Cagliari, en Sardaigne

[Juin 1609] DE BEAULIEU-PERSAC. 37

dant advis de la sorte que nous procéderions à l'exécution de l'entreprise que j'avois de brusler les vaisseaux et navires qui estoient assemblés soubz la forteresse de La Goulette. Je les treuva tous portés à ma volonté et à l'exécution de ma proposition, et n'y en eust un seul qui ne l'approuvast grandement, sinon le Frère servant de la Religion, qui protesta contre moy, si je menois le vaisseau chargé de blé, que c'estoit robbe^ de la Religion et qu'il en protestoit s'il en mésarrivoit. Il faisoit, à ce que je crois, cela pour sa descharge et non pour autre considération. Je protesta de mon costé contre luy que je laissois soubz une bonne forteresse amie de la Religion, qui est Caillery, et que je m'en alois à La Goulette essayer de brusler l'armée qui yestoit, et que je ne le priois point d'y venir, mais bien de s'en aller à Malte ou demeurer soubz la dicte forteresse.

Je me sépara donc d'avec luy, luy ordonnant de demeurer soubz la dicte forteresse. Et soudain me mis à la voile à l'entrée de la nuict, qui estoit la veille de Saint-Jean^. Et quand nous fusmes à la mer sur le chemin de La Goulette, je fis tirer quantité de canonades et jetta force feux en l'air, en l'honneur de Saint- Jean -Baptiste, et fismes nos prières accoustumées^

1. Par a robe » (en italien roba), on entendait tout espèce d'effets embarqués, la pacotille d'un matelot, les marchandises d'un navire.