian et les suens en celé herberge ; et longuement souffry ceste angoisse.

C (169). Il avint, quant l'ost des Chiprois s'en party de devant Baruth, que les Longuebars disoient que l'ost de Chipre fuoyt ; si mandèrent sire Heimery Barlais et sire Aumaury de Bethsan et sire Hue de Gibeleth et lor gent, et le conte Richart, qui estoit longuebart ^. Ceaus pristrent toute la terre fors que le chasteau de Deudamour, ou les

suers dou roy et les gens dou païs s'enchastelerent, et pui-s pristrent Cherines. Ains que Cherines fust prise, messire Balian d'Ybelyn porchassa tant priveement que Jenevès qui estoient venus a Triple en deus sayties devindrent ses homes, et lor donna fiés; et ly orent en covenant que il le porteroyent en Chipre, et il entendoyent bien, se il peùst venir, que il vendroit a chef de ceaus qui estoient en Chipre. Le prince s'en aparsut, si aresta a force les gens et les vaisseaus, et li toly sa muete ^.

CI (170). Après orrés de monseignor de Baruth, qui estoit aie a Acre. Il porchassa et mostra tant de raisons a les gens dou païs, qui doutoient la seignorie des Longuebars, qu'il estoient lor destrucion, que il le firent maire de la comune d'Accre ; et les Jenevès s'acompaignerent moût volentiers o luy, que pour l'amour de luy, que por ce que l'empereor Federic avoit mandé en Surie que l'on les preïst €n avoir et en persones. Tant fist le seignor de Baruth que il ot moût grant navie et grant planté de gent a pié et a cheval, que legierement pooit lever le siège de Baruth. Les Longuebars l'oïrent dire ; si ardirent lor engins, et guerpirent le siège de Baruth et a grant honte s'en fu}h'ent [a Sur«].

Cil (171). Q.uant la novelle fu seùe devant Triple, messire Balian d'Ybelin trova plus d'amis et de conduit ; si s'en party, et vint a Baruth, et trova le leu moût desgarochié, et moût en ot grant pitié, et moult ly fist l'on grant joye ; et la atendy le comandement de monseignor de Baruth, son père.

cm (172). Leroy Henry et le seignor de Baruth et tout l'ost des Chiprois estoient issus d'Accre au Cazal Ymbert. La sorent la délivrance de Barut ; yqui se logierent et atendirent pour avoir conseil qu'i feroient. L'endemain vint a eaus un desleal patriarche d'Antioche, qui estoit lombart, et estoit passé par Sur et avoit moût parlé as Longuebars.