Philippe de Croy, marquis d'Arschot, mort en

fort estrange, avecque le tort qu'on luy avoit faict. Passit oultre, et entryt en la chambre de Madame qui estoit accompaignié de tout plain de dames et s" et gens de conseil, et estoit mons'" de Hoocstraten^ avecque, et ly fièrent très grant chiere à l'Adventureulx et bon recueil, et parlèrent de plusieurs choses.

Et quant il eurent parlé, Madame appella Taudiencier, et mons'" de Hoocstraten et : « Dictes la charge que vous avés, car je ne me congnoy poinct en telle matière. s> L'audiencier dit à l'Adventureulx, de par Madame, que, puisqu'il estoit là venuz, qui failloit qu'il bailla sa foy à Madame. Et l'Adventureulx lui respondit que pour aultre chose n'estoit il venuz, comme il avoit desjà dict à Madame; et commença l'Adventureulx à parler et dict : « Madame, j'ay tant faict envers le vicheroy de Naples, avecque l'ayde de mes amys, qu'il m'a accordé de me venir rendre prisonnier entre voz mains, comme à la plus miséricordieuse dame du monde. Je suis icy pour faire ce qu'il vous plaira me commander. » A ceste heure là bailla foy à Madame et de ne partir de son congiez et de tenir prison là où luy plairoit commander. Et lui baillit Madame la main et luy dist qu'il fut le très bien venuz et qu'il arroit bonne prison, doulce et gratieuse; et luy dict encoires plus devant tout le monde : « Adventureulx, nous vous tenons en telz estime qu'il n'y a homme en France pour faire la guerre que nous aymons tant entre nous mains que vous. Et, sy la guerre dure, nous ne vous vouldrons poinct eschangier pour

1. Antoine de Lalaing, seigneur de Montigny, comte de Hoogstraeten, ministre des Finances des Pays-Bas.

le princes d'Orenges ; et ce vous doit estre grant honneur, car nous ne vous tenons poinct pour vostre argent, car de rançon vous n'en payrés jamais, mais c'est seullement pour vostre personne. »

A quoy respondict l'Adventureulx : « Madame, je vouldroye bien que me fassiés poinct si grant honneur et que me laissiez aller. » A quoy elle respondit qu'elle ne debatteroit plus de chose et qu'on adviseroit là où on le mettroit.

Et sur ce print congiez de Madame et allit baisier toutes les aultr^es dames, comme madame de Hoocstraten, madame de Vernueil et aultres dames qui estoyent de sa chambre.

Madame de Savoye monstroit fort chier avoir parlé audict Adventureulx et se contentoyt merveilleussement de luy et, comme il estoit sailli hors de la chambre, elle le renvoya quérir pour luy monstrer la maison de Hoocstraten qui estoit fort belle et jolye, laquelle il faisoyt bastir de nouveau. Ce faict, après qu'on luy avoit présenté le vin, se vouloit retirer en son logis, mais mons"" de Hoocstraten le retint au souper avecque luy, là où luy fut faict tout honneur qu'il estoit possible de faire. Et après souper se pourmenyt longtamps avecque le s" de Hoochstraten et tous les s*"', parlant de plusieurs choses, là où touttes les dames se trouvèrent en ung beau jardin; et quant la nuict fut venuez et que touttes ces bonnes chieres furent faictes, s'en retournit à son logis, là où fut convoyé par tout plain de gentilz hommes.

Comment VAdventureux, après avoir faict quelque séjours^ avecque madame de Savoy e, elle l'envoya tenir prison sur sa foy au chasteau de l'Escluse.

L'Adventureulx ayant demeuré à Hoochstrate avecque madame de Savoye v ou vj jours, faisant bonne chiere, Madame le festoya ung jour à ung souper avecque les dames, et après souper devisèrent de plusieurs choses et là fut conclud que de le soir Madame regarderoit à son affaires et qu'elle voulloit faire de luy et qu'elle luy en rendroit ce soir la responce de ce qui seroit conclud pour ce que ladicte dame voulloit despechier son voyage. Et s'en allit à Breda, petite ville à mons"" de Nassou, où estoit assamblez tous les estats de Hollande pour aulcunes affaires que Madame fut trois moys à desmeller et de là s'en debvoit tirer vers Boy le Duc pour aulcunes affaires, et y fit marchier la gendarmeriez des frontiers, pour ce que les trêves estoyent et qu'on n'avoit que faire : tellement que ceulx de Boy le Ducque vindrent à raison et fièrent en partye ce que Madame voullut. Après souper, Madame appellit ceulx de son Conseil et l'Adventureulx, lesquelle y allit, et après plusieurs devises avecque, Madame appella l'audiencier : « Dictes à l'Adventureulx ce que vous fault à luy dire de par moy et par tout mon conseille. i> L'audiencier luy dist en la présence de Madame et de tous ceulx qui estoient là : « Monsieur, Madame se contente très bien de vous, et avés bien tenuz vostre promesse en faisant v"" lieues pour vous venir rendre au jour que vous avez promis » ;