MÉM01BB

mais redoubté ses ennemys, quelques grands et puissans qu’ilz fussent, estant servy de tant bons vassaulx comme estaient les prédécesseurs desdicts seigneurs, aussy n’avoit icelle crainte de personne, tenant iceulx seigneurs pour vassaulx , qui jà partant des fois avoient faict monstre de leur vertu et loyaulté en son service , et esquelz il se confioit entièrement.

XCVII. Oultre la dicte lettre publicque escripvit aussy une aultre secrète à la duchesse, pour en user s’il vint ainsy à propos, disant qu’il estoit marry du mescontentement du prince d’Orenges et comte de Homes, et que Son Alteze leur dist de sa part, que non seulement Sa Majesté n’avoit soubçon d’eulx, mais au contraire les réputoit entre les principaulx et plus loyaulx de tous ses vassaulx. Furent oultre ce escriptes lettres diverses à plusieurs villes principales, en les adver tissant de la venue de Sa Majesté et de l’ordre qu’il espéroit de mcetre aux négoces en sa présence, des quelles lettres les bons subjectz furent fort alaigres et resioyz, et monstrarent très grand contentement.