CLXX. « Il est coustume au royaume de Jérusalem que
le plus dreit heir et le plus aparant enporte Teritage par raison, tant que plus dreit heir de ly veigne ; et vous avés en ceste ville madame la reyne Alis, mère dou roy Henry, quy est vostre cousine germaine, et elle est le plus dreit heir aparant dou royaume de Jérusalem, come celé quy est fille de la reyne Yzabeau, quy fut dreit heir dou royaume de Jérusalem et fille dou roy Amaury. Bien est voir que le roy Corat est dessendu de Tainhnee suer; et s'il fust présent, il devroit avoir l'eritage, mais jusque a tant que il veigne, celé est le plus droit heir aparant.
CLXXI. « Por ce vous loe ge que vous faciès assembler tous ceaus dou royaume de Jérusalem, et que la reyne Alis veigne avant et requière le royaume de Jérusalem par la raison devant dite, et mostre coment vous estes quite a Tempereor. Et vous ferés tant que la reyne sera en la seignorie ; et quant elle requerra Sur, se Ton ne li rent, a elle, ou a son comandement, ou a son servise, et au consent que vous avrés des gens de la ville, se Deu plaist, vous prendrés la ville de Sur moût bien et a grant hennor de vous, et delivrerés les Longuebars de toute la Surie. »
CLXXII. Quant le seignor de Baruth ot oye ceste raison, moût en fu liés et bien s'acorda maintenant. Tantost manda por monseignor Phelippe de Monfort, seignor dou Toron ; et Phelippe de Nevaire, par le comandement dou seignor de Baruth, son seignor, retraist au seignor dou Toron tout ce qui est dessus dit. Celuy s'acorda maintenant et moût loa l'emprise, et le crut, et mostra bounes raisons assés come celuy quy estoit moût sages et avisiés. Tantost mandèrent Phelippe de Nevaire qu'il alast a la reyne Aalis et a messire Raoul de Saissons, un haut baron de France quy estoit son mary.
CLXXIII. Phelippe de Nevaire li retraist la volenté des riches homes dessus noumés, quy anduy estoyent cousin
germain de la reyne Aalys. Moult en orent grant joie, et distrent a Phelippe de Nevaire qu'il voloyent que il fust le couteau, et eaus seroyent la pièce de char, et poroyt tailer et partir a son gré. Phelippe porparla et ala et vint tant que tout fu adrecé. Moût y ot de covenans. Entre les autres choses fu ordené et juré que le seignor de Baruth et celuy dou Toron devoyent tenir et garnir toutes les forteresses dou royaume, por ce que, se le roy Courat y venist, qu'il ly peûssent faire ce qu'il devroyent. Entre Phelippe de Nevaire et un borgès, quy avoit nom Phelippe de Bauduyn, quy estoit sage et moût privé dou seignor dou Toron, ordenerent et escristrent toutes les covenances si priveement que parole n'en fu seûe par le pais.
CLXXIV (226). Le seignor de Baruth et le seignor dou Toron firent assembler tous les homes liges de la seignorie d'Acre ches le patriarche de Jérusalem. Les Jenevès et les Veneciens et les Pisans y furent «, et toutes frairies de la ville ausy. La reyne Alis et son mary, Raoul de Baissons, y vindrent. Phelippe de Nevaire fu a lor conseil, et mostra lor parole et dist moût hautement toutes les raisons et les paroles que vous avés devant oyes : que la reyne Alys estoit le plus droit heir aparant a avoir et a tenir la seignorie dou royaume de Jérusalem ; pour quoy elle et son mary lor requeroient l'omage et le servyse dou royaume ^. Donc offrirent a tenir les bons usages et les bons costumes dou royaume.
CLXXV. Ceaus dou royaume se traistrent a une part, et apelerent Phelippe de Nevaire a lor conseil, et luy requistrent conseil etaveement de faire respons. Il lor mostra toutes les raisons que vous avés desus oyes, si come la reyne Alis est le plus dreit heir aparant, et coment il estoyent quite a l'empereor Federic, puis que son fys Corrat estoit d'aage ; et bien lor loa et conseilla que il meïssent la reyne Alis en saizine dou reyaume de Jérusalem, come le plus
dreit heir aparant, et ly feïssent homage et servise, par ensi que, tantost corne le roy Courat venroit au royaume de Jérusalem, que il fussent quite a la reyne Alis, et a luy feïssent ce qu'il deûssent.
