LE SUCCESSION DE CASTILLE

gneur de Stanlay*, chevalier d'Angleterre, mary de la mère dudit conte, lequel lui amena bien vingct six mille hommes. I1z eurent la bataille ; et fut mort sur le champ ledict roy Richard ! et ledict conte de Richemont couronné roy d’Angleterre sur ledict champ de la couronne dudict Richard.

Doit-l'on dire et appeller cecy fortune ?? — C’est vray jugement de Dieu. Encores, pour myeulx le congnoistre, dès ce que ledict roy Richard eut faict le cruel meurdre? de ses deux nepveux, dont cy-devant ay parlé‘, il perdit sa femme. Aucuns dient# qu'il la feit mourir. Il n’avoit que ung filz, lequel incontinent mourut.

Ce propoz dont je parle eust myeulx servy plus en arrière où je parleray du trespas dudict roy Edouard, car il estoit encores vif au temps dont parle ce chappitre ; mais je l’ay faict pour continuer le propoz de mon incident*.

Semblablement, avons veü depuis muer la couronne d’Espaigne, après le trespas du roy domp Henry dernier mortÿ, lequel avoit pour femme la seur du roy de Portugal dernier trespasséf, de laquelle saillit une belle fille7. Toutesfois elle n’a point succédé et a esté privée de la couronne soubz couleur de adultère commis par sa mère. Et si n’a pas passé la chose sans debat et grans guerres : car le roy de Portugal a voulu soustenir sa nyepce, et plusieurs seigneurs du royaulme

a. d'Astalin D.— b. Est-ce cy fortune? P.— c. eut fait ce cruel meurtre P, qui omet de ses deux nepveux dont cy devant ay parlé. — 4. disent P ; veulent dire M.