MÉMOIRES, II, CVI-CX

« Tous VOS beaus enfans avés perdus, et mors sont. » Le preudome respondy et dist : « Et qu'en est, sire vilain punais ? Ensi doivent morir chevaliers, défendant lor cors et lor ennors ^. » Grant aleûre passa avant ; quant il aprocha dou Cazal Ymbert, il choisi ceaus qui estoyent sur le toron, et si tost corne il le choisirent, il feryrent chevaus des espérons après les Longuebars, quy ja se partoient.

CVIII. Les Longuebars choisirent les venans d'Acre ; si se mistrent a la fuye, et tout fuyant passèrent les pas de Passe Poulain. Le seignor de Baruth trova la les suens quy se mehloyent a Tarière garde des Longuebars, et vit et conut que la mehlee ne la chasse ne valoit rien, car ses enemis avoient ja pris le pas et avoient moût d'aubalestriers et d'archiers ; si en remena les suens, moût merciant Nostre Seignor de ce qu'il les trova vis, et qu'il s'estoient si bien porté. La trova tous ses coraus amis, fors que son fis, sire Hue. Celuy trova il sus une vieille mayson crénelée, quy est au Cazal ; a celuy avoit l'on ocis son chevau près de celé maison. Entre luy et un chevalier qui li fist compaignie, montèrent en celé maison et la défendirent a pieres, tant qu'il conurent le secors. L'on cuidoit que il fust mort ou pris ; grant fu la joie quant il fu la trové.

CIX (176). Les Longuebars s'en alerent a Sur^, a moût grant gaain, car entre ceaus de terre et ceaus des galees en portèrent tout ce que il avoient gaaignié. Et por ce que il gaaignerent tant et le plus dou harnois, des armeûres et des chevaucheûres as Chiprois, lor fu avis que il estoyent moût au dessus de lor guerre, et que lor enemis ne porroyent pas recovrer en Chipre, ne passer jusque a un lonc tens. Si ordenerent lor afaire et laissèrent garnison a Sur, et tantost passèrent en Chipre, a grant esfors et a grant bonasse, pour prendre l'ihle. Et ce fu en l'an de .m. ii^ et xxxii.

ex (177). Maintenant que les Longuebars furent en

Chipre, le chasteau de la Candare lor fu rendu. Avant avoit l'on rendu la tour dou port de Famagouste a sire Heimery Barlais et a sire Aumaury de Bethsan et a sire Hue de Gibeleth, et le chasteau de Cherines auci ; si que toutes les forteresses de Chipre ne se tenoyent nule au seignor de Baruth, ny au roy, que tant soulement Deudamors. Laens s'estoient recuilly les deus suers le roy«, et sire Hernis de Gibeleth, qui estoit au jour bailly de la secrète ^ ; et si avoit Phelippe de Caffran, qui adonc estoit chastelain. Laens se receterent un poy de chevaliers et de dames et de damoiseles, que moût se recuillirent sur saut, et d'autre gent, qui moût estoient rnau garny de vitaille et de ce que mestier lor estoit^.

CXI. Et tout le plus des dames et des damoiseles et des enfans de Chipre furent si sorpris qu'il ne porent aler a Deudamors ; si se receterent as yglizes et as religions, et plusors en y ot qui se receterent et musserent as monteignes et dedens caves. Si se vestirent les dames come bergieres et lor enfans come bergerons ; et ces femes aloyent glener les espis cheans qui estoyent, et de ce vivoyent entr'eles et leur enfans auci a si très grant doulor que pitié seroit de retraire. Dame Eschive de Monbeliart, qui au jor estoit feme de sireBalyan d'Ybelin, fis de monseignor de Baruth, si estoit recetee a rOspitau, et ses enfans ovec ly ; et quant elle oy que les Longuebars estoyent arivés, elle ot si grant paour qu'ele se vesty en abit de frère Menor, et guerpi ses enfans et son fié, et monta en une roche que l'on apele Bufevent. La sus la receta un viel chevalier qui avoit nom sire Guinart de Couches «, qui la sus estoit de par le roy, et elle s'aporvea tant qu'elle Tôt garny de vitaille, dont il n'i avoit point.

CXII (178). Les Longuebars vindrent hastivement a Nicossie, et maintenant firent toutes les abominations et les otrages et les vileinies que il sorent et porent. Il brisèrent les yglizes et le Temple et la maison de FOspitau, et toutes

les religions ; et traînèrent hors les dames et les enfans quy se tenoyent as autiers et as prestres quy chantoyent les messes. Dont il avint, en aucun leu, que il espandirent de la main dou prestre le cors de Nostre Seignor et le sacrement a terre ; et chargèrent les dames et les enfans sur charetes et sur ahnes moût vileinement, et les menèrent a Cherines en prison, et poignant d'aguillons celés qui ne voloyent tost aler. Les Longuebars gaïgnerent Cherines et moût y mistrent vitaille, car par lor galees et lor vaisseaus y mandèrent tout quanque il troverent de par toutes les marines de Chipre.

