Ham et Bohain, nommés ci-dessus, p

248 ENTREVUE DE FARGNIERS (14 Mai 1474)

conclusion et entreprins ung jour et lieu où ledict connestable se devoit trouver pour povoir parler au roy en bonne seürté, car il doubtoit de sa personne comme celuy qui sçavoit toute la conclusion qui avoit esté prinse à Bouvynes®,

Le lieu fut à trois lieues de Noyon, tirant vers la Fère, sur une petite rivière! ; et avoyent, du costé dudict connestable, relevé les guéz. Sur une chaussée qui y estoit fut faicte une forte barrière. Ledict connestable y estoit le premier et avoit avecques luy tous ses gens d'armes, ou peu s’en failloit — car il y avoit troys cens hommes d’armes passéz — et luy avoit sa cuyrasse soubz une robbe dessaincte?. Avecques le roy y avoit bien six cens hommes d’armes, et entre les autres y estoit monsr de Dampmartin, grant maistre d’hostel de France, lequel estoit ennemy capital dudict connestable.

Le roy m’envoya devant faire excuse audict connestable de quoy il3 l’avoit tant faict attendre. Tantost après il vint, et parlèrent ensemble et estoient cinq ou six presens de ceulx du roy et des siens aussi. Ledict connestable s’excusa de quoy il3 estoit venu en armes, disant lavoir faict pour craincte dudict conte de Dampmartin. Il fut dict, en effect, que toutes choses passées seroient oubliées et que jamais ne s’en parleroit. Et passa ledict connestable du costé du roy; et fut faict l’appointement dudict conte de Dampmartin et de luy; et vint au giste avecques le roy à Noyon, et puis le lendemain s’en retourna à Sainct Quentin, bien reconciliét comme il disoit.

Quant le roy eut bien pensé et ouy le murmure des gens,

a. Bonnynnes D. — b. reconseillé P.

1. B. de Mandrot a démontré, au t. I de son édition, p. 255, n. 1, que l’entrevue eut lieu à Fargniers, à quatre kilomètres de la Fère (Aisne), le 14 mai 1474.