Entendez : une sortie en masse

ait GO gle JNIVERSITY OF

SORTIE DES LIÉGEOIS (29 octobre 1468) 155

par les troux de leurs murailles qui estoient sur le derrière du logis dudict duc de Bourgongne, ilz sauldroient{ six cens hommes du pays de Franchemont, tous les meilleurs qu’ilz eussent. Et avoient pour guyde l’hoste de la maison où estoit logé le roy et aussi l’oste de la maison où estoit logé le duc de Bourgongne; et povoient venir par ung grant creux d’ung rocher assez près de la maison de ces* deux princes, avant que on les apperceüst, moyennant qu’ilz ne feïssent point de bruyt. Et, combien qu’il y eust quelques escoutes en chemin, il leur sembloit bien qu’ilz ies tueroient ou qu’ilz entreroient aussitost au logeïs comme eulx. Et faisoient leur compte que ces deux hostes les mèneroient tout droit en leurs maisons où ces deux princes estoient logéz et qu’ilz ne se amuseroient point ailleurs. Par quoy les surprendroient de si près qu’ilz les tueroient ou prendroient avant que leurs gens fussent assembléz et qu’ilz n’avoient point loing à se retirer et que{ au fort?) se il failloit qu’ilz mourussent pour executer une telle entreprise, qu’ilz prendroyent la mort bien en gré, car aussi bien se veoient-ilz de touz poinctz destruictz, comme dit est.

I1z ordonnèrent oultre que tout le peuple de la ville sauldroit de‘ la porte, laquelle respondoit du long de la grant rue de nostre faulxbourg, avecques ung grant hu‘, esperant desconfire tout ce qui estoit logé en cedict faulxbourg. Et n’estoient point hors d’esperance d’avoir bien une grant victoire, ou, à tout le moins et au piz venir, une bien glorieuse fin. Quant ilz eussent eu mil hommes d'armes avec eulx de bonne estoffeé, si estoit leur entreprinse bien grande.

a. ses D. — b. à À. — c. par P. — d. de bonne estoffe avec eulx À.