CXIII (179). Les Longuebars et les autres traîtres alerent asseger Deudamors, et le tindrent moût près, car il savoyent bien que ceaus dedens estoient mau garny de vitaille. Il mistrent au siège, pour plus destreindre le chasteau, les plus mortels enemis que le roy et le seignor de Baruth eussent, et si mistrent ne sai quantes maistries d'aubalestriers parjurs et traïtors, quy s'en fuirent de l'ost des Chiprois et s'en entrèrent a Gibelet, quant l'ost des Chiprois passeit par devant pour aler a la rescousse de Barut.

CXIV (181)^. Le roy Henry de Chipre ot quinze ans conplis, et pot donner et faire son plaisir come seignor d'aage ; si proumist et douna plusors fiés a ceaus quy o luy alerent, et as Jenevès proumist franchise et court au royaume de Chipre, pour aler o luy tant soulement que il arivast en Chipre. Le seignor de Baruth quy adonc estoit maire de la comune d'Acre, si come le conte a dit sa en ariere ^, vint devant le patriarche Girot de Jérusalem, en la pressence dou roy Henry et de moût de gens qui la furent, et se plainst au patriarche, qui estoit légat, dou damage que les Longuebars avoyent fait au roy et a luy meïsmes des choses devant dites. Entre les autres choses devant dites se recorda et dist si come les Longuebars avoyent pris toute la navie

le roy, quant le roy estoit venus de Chipre, car ce quy en eschapa au Botron avoit le roy mandé en Chipre, et avoyent pris celé navie, et tout le remanant avoient saisi et le royaume de Chipre, et assegés les suers dou roy en un chasteau ; et le roy les voloit aler rescorre, mais il n'avoit point de navie corne besoing ly fust, et les ssalanâres en quey les Longuebars estoient venus estoient au port d'Accre ; dont il requeroit au patriarche, come a légat, que il comandast que l'on preïst les ssalandres qu'il avoient au port, come ceaus qui estoyent escomenié et quy avoient abatu les chasteaus de la crestieneté, et au roy avoyent tolu sa navie et son royaume.

CXV. Le bon patriarche respondy qu'il ne s'entremetoit dou fait d'armes, mais il avoit veû aucune fois en son païs, quant li veneour venoyent a la proye et la beste estoit dedens quelque herbe, qu'il semenoient lor bersiers et s'escrioient, et mostroient a la main, et disoient : « Or pren le ! »«Lors corurent chevaliers et sergens et les Polains dou port as barches et as autres petis vaisseaus que il troverent au port, et vindrent as ssalandres, si en pristrent treze par force, si com Deu vost. Les autres naves et ssalandres fuïrent a Sur. Le roy Henry et le seignor de Baruth retindrent quanque il porent de gent, mais moult avoyent grant soufraite de moneye, dont il avint que le jeune seignor de Cezaire vendy partie de sa terre de Cezaire, et monseignor Johan de Ybelin, qui puis fu conte de Jafe, vendy un suen grant maner qui estoit a Acre, et presta les deniers au roy. Hastivement s'apareillerent et murenl assés de Pouleins dou port ^, qui avoient ne say quans vaisseaus armés, et le roy lor donna fiés, faisant le servize de mer.

CXVI (182). [Et il se partirent d'Acre a lor viager] et passèrent devant Sur oveque lor vaisseaus. Les galees des Longuebars quy estoyent venus de Chipre vindrent contre eaus et se mistrent sur vent, mais n'osèrent assembler a l'ost.

et tous jors venoyent sur vent, gaitant se il lor porrbyent faire damage. L'ost des Cliiprois ariva devant Saete ^. La vint messire Balian, qui estoit venus de Triple a Baruth, et sa compaignie dessus noumee, et si vint son frère messire Johan de Foges et sa compaignie dessus noumee, qui avoit esté o luy en garnison a Baruth, et...^ de Saete ; et le roy Henry de Chipre lor donna plusors fiés.

CXVII (183). Dou port de Saete cenglerent les Chiprois et vindrent en Chipre, et ariverent a la Grée ; et les galees des Longuebars venoient adès o eaussurvent. De nuit mandèrent en terre par une espie ou estoit l'ost des Longuebars, et sorent verayement que Tostet tout le pooir estoit a Famagouste et lor galees au port «.

