Eccloo, ville à mi-chemin entre Gand et l'Escluse

et cependant fièrent bonne chiere audict Escluse avecque TAdventureulx.

Et vous asseure que le seigneur de Beaufremez et sa femme, qui est ungne très honneste dame, fièrent merveilleusement bon recueil et bonne chiere audict Adventureulx, si très bonne qu'il n'est possible mieux. Et luy a tenu le s"" de Beaufremez compaignie jusques au bout, nonobstant qu'il fut fort mallade et que l'aire dudict Esecluse, qui n'est pas bon, luy fit beaulcoup de mal. Et en ce tamps avoit ungne flotte de ij"" navires d'Espaignes, au port d'arme en Zelande, et debvoit aller ledict seigneur de la Trouillerie avecque eulx. Le vent vint bon, et partirent et vindrent passer tout près de l'Escluse, en sa veue dudict Adventureulx, et les faisoit merveilleusement beau à veoir, car il estoyent bien ij'' navires ensamble.

Et en ce tamps aussy vint à l'Escluse le s'' de la Bouteillerie, filz bastart du connestable de Sainct Pol, fort honneste homme et père dudict s'' de Beaufremez, lequel fit fort bonne chiere audict Adventureulx.

Comment mess^ des lighes des Suisses envoyèrent leur ambassadeur en Flandres, vers madame de Sçavoye, pour recouvrer V Adventureulx ; et comment ledict ambassadeur vint au chasteau de V Escluse.

Mess'' des lighes voyant l' Adventureulx prins, lesquel il aymoient fort et le vouUoyent avoir délivré pour trois raisons, la première pour ce qu'il est leur bourgoys et alliez, l'aultre pour ce qu'il estoit chiefz gênerai des Suisses, et l'aultre pour ce qu'il avoit estes prins avecque eulx, pour ceste cause et aultres affaires qu'il avoyent, mess" des lighes fièrent assambler tous

les quentons à Lucerne; et là, ayant débattus beaulcoup de choses de tous leurs affaires, entre aultres conclurent d'envoyer ungne ambassade par devers madame de Savoye, qui estoit leur bourgoise et alliez, avecque lettres de créance. Et s'appelloit ledict ambassadeur messir Joosse Bermater, du quenton des Valleises, gentilz capitaine et saige homme, et avecque luy un messagier de Berne; et vindrent vers madame de Sçavoye, laquelle leur fît merveilleusement bonne chiere, comme la raison le voulloit. L'ambassadeur luy baillit les lettres dont la teneur s'ensieult, et luy dict les recommandations de mess""' des lighes ; et après que madame de Sçavoye eult lict ses lettres, luy demanda sa créance. A laquelle l'ambassadeur respondit qu'il n'avoit poinct charge de luy rienz dire tant qu'il auroit [vu] l'Adventureulx; car c' estoit pour luy et pour son affaire qu'il estoit venu, comme elle povoit veoir par les lettres. Et Madame luy dict que le lendemain elle luy rendroict responce et luy fut faict bonne chiere. Le lendemain Madame le fîst appeller et luy dist qu'elle avoit estes conseilliez de le laisser aller à l'Escluse devers l'Adventureulx et qu'elle luy bailleroit ung gentilzhomme des siens pour le conduire et le mener jusques là ; et luy baillit congié par telle sy qu'il ne parleroit à l'Adventureulx que devant mons' de Beaufremez, capitaine du chasteau de l'Escluse, et devant ledict gentilhomme et qu'il ne parleroit poinct alleman.