CLXXVI. Au conseil de Phelippe de Nevaire s'acorda toute la court, et li prièrent que il meïsme fist les respons a la reyne Alis, et il le fist volentiers. Adonc ly avint ce que l'on ly sot dire a gas, que il meïsme fist le claim et le respons et l'esgart. Maintenant fu mise la reyne Alis en la saisine dou royaume de Jérusalem. Tout premier ly fist homage le seignor de Baruth, et puis le seignor dou Toron, et après tous les autres chevaliers d'Acre. Et ce fu en l'an de. m. ii^.et xlii.
CLXXVII (227). Phelippe de Nevaire en fu honorés et riches, car la reyne li douna mil sarazinas de fié et li fist payer sa dete, quy bien monta mil mars d'argent. Phelippe fu baillys et tous sires, et tant assembla des rentes que dedens trois jors paya les sodoyers et les galees quy alerent au siège de Sur, car la reyne Alis "^ avoit ja fait requerre Sur ; et les Longuebars ne ly vostrent rendre. Sire Raoul de Saissons, le baron de la dite reyne Alis, et monseignor de Baruth et le seignor dou Toron retindrent grant planté de sodoyers et armèrent galees. Et Phelippe de Nevaire acheta une grant nef a ceaus de la seignorie, quy fu bien garnie de gens d'armes. Les Jenevès et Veneciens y alerent ; moût ot grant gent.
CLXXVIII. L'ost mut de nuif* par terre et par mer, et [assegia Sur^]. Le seignor de Baruth fist tant que il parla a aucun de ceaus quy devant ly avoient covenant de rendre la ville, si com vous avés oï ; si ne le porent faire en la manière qu'il avoyent en convenant de rendre la ville, mais '^ [li firent savoir que il avoient une posterne après de la Boucherie devers la mer, et se il voloit passer ovec son ost par la marine, et les galees venissent par la chaene dou port, si ovriroyent la posterne et mouldroyent la chaene dou port,
MÉMOIRES, II, CLXXVl-CLXXX 97
et il iporoit entrer seiirement, et ceaus ciedens Sur qui sont de sa partie se torneroyent en armes contre lagentîde Tenipereor. Quant le seignor de Baruth oï ce, si proumist de le faire ensy, mais que ceaus dedens ne faillissent.. Et le borgès li respondi que viendroyent sans faille.
ÇLXXIX. Maintenant le sire de Baruth fist ordener Tost par mer et par terre, et acorda enseignes entre luy et ceaus de la terre.; et çeluy borgès quy parla au seignor d<? Baruth retraist le tout as autres borgès quy s'estoient acordé a luy, et quant il virent le point, si firent lor enseignes ; les queles veûes«], le seignor de Baruth fist crier as armes, et comanda a ceaus des galees d'aler, et qu'il entrassent par my le port, se il deûssent tuit morir; et il monta entre luy et sa gent ^ ou ses amys Tatendoyent vers la posterne de la Boucherie . La mer estoit groce, et les chevaus cheoyent por les pieres ; plusors gens en y ot en péril de morir. Celuy chey en la mer quy portoit la baniere, un juene chevalier qui estoit fis de Phelippe de Nevaire, quy avoit nom Balian, por le seignor de Baruth quy estoit son parein. Celuy s'abaissa et prist la baniere quy flutoit en la mer et la porta après [jusques. en la prises] de la ville.
CLXXX. Le seignor de Baruth et ses gens entrèrent en la ville par la posterne moût estoutément, que par poy ceaus des tours et des defences ne les ocistrent. Tous ceaus des galees y entrèrent aucy moût estoutément ". Quant les autres gens de l'ost, quy ne savoient que ce estoit, virent ce^, si Gorurent de toutes pars en la ville. Sire Raoul de Saissons y monta par les murs moult estoutément, et le seignor dou Toron suït le seignor de Baruth par la posterne. Quant les gens de la ville les virent si abandouneement entrer, si coururent sus as Longuebars'^. Quant Lotier Filanger senty et conut le fait et l'euvre, si s'arma et s'en party de l'ostél ou il estoit, et s'en ala courant au chasteau, et tous ceaus de
Philippe de Novarr. y
Puille quy en la ville estoyent corurent au chasteau quy meaus meaus. Plusors en ot que mors que pris, et perdirent quanqu'il avoyent en la ville.