CXVIII (184). L'ost des Chiprois vint devant Famagouste ; les Longuebars estoyent en la ville et avoient moût grant planté de gent a cheval et a pié, et moût avoient de chevaucheûres et d'armeûres que il avoyent gaaignés au Cazal Ymbert, et toutes celés qu'il avoyent trovees en Chipre. Ovec eaus estoyent ceaus traîtres quy s'en partirent dou roy au Puy dou Counestable, si com le conte l'a devisé devant, et autres gens qu'il avoyent eu de Triple et d'Ermenie, et tricoples qu'il avoyent en Chipre, tant que l'on les esmoit que bien avoient deus mile chevaucheûres en lor ost. Le roy Henry et le seignor de Barut n'avoient que deus cens et trente et trois « chevaucheûres ^.

CXIX (185). Quant l'ost dou roy Henry fu venu devant Famagouste, il aloient un poy loins de terre. Le seignor de Baruth regarda et vit que le rivage estoit moût garny de gent d'armes encontre luy, et grant péril y avoit au descendre en terre. 11 regarda une ysle devers terre ^ ; si a un gué que l'on puet bien descendre a terre et a chevau a la marine, quant les aiguës sont mermes que la terre gette et fait bounace. En celé ysle descendy l'ost des Chiprois, a moût grant meschef,

por les roches qui i sont, ne onques mais n'avoit Ton cuidé que ost peûst la descendre. Maintenant corrurent au chef de l'isle devers la terre, la ou estoit le gué, et la establirent gent d'armes pour garder le pas tant que Ton fust descendu et bien apareillié.

CXX. La gent de l'empereor se traistrent vers la, et y mistrent tout le débat que il porent, trayant ovec les arbalestres. La ot moût lancié et trait d'une part et d'autre ; toutes voyes y descendirent li Chiprois a loisir, grans et petis, eaus et lor chevaus. La nuit herbergerent en celé ysle et firent bien garder la nuit le chef devers le gué, par la ou il ^evoyent passer a terre, et après mienuit mistrent barches et aucuns petis vaisseaus armés au port, et corurent a un des leus de la ville. Le cry fu moût grant. Maintenant les Longuebars mistrent feu en toute lor navie qui estoit dedens le port, et guerpirent la ville « et chevauchèrent et s'en alerent a Nicossie, et les gens a pié de l'ost le roy y corurent et pristrent la ville de Famagouste de nuit.

CXXI (i86). Le bien matin, le roy, o ses Chiprois, s'armèrent et firent covrir lor chevaus et montèrent a cheval et passèrent par celuy gué en terre et as escheles faites, et bien cuiderent avoir la bataille au passer dou gué ; mais ne troverent nul, et alerent en la ville de Famagouste. La se herbergerent deus jors ou trois pour eaus aiser. Les Longuebars avoyent laissié la tour de mer garnie de gent. Le roy fina a eaus, et donna fiés as cheveteines, et li rendirent la tour dou port de Famagouste. La meïsme vindrent a eaus trois homes dou roy qui gardoyent la Candare por les Longuebars. Le roy lor donna ce que il requistrent, et il ly rendirent la Candare et Bufevent ; et le seignor de Baruth et ses enfans pardounerent a l'un d'eaus, qui avoit nom Anfrey de Monaigre, que moût lor avoit mesfait. Le recovrier de la Candare et de la tour de Famagouste ordena et porchassa Phelippe de Nevaire.

CXXII. Treis jors demora le roy de Chipre en la ville de Famagouste, et fina alcheveteine [des Jenevès«], quy avoit nom sire Guillaume de l'Ort, qui estoit consele et home de bien. Le roy li fist quanque il requist ; franchises et court douna as Jenevés par toute Chipre, sauve la justize de trois choses, c'est assaver de murtre et de rapine et de traïson ^ ; et lor douna maison a Nicossie et la court dessus la mer et un cazal qui a nom Despoire. Et la sont tenu au rey de sairement, et le rey a eaus d'aye et d'ounement a un terme moty ; mais le don que le roy Henry lor fist fu a tous jors, par son bon gré et de monseignor de Baruth. Les Jenevés remontèrent en lor naves, et alerenta Lymesson. La furent tant que il sorent l'ennor que Nostre Seignor fist puis au roy de Chipre, et as suens, et quant il sorent ce, si s'en alerent en Jene. Les galees des Longuebars^le sorent adès tant com il furent as aiguës de Chipre, mais onques n'osèrent adezer as naves.

CXXIII. Quant les naves s'enpalegerent, les galees vindrent a Cherines, que les Longuebars tenoyent ; et l'ost des Longuebars, quant il partirent de Famagouste, mistrent feu par my les aires, et par tout le plain ; et ce fist grant damage, car tout le plus dou blé estoit ja as aires ; et avoyent brisé tous les molins de la Queterie ; neïs ceaus des mains firent il briser a Nicossie, quanque il porent. De ceste chose se confortoyent moût li Chiprois, et disoyent que bien estoit aparant que il ne s'apareilloient pas de tenir la terre, quant il ce faisoyent, et Nostre Sires avoit donné une tele grâce as Chiprois, o tout ce que il estoyent si poi de gens, que il lor sembloit avis verayement que ensi tost come il troveroyent les Longuebars en champ, que il les desconfiroient.

