Lire : le Mein, affluent du Rhin

mon s" de Maileroy, laquelle ne l'a voit poinct abandonnez tout le dict voiage.

Ces nouvelles sceus et attendues par les ambassade[ur]s se misrent tous en conseil pour leur retraicte et pour saulver eulx et le demeurant de l'argent du Roy qu'ilz avoyent, et aussy pour ce qu'il estoient adverty qu'ilz (n')y avoit entreprinse sur eulx, et de long temps, et sur le dict argent; mais elle ne se osoit descouvrir jusques à tant que la dicte élection fut faict. Et [fut] conclud par les dicts ambassadeurs d'attendre la revenue de mons' de Trêves de Francquefort, qui debvoit estre de là à deux jours. Et luy venu et parlé avecque de tous les affaires, cela faict, bailla conduicte aus dictes ambassadeurs pour retourner en France, et les fit conduire jusques en Lorraine, oîi mons' le ducque de Lorraine leur fit merveilleussement bonne chiere, et de là les envoyèrent sçavoir au Roy ces nouvelles : lesquelles ne luy pleurent pas fort, [moins] pour la valleur de l'Empire, que pour la honte.

Mons" d'Orval et l'Adventureux retournèrent pai^ devers le Roy, et l'Admirai demeura en Lorraine pour ung mal de teste qu'il avoit, qui s'appelle la verolle, et alla au baing de Ploniez*, là ou il fut sept sepmaines, et fut de trois moys sans venir devers le Roy.

L'élection de l'empire achevez, fut ordonné par tous les électeurs et princes de l'Empire d'envoyer ungne ambassade devers le roy de Gastille, et luy porter les nouvelles comment il estoit esleut Empereur et luy

1. Plombières, dép. des Vosges, ch.-l. de cant. de l'arr. de Remiremont.

dire d'aultres choses pour les faictes de l'Empire ; et fut regardé qu'on y envoyroit un groz personnaige d'Allemaigne avecque luy, [qui feust Ferry, comte palatin]. Et estoit le roy de Gastille en Espaigne, en la ville de Barselonne, là où le trouva le dict conte Ferry* et luy dict la charge qu'il avoit par les électeurs et princes d'Allemaignes ; de quoy le Roy fut fort joyeulx, et en avoit bien cause; et de là en avant on le commença appeller l'Empereur. Et se mist, en la plus grande diligence qu'il peult, mettre ordre en ses affaires d'Espaignes, pour venir prendre la possession de l'Empire; et fist accoustrer son equippaige de mer^, et s'en vint descendre au pays d'Angleterre et de là en Flandre et Brabant ; vindrent avecque luy la plus grande parties des princes d'Espaignes.

Comment le roy dé France et le roy d'Angleterre se vindrent ensamble entre Ardres et Calaix, anno 1520\

Les ambassadeurs d'Angleterre, estans retournée devers leurs maistre, firent tant, avecque le bon rapport qu'ilz firent du roy de France, qu'il prindrent jour^ le