MÉMOIRES, II, CXLVI-CL

de Saint André le sorent, il furent as armes ^ et crièrent tuit : « Muire ! muire ! »

CXLVIII. L'evesque de Sayete les vit, si s'en fui* en la maison de l'evesque d'Acre, et fu enclos en la chapele; et, se le seignor de Cezaire ne fust descendu, l'evesque de Sayete eûst esté celuy jour ocis, et le seignor de Sayete et le counestable auci.Mais le seignor de Cezaire les fist estre en pais, et en mena les deus hors de laens o luy, et il fist tantost savoir tout le fait a son oncle, le seignor de Baruth, qui estoit en Chipre, au siège dou chasteau de Cherines. Tantost se party dou siège le seignor de Baruth et laissa en son leu sire Balian, son fis l'ainsné, o le roy Henry, ^et vost mener o luy Phelippe de Nevaire, mais sire Balian ne le vost souffrir.

CXLIX (206). Le seignor de Baruth ala a Acre, et tant ordena et fist que les sairemens des Poulains furent tous refreichis, et qu'il fu maire de nouveau. L'evesque de Sayete manda au seignor de Baruth, priant, pour Deu et por son honour et pour son profit, que il le feïst conduire devant luy, car il voloit a luy parler. Le seignor de Baruth respondy que de par Deu venist. Il manda pour luy, et le fist conduire. Si tost com il fu en sa présence, il ly unes letres de par l'empereor, es queles il avoit salus et créance.

CL. L'evesque dist : « Sire, il s'en contient es letres que vous me devés croire. L'empereor vous mande que il se repent moût de ce quy a esté entre vous et luy, et il se portera de ci en avant en tel manière vers vous que vous et tous les vostres en serés riches et manant. Mais il veaut que vous ly faites un poi d'ennor,por ce que les gens ne puissent dire que vous l'avés vencu : l'enour qu'il vous requiert est que vous venés en aucun leu ou il semble que il ait poer, et que vous dites ensi simplement, coment qu'il soit ne coment que non : « Je me met en la niercy de l'empereor, come de « mon seignor. » [A ce respondi monseignor ^] de Baruth :

« Sire evesque, a la fin de ma parole ferai respons a vostre requeste ; mais tout avant vous diray un conte et une essample quy est escrite au livre des fableaus de Renart. Ce m'est avis qu'il afiert bien a ceste raison que vous m'avés dite.

CLI (207). « Il avint, en une forest plantive et pleine de toutes manières de bestes, qu'il y avoit un moût grant lion et moût mal rechignant, maladif et malenconious. Un jour se gisoit devant sa cave ; si vit passer une grant route de sers gras et de saisons. Le lion dist a sa privée maihnee : « Se je « ne manjue de cel serf gras quy vait devant les autres, les x< mieges m'ont dit que je sui mors. » Maintenant manda au serf, priant pour Deu que il venist a lay parler, car il estoit si malades que il moroit ; le serf y ala volentiers, come a son seignor. Si tost come il vint a l'entrée de la cave, le lion se hasta de luy prendre ; si l'atainst de la paute a la chiere et ly avala la peau jusque sur le museau. Le serf fu fort et sain, et le lion foible et malade ; si chey en ariere de son cop meïsme. Ly serf s'en ala la chiere sanglantee, et dist que ja mais en sa court ne entreroit. Toutevoies gary le serf de sa playe.

CLII. « Un grant tens après avint que le lion manda au serf et dist que, se Deu ly aidast,il lycuida faire joie a l'entrée de sa maison, et luy acoler, et si avint par meschance que ses ongles s'acrocherent en sa chiere, et il, de sa foibleté, au cheïr, le grafigna mau son gré, et por Deu qu'il venist a luy. Tant y ot de proyeres qu'a luy râla. Le lion sailly a rencontre, et lansa pour prendre le ; ses pautes l'atainstrent jusques a sa coue de lonc en lonc de son dos ; si en leva deus grans corroies. Le serf sailly esforseement come bleciés. Le lion estoit encores foibles, si chey de son cop meïsme ; le serf s'en fuy et fu longuement malades de celés nafres, près que tout un an.

