Sud-ouest

58 MÉMOIRES [Juillet 1609]

les voulois mener à la boucherie et qu'il ne m'en échapperoit pas un de tout l'équipage et que je faisois trop bon marché des hommes. L'on me vint donner advis de l'entretien de ces Messieurs : lesquels je fus trouver dans leurs discours, et leur fis une telle honte qu'ilz eussent voulu estre à recommancer.

Nous demeurasmes tousjours le costé au vent, attendant le temps qui nous arriva sur les trois heures après midy, durant lequel nous vismes revenir nos Espagnols avec un ponant* et mestre^, qui estoit le temps que nous désirions avec passion. Je leur fis tirer un coup de canon pour voir si c'estoient bien eux. Jls me firent riposte. Nous nous rassemblâmes et leur fismes reproche de s'en estre allés sans nous dire adieu. Hz s'excusèrent sur la mauvaise garde de leur sentinelle, qu'ilz me dirent avoir faict chastier.

Nous prismes donc le chemin droit à la Goulette et d'autant que les ventz estoient frais, je fus d'advis que nous missions à sec^ et que, de la segonde garde venant à la tierce^, nous fairions seulement voile du trinquet jusques au jour, de crainte d'outrepasser l'emboucheure du goulfe de Tunis et qu'il valoit mieux demeurer de l'arrière que d'outrepasser, ce qui fust faict ^, et observasmes nostre ordre si heureusement