CXXIV (187). Le roy Henry et le seignor de Baruth et les suens murent de Famagouste et vindrent par lor jornees a Nicossie, a grant meschef de bernois et a poi de gent. [Les

Longuebars guerpirent la terre, et se herbergierent en une vallée entre deus hautes montaignes sur le chemin de Cherines«. ] Lor herberge estoit belle et fort, si que nulle gent ne pooit venir a eaus fors que par un petit chemin et par une grant montaigne, et la estoit le pas bien garny, ne les Chiprois ne pooyent secorre le chasteau de Deudamor que par la meïsme ; et les Longuebars avoient quanque besoin lor estoit par devers Cherines ; et au chasteau de Deudamors n'avoit viande qu'a deus jors soulement.

CXXV (i88). Le roy Henry et le seignor de Baruth et lor gent entrèrent a Nicossie ; poi y troverent de ce que besoing lor fu ; grant soufraite y ot de pain. Le seignor se donna garde qu'il estoient folement herbergié et esparpeillié par la ville ; si douta la maisnee des Longuebars, qui volentiers assailloient la gent de nuit, et a hore de vespre fist crier as armes, et dist que les Longuebars venoyent ; si se partirent tous hors de Nicossie «. Si tost come les gens furent hors de la ville, as escheles faites, le seignor de Baruth fist dire que les Longuebars estoient retrais et apartis ; mais si fyst défendre de par le roy que nus n'entrast en la ville. Dehors la ville choisirent une place et un leu^ ou il y avoit jardins d'une part et une petite fose. La se herbergerent celé nuit, et moût bien se firent gaiter et a bonnes entreseignes, car bien lor souvenoit de Cazal Ymbert.

CXXVI (189). L'endemain matin, quyfu par un mardy^, se murent les Chiprois ^, et ce fu après cinc semaines que l'afaire de Cazal Ymbert avoit esté. Le roy et le seignor de Baruth et lor conseil orent porpensement que il vendroyent desous la herberge de lor enemis au plein, et se les Longuebars descendoient a eaus, les Chiprois douneroient la bataille ; [et, se non, il iroyent se herbergier en un cazal noumé^] la Gride, qui est près d'ileuc, el pié de la montaigne, et de la manderoient par nuit aucun confort et secours de

gent a pié a ceaus de Deudamors, par un sentier roiste et estreit qui monte par celé roche. En tel proposement vint Tost des Chiprois entre l'ost des Longuebars et la Gride^.Si tost corne les Longuebars, qui estoyent en haut, virent les Chiprois en si poy de gens et a si povre bernois, il eurent despit et honte d'eschiver la bataille, et crièrent a une vois : « A eaus ! a eaus ! alons les prendre ! »

CXXVII «. Le seignor de Baruth descendy lors a pié, et mercia Nostre Seignor a genoils de ce que ses eneniis venoient a la bataille, car bien savoit et disoit que ce estoit la délivrance et le meaus que lor peûst avenir. Tendrement requist et proya Nostre Seignor que il, en cest jour, dounast honour et victoire au roy et as suens. A celé houre distl'on que il voa priveement, ce que il fist après, de soi rendre en religion. Les escheles furent ordenees et devisees. Messire Balian d'Ybelin, son fis, avoit tous jors conduit en ceste guerre la première bataille. En cel point il le fist venir devant luy et li requist que il jurast le comandement de sainte yglize, car il estoit en centence pour sonmaryage. Celuy respondy que il ne pooit faire sa requeste. Le preudom li respondy et dist : (c Balian, je m'en fi plus a Deu que a vostre chevalerie^ et, puis que vous ne volés faire ma requeste, laissés l'eschele, car, se Deu plaist, escoumenié ne sera ja conduisour de nostre bataille. » Ensi le dist et ensi le fist.

CXXVIII. Il establi cheveteine de la première bataille sire Hue son fis et sire Anceau de Brie, en la seconde sire Bauduyn d'Ybelin, en la tierce le jeune seignor de Cezaire ;etla quarte fu Tarière garde, car plus n'i ot «. Et en celé fu le roy et le seignor de Baruth et son juene nevou, sire Johan, et autre plusors, qui moût vosissent estre en la première bataille. Le seignor de Baruth comanda a sire Balian, son fis, que il fust o luy a l'ariere garde, et il li dist : « De par Deu ! » Mais il le fist autrement, que il s'en embla, et s'en ala a la première

eschele, ou estoit son frère sire Hue et sire Anceau ; si lor enorta et enseigna ce que il sot de bien, et puis s'en party d'eaus, et se tint devant eaus en coste. Et avoit un poi de gens qui o luy estoient, car au jour n'avoit que cinc chevaliers quy o luy parlassent, car tous les autres avoyent juré le comandement de sainte yglize. De ceaus cinc l'un estoit Phelippe de Nevaire et l'autre Raimont de Place ; ces deus estoyent ses homes et tenoient de luy. Piere de Montholif estoyt li tiers, et estoit sodoyer et bien de luy ; et les autres deus estoient Robert de Maumeni et Eude de la Fierté, qu'il avoit norry et fait chevalier.

