RÔLE DU COMTE DE WARWICK

tion, et puis cappitaine de Callaix et autres grandz offices; et ay ouy estimer quatre vingtz mil escuz l’an ce qu'il tenoit en ces choses alleguées, sans son patrimoyne.

- Le conte de Warvic entra en different avec son maistre ung an devant que le duc de Bourgongne fust devant Amyens; et y aida bien le duc, car il luy desplaisoit de ceste grand auctorité que le conte de Warvic avoit en Angleterre, et ne s’accordoient point bien, car ledict seigneur de Warvic s’entendoit tousjours avec le roy! nostre maistre®. En effect, j'ay veü en ce temps, ou peu avant, le conte de Warvic si fort qu'il meïst le roy son maistre entreb ses mains et feit mourir le seigneur de Scalles?, père de la royne, et deux de ses enfans et le tiers en grand dangier, lesquelz personnages le roy Edouart aymoit fort. Et fist mourir encores aucuns chevaliers d'Angleterre, feit garder le roy son maïistre une pièces honnestement et luy mist serviteurs à l’entour pour luy faire oublier les autres, et luy sembloit que son maistre estoit ung peu simple.

Le duc de Bourgongne eut: grant doubte de ceste adventure et praticquoit secrètement que ledict roy Edouart peüst eschapper et eut façon de faire parler à luy. Et tant allèrent les choses que ledict roy Edouard eschappa et assembla gens et destroussa quelque bande de ceulx du conte de Warvic. Il a esté roy bien fortuné en ses batailles, car neuf grosses batailles pour le moins en a gaingné, et toutes à pied.

Ledict conte de Warvic se trouva le plus foible. Il adver-

a. P omet nostre maistre. — b. en À. — c. en P. — d. Mot supprimé par P.

1. Tout ceci est confirmé, comme on le verra dans l’ouvrage en préparation déjà signalé ci-dessus, p. 44, n. 2.

2. Confusion de Commynes. Lord Scales était frère de la reine, et il ne périt point; mais le père de la reine, Richard Woodville, comte Rivers, et l’un de ses enfants, John, furent en effet décapités en 1469, après la bataille de Coventry.