Le manuscrit porte : « secours

comment Madame avoit veu les lettres que le vicheroy luy avoit escript et que par lesdictes lettres l'Adventureulx n'estoit pas du tout prisonnier de Madame et qu'il y avoit dedans lesdictes lettres du vicheroy que TAdventureulx debvoit retourner devers luy en dedans six sepmaines après la semonce de Madame luy envoioit et par son bon congiez; et que s'il estoit du tout prisonnier à Madame qu'elle en useroit aultrement qu'elle ne feroit, et qu'il est ordonnez par le Conseil à l'assamblée tenue à Bruxelles trois sepmaines paravant là où estoyent trouvez tous les gros seigneurs du pays, et entre aultres le cardinal de la Marche, oncle de l'Adventureulx, là où il avoit estez conclud, quant l'Adventureulx avoit envoyez sa trompette signifier sa venuez, aller tenir sa prison sur sa foy au chasteau de TEscluse et de ne poinct aller sur les murailles de la place sans le sceuz de mons'" de Fyennes, gouverneur de Flandres, ou de son lieutenant audict chasteau, et de n'escripre lettre en lieu du monde, ne aussy en recepvoir sans les monstrer, et d'avoir le chasteau pour prison et de ne partir hors des portes sans lettres de Madame et sans son ordonnance ; et que c'estoit ung fort beau lieu et seroit bien traicté et ne luy fauldroit chose qui fut et que d'officiers et aultres gens il en trouveroit assez là. Et luy dict Madame qui n'estoit poinct coustumiers d'emprisonner les gens et qu'ilz ne failloit poinct qu'ilz eult peur de cela.

L'Adventureulx, après avoir toutte escoutez et avoir achevez tout leur propos, tant Madame que l'audiencier, ne perdit pas ung mot de leur proposition, et comme celuy qui avoit beaulcoup de telles affaires, respondit à l'audiencier, en la présence de Madame et

1525] DE FLORANOE. 277

de tout son conseil, et luy dict : « Mons' l'Audiencier, pour respondre à cela que m'avés dict, le premier poinct est que vous dictes que je ne suis poinct à Madame et que suis au vicheroy. Je suis advisé que je ne suis poinct au vicheroy et que suis à Madame et non à aultre à qui j'ay donnez ma foy; et quant il seroit aultrement, je suiscelluy à qui il touche le plus et qui il doibt plus regarder. Bien vray est que j'ay promys au vicheroy que s'il plaisoit à Madame je iray là où il sera, non pas là seullement, mais ailleurs; car il m'a sy bien traictié que quant ce seroit en bonne paix, si le vouldroye je aller veoir et luy faire le service là où je pourroye, pour les bons tours qu'ilz m'a faict et le bon traictement, moy estant avecque luy. Et si Madame me quitte sa foy que je luy ay baillié, j'en n'en cuide plus avoir à personne. Au regard que vous dictes que me voullés avoir au chasteau de l'Escluse, je le treuve fort estrange, veu que j'avoye toutte l'itallie pour prison et avoir faict v"" lieues pour venir au jour que j'ay promys, et avoir par delà le traictement si très bon qu'il n'estoit possible plus et me vouloir à ceste heure icy tenir ceste rigueur et me baillier ungne petite place sans aller dehors ne sur les murailles à l'air, et ne se fier poinct sur ma foy d'escripre lettres sans le préjudice de l'Empereur et de Madame et fault que je monstre mes lettres à tout le monde, je ne seray pas seulle qui le trouvera estrange, et pour ce, Madame, je vous supplie que vostre bon plaisir soit du tout me tenir sur ma foy ou de tout ne m'y tenir poinct . » A quoy Madame respondict : « Adventureulx, mon amy, n'ayez poinct peur d'estre mal traictiez, car vous le serez très bien touchant vostre bouche et sans poinct

de fault nous ne voulions poinct de vostre argent ne de vostre rançon; ne payerez jamais rienz, comme je vous ay dict par cy devant, et vous tenons en telle estime que, tant que la guerre durera, nous ne vous lairons poinct aller. De quoy vous debvez estre bien fier et sans poinct de fault que vous allez là et ne vous Toseroye faire aultrement, car il est conclud du conseil et puisqu'il est arresté il faut qu'il soit faict, car je ne sçaroye aller à l'encontre. »

A quoy respondit l'Adventureulx : « Madame, je me passeroye bien de ceste grant gloire que me donnés, s'il estoit possible. Et puisqu'il est force, je suis content d'y aller et faire ce qu'ilz vous plaira me commander; car pour aultre chose ne suis je icy venus; mais je vous asseure que vous me faictes tort et m'esbahys grandement comment vostre conseil a peu ordonnez dans mon affaire, veu que je n'estoye poinct présent et qu'il ne sçavoyent que je venoye faire, et sans poinct de faulte je prendray plus ceste matière pour ungne chose faicte par volunté* que par raison. » Et allors le seigneur de Hoochstraten voullut coulourer l'affaire le plus qu'il peult pour donner à entendre que Madame n'en povoit mays de ce qu'il se faisoit, ne luy aussy , et dict à l'Adventureulx tout bas à l'oreille

1. On ne voit pas très bien la raison qui avait poussé Florange à aller se mettre dans les mains de Marguerite d'Autriche. Y avait-il à ce moment une tentative de rapprochement avec les La Marck? Toujours est-il que ce passage de ses Mémoires nous montre qu'il était loin de s'attendre au traitement qu'on allait lui faire subir. Ces rigueurs ne peuvent s'expliquer que par la haine de l'empereur contre les La Marck et l'attitude embarrassée de Marguerite d'Autriche ne fait que souligner la volonté de l'empereur. Le prétexte des Anglais ne tenait pas debout.