CXXIX (190). [Et corne l'avant garde de la première eschele des Longuebars s'aprochoit a l'eschele de monseignor de Baruth et dou roy «], messire Balian d'Ybelin fery des espérons par moût mau leu, par pieres et par roches, et ala assembler as autres amont en mi le pas, et tant les enconbra et fist d'armes que l'on ne poeit entrer ne issir en celuy pas ; et tant y soufry que tuit cil qui le virent garentissoyent et disoient que il ne porroyent cuider c'un soûl home peûst ce faire ; et plusors fois fu apoié de tant de lances que cUascun cuidoit que ja mais il ne peûst eschaper ; et ceaus quy estoient aval, o le roy, le veoyent et le conoyssoient bien as armes, et cryoient aucuns d'eaus a monseignor de Barut : « A ! sire, secorons messire Balyan, car nous veons que l'on l'ocit la sus ! » Et il lor dist : « Laissés ly faire. Nostre Sires ly aidera, se il li plaist, et nous chevaucherons estroit lié grant pas, car se nous deroyons, tostporiens perdre. » La bataille estoit férue grant en celé houre d'une part et d'autre, et dura longuement, et en i ot assés d'abatus.

CXXX. Le conte Gautier de Mounepeau « conduist la première bataille des Longuebars ; il assembla malvaisement, ala touchant toutes les escheles dou roy, aschesa fort, corut tout outre sans faire grant damage. Aucuns de l'eschele dou

roy le vost gaiter, mais le seignor de Baruth defendy bien que nus d'eaus ne retornast ce devant deriere, mais chevaliers chassast tous jors devant. Le conte Gautier et messire Joffrei de Mosie, fis dou Justizier, ovec toute l'eschiele, eschiverent la bataille, et tornerent vers la quarte eschiele ^; et de la s'en fuirent jusque a la Quastrie, sans plus faire. Le conte Berart de Manope, qui menoit la seconde eschele, estoit moult preu de chevalerie, et avoit bonnes gens d'armes. Celuy assembla trop vigourousement et moût desconroia la première eschiele des Chiprois, mais l'eschele de messire Bauduïn les secorut vigourousement, et messire Bauduïn se porta bien, et moût y fist d'armes.

CXXXI. Messire Anceau de Brie s'acosta dou conte Berart et le prist par le heaume, et le torna a cenestre, et il estoit moût fort des bras, et avoit bon cheval, et aracha a force le conte de la celé et abati le conte a terre, et cria : « Tue ! tue ! » Et adonc estoyent venus ja en la place jusque a sinquante ou soisante sergens a pié que les Chiprois avoyent devant mandés a la Gride pour prendre la herberge. Ceaus coperent la teste au conte Berart et a dis et set chevaliers de sa maisnie, qui tous estoyent descendus pour luy monter ^. Celuy mot : « Tue î tue ! » corut par la bataille, que chascun crioit : « Tue ! tue ! ».

CXXXII. En celé bataille avoit un chevalier devers les Longuebars que l'on disoit qui estoit aleman, qui estoit covert, luy et son cheval, d'orpeau. Celuy assembla trop de feis, et moût fist d'armes, et estoit si fors et si vigorous que l'onnelepooit abatre^. En la fin fuocis son cheval, et les gens a pié s'asemblerent entour ly et l'ocistrent. Moût en pesa as Chiprois qui avpient veû sa prouesse. Moût y ot de gens vers les Longuebars quy asprement assemblèrent, et moût estoient grans gens ^. [Entre lesquels tous fist Nostre Seigneur Deu grans miracles, car^] des Chiprois n'i ot ocis que un chevalier,.

qui [estoit né de Lombardie ^] et fu norri et adoubé a chevalier en Chipre ^ ; [et son parler estoit d'un Lombart, et ne sot crier l'enseigne le roy : « Vaillance », et cryoit « Baillance ». Et pour ce l'ocirent le tenant pour longuebart/]. g

CXXXIII (195). Si grant honour et si grant grâce fist Deu au roy Henry et au seignor de Baruth et as suens que en une hore dou jour desconfirent lor fors enemis et chassierent^, et délivrèrent Deudamors, qui estoit assegé, et assegerent Cherines ou les Longuebars estoyent receté. Et les sergens qui estoyent au siège de Deudamors de par les Longuebars s'en fuirent, et n'osèrent fuïr vers Cherines, pour les Chiprois qui ja estoyent devant ; si se desruperent devers Plaissié ^, et tornerent devers Nicossie, mais il n'i osèrent entrer de jour, car de nuit cuiderent receter as maisons des religions.

