MÉMOIRES, II, CI-CV
Il fist entendant au roy Henry et au seignor de Baruth que il avoit plein pooir de par les Longuebars de faire pais entr'eaus, et que il feroit tant que la pais seroit a l'ennor et a la volenté le roy et dou seignor de Baruth et de tous ceaus de Chipre et de Surie. Le preudome, qui onques ne refusa pais covenable, et quy [la faisoit ^] plus volentiers quant il estoit au dessus, ala après le patriarche a Acre ; o luy mena de son conseil ; et dou plus beau et dou mellor de Tost le suit ; et grant partie de l'ost demoura a Acre, qui n'estoit mie meû encores, et la navie encores estoit au port, pour les novelles qu'il avoit oï dire de Baruth.
CIV (173). Le roy Henry fu au Cazal Ymbert, en sa herberge, moût escheriement. Toutes voies furent o luy les treis fys de monseignor de Baruth, s'est a saver sire Bauduyn et sire Hue et sire Guy, qui puis fu conestable de Chipre et preudome et vaillant ; et si y f u messire Johan de Ybelin, qui puis fu conte de Jaffe, et estoit chevalier noveau, qui n'avoit que dis et set ans d'aage ; et y fu messire Anceau, qui estoit cheveteine de l'ost en leuc de monseignor de Baruth. Malvaisement estoyent herbergié, l'un sa, l'autre la ; de rien ne se doutoyent, ains disoient que il yroient prendre Sur.
CV (174). Les Longuebars quy estoienta Sur espierent et sorent que il estoient malvaisement herbergiés, et poy de gent estoyent; si murent de Sur si tost come il fu anuityé. Il menèrent ovec eaus la gent de Sur a force. Et il estoit bounace ; si vindrent les vint et deus galees a Cazal Ymbert, et assaillirent l'ost des Chiprois de nuit; si les troverent endormis et desarmés. Aucunes gens avoyent dit a messire Anceau que les Longuebars venoient, mais il ne le crut mie ni ne deigna faire a saver, dont il dutestre moutblahmés. Onques gens si sorpris meaus ne se defendyrent ; les trois fis de monseignor de Barut, messire Bauduyn et messire Hue et messire Guy y firent merveilles d'armes. Messire Bauduyn
Philippe de Novare. 5
y fu perillousement naffré, et son nevou, messire Johan, quy estoit juene, y fist tant que toute sa vie fu plus prisié. Messire Anceau, pour la valour quy estoit en luy et por ce qu'il estoit cheveteine, et se senty colpable de ce qu'il avoit oï et ne l'avoit noncié, il fist merveillouses prouesses. Le roy s'en éschapa près que tous nus; il fu mis sus un cheval, et s'en alerent a Acre.
CVI. Et tantcomla nuit dura ne perdirent les Chiprois la herberge ; toute nuit se combatirent. Les Chiprois estoient les uns a pié, les autres sur les chevaus sans selle, les uns armés de lor haubers tous nus, les autres tous desarmés. Tel estoit a cheval quy n'avoit frein, qui n'avoit lance, qui n'avoit espee. Toutes voies abatirent il moût de Longuebars et ocistrent. A l'aube dou jour descendirent ceaus des galees, et la clarté dou jour descovry la petite quantité des Chiprois «. Si fu prise la herberge de tout et robee ; et furent perdues toutes les chevaucheûres, sans celés ou estoient montés cil quy eschaperent ; vint et quatre chevaliers pristrent et poy en ocistrent, plusors en nafrerent, et toute la herberge et le plus des armes gaaignerent. Les chevaliers chiprois, qui bien se défendirent, s'aresterent sur un petit touronet, a une aubalestee de la herberge ; les Longuebars les veoyent bien, mais n'aloyent pas a eaus.
CVII (175). Le roy Henry vint a Acre. Le seignor de Baruth sailly au cri, et tous ceaus qui le vostrent sivre, moût doulourous et angoissous. Tout premièrement encontra le roy, dont il rendy grâces a Deu ; après trova autres gens qui fuoyent. Quant il le virent, si eschiverent le chemin «. Un suen sergent s'esmut et dist que il ireit veïr se aucuns des enfans de son seignor fust en celé route. Il s'escria, et dist : « Ne faire ! aillors les troverons. Il n'osereent pas si loins fuïr, ne venir la ou je fuse. » Un poy avant il encontra un suen sergent vieill qui fuoit ; celuy ploura et li dist :
