MÉMOIRES, II, CLVI-CLX S

Surie demora un malvais ni, car sire Richart Filangier et ses frères et plusors [Longuebars ^] demorerent a Sur.

CLVIII (212)^. [Quatre ans depuis celé pais, ce fu en Tan de M. IIS et XXXVI ^], monseignor Johan d'Ybelin, le bon seignor de Baruth, quy bien reconoissoit les grans grâces que Nostre Seignor ly avoit faites et les grans honors, en achaison d'une beste quy chey desous luy, il fist son testament si ordeneement que toutes les gens se merveillerent de sa très grant mémoire. Ses tors fais amenda, de maintes choses fist amende que meinte gent ne tenissent pas a tors fais, ses detes paia, car il avoit au jour grant mueble et estable sans les fiés ; et tout donna por Deu et por l'arme de luy, de sa main, a bonne mémoire ^; et plusors fiés donna il a ses enfans, et comanda que il fussent homes et tenissent de lor aihné frère.

CLIX. Après se rendy il frère dou Temple, si come il avoit voué. Grant contredit mistrent ses enfans, et grant duel en firent tous les gens dou pays ; mais riens ne valut, ains se rendy mau gré eaus et tout quite au Temple, et se fist porter a Acre. Poy dura frère, et si très bêle fin fist a sa mort qu'a merveille en creroyt Ton vérité quy tout contast. Et quant il dut l'arme rendre, requist il que l'on ly aportast le crusefis. Phelippe de Nevaire ly aporta devant luy, et il tendy ses mains, et baisa les pies de Nostre Seignor Jhesus Crist, et dist si come il pot : In manus tuas^ Domine, commendo spiriium meum. Et ensy rendy l'esperit a Deu. Le cors onques ne se remua a la mort, et, se l'on croit que bone arme vait devant Deu, l'on deit bien estre certein que la soue arme y ala, en paradis^. Maintenant messire Balian, son fis, demora seignor de Baruth en son leuc, quy bien se contint et vigourosement; et il ot bons frères et cousins, et bons amis, quy moût bien ly aidèrent.

CLX (221)^. Les Longuebars^ estant a Sur quoy et en

pais une pièce, Richart Philanger, ly mareschaus de l'empereor, porchassa tant et fist que il atraist a sa partie les frères de l'Ospital et deus grans borjois d'Accre quy moût avoyent grantpooir sur le peuple delà ville. L'un avoit nom Johan Vaalin, et l'autre Guillaume de Conches. En cel tens estoit si avenus que en Acre n'estoit nus de ceaus de Ybelin que un tout soûl, quy avoit nom messire Phelippe de Monfort. Celuy estoit d'outre mer venu, quant leroy de Nevaire vint a Acre. Il avoit espousee une haute dame dou païs, quy senomoitla dame dou Toron, et por elle fu ilseignor dou Thoron apelé ; de par sa mère il estoit cousin germain a messire Balian le juene, seignor de Baruth, et de ses frères.

CLXI. Adonc estoit venu de l'ostle roy de Navare messire Balian d'Ybelin, seignor de Baruth, ou il avoit grant tens esté et grans mensions faites ; si sejorneit a Baruth. Ses deus frères, messire Guy et messire Bauduyn, quy puis furent de moût grant afaire, estoient en Chipre. Messire Hue, lor frère, et le juene seignor de Cezaire estoyent ja trespassés de cest siècle, dont moût estoit grant damage et grant perte a tous lor amis et aies deus royaumes. Messire Johan de Foges, lor frère, estoit a Arsuf^, et Eude deMonbeliart, le conestable, quy avoit espousee lor cousine ^ et estoit en leu de baill a Acre, estoit a celuy jor a Cezaire, entre luy et li Templier en ost, o partie des chevaliers de la terre. Et por ce, Richart Philanger fist plus seûrement celé emprise.

CLXII (222). Adonc avint que le baill de Sur, messire : Richart Philanger, quy tant avoit espié et seû et avoit fait : le porchas de ceaus deus borgès dessus motys, s'esmut et vint coyement de nuit a Acre, et entra par unefauce posterne quy est au bore en un jardin de l'Hospital, et de la ala droit a l'Ospital de Saint Johan, et laens fu recuillis, et demora un jour et une nuit. Encore est apelee celé posterne la Porte de Mau Pas. Les deus borgès dessus noumés alçrent a l'Ospital

et parlèrent a luy^. Il alerent après par la ville, requérant ceaus de lor jure, et faisoient jurer tous ceaus qui les voloyent croire d'estre au comandement dou baill qui estoit venu de Sur.

CLXIII. Lor fait fu descovert par aucuns de ceaus de la jure «, si que Phelippe de Monfort le sot, et le cry fu en la ville. Il sailly as armes o tant de gens com il pot avoir. Li Jenevois et ly Venessien, quy n'amoyent point l'empereor ne sa 2:ent, s'armèrent tantost et soustindrent lor rue en Tore ^. Messire Phelippe de Monfort fist tant que il pristles deus borgès et les mist en bons fers. Il manda tantost faire a saver la couvine au seignor de Baruth. Il s'en vint hastivement et amena tout son esfors et grant planté de sergens de la montaigne. Moût vint hastivement et passa devant les portes de Sur. Richart Philanger, le baill, quy estoit a Acre musse a l'Ospital, sot bien la venue dou seignor de Baruth et la prise de ses deus amis. Tantost s'en fu}' de nuit par lafauceposterne, et s'en revint a Sur. Moût poy failly qu'il n'encontra le seignor de Baruth.