CXXXIV. Dont il avint que Phelippe de Nevaire, qui estoit retorné a Nicossie, pour aucunes besoignes, par le comandement dou roy Henry et dou seignor de Baruth, il sot que les sergens dévoient venir ; si assembla ce que il pot avoir de gent et les ala encontrer hors de la ville. Un poi devant la mie nuit vindrent Phelippe de Nevaire et la soue gent, et lor corrurent sure, et ocistrent que pristrent trois cens sergens ou plus, et plusors en eschaperent pour la nuit, qui se garirent es yglizes et en maisons de religions. Phelippe fist venir devant luy les trois maistres des sergens qui avoyent guerpi le roy et le seignor de Baruth devant Gibelet, dont il estoyent parjurs et traïtors ; si les fist tous desmembrer, et volentiers les eûst fait pendre, mais il n'en ot loisir, car il avoit poi de maisnee et trop de prisons,

CXXXV (196). L'endemain sot l'on que le conte Gautier de Manepeau et le fis dou Justizier et lor eschiele estoyent foïs a la Castrie el focé dou chastel, car les Templiers ne les

voloyent receler détiens, por ce qu'il avoyent brisié devant lor maison et traist les dames et les enfans, come l'avés oï au conte devant ; dont il avint que le roy et le seignor de Baruth y mandèrent messire Johan le jeune, qui puis tu conte de Jaffe, et une eschele de chevaliers o luy. Dedens le focé les troverent et la les pristrent, et les amenèrent a Nicossie , la furent mis en prison ovec les autres qui furent pris le jour de la bataille. Tous furent livrés a Phelippe de Nevaire, quy les faisoit garder. En celé prison avoit cent et quarante et cinc prisoniers, [et plusors «] y furent mort de nafres. Sire Hue de Sorel, sire Ente de Cheligen, sire Gent de Cors y morurent, mais sire Phelippe Obuission gary de moût fieres playes.

CXXXVI (197). Le siège fu devant Cherynes, et ceaus dedens estoyent moût grans gens, et avoyent toute lor navie en quoi il estoyent venus en Chipre, et les vint et deus galees. Si avint qu'il establirent cheveteine, a garder le chastel et le bourc, Phelippe Chenart, quy estoit frère de sire Gauvain de par mère ; et si laissèrent cinquante chevaliers, dont estoit cheveteine un gentilhom de Puille, quy avoit nom Gautier de Eguevive. Et messire Richart Filanger, le baill, et grans gens o luy, alerent en Hermenie quere secors, et mandèrent en Antioche et a Triple, et disoyent que il revendroient et se conbateroient autre fois as Chiprois. En Hermenie ot assés de malades et de mors d'eaus « ; a Cherines revindrent sans nul esploit, et distrent que trop estoyent grant gent de terre et de mer, et trop gastoient de la viande dou chasteau. Sur celé achaison rentrèrent a lor galees et retornerent a Sur. Oveques Filanger, lor bail, s'en alerent sire Heimery Barlais et sire Amaury de Bethsan, son cousin, et sire Hue de Gibeleth. [Filanger^] demora baill a Sur ; et ceaus trois alerent en Puille querre secors a l'empereor.

CXXXVII (198). Phelippe Chenart demora a Cherines

8o PHILIPPE DE NOVARE

cheveteine et cinquante chevaliers o luy et entour mil homes a pié entre abalestriers et gens de marine. Il y ot de moût bons faiseors d'engins : plusors en i fist l'on faire, trabus et perieres et mangueneaus ; et moût bien fist garder le chastel, et le bourc asprement fut gardé longuement. [La feme dou roy estoit dedens quy s'apeloit la reyne Longuebarde, por ce que l'e^npereor li avoit douné et elle tenoit la partie des Longuebars ; la quele morut laens. Et quant ele fu morte, ceaus de Cherines la portèrent dehors, et fu dit que ce estoit la reyne et qu'ele estoit morte. Le roy et le seignor de Baruth la receûrent et furent moût dolens de sa mort, et la feïrent porter a Nicossie onoreement par la main des chevaliers tout a pié. Et puis mandèrent la procession et tout le pueple de Nicossie pour l'acompaigner jusque dedens, a la mère yglize de Nicossie, ou ele fu enterrée. En suite retornerent le roy et le seignor de Baruth au siège de Cherines et i mistrent grans forces «.]

