CHAPITRE V
Du succès des et esche: de Brabant et aultres.
XI. Pendant que les choses passoient en ceste manière, ne cessoit le murmure du peuple, ains croissoit de jour en jour, principallement en Brabant pour cause de la cour illecq résidente, ou telz affaires se traictent ordinairement : et ne défailloient aulcuns de mauvais volunté, qui taschoient de mectre le peuple en troubles , afin de détourner et empêcher le bon succès des nouveaulx eveschez. Et, comme pour l’archevesché de Malines et pour les eveschez d’Anvers et de Boisleducq estaient ordonnées les trois abbayes principales, d’Afflighem, de Sainct Bernard, et de Tongerloon, se forma une requeste de la part des prélatz de Brabant estans des Estatz par laquelle fust remonstré que les dits pré-
1 II est inexact de diro qu'il y ait eu à cette occasion une esjiéce de désunion entre les nobles. Yigfliu» nous a appris le véritable motif de l'abstention de quelques-uns d'entre eux. Voyei plus haut, p. 51.
latz n’entendoient d’ernpescher ou en façon quelconcque contrevenir à la bonne intention de Sa Majesté et l’érection des dits eveschez, mais que c’estoit contre leurs privilèges jurez par Sa Majesté et semblablement contre l’intention des fondateurs des dits monastères, de les donner en commende ausdits eveschez : supplians partant que Sa Majesté y voulust rémédier. Et ores que de la part de Sa Majesté leur fust répondu, que la ditte incorporation n’estoit en forme de commande , et qu’aussy n’estoit contraire à la bonne volunté de leurs fundateurs , ains concernoit la conservation de la sainte foy catholicque, et par conséquent des mesmes monastères et aultres lieux pieux, qui sans la grande diligence, soing et sollicitude de Sa ditte Majesté estoient en danger de se perdre bien tost, comme se veoit par exemple ès Royaulmes et Estatz circonvoisins, touttesfois ne se pouvoit rien achever avecq eulx , ains continuèrent en leur propos et demande , sy avant que l’on dict qu’ilz ayent despendu plus de 30,000 florins en consultations de gens de lettres recherchez en Italie, Allemaigne et aultres lieux. Et combien que ce non obstant sembla peu à propos à ceulx du conseil de Sa Majesté tout ce qu’ilz alléguoient, fust faicte sy grande instance, que pour cause d’icelle Sa Majesté a esté content de supplier Sa Saincteté, qu’icelle fust servye de remectre les dits monastères en leur liberté accoustumée, à charge de payer huict mille florins de rente annuelle pour applicquer ausdits archevesché et eveschez. Et comme l’on pensoit que par ce moyen s’acheveroient touttes les aultres diflicultez, il en est succédé tout au contraire. Car
[ 1563 ] DHOPPERUS. ^
non obstant que les dits prélatz avoint faict semblant d’estre très contens de l’érection des eveschez, selon que nous avons dict, se sont du depuis joinctz aux aultres membres de Brabant, supplians n’estre mis aulcun evesché nouveau audit pays , ou du moings n’en avoir qu’un seul en la ville de Louvain.
XII. Est aussy asçavoir, qu’estant venu à la cognoissance de ceulx d’Anvers, que se debvoit mectre un siège épiscopal en leur ville, se monstrèrent fort mal contens et grevez, donnans à entendre que toutte la traicte et négotiation viendroit à faillir par ce moyen. Et de faict envoyans leurs procureure et députez à Sa Majesté en Espaigne, après longue poursuicte, a esté parcticqué, que leur fust octroyé, que ledit evesché ne seroit mis en leur ville, jusqu es à tant que Sa majesté viendroit pardecà. Et soit que les aultres provinces ayent prins leur exemple de ceulx de Brabant, ou qu’ils l’ayent faict de leur propre mouvement, il est véritable, que comme ceulx de Brabant ont esmeu touttes ces difficultez, semblablement a esté faict par les aultres , partie pour s’estre monstrez fort difficiles à recepvoir leurs evesques, et partie pour les avoir absolutement refusez, sans donner audience à tout ce que leur a esté proposé et mis enavant de la part de Sa Majesté et ainsy pour le jourduy sont demeurez sans evesques ceulx d’Anvers, Ruremonde, Deventer, Groeninghe, et Leewarde , et ceulx de Malines et de Boisleducq sont sy peu respectez et de sy petite authorité, comme sy ce ne fust rien. Et est la commune opinion que tout cecy a prins son commencement de la ditte partialité, sans laquelle personne quelconcque n’oseroit
monstrer telle hardiesse comme l’on veoid. Aulcuns se plaindent non tant des eveschez establiz , comme des personnes des evesques qui leur ont esté donnez, principalement ceulx d’Utrecht et de Harlem,
