SÉJOUR D'ALPHONSE V EN FRANCE

auprès‘!. Allant en cest habit, fut prins par ung appellé le Beuf?, qui estoit de Normandie?. Le roy, nostre maistre, fut marry et eut quelque honte de ce cas : par quoy fist armer plusieurs navyres de ceste coste de Normandie *, dont messire George le Grec‘ eut la charge, qui le menèrent en Portugal.

L'occasion de sa guerre contre le roy de Castille estoit pour sa nyepce, fille de sa sœur, laquelle estoit femme du roy domp Henry de Castille, dernier mort, laquelle avoit une très belle fille, et est encores aujourduy, demourant en Portugal, sans estre mariée, laquelle fille la royne Ysabel, seur dudit roy domp Henry, debouttoit de la succession de Castille, disant que la mère l’avoit conceüe en adultère. Assez de gens ont esté de ceste oppinion, disant que le roy Henry n’eust sceü engendrer, pour aucune raison que je taizf.

Comment‘ qu'il en soit allé et nonobstant que ladicte fille fust née soubz le manteau de mariage, toutesfois est demourée la couronne de Castille à la royne Ysabel et à son mary, roy d’Arragon et de Cecille, regnant aujourduy. Et taschoit ledict roy de Portugal de faire le mariage de sadicte nyepce et de nostre roy Charles de present, huyctiesme de ce

a. emprès À ; auprès P, mot que B. de Mandrot rattache à la phrase suivante. Le même éditeur dit à tort que le mot manque dans D. Ce manuscrit est d'accord avec B et M et nous suivons sa leçon. — b. Robinet le Bœuf P et M. — c. Comme M.

1. Sur le projet d’Alphonse d’entrer en religion, cf. J.-B. Sitges, op. cit., p. 316.