ASSEMBLÉE DE TOURS

d'avril l’an mil quatre cens LXX®, ce que jamais n’avoit faict ny ne feïst depuis, mais il n’y appella que gens nomméz et qu'il pensoit qu’ilz ne contrediroient pas à son vouloir. Et là feit remonstrer plusieurs entreprinses que ledict duc de Bourgongne faisoit contre la couronne et y feïst venir plainctif! monsr le conte d’Eu, lequel disoit que ledict duc luy empeschoit Sainct Vallery et autres terres, qu’il tenoit de luy à cause d’Abbeville et de la conté de Ponthieu, et n’en vouloit faire nulle raison audict conte d’Eu. Et le faisoit ledict duc pour ce que ung petit navire de guerre de la ville d'Eu avoit prins ung autre navire marchant du pays de Flandres, dont ledict conte d’Eu offroit faire la reparation; oultre, vouloit ledict duc contraindre ledict conte de luy faire hommaige envers tous et contre tous, ce que pour riens ne vouldroit faire, car ce seroit contre l’auctorité du roy. À ceste assemblée y avoit plusieurs gens de justice, tant de parlement que d’ailleurs, et fut conclud, selon l’intention du roy, que ledict duc seroit adjourné à comparoir en personne en parlement à Paris. Bien sçavoit le roy qu’il respondroit orguilleusement ou feroit quelque autre chose contre l’auctorité de ladicte cour; par quoy son occasion de luy faire guerre en seroit tousjours plus grande.

Ledict duc fut adjourné par ung huyssier de parlement en la ville de Gand, comme il alloit à la messe. Il fut fort esbahy et mal content. Incontinent feït prendre ledict huyssier, et plusieurs jours fut gardé. A la fin, on le laissa courre?.

a. M CCCC LXVIII P.

Tours d'avril 1468; 2° la réunion des notables à Tours de 1470. Cf., sur cette dernière, les textes publiés par Lenglet dans son édition, t. II, p. 68 et suiv.