VICISSITUDES DES ÉTATS ET DES PRINCES

estre en ung royaulme qui ne soit bien douloureuse pour la pluspart ; et combien que aulcuns y gaignent, encores il y en a cent foiz plus qui y perdent ; et si fault! changer mainte coustume et forme de vivre à telle mutation, car ce qui plaist à ung roy desplaist à l’autre. Et comme j’ay dict en ung aultre endroit ?, qui vouldroit bien regarder aux cruelles et soubdaynes pugnitions que Nostre Seigneur a faict sur les grans, puys‘ trente ans en Ça, on en y en trouveroit plus que en deux cens ans paravant, à comprendre? France, Castille, Portingal, Angleterre, le royaulme de Napples, Flandres et Bretaigne. Et qui vouldroit escripre les cas particuliers, que tous j’ay veüz (et presque tous les personnaiges, tant hommes que femmes), on en feroit ung grand livre et de grande admiration ; et n’y eust-il seullement que ce qui est advenu despuys dix ans et par où‘ la puissance de Dieu deveroit estre bien congneüe et entendue ; et sont les coups qu’il donne sur les grans bien plus cruelz et plus poisans et de plus longue durée que ne sont ceulx qui donne sur les petites gens. Et enfin me semble que, à tout bien considerer, qu'ilz n’ont guères d’avantaige en ce monde plus que les aultres. S’ilz veullent bien veoir et entendre pour eulx qu’ilzé voyent* advenir à leurs voisins et avoir craincte que le semblable ne leur advint*, ilz le congnoistroient : car, eulx, ilz chastient leurs hommes qui vivent soubz eulx à leur plaisir, et Nostre Seigneur dispouse d’eulx à son vouloir, car aultre n’ont-ilz par dessus eulx!. Et est le païs ou royaulme bien eureux/

a. sur les grans princes depuis, éd. Dupont. — b. à y comprendre éd. Dupont. — c.et par là éd. Dupont. — d. ce qu'ilz éd. Dupont : même sens. — e. adviengne, car éd. Dupont. — f. heureux éd. Dupont : même sens.