CLXXXI. Ensifu prise la cité de Sur, quy estoitunedes plus fors dou mondes. Cil quy orent la cité de Surprise se mistrent a asegier le chasteau, et moût le tindrent près, car moût avoit de gens au siège etgrant planté de piétaille^'. Moût y ot fait d'engins et de perieres, quy getoyent au chasteau et destreignoient ceaus dedens en quanque il pooyent. Sire Lotier Filanger, quy estoit sage et vigourous chevalier et estoit cheveteine dedens, et avoit boune compaignie de gens d'armes o luy au chasteau défendre, le defendy moût vigourousement, que ceaus dehors n'i gaïgnoient riens sur eaus.
CLXXXIl (228). Endementiers que ceaus dehors tenoyent le chasteau assegié, une tele aventure lor avint com vous orrésdire, par la quele il orent lor entendement dou dit chasteau, dont Nostre Sires lor fist grant grâce. Car sire Richart Philanger,quy s'en estoit party de Sur, luy et sa gent, en sa grant nave, pour aler en Puille, si com vous avés oy avant, [le tens le mena en Barbarie, et tant s'ovrit la nave que il furent tuit en péril de neer«]. 11 et sa gent se recuillirent en la barque decantier o grant avoir que il portbyent. Ht devant ce avoyent il pris un petit vaiseau des Sarazins, •que les Sarazins apelent en lor lengage karaque ; si avoit mis ■dedens un suen grant amy, quy estoit en sa compaignie, quy avoit nom Piere de Greil^et estoit un grant gentil home de guerre. Moût ly aida a descendre de sa nave en la barche et en la quaraque, et recuillir luy et ses choses^.
CLXXXIII. Il ne s'osoient mètre en pelagre por ce qu'il avoyent petit vaisseau, car volentiers fussent aie verslaGezile, mais li tens lor fu moût contraire ; si se retornerent toute la rivere en Surie, si com Deu plot. Et la volenté de Nostre
MÉMOIRES, II, CLXXXJ-CLXXW 99
Seignor tut tele que de Barbarie le tens les ramena jusques au port de Sur, qu'il ne sorent noveles. Il ariverent de nuit corne ceaus quy cuidoient estre a sauveté et venir en lor hostels, corn cil quy riens ne savoient des choses quy estoient avenues en la cité de Sur, car se il l'eussent seû, aies s'en fussent vers Triple ou vers Hermenie. Il ariverent et calèrent lor voiles droit encoste la grant nave que Phelippe de Nevaire avoit achetée et garnie por la seignorie, quant Ton vint au siège. Il demandèrent de quy estoit la nave. A tant vint le fait que ceaus de la nave les conurent, etpristrent lor cors et lor avoir, et recuillirent tout a la nave".
CLXXXIV. La novelle vint au seignor de Baruth que Richart Philanger estoit joint au port. Il le fist a saver au seignor dou Toron, et eaus deus alerent a messire Raoul de Saissons. Le cry leva par toute la ville ; toutes les gens corurent au port et plusors se mistrent en barches et en autres vaisseaus a la dite karaque. Messire Raoul de Saissons et le seignor de Baruth s'aresterent a la chaene et mandèrent le seignor dou Toron et Phelippe de Nevaire en la nave. Ceaus pristrent Richart Philanger, o toute sa conpaignie, et quanque il ot d'avoir et d'autres richesses, sans nule defence que il ne nul des suens y meïst, car il n'avoient pas le pooir, et mistrent a terre, et furent menés a la herberge de messire Raoul de Saissons; les femes et les enfans les lapidèrent de pierres, si que par poy n'ocistrent luy et seaus qui le menoyent "^.