CLXIV. [Et quant le seignor de Baruth «] entra a Acre, tantost fu toute la ville a son comendement. L'en ly donna a entendre que ly Hospitalier avoyent esté consentant a cestuy fait. Il assega l'Ospital tout environ et le tint moût près et mau mena, et le pot lors legierement faire, car ly maistre, frère Piere de Villebride, et ly covens de l'Ospital estoyent adonc au chasteau de Margat, por une guerre que il avoyent au soldan de Halappe, por le fait des marches dou Margat et de la cité de Gibel^. Le seignor de Baruth sot puis que Richart Filanger, le bail, s'en estoit fuy de l'Ospital et aie a Sur. Le conestable ^ et les gens de la terre quy estoyent a Cezaire revindrent de l'ost a Acre, et furent au comandement dou seignor de Baruth, etdemorerent un grant tens ensy a Accre.

CLXV (223)^. Le sire de Baruth tint la maison de l'Os-

pital Saint Johan d'Acre assegee entor de sis mois, si que riens n'i laissoit entrer ne issir de la maison, sans ce que nul autre forfliit y peiissent faire ; car trop de bounes gens s'en estoyent mis en garnison dedens la maison ; mais il y avoit poy de frères, por ce que ly maistre et li covens estoyent defors, ensi convous avés oy dire devant. Sur ce, ly maistre et ly covent de l'Ospital acorderent le fait de lor besoigne et s'en vindrent vers Accre, et se herbergerent dehors la ville, en leur Vigne Nueve.

CLXVI. Comuns amis s'entremistrent et mistrent acort entr'eaus et le seignor de Baruth, et ly sièges de la maison en fu ostés ; dont le sire de Baruth se rendy moût colpable vers la maison de celuy fait, et lor requist pardon, et lor dist en apert que ce ly avoyent fait faire aucunes gens quy n'amoyent pas l'Ospitau, quy li donnèrent a entendre que ce que Richars Filanger enprist de faire en la cité d'Accre, et tout celuy remuement, avoit esté par le porchas et l'atrait de la maison de l'Ospital, et que Richars Filanger estoit encores dedens la maison de l'Ospital, et que por ceste raison avoit il la maison assegee, de quoi li en pesoit tant con il pooit plus.

CLXVII. Lors dist ly maistres de l'Ospital au seignor de Baruth ; « Sires de Barut, vous ne devés pas croire que la maison de l'Ospital feïst ou consentist a faire si grant emprise la ou nous et nostre couvent estiens hors d'Accre, et si loins, et si enbesoignés con nous estiens lors au chasteau de Margat, et aviens si poi de frères laissié en la maison d'Acre, con chascun sait. Et fust encores que aucuns de nos frères, quy lors estoyent en la maison d'Acre, se fussent en aucune manyere malement portés en celuy fait, por tant ne devoit toute la maison estre chargée de recevoir si vilaine charge, ne si grant honte con d'estre assegee por si faite raison. Neporquant, puis que les choses sont acordees au gré des deus

parties, les choses qiiy sont passées sont dou tout a oblier. »

CLXVIII (224). COME RiCHART FiLANGER PARTY DE SUR POUR ALER OUTRE MER.

En [ce tens ou poy avant], estoit avenu que Tempereor Federic avoit mandé a sire Richart Filanger, son baill, quy estoit a Sur, que il alast a luy, car il voloit mander en Surie un autre en son leuc. Le devant dit sire Richart se [parti de Sur, et o luy messire] Henry son frère, Johan de Sorent son nevou et lor femes et lor enfans et toute lor maihnée. [Si se mistrent en une grant nef et s'en alerent]. Et au partir laissa en son leu Lotier son frère [et assés de gens d'armes o luy ; lequel gouvernoit Sur«], car il estoit mareschal dou reyaume de Jérusalem par l'empereor ^. Les gens de Sur, quy moût hayoient les Longuebars, si vindrent quatre d'eaus ^ au seignor de Baruth, et ly offrirent que il ly renderoyent la cité de Sur, et ly devisèrent coment. Il en ot conseill a messire Phelippe de Monfort, seignor dou Touron, et a Phelippe de Nevaire, quy moût estoit privé de luy. Le conseil s'acorda a ce que il s'acordast a ses gens. Lors resut lor sairemens, des quatre borgois de Sur.

CLXIX (225). Sur ce Phelippe de Nevaire s'apensa une nuit, et s'en vint a son seignor, le sire de Baruth, et ly dist : « Sire, je ay pencé une chose, quy vous gardera de blahme. Vous savés que vous et les autres dou reyaume de Jérusalem feïstes homage a l'empereor por le bailliage de son fis le roy Corat. Vous avés bien gardé vostre foy tous jors, et il la soue [a mal gardée'^], si come il pert. Je vos fais assaver que le roy Conrat est d'aage, et par raison estes vous mais quite a l'empereor ; mais bien seroit que chascun le sache ains que vous preignés Sur, ne que vous ly tolés son baillage, car encor crie l'on le ban de l'empereor a Sur, come baill ; et vous poés tenir bone voye et honorable, s'il vous plaist.