La soute au pain et au biscuit

[i608] DE BEAULIEU-PERSAC. 9

avec quatre soldatz, qui méritent pour l'honneur qu'ilz s'acquirent de demeurer avec moy, que l'on sçache qu'ilz se nommoient Bidaches, Mombrun, Pigeolas, Reiges, avec lesquelz je me résolus de mourir ou d'esteindre le feu. Hz descendirent avec moy entre les deux tillacz du navire où estoit la cuisine, tellement proche du feu qu'il ne se pouvoit dire davantage. Et eusmes recours à tremper dans la mer par les sabords des canons de grandes robbes faictes à la flamande, qui ont le poil fort long et de grands capuchons ; lesquelles robbes nous mismes sur nous ainsi trempées, et nous envelopasmes tous cinq chascun dans sa robbe, et entrasmes dans la dicte cuisine, nous frottans contre le rempart avec nos dittes robbes, que l'on nomme en ce pais la ferline. Et fîsmes tant par plusieurs fois que nous remouillasmes nos robbes, rentrans tousjours dans la cuisine, que nous esteignismes le feu. Ce ne fust sans nous bien brusler les pieds et les mains. Mais nous sauvasmes le navire : ce qui m'obHgea à l'heure mesme de faire rompre la cuisine et la mettre à la proue du navire.

Tous mes gens revindrent à bord, et fis rendre grâces à Dieu, deffendant à ceux qui estoient demeurés avec moy de ne rien dire aux autres et ne leur faire aucun reproche d'estre sortis du vaisseau, craignant de les perdre, outre que le péril estoit si manifeste que je les excusois : et crois que j'en eusse pas faict moins qu'eux, si je n'eusse esté attaché par honneur à ne point survivre à la perte du vaisseau, lequel enfin Dieu conserva.

Je partis trois jours après du dict Tessel, et me mis à la mer, et fis ma routte droict au Havre de Grâce.

Je fus chargé au travers du cap de Bouloigne en Picardie^ d'un grand coup de vent qui me dématast du mas et du trinquet^, ce qui me contraignit de relascher à la Dune d'Angleterre^, où arriva sur les quatre heures du soir. Je mouilla l'ancre auprès d'une remberge* d'Angleterre, nommée VAdvangarde^, qui estoit pour lors à la dicte rade, accompagnée de son vice admirai : lesquelz vaisseaux estoient si près de moy que je donna sonde sur l'une de leurs ancres.