Le manuscrit porte : plus
2. « Apres leur parlement, je entens qu'ilz conclurent que le dymenche ensuyvant le Roy de France yroit visiter et faire son festin a Guynes avec la Royne Dangleterre : et aussi que le Roy Dangleterre yroit a Ardres visiter la Royne de France laquelle il appelloit sa seur et Madame sa mère. » Voir La description et ordre du camp..., citée plus haut, p. 15.
matin, qui n'est pas sa coustume, et print deux gentilz hommes avecque luy et ung paiges, le premier trouvez, et monte à cheval sans estre houzée, avecque une cappe à l'espaignolz, et vint devers le roy d'Angleterre au chasteau de Ghynes. Et quant le Roy fut sur le pont du chasteau, les Angloys s'esmerveilloyent et ne sça voient que leur estoit advenuz. Il y avoit bien ij" archiers sur le pont, et y estoit le gouverneur du dict Ghynes dessus le dict pont et y estoient les dicts archiers. Et quant le roy veit qu'ilz estoient estonnez qu'ilz passoit parmy eulx, leur demanda où est la chambre du roy son frère, laquelle fut enseignez parle dict gouverneur de Ghynes, [qui] luy dist : « Sire, il n'est poinct encorre esveillié » . Et passe tout oultre, et va jusques à la dicte chambre hurter à la porte, et esveille le roy d'Angleterre et entre dedans. Et ne fust jamais homme sy esbahys que fut le roy d'Angleterre : « Mon frère, vous m'avés faict le meilleur tour que jamais homme me fit, et me monstres la grande fiance que je doybt avoir en vous ; et de moy je me rends vostre prisonnier de ceste heure et vous baille ma foy. » Et se defïit ung collier, qui valloit xv mille angelots, et pria au roy de France que le vollut prendre et le porter ce jour là pour l'amour de son prisonnier. Et soudain le roy, qui luy voulloit ung mesme tour faire, le roy de France print le sien de son col et le vollut donner au roy d'Angleterre, laquelle choze ne refusa. Et se voullut lever le roy d'Angleterre et le roy de France luy dist qu'il n'arroit poinct d'aultre vallet de chambre que le roy de France, et luy chauffe sa chemise et luy baille. Et quant il fut levez, le roy de France s'en voullut retourner, non obstant que le roy d'Angleterre
le voulloit retenir avecque luy au disner; mais, pour ce qu'il failloit jouster après disner, il s'en vouUut aller, et monte à cheval et s'en revi[n]t à Ardre, là où il troeuve beaucoup de gens de bien qui venoyent au devant de luy, et entres aultres l'Adventureulx qui luy dist : « Mon maistre, vous estes ung folz d'avoir faict ce que vous avés faict, et suis bien ayse de vous veoir icy; et je donne au dyable cestuy qui vous a conseilliez. » Et fit responce le roy que jamais homme ne l'avoit conseilHé et qu'ilz sçavoit bien qu'ilz n'y avoit homme en son royaulme qu'ilz luy voulsist donner telz conseils, et commença à compter ce qu'il avoit faict au dict Ghynes, et s'en retourna ainssy jusques à Ardres en parlant, car il n'y avoit pas loing.
Sy le roy d'Angleterre estoit bien ayse du bon tour que le Roy de France luy avoit faict, et ancorre estoyent plus aise tous les Angloys, car il n'eussent jamais pensée que le roy de France leur eult faict ung telle tour, ne qu'ilz ne se voullut mettre entre ses mains.
Et pour ce qu'ilz y avoit eux des grosses difficultées pour leurs venues, affin qu'ilz ne fussent poinct plus forts l'ung que l'aultre, le roy d'Angleterre, voyant ce que le roy de France luy avoit faict, le lendemain matin en vint faire aultant au roy de France que le Roy luy en avoit faict ; et se refirent présent et bonne chieres aultant ou plus que par devant; et, se faict, s'en retourna le roy d'Angleterre à Ghynes.
Gela faict de l'ung à l'aultre, les joustes* se com-
1. Sur ces joutes, voir Marino Sanuto. Diarii, t. XXIX, col. 22, 24 et 27. — « Le lundi, xi'^ jour de juing, commencea le tournoy, lequel dura dix ou douze jours. Chacun jour les Rois de France et d'Angleterre, les Roynes, Madame mère du Roy
mencerent à faires, qui durèrent huyct jours et furent fortement belles, tant à piedz comme à cheval : et estoyent six Angloys tenant et six Françoys, et les roys qui estoient venans ; et menoient les princes [et] les capitaines françoys chascun dix ou xij hommes d'armes, abilliez de leurs couleurs ; et T Adventureulx en menoit XV, et povoient bien estre en tout, tant Françoys que Angloys, trois cens hommes ; et vous asseure que c' estoit belle chose à veoir. Le lieu où estoient les joustes estoient touttes fortiffiez, et y avoit ungne barrière du costé du roy de France et ungne aultre du costé du roy d'Angleterre. Et quant les roys estoient dedans et les dames et touttes la seigneurie, estoit dict par nombre combien en debvoit entrer de chascune costez; les archiers du roy d'Angleterre et les capitaines de ses gardes gardoient le costé du roy de France, et les capitaines de la garde et archiers et Suisses du roy de France gardoient le costez du roy d'Angleterre ; et n'y entroit^ à chascun [coup] que la bende qui debvoit jouster et, quant ceulx là estoient failly, ungne aultre y entroient; et y eult merveilleussement bonne ordre de tous les costez, et, sans debatz, qui est ungne grand chose à une telz assamblez.
et la Royne Marie alloient audict tournoy, et coururent plusieurs fois le Roy et le Roy d'Angleterre, les François et Anglois, sans qu'il y eust aucun débat ou question entre eulx et conversoient ensemble familièrement. Au lieu où fut faict ledict tournoy, qui estoit dans un champ à my-chemin d'entre Ardres et Guynes, y avoit plusieurs eschaffaulx couvertz et deux petites maisons de bois au bout des lisses pour rafraîchir les Rois après qu'ilz avoient couru » [Journal de Jean Barrillon^ t. II, p. 171).
