C'est-à-dire : ils convinrent comme signal

154 SORTIE DES LIÉGEOIS (29 octobre 1468)

desarma, ce que encores n’avoit faict, et feist desarmer tous ces gens pour eulx rafraichir, et par especial tous ceulx qui estoient en ceste granche. Bien tost après, comme si ceulx de la ville en eussent esté advertiz, ilz deliberèrent de faire une saillie de ce costé, aussi bien comme avoient faict de l’autre.

[CHAPITRE XII] [SorTIE DES LiéGEoIs]

Or, nottez comme ung bien grant prince et puissant peult très soudainement tumber en inconvenient, et par bien peu d’ennemys; pour quoy toutes entreprinses se doyvent bien peser et bien debattre avant que les mectre en effect.

En toute ceste® cité n’y avoit ung seul homme de guerre, sinon de leurs territoires. I1z n’avoyent plus ny chevalier ne gentil homme avec eulx; car ce petit qu’ilz en avoient avoit esté tué ou blessé deux ou trois jours auparavant. Ilz n’avoient portes ne murailles ne fosséz ny une seulle pièce d'artillerie qui riens vaulsist, et n’y avoit riens que le peuple de la ville et sept ou huit cens hommes de pied, qui sont d’une petite montaigne au derrière de Liége, appellé le pays de Franchemont!; et à la ville ont esté tousjours renomméz très vaillans ceulx de ce quartier.

Et, se voyans desesperéz de secours, veü que le roy estoit là en personne contre eulx, se deliberèrent de faire une grosse saillie? et de mectre toutes choses en adventure, car aussi bien se veoient-ilz perduz. Et fut leur conclusion que,

a. celle P.

1. Le Franchimont est situé au sud-est de Liége, entre Angleur et Malmédy.