CLXXXV. Le seignor de Baruth les requist por avoir les en sa prison come ses enemis mortels, quy li avoient abatu son chastel de Baruth et fait moût de damages. Sire Raoul de Saissons ne ly voloit livrer. Phelippe de Nevaire li dist : « Por Deu, sire, bailés ly, car il avra si grant paour de luy que maintenant vous fera rendre le chastel. » Et sur ce ly baillya et le livra; et le seignor de Barut li fist autels aneaus
rOO PHILIPPE DH NOVARK
de fer corne l'empereor H avoit fait, quant il le tint ^iï; prison et en ostages a Limesson. Moût ot grant padùr de luy et de sa conpaignie. Dedens ce avint que messire Johan d'Ybelin, quy puys fu conte de Jaffe, vint au siège doU'Chasteau de Sur. Il orent en conseil et firent dire a sire Riéhart Filanger [et a sa conpaignie «] que il feïssent tant que lechasteau fust rendu, ou il le feroient pendre par la goule 'devant ceaus dou chasteau. '"-'■
CLXXXVI. Sire Richart Philangcr manda message a sire Lotier, son frère, quy estoit chevetaine dou chasteau, et ly fist a savoir son couvine. L'on ne sot de veir que il manda ne que il respondy par son message, mais ce sot l'on bien de voir que il respondy a ceaus dehors que il feïissent lor volenté de son frère et de son nevou, car le chasteau ne rendroit il ja. Les forches furent drecees et riiises sur une haute tour qui est a l'encontre dou chasteau bien pres^^. Sire Richart Philanger et son frère et son nevou furent menés lassus, et orent les eius bendelés et la hart au col, et furent tiré lamont as forches et as cordes quy lor estoient liées lamont as pies ; et n'i avoit que de tirer les chiésde la corde, le las correûst, et chascun demorast pendu par la goul^v
CLXXXVII. Messire Lotier les vit en tel point; grant duel et grant pitié en ot,et cria«. L'on manda Phelippe de Nevâire la. La pais fu par luy traitée et faite en tele manière que il rendirent le chasteau, et Phelippe de Nevaire le resut, et lor jura et fist jurer que l'on delivreroit sire Richart Philanger o toute sa conpaignie; et toutes les choses quy avoient esté prises o luy li devoyent estre rendues, et delivreroit on les prisoniers sains et saus^, et conduiroit ceaus dou chasteau a sauveté, o toutes lor choses, et un de ceaus d'Ybelin^ iroit ovec eaus et les conduiroit a sauveté en lor requeste la ou il vodroient aler. Et en celuy meïsme couvenant fu que Ton payeroit ce que l'on devroit as sodoyers dou chasteau et que
MÉMOIHHS, II, CI.XXXVI-CLXXXIX lOI
l'on rendroit la perte qu'il avoient fait en la ville, quant il se recuillirent sur saut au chasteau.
CLXXXVIII. Tant deniora Phelippe de Nevaire au chasteau por establir ces covenances que ceaus dehors cuiderent que ceaus dedens l'eussent tué, si que par poi niessire Balian n'ocist sire Richart Filanger et toute sa conpaignie ; et le seignor de Baruth meïsme comanda a Balian, fis dou dit Phelippe de Nevaire, et dist que « se l'on puet saver que l'on ait ocis ton père, ocis les tous de ta main ».
CLXXXIX (229). Quant Phelippe de Nevaire ot parfaitement ordenees et establies les covenances a ceaus dou chasteau, il issi hors et retraist tout ce qu'il avoit fait ; et tout fu otroyé et maintenu bien entérinement a grant joye et a bon gré et de grant volenté. Moût y ot plus donné que Phelippe ne covenensa. Le bien matin issirent dou chasteau, et Phelippe de Nevaire livra la forteresse au seignor de Baruth et au seignor dou Thoron, qu'il dévoient garder les forteresses, si com se contenoit as convenances quy furent faites a Acre entre la reyne Alis et eaus. Messire Johan d'Ybelin conduist les Lônguebars la ou il vostrent aler. Adonc fu desraciné et arachélepesme ni des Lônguebars, si qu'onques puis n'orent pooir en Surie ni en Chipre«. Ensi fu prise la cité de Suret le chasteau, en l'an de. m. if. et xui^.
VARIANTES l-T NOTES CRITIQUES
P :z=z copie du ms. de Cérines, exécutée par M . Perrin (Paris, Biblioth. nat., nouv. acq. franc., 6680).
R =z édition Gaston Raynaud.