CLIII. « Au chef de Tan, le lion remanda a luy de ses barons, et tant le sarmonerent et proyerent que traï fu le serf, et revint a court. Le lion fut amendé, et estably sa privée maihnee qui le serf prist et ocist, et comanda que il fust escorchés et apareillés et overt et desfait, car il voloit manger de luy. Les bestes quy manjuent char, si come Yzengrin et Renart, s'en entremystrent de l'apareiller. Renart bouta son groin et prist le cuer et le manga. Les autres bestes furent moût effreees ; le lyon s'en prist garde, et come desloal s'en vost excuser par sa parole, et dist : « Seignors, necuidés pas « que pour félonie ne por lecherie j'ai ocis le serf, mais por « ma garison l'ai fait, car tuit li miege mostreent que je ne « pooyegarir, se je ne manjoye del cuer dou serf. »

CLIV. ce Le cuer ne pot estre trové, que Renart l'avoit jamangié. Le lion jura que ce avoit fait Renart, car il avoit la barbe sanglantee ; chascun le niostra au deit, et tuit distrent et jugierent que Renart en devoit morir. Renart dist en audience que prest fu au comandement dou roy, et au jugement delà court se metoit : « Seignors, ce dit Renart, le serf c( vint antan a court, si s'en party la chiere sanglante ; une « autre fois après revint et laissa deus corroyés de son dos ; ce la tierce fois revint morir si nicement come cil quy n'avoit ce point de cuer, car se il eûst cuer, il ne fust pas revenus la ce tierce fois ; et l'on dist un proverbe : Ce qui ni est ne ce puet on trover. Le serf n'avoit cuer, ne je ne l'ay mangié. ce Mon groin en est sanglant de l'escorcher et de l'ovrir. ce Je pry chascun en son endroit que por Deu et por s'arme ce me juge. » Si distrent tuit a une vois que le serf n'avoit point de cuer, et ensi fu Renart délivre.

CLV (208). (( Et je vous di, sire evesque, fait le sire de Baruth, que je pues bien dire de l'empereor et de moy cest essample. Il est le lion et je suy le serf ; deus fois m'a deceû : la première fois aLymesson, dont je os bien sanglante chère;

la seconde quant je party de Deudamor, le chasteau, et vins a luy : encontre les covenances, il retint les fortereces et toute Chipre a son eus, et puis vendy le roy et Chipre a mes enemis. Ce furent les deus corroyés de mon dos. Et se ores vieng en la tierce fois en sa mercy, je otroy que je soye mort come fu le serf, et que Ton juge seûrement que je n'ai point de cuer. Dont je vous di, sire evesque, et vueill bien que il sache qu'en sa manaye ne me tenra il ja mais ; et se mau gré mien, par meschance, deûsse estre devant luy, et il eûst tout son pooir et je ne eusse ni enfans, ni amis, ne pooir plus que dou petit doit de ma main, o celuy me defenderoie jusques a la mort. » A tant fina sa parole.

CLVI (209). Quant le sire de Baruth ot bien estably son fait en Surie, il laissa en Surie, en son leuc, son nevou le seignor de Cezaire, ettantost revint en Chipre. Le siège dou chasteau de Cherines dura plus d'un an. Cil dedens avoyent soufraite de moût de choses et savoyent que nul secors ne lor pooit venir de l'empereor, et il avoient seû dou baill de Sur de finer^ : il parlèrent de pais. Sire Arneis de Gibeleth et Phelippe de Nevaire traitèrent celé pais ; la fin fu tele que il rendirent le chasteau et le bourc, et tant d'armeûres et de garnison come il avoyent fait et dedens trové.

CLVII. Phelippe de Nevaire^ lor livra tant de galees et de vaisseaus come il orent mestier, por aler dedens a Sur, saus et seûrs, eaus et lor choses . Et tel fu le covenant que sitost come il seroyent a Sur, le seignor de Baruth yroit a Acre, et menroit o luy tous les prisoniers quy avoyent esté pris en la bataille quy vis estoyent, et l'on li rendroit les suens, quy avoyent esté pris au Cazal Ymbert et quy estoyent a Sur. Si fu fait ensi con il le dist. Il mena a Acre les prisoniers ^ ; la fu porparlé qu'en my voye d'Acre et de Sur furent menés les prisoniers d'une part et d'autre ; et la furent délivres les uns por les autres. Adonc demora Chipre en pais, mais en