devant Madame que Tambassadeur d'Angleterre qui estoit venuz depuis trois jours les pressoyent de ce faire, et luy dict : « Adventureux, ceulx de là l'eau nous en pressent fort et fault que nous contentons tous noz alliez et bons amys, et, je vous prie, ne vous mescontentez poinct, car vous estes en sy bonnes mains que tous voz affaires iront bien, et je vous laisse en convenir à Madame; et moy qui seray votre solliciteur envers elle, car vous n'eussiés sceu mieulx arrivez que au lieu là où que vous estes. » Or, l'Adventureulx qui sçavoit les affaires de France et de son maistre, quant il ouyt ces propos des Anglois commença à rire et ne respondit riens, sinon : « Bien, bien, je vous en croys »; car il sçavoit bien que les Angloys estoyent amys de France et que la paix estoit preste à crier entre eulx deux ; mais il ne le voullut poinct dire, pour ce qu'il n'estoit poinct de besoing ; car il y a voit six moys que les affaires estoyent bien prestez à conclure, et sçavoyt bien qu'ilz estoyent si prestz de la conclusion si bien faicte qu'il n'y auroit poinct de faulte, car xv jours après la paix fut crié entre le roy de France et le roy d'Angleterre ^ Touttes ces devises faictes^ l'Adventureulx, qui entendoit bien tout et qui n'estoit pas bien content, print congiez de Madame, laquelle luy fit beaulcoup de belles offres et de belles promesses, et la foy qu'elle avoit de le tenir prisonnier, voullut encoires avoir sa foy d'entretenir touttes les choses qu'elle luy avoit dictes : laquelle chose il promist et l'a tenuz. Après print congiez de mons'' de Hoochstrate qui alloit monter à che-

1. La paix entre la France et l'Angleterre fut signée le 30 août 1525 et ratifiée par Louise de Savoie le 25 septembre

val pour quelque traictez de trêves qu'il avoit avec mons'* le ducque de Gheldres, et aussy pour les affaires de Hollande dont il estoit gouverneur.

Le lendemain, TAdventureulx vint et print congiez de touttes les dames de la Cour et de madame de Sçavoye et de touttes le seigneurs qui y estoyent ; et se mist en chemin, faisant petites journées, car il ne voulloit faire que iiij lieues le jour, pour ce qu'il pensoit bien qu'il seroit assez tost là où il voulloit aller : aussy luy dict Madame qu'il ne se hastit poinct et qu'il fit telle journée qu'ilz voulloit. Et le vint conduyre jusques à demy lieues de Hoochstraten mons"" de Rosimbo^ maistre d'hostel de Madame, et tout plain d'aultres gentilzhommes ; et avoit pour luy tenir compaignie deux gentilzhommes, l'ung nommée Dyeppe et l'aultre Faulcueilz.

Or avoit Madame envoyé devant, vers mons'' de Fyennes, ung gentilzhomme nommée Gormaillon, de sa maison, pour l'advertir de la venuez de l'Adventureulx et pour regarder à son logis et à son traictement. A laquelle chose mist ordre le s"" de Fiennes, et vint ledict Gormaillon parler au seigneur de Beaufremez au chasteau de l'Escluze, soubz mons"" de Fiennes, et, après avoir parlé au seigneur de Beaufremez, s'en retournit ledict Gormaillon au devant de l'Adventureulx.

L'Adventureulx estant en chemin vint passer par Anvers, et passit la rivière à l'endroict du port, là où les navires arrivent. Luy estre passé l'eaue, trouvit ung groz bourg, sur le bort de la rivière, qui est au sei-

1. Pierre de Rosimbos, premier maître d'hôtel de Marguerite d'Autriche .

gneur de Montmorensy qui at espousé la fille de mons"" d'Iselstain : lequel, quant il congneu l'Adventureulx, luy fit ungne très grande chiere et bonne, et le festoya audict villaige, et l'accompaignit uni; jour ou deux et puis se despartit de luy. Et l'Adventureulx s'en vint par petittes journées jusques à EcloS là où il trouvit le seigneur Gormaillon qui luy dict des nouvelles de là où il venoit; et de là s'en allit à Notre Dame d'Ardembourg, qui est ung beau pelerinaige en Flandres, à deux lieues près de l'Escluse.

Ce faict, s'en vint à l'Escluse, là où il trouvit le seigneur de Beaulxfremez qui le receupt à la porte du chasteau et luy dist : « Monsieur, soyez le très bien venuz. » Et l'Adventureulx respondit : « Monsieur de Beaufremez, vous soyés le très mal trouvez, d Et luy dict aussy le s"^ de Beaulxfremez : « Monsieur, c'est la coustume que quelcquungz qui entre en ceste place, osté la personne du prince, il fault qu'il baille son espée : s'il vous plaict, vous l'osterez. » L'Adventureulx luy respondit et dist : « Mons"" de Beaufremez, voz vous joues, vous me faictes torjt ; car ung prisonnier qui est sur sa foy ne la doibt poinct oster. » Et incontinent luy fut rendue son espée, en soy excusant que c'estoit pour entretenir les anciennes coustumes de la maison.

Et estoit avecque luy mons"" de la Trouillerie, gentilhomme de la chambre de l'Empereur, fort honneste homme, et ung aultre jeune gentizhomme, nommée mons'' de Vaulx, qui s'en vouUoit aller en Espaigne vers l'Empereur; et avoyent eulx tout plain de bagaige, et aultres que madame de Savoye envoyoit à l'Empereur, et entendoyent le vent de heure en heure ;