Le manuscrit porte : entrer

Après les joustes (et) les luytiers d'Angleterre venoyent et ceulx de France, et luytoyent devant les roys et devant les dames, qui fut beaulx passe temps ; et y avoit des puissants luytteurs, et n'avoit poinct le roy de France faict venir les luytteurs de Bretaigne et eurent les Anglois le pris. Et après, allèrent tirer de l'arcque, et le roy d'Angleterre luy mesmes qui estoit ung merveilleux bon archier et fort, et le faisoit bon à veoir.

Après, il se retirèrent à ung pavillon le roy de France et le roy d'Angleterre et là buverent ensamble. Cela faict, (print) le roy d'Angleterre print le roy de France au collet et luy dist : « Mon frère, je veulx luytter à vous », et luy donne ungne estrappe ou deux. Et le roy de France, qui est fort et bon luytteur, luy donne ung tour de Bretaigne et le jette par terre et luy donne ung merveilleux sault. Et voulloit le roy d'Angleterre encorre reluytter, mais tout cela fut rompu et failloit aller souper. Et tous les jours venoyent i'ung l'aultre, ostez ung jour pour eulx reposer, et quant les Françoys estoient avecque les Angloys^, (et) venoyent souvent les seigneurs et dames d'Angleterre couchier au logis des Françoys, et tous les jours faisoyent bancquetz et festins. Et après le plus grant festins fut et tout Testât des deux roys se vint loger dedans les lisses, où avoit beaulcoup de maisonnaige de bois. Et par ung matin fut chanté la grande messe ^ par le cardinal d'An-