Laquelle chose il fièrent et vindrent audict chasteau de l'Escluse; et vous asseure que l'Adventureulx leurs fit bonne chiere, car il venoyent por ces affaires et le congnoissoit de longtamps; et sy l'Adventureulx fut bien ayse, encoires le furent il plus. Le matin vindrent

et, devant disner, débattirent de leurs affaires devant le capitaine du chasteau et lediet gentilzhomme ; et dict Tambassadeur à l'Adventureulx comment mess" des lighesTavoyent expressément [envoyez] devers Madame pour son affaires. Et luy dict l'ambassadeur, en la présence de eulx tous, mess" des lighes se recommandoyent bien fort à luy et qu'ilz avoyent que depuis qu'il estoit là retourné sur sa foy, qu'on ne luy avoit pas faict tour honneste et qu'on l'avoit enserrez^ et mal traictié ; et qu'il n'avoit seullement que charge de ses supérieurs d'entendre, veu les tours qu'on luy faisoit, se avoit faict quelque choses, depuis qu'ilz estoit arrivez au pays, qu'il ne fut poinct honneste. A quoy respondict l'Adventureulx devant tous qu'il n'en pensoit poinct avoir faict ne pensoit faire et qu'il ne pensoit poinct avoir riens meffaict, sinon que c'estoit leur volunté de le traictier ainsy. A quoy respondit l'am-

1. Florange eut à subir une prison fort dure et sa plainte d'avoir été enserré s'explique fort bien par ce passage des comptes de Jean Micault, receveur général en Flandre (archives du Nord, B 2333, fol. 198) : « A Jehan Bonnot, escuier tranchant de madicte dame (Marguerite de Savoie), la somme de deux cens deux livres douze sols dudict prix que, par le commandement et ordonnance dudict seigneur Empereur, ledit receveur gênerai luy a baillé et délivré comptant pour semblable somme que deue luy estoit pour, par ordonnance de ma dicte dame, estre parti du dit Malines le 29^ jour de décembre 1525 et allé avec François de Maercke, escuier, capitaine des archiers de madite dame à l'Ecluze, pour faire faire une caige de bois forte et bien fermé pour couchier de nuit d'icelui seigneur de Floranges pour estre tant plus asseuré de sa personne. » Nous sommes loin du « bon traictement » promis à Florange par M™^ de Savoie; il est vraisemblable que ces mauvais traitements appliqués par ordre de Charles V à Florange aient été une sorte de chantage contre les La Mark.

bassadeur qu'il avoit desjà bien entendus et qu'il en feroit le rapport à mess" des lighes, et qu'il avoit charge de dire à madame de Savoye, qui estoit leur bourgeoise comme luy, qu'il voulloyent et entendoyent garder le droict de l'Adventureulx, comme il estoyent tenu de faire à cause de leur bourgoysée jusques au dernier homme de leur pays. Et sur cela disnerent, et, après disner et devisé de plusieurs propos et aussy luy avoir demandé comment se portoyent tous les vieulx capitaines de sa congnoissance, l'Adventureux escripvit une lettres à madame de Sçavoye, en le remerciant très humblement du bon tour qu'elle luy avoit faict d'avoir consenty que l'ambassadeur parlit à luy. Et aussy en escripvit ungne aultre à mess" des lighes, en les remerciant aussy du bon tour et de la bonne amytié qu'il luy portoyent, en leur suppliant tousjour y vouUoir continuer. Et aussy bailla audict ambassadeur quelques articles touchant son affaires, pour les baillier à madame de Sçavoye, lesquelle s'ensuyvent premièrement. Touttes ces lettres faictes, deux heures après disner, ledict ambassadeur se partit avecque le gentilzhomme pour retourner à Mallines où Madame estoit arrivée. Ledict ambassadeur arrivé devers Madame, baillit ces lettres et débattit avecque elle et avecque le Conseil les articles de l'Adventureulx; et pour en faire fin, elle n'en voullut pas ung accorder, et fit responce à l'ambassadeur qu'elle ne toucheroit à l'affaire de l'Adventureulx sans le commandement de l'Empereur, desquelle elle envoyoit en diligence pour en avoir ungne resolution et que, sans poinct de faulte, elle pourchassoit sa délivrance aultant qu'elle povoit; et fit les plus honneste excuses