CXXXVIII (199). Le roy Henry fist assembler toute sa court, et se clama a sa court de sire Heimery Barlais et de sire Amaury de Bethsan et de sire Hue de Gibeleth et de tous ses homes liges qui avoient esté contre luy a la bataille, puis qu'il fu en aage. Par comun esgart de court furent tuit déshérité et fortjugié en cors et en avoir, et le roy douna lor fiés a ceaus quy l'avoient servy et aidié «. Moût ennuyoit as Chiprois de ce qu'il n'avoient galees pour asseger le chasteau par mer ; les galees des Longuebars aloyent de Cherines a Sur et de Sur a Cherines^. La volenté de Deu fu puis tele que treze galees de Jenevois vindrent d'outre mera Lymesson en deus carevanes, en l'une quatre, et en une autre nuef. Le seignor de Baruth i ala grant aleûre a Lymesson et les retint as SOS dou roy, et les mena devant Cherines.

CXXXIX. Adonc fu assegié le chasteau, par mer et par terre, que d'eaus que de ceaus qu'on pot avoir de Chipre,

MÉMOIRES, II, CXXXVIII-CXLI 8l

Mout firent ceaus dehors engins, de perieres, de mangucneaus et de grans trabucs, et deus grans chasteaus de fust, et mout d'autres garides pour venir as murs. Assaus y ot plusors et de jour et de nuit ; mout y ot fait d'armes et dehors et dedens, mout en y ot de nafrés et d'une part et d'autre, car grant planté y avoit de balestiers. Les chasteaus de fust furent trait sur le fossé ; de ceaus dedens y avoit meillor pietaille que de ceaus dehors ; par force y mistrent le feu et mout se tindrent vigourousement pour doute de prison et de mort. Les chevaliers dehors montèrent et ferirent des espérons jusques au focé ; la descendirent et entrèrent dedens les chasteaus de fust qui ardoient, et estainstrent le feu a force et les rescoustrent et les ratirerent arieres ; mout y ot de chevaliers nafrés.

CXL. Ceaus dedens parlèrent de nuit au cheveteine des sergens de ceaus dehors, qui avoit nom Martin Rousseau, et tant ly donnèrent et proumistrent que il lor otroya a trayr ceaus dehors, et il lor ot en covent que il lor feroit assavoir quant l'ost seroit plus eschery ^ ; si saudroyent ceaus dedens as armes et istroyent esforseement, et celuy Martin et ses sergens, quy seroyent dehors, ociroyent tous ceaus que il poroyent; et trop legierement pooyent ocirre messire Hue et messire Anceau de Brie, qui estoient herbergié plus près dou chasteau que les autres, et aloient trop souvent eschargaitier a l'agait des sergens, bien près des murs. Celuy Martin Rousceau pooit mout de maus faire, car il estoit mout privé dou seignor de Baruth et de ses enfans, et il avoitesté le plus dou tens de la guerre ovec eaus, et il li avoient fait mout de bien, et se fioyent mout en luy, et l'eschargaite dou chasteau estoit tout sur luy ; si metoit et traoit dou chasteau ce qu'il voloit.

CXLI. Le plaisir de Nostre Seignor fu tel que celé traïson fu descoverte par un home qui issi dou chasteau. En

Philippe de Novare, 6

cele hore ayint que Martin Rousceau fu aie a Nicossie pour aubalestres avoir et garnison, qu'il la voloit mètre el chasteau. Le seignor de Baruth manda Phelippe de Nevaire, quy le prist, [le jor de la Pasque de may^], auci un maistre faiseor d'aubalestres, qui estoit home lige le roy et concentant de ceste traïson, et maintes arbalestes et autres armeûres lor avoit baillés en Tost. Phelippe de Nevaire les mena en l'ost quy estoit devant Cherines, et reconurent la traïson en pleine court. La furent jugié et treïgné et pendu ; et Martin Rousceau fu geté au grant trabuc as murs dou dit chasteau. Adonc se hasterent moût cil dehors de mener lor engins au mur.

CXLII (200). Un jour lor avint, pour lor grant meschance, que messire Anceau de Bries, quy faisoit mener un engin avant, et il meïsme boutoit et hastoit les autres, si fu nafré en la cuisse d'un careau d'aubalestre de deus pies. Il aracha la flèche et la geta, et cuida avoir geté le fer, mais il remest dedens la cuisse par mésaventure. Il seigna moût de sanc, et ne vost souner mot tant com l'engin fu mené avant, tant com il dut. Adonc s'en aparsurent ceaus quy estoyent près de luy ; si li aidèrent tant qu'y vint en sa herberge ; tant ot seigné que il se pahma. Tout l'ost y corut, très grant duel enorent tous ses amis, et sur tous homes le seignor de Baruth, quy l'apeloit son rouge lyon^; et il avoit droit, car il se penoit plus et travailloit de l'afaire de l'ost que nus, et mo'ut valoit. Il l'emportèrent a Nicossie a son hostel, et bien jut demy an au lit et plus, que onc le fer ne pot estre trové jusque au tiers jor devant sa mort ; et Deu fist son comandement de luy. Grant duel en fist le roy et tous les bones gens de Chipre aucy ; mais au jor que il trespassa le seignor de Baruth estoit en Surie, car le chasteau de Cherines estoit ja rendu. Et adès orrés coment ce fu.

