Exeter

nd re

pied sans chausses, après le train dudict duc, pourchassant sa vie de maison en maison, sans se nommer. C’estoit le plus prochain de la ligne de Lenclastre, et avoit espousé la sœur du roy Edouard!. Après feüt congneü, et eut une petite pension pour s’entretenir. Ceulx de Sombresset? y estoient et autres. Tous sont mortz depuis en ces batailles. Leurs pères et leurs gens avoient pillé et destruict le royaulme de France et possédé la pluspart par maintes années. Tous s’entretuèrent. Ceulx qui estoient en vie en Angleterre et leurs enfans sont finéz, comme vous voyez. Et puis on dit : « Dieu ne pugnist plus gens comme il souloit du temps des enfans d’Israel et endure des mauvais princes et mauvaises gens. » Je croy bien qu’il ne parle plus aux gens comme il souloit, car il a laissé assez d’exemples® en ce monde pour estre creü; mais vous povez veoir en lisant ces choses, avecques ce que vous en sçavez davantaige, que de ces mauvais princes et autres ayans les auctoritéz de? ce monde et qui en usent cruellement et tyranniquement, que nul ou peu n’en demeure impugny. Mais ce n’est pas tousjours à jour nommé ne à l’heure que ceulx ui souffrent le desirent.

Revenant à ce roy Edouard d’Angleterre, le principal homme d’Angleterre qui eust soustenu la maison d’Yort estoit le conte de Warvic ; le duc de Sombresset, au contraire, celle de Lenclastre3. Et se povoit ledict conte de Warvic presque dire père du roy Edouard quant à‘ services et nourriture; et aussy s’estoit faict grand, car, oultre ce qu’il estoit grand seigneur de soy, il tenoit grandz seigneuries par don de roy tant de la couronne* que de/ confisca-

a. asez d'exemples D; assés des exemples P. — b. ayant auctorité en À. — c. aux À et M. — d. P ajoute fort. — e. tant de la couronne manque dans D. Nous restituons ces mots d'après les autres manuscrits. — f. par P.