DÉSARROI DANS L'ENTOURAGE DE MARIE DE BOURGOGNE

ledit messire Guillaume Bische avoit acquise et y avoit fait ung fort chasteau et beau — ledict seigneur receüt audict lieu aucuns embassadeurs de la partye de madamoyselle de Bourgongne, où estoyent les plus grans et principaulx personnages dont elle se povoit ayder : qui! n’estoit point saigement fait de venir tant ensemble ; mais leur desolation estoit si grande et la paour, qu’ilz ne sçavoyent ne que dire ne que faire ?.

Les dessusditz estoient : leur chancellier, appellé messr Guillaume Hugonet‘, très notable personnaige et saige, et avoit eu grand credit avecques le duc Charles et en avoit receü grans biens ; le seigneur de Humbercourt y estoit, dont a esté assez parlé en ces Memoires, et n’ay point souvenance d’avoir veü un plus saige gentil homme ne myeulx? pour conduyre grans matières ; il y avoit le seigneur de la Vereë, grant seigneur en Zelande, le seigneur de la Gruthusei, et plusieurs autres, tant nobles que gens d’eglise et de bonne ville.

Nostre roy, avant les avoir ouyz, tant en general que en particulier, mist grant peine à gaigner chascun d’eulx. Et en eut humbles parolles et reverences, comme de gens estants

a. Hugonel D. — b. Les éditions, depuis celle de 1524 jusqu'à celle de B. de Mandrot y compris, intercalent après mieux le mot adextre. Cette intercalation est inutile.