CXLIII (201). Si com vous avés oy, le roy et ses

gens avoient fait moût d'engins, et les menoyent avant ; et establirent lor assaut. Messire Balian d'Ybelin assaily devers le chasteau et sa gent o luy. Le seignor de Baruth et ses trois anfans assaillirent de toutes pars le bourc, tout en tour, et bien le cuidierent prendre, car les engins avoient moût empirié les murs. Ceaus dedens furent grans gens et doutèrent mort ou prison, et se défendirent vigourousement. Ceaus dehors s'enbatirent estoutement, moût y ot de nafrés ; des enfans dou seignor de Barut y ot plusors nafrés périllousement, et de ceaus dedens y ot moût de mors et de naffrés ; a l'anuiter se retraistrent.

CXLIV (202). Le seignor de Baruth blahma moût et reprist soy meïsme et dist en haut, que bien fu entendu : « Hailas I corne il m'est mesavenu aceste fois, et de ce qu'il avint jadis pour un home de mon lignage ! Et ce fu quant le roy Amaury entra en Babiloine ; si comanda a sire Hue d'Ybelin que il assaillist et feïst assailir la cité de Belbeis qu'il avoyent assegié, et il li respondy que il yroit a l'asaut ; et si tost com il vint sur le fossé, il fery des espérons etsaillyens luy et son cheval. Et le cheval brisa le col et mon oncle la jambe; et tout l'ost corut a la rescousce, si resut moût grant damage, car moût en y ot de mors et de nafrés. Messire Phelippe de Naples, le bon chevalier, quy estoit son oncle, sailly au fossé après son nevou, et fu tel conreé que par poy ne morut.

CXLV. « Si con a Deu vost et plot, la ville fu prise, et le roy Amaury et ses homes firent une assise que ja mais chevalier ne deùst ni feïst servise a afaire de ville, ne de chasteau, ni en leucque cheval nel peûst porter, se il ne fus t assegié, ou sur son cors défendant. Et je, las, cheitif, qui bien sai l'assise quy fu faite pour mon lignage meïsme, j'ai huy en cest jour livré moy et mes enfans a mort et tous mes amis pour l'assaut d'un cheitif chasteau, qui un de ces jors se

rendra de fain ! » Tous ceaus quy la estoyent le réconfortèrent, et li distrent : « Sire, ne vous en chaut ; trop y ont plus perdu ceaus dedens que vous. » Le siège dura longuement, et moût y ot grans costenges faites, et grans sodées données as sergens et as galees; plus grans tailles firent faire, car il ne fussent ja mais a seûr s'il ne preyssent Cherines.

CXLVI (205)^. L'emperere Federic oy les novelles de la Surie, et, coment que ce fust, qu'il n'en eûst loisir ou qu'il ne vosist venir, il n'i ala ^ ; mais il manda l'evesque de Sayete en Surie et lettres moût amyables et lozengeresses, disant que il ne lor savoit nul mau gré de ce qu'il avoyent fait, et qu'il lor pardonoit et lor rendoit sa grâce, et que il se tenissent bien et loyaument a lui et a son fis ; et que se il voloyent que son baill qui estoit a Sur fust lor baill, il lor otroyeroit bien q'un de ses homes de la terre fust lor baill a Acre, et Richart Philangier fust a Sur. Es letres fu dit et moût noumé qui devoit estre baill : c'estoit un chevalier qui estoit a Sur, et avoit nom Phelippe Maugasteau ; poi estoit prisié, et disoit l'on qu'il afaitoit sa chiere come une feme, et moût estoit privé dou baill de Sur. En celé manière cuydoit l'emperere atraire ceaus de Surie et tolyr l'aye au seignor de Baruth et as Chiprois ; et puis si tost con il eust loisir, feïst dou pis que il poïst.

CXLVII. Après ce que l'evesque de Sayete, quy estoit venus a Acre, ot tant porparlé et fait, le seignor de Sayete et le conestable furent acordé a ce fait, et orent fait venir le peuple a Sainte Cruis, et l'evangelier fu présent. Et ensi come il durent jurer, le bon juene seignor de Sezaire, quy estoit nevou de monseignor de Baruth et quy estoit venu de Chipre a Cezaire pour son afaire, entendy cest fait, si vint a Acre hastivement, et, en l'ore que le sairement devoit estre fait, il entra dedens la mère yglize de Sainte Cruis, et comanda a souner la campane de la comune. Quant a la frarie