Chapitre X

Destruction de la flotte tunisienne au combat de La Goulette.

Nous touschasmes tous à la main* et nous ambrassasmes tous, et pris congé d'eux, me retirant sur mon vaisseau, après avoir résolu ensemble l'ordre de nostre navigation, qui fust que je fairois l'advant garde, leur vice-admiral avec moy, et que tout ce que je leur ordonnerois seroit faict. Nous prismes dont la routte de Tunis et navigasmes toute la nuict sans faire grand chemin, les ventz nous estans contraires, qui feurent durant six ou sept jours miiour^ et labesche^, ce qui enuioit grandement les Espagnols, et feurent constraintz de me dire qu'ilz s'en vouloient aller en Espagne, si le temps continuoit. — Je leur dis que j'estois résolu d'attendre et que je ne rendrois jamais le port que je n'eusse faict réussir mon entreprise. — Ils me dirent que, s'ilz s'en alloient, ilz me fairoient un signal qui seroit d'un coup de canon.

La nuict estoit fort obscure lors qu'ilz s'en allèrent, et ne tirèrent poinct. De sorte que, le matin, nous ne vismes plus d'Espagnols, ce qui estonna partie de mes gens qui commanceoient desjà à dire que les Espagnols eussent cogneu que nostre dessein eust peu réussir, ils ne nous eussent pas quitté, mais que je

1. « Nous nous touchâmes la main », selon l'habituelle façon de conclure un marché ou de